Berriak

Olatu Talka kultur jaialdiaren programaren barruan, Dbusek gymkhana bat antolatu du, hainbat probaren bitartez donostiarrei garraio publikoa modu dibertigarrian helarazteko. Fnacen eta La Perla Talaso Sporten laguntzarekin egingo da jarduera, maiatzaren 20an, ostirala, 18:00etan, eta beharrezkoa izango da aldez aurretik izena ematea.   

Jarduera Bulebarreko kioskoan hasiko da. Han, parte hartzaileek kit bat jasoko dute gymkhanaren 6 probak gainditzeko beharko duten materialarekin. Hiriaren mapa bat, Dbuseko pasaporte bat, doan bidaiatzeko txartel bat proben artean mugitzeko erabiltzeko, etab. 

Dbuseko eta Donostiaren historiari buruz emango zaizkien argibideei jarraituta, asmatu beharko dute nora joan beharko duten eta nola egin Dbuseko autobus lineak erabiliz.  Horretarako, hainbat aukeraren artean, Dbusen app-a eta web orria erabili ahal izango dituzte, bai eta markesinetan lineei buruz erabilgarri dagoen informazioa ere. 

Proba gainditzen den bakoitzean Dbuseko pasaportean zigilua jarriko zaie eta hurrengo probarako argibide bat emango zaie, eta horrela helmugara heldu arte. Gymkhana amaitu eta gero egiaztatuko da pasaporteak zigilu guztiak dituela eta proben arteko ibilbide guztiak doan bidaiatzeko probaren hasieran entregatutako Dbuseko txartelarekin egin direla. Proba guztiak gainditzen dituzten 3 lehen pertsonek irabaziko dute gymkhana, zeinak gutxi gorabehera 2 ordu iraungo baitu. 

Gymkhanan izena ematea

Gymkhanan gehienez ere 60 pertsonak parte hartu ahal izango dute. 12 urtetik beherakoek helduek (12 urtetik gorakoak) lagunduta joan beharko dute.  Pertsona heldu batek gehienez ere 12 urtetik beherako 2 adingabe lagundu ditzake. 

Izena aldez aurretik eman beharko da derrigor, eta 2016ko maiatzaren 4an hasiko da izena emateko epea, 11:00etan, eta 2016ko maiatzaren 17an bukatu, 00:00etan. Izen ematea [email protected] posta elektroniko bidez egingo da, informazio hau emanez: 

–       Izena ematen duen pertsonaren izena eta abizena

–       Posta elektronikoa

–       Harremanetarako telefonoa

–       12 urtetik beherakoa bada, berarekin batera joango den helduaren harremanetarako telefonoa.

–       Taldean parte hartuz gero, parte hartzaileen kopurua. Taldean, inskripzio bat baino ez da onartuko.

 Probarako plazak izena ematen duten pertsona guztien artean zozketatuko dira. 

Sariak: 

Helmugara heldu eta ezarritako baldintza guztiak betetzen dituzten lehen hiru pertsonek sari hauek izango dituzte: 

• 1. Saria: 200€-ko txartel bat Fnacerako eta Fnaceko bazkide txartela doan.
• 2. Saria: La Perla Talaso Sport zentrorako 10 saioko bono bat (bakarka edo taldeka erabiltzeko) eta Fnaceko bazkide txartela doan.
• 3. Saria: Dreambox esperientzien sorpresa kutxa bat edo antzeko zerbait. 

Helmugara pertsona edo talde bat baino gehiago batera heltzen badira, igarkizun jokoa egingo da haien artean erabakitzeko nor den lehen irabazlea, bigarrena eta hirugarrena. 

> Gymkhanaren oinarriak ikusi (pdf)

Dbuseko 5-Benta Berri lineak, 13-Altza lineak eta 28 Amara-Ospitaleak lineak berriro eskuratu dute AENORek Bidaiarien Garraio Publikoari buruzko UNE-EN 13816 arauaren arabera ematen duen kalitate egiaztagiria. Gaur egun, arauak ezartzen dituen konpromisoak, egiaztagiria dute lineetan ez ezik, autobus flota osoan eta Konpainiaren eguneroko jardunean ere ezartzen dira. Dbusek eskaintzen duen zerbitzuaren kalitatean eta Dbuseko erabiltzaileek egiten duten balorazio onean ikusten da filosofia hori. 

Dbus aintzindaria izan da UNE-EN 13816 arauak xedatutako kalitate irizpideak lehentasunez ezartzen, bai eta AENORen egiaztagiria lortzen lehen garraio enpresa ere Euskal Herrian. 28 -Amara-Ospitaleak lineak 2007an lortu zuen egiaztagiri hori; 5 lineak bi urte beranduago, 2009an, eta Altzako lineak, 13 lineak, 2010ean. 

Arauak kalitatea azpimarratzen du bereziki erabiltzaileen premien eta itxaropenen ikuspegitik. Dbusek bere gain hartutako konpromisoak Zerbitzuen Gutunean dauden jasota, eta Gutun hori Konpainiaren web orrian dago ikusgai Kalitate Politikarekin batera (www.dbus.eus). Honakoak dira alderdirik garrantzitsuenak: 

–      Eskaintzen den zerbitzuak okupazio mailarik altuenak bermatzen ditu bai eta zerbitzua bera bete egingo dela ere.

–      Mugikortasun urria duten pertsonen irisgarritasuna.

–      Erabiltzaileei informatzeko sistemak, bai geltokietan bai autobusetan, mugikorrentzako aplikazioan edo web orrian.

–      Erregulartasuna bidaiariei eskainitako zerbitzuan.

–      Bezeroei egoki erantzutea.

–      Erosotasuna ibilgailuetan, garbitasuna barne.

–      Segurtasuna ibilbideetan.

–      Ingurumeneko eragina murriztua.

Kalitatea bermatzeko moduetako bat da Dbuseko autobusen erabiltzaileei inkestak egitea. Erabiltzaileei  5-Benta Berri, 13-Altza eta 28-Amara-Ospitaleak lineen gainean egin zaien azken inkestaren arabera, lineek 7,77 puntuazioa lortu dute batez beste. Horrek baieztatu egiten du linea hauetako erabiltzaileak oso pozik daudela lineekin. 

Inkestan zerbitzuarekin lotutako 24 alderdi baloratu ziren gehienez. Baloratutako alderdi guztietan erabiltzaileek 6,52tik gorako puntuazioa eman dute. Honakoak dira erabiltzaileek hoberen baloratutako alderdiak:

– Ordaintzeko sistemen erosotasuna (8,20)

– Mugikortasun urriko pertsonentzako sarbidea (8,17)

– Lineaz aldatzeko aukera (8,09)

– Eskainitako zerbitzua betetzea (8,07)

– Zerbitzu ordutegiak, maiztasunak, ibilbideak … (8,03)

Dbusen bezeroei eskaintzen zaien arreta hobetzeko politika da garrantzi gehien duten alderdietako bat. Erabiltzaileek erreklamazioak eta iradokizunak egiteko duten euskarri nagusia “Bezeroen Arretarako Bulegoa” da.  Bertako langileek era pertsonalizatuan, telefonoz edo internet bidez erabiltzaileen zalantza, iradokizun eta kexa guztiak jasotzen dituzte. 2015ean banakapena ondorengoa izan da:

Era berean, azpimarratzekoa da Dbusen erreklamazio idatziak jaitsi direla urtetik urtera:

AENOR egiaztagiriak ziurtatu egiten du goian aipatutako araua betetzen dela, hau da, bidaiarien garraio publikoan diharduen enpresa batek bere zerbitzuaren kalitatearekin lotutako helburuak zehazteko eta helburu horien balorazioa eta jarraipena egin ahal izateko bete beharreko sistematika betetzen duela. 

Egiaztapen prozesua AENORek egin du, Espainian egiaztatze lanetan lider den erakundeak alegia, kontuan izanda azken hiletako datuak, egindako inkestak eta auditorea erabiltzailetzat agertzen deneko ikuskapenak edo “bezero misteriotsua” izenaz ezagutzen direnak.