Dbusen autobusen irisgarritasunak kalifikaziorik hoberena jaso du Espainia mailako txosten batean

Eroski Consumer aldizkariko teknikariek azterlan bat egin dute Espainiako 18 hiriburutan gurpildun aulkian mugitzen den erabiltzaile baten laguntzarekin eta Dbusen autobus eta markesinen egokitasuna goraipatu dute.

Dbusen zerbitzua lider da irisgarritasuna hobetzeko teknologiaren aplikazioan, eta erabiltzaileek beraiek ere lorpen hori aitortu diote. Eroski Consumer aldizkariak egindako azterlanean, Dbusek notarik altuena jaso du hiri garraioaren irisgarritasunean. Hoberen baloratu diren atalak izan dira espazioa eta geltokietako irisgarritasuna, autobusaren arrapalaren funtzionamendua eta inklinazioa edo kantzelatzeko makinetara iristeko erraztasuna.

Era berean, Donostiako hiriaren irisgarritasunak ere notarik altuena jaso zuen Valladolid eta Iruñearekin batera. Erabiltzaile ezinduek hiria zeharkatu zuten ondokoak baloratuz: espaloietako ertzen altuera, zoruaren egonkortasuna edo mugikortasuna eragotzi dezaketen gainerako arkitektura mugak. Emaitzek diote Donostia modu ezin hobean egokitu dela gurpildun aulkian mugitzen diren biztanleen beharretara.