300 inguru haurrek bisitatu dute Dbus uda honetan Kutxako Donostia Ezagutu 2012 programaren baitan

Bigarren urtez jarraian, Kutxak urtero antolatzen duen “Donostia ezagutu” programara batu da Dbus.

Programa honi esker, uztaila eta abuztua artean 300 inguru haurrek bisitatu dituzte Dbuseko kotxerak, instalazioak bertatik ezagutuz.

Bisitak ikuspuntu didaktikoarekin planteatu dira eta Donostiako enpresa garrantzitsuenetakoa den Dbusen funtzionamendua azaltzen da. Bisita hauen helburuetako bat haurrak garraio publikoa gehiago ezagutzea da, honen erabilerara areagotzeko asmoz.

Bisitan zehar enpresaren antolakuntza eta gidari, ikuskatzaile eta mekanikarien lana azaltzen dira. Era berean, tailerren funtzionamendua, garbiketa, mantenua eta horniketa ere azaltzen dira. Haurrei autobusen kontrol zentroa erakusten zaie, eta baita lineak, ibilbideak, ordutegiak, informazio panelak eta autobusetan ordaintzeko erak ere.

Udan egin den ekintza honek 125.urteurrena dela eta Dbus egiten ari dena osatzera dator. Programaren barruan, Donostiako ikastetxeetako ikasleen bisitak jaso dira, bai eta hiriko auzoetako bizilagunenak ere. Bertaratu diren guztiek Konpainiaren eta bere langileen egunerokoa berta-bertatik ezagutzeko aukera izan dute.