Author: eurodbus

Uztailaren 11n Dbusek Fnac-en laguntzarekin antolatutako “Dbus bideoa” lehiaketako sariak banatu ziren. Lehiaketan Dbus-eko autobusen ohiko erabiltzaileek autobusez bidaiatzearen esperientziaren gainean grabatutako bideoak aurkeztu dira.

DTKren 125. urteurrena dela-eta Dbus-ek bideo sortzaileen lehiaketa antolatu du Fnac-en laguntzarekin, non autobusen erabiltzaileek beren sormena libre utzi eta Konpainiari buruzko istorioak edo konpainiako ibilgailuei edo autobusez egin ohi dituzten bidaiei buruzkoak garatu ahal izan baitituzte. Sarien banaketa San Martingo Fnacen forumean izan zen, eta bertan lehiaketako parte hartzaile gehienak eta beren gonbidatuak egon ziren.

Lehiaketak Facebook plataforma gisa erabili du lehiaketak iraun duen denboran zehar erabiltzaileen eta Dbus-en arteko elkarreragina errazteko eta sortutako bideo lanak ahalik eta gehien zabaldu ahal izateko. Erabiltzaileek beraien bideoak webgunera igo ahal izan dituzte, eta beraiek izan dira, halaber, beraien botoekin herri epaimahaiaren esku zegoen irabazlea aukeratu dutenak. Boto gehien lortu zuen bideoa Yon Bravorena izan zen. Sari gisa Tablet bat jaso zuen, Fnac-ek eskainita, bai eta 3 hilabetetan nahi beste bidaia egiteko garraio txartel bat eta Dbus-en 125. urteurreneko hainbat sari ere.

Irabazle nagusia DTK-ko, Fnac-eko eta Donostiako Udaleko langileek osaturiko epaimahaiak emandako botoen bitartez aukeratu zen. Aukeratutako bideoa “Muñecos” izenekoa izan zen, Iñigo Morak sortutakoa. Saridunak Tablet bat jaso zuen Fnac-en eskutik eta 6 hilabetetan nahi beste bidaia egiteko garraio txartel bat eta hainbat sari Dbus-en eskutik. Ekitaldian bigarren eta hirugarren sailkatuentzako sariak ere banatu ziren. Bigarren postuan Mónica Casal geratu zen, “Dbus 125” bideoarekin, eta hirugarren berriz Mikel Azcona, “Mis viajes en Dbus”-ekin. Azken hauek garraio txartelak eskuratu zituzten, Dbus-en sari batzuez gain.

Bideo irabazle guztiak gure YouTube kanalean izango dira ikusgai, bai eta ondorengo loturak jarraituta ere:

Herri Epaimahaiaren irabazlea – ikusi bideoa

Epaimahai nagusiaren irabazlea –ikusi bideoa

Epaimahai nagusiaren 2.saria –ikusi bideoa

Epaimahai nagusiaren 3. saria – ikusi bideoa

Dbus-etik eskerrak eman nahi dizkiegu parte hartu duten guztiei beraien sormenagatik eta egindako ahaleginagatik, eta, bereziki, Mikel Azconari, Gureakeko lankideekin batera inspirazio handiko bideo bat sortu duelako.

Era berean, gogoratu nahi dugu Gipuzkoako Foru Aldundia eta Gizarte Kutxa 125. urteurren honekin lotutako ekintza guztietan eskaintzen ari diren laguntza.

Dbuseko Kontakizun Laburren lehiaketako irabazleek San Martineko FNACen jaso dituzte sariak. Lehiaketak parte hartzaile asko izan ditu.

Donostiako Tranbia Konpainiaren 125. urteurrena dela-eta DBUSek eta FNACek antolatu duten Kontakizun Laburren Lehiaketak parte hartzaile asko izan ditu; izan ere, azkenean 140 kontakizun aurkeztu dira lehiaketan. Jasotako kontakizunak 1.000 eta 1.500 hitz bitartekoak izan dira, eta euskaraz zein gazteleraz idatzi dira.

Iban Zaldua, Xabier Etxaniz eta Ana Malagonen moduko idazle eta pertsona ospetsuz eta Udaleko eta Dbuseko pertsonaz osatutako epaimahaiak ez du lan erraza izan kontakizun hoberenak aukeratzerakoan. Kontakizun batzuk kalitate handikoak izan dira, inspirazio literario eta sormen nabarmenekoak.

Lehiaketaren baldintzak betetzen zituzten 140 kontakizunetatik 27 euskaraz izan dira, eta horietatik 15 lan 18 urtetik beherakoek idatzitakoak. Guztira 37 kontakizun aurkeztu dira 18 urtetik beherakoen kategorian.

Sari banaketa ekainaren 13an egin da San Martineko FNACen, eta irabazleek Iban Zaldua idazlearen, Dbuseko Zuzendari Gerardo Lertxundiren eta FNACen zuzendari Justo Albarranen eskutik jaso dituzte sariak.

Sarituek Mp5 eta E-bookak jaso dituzte FNACen eskutik. Era berean, saritu guztiek epemugarik gabeko hileko bonoa jaso dute Dbuseko autobusetan erabiltzeko, baita Donostiako Tranbia Konpainiaren 125.urteurreneko opariak ere.

Hauexek izan dira kategoria bakoitzeko irabazleak:

Gazteen kategoria (18 urtetik beherakoak).
-Euskarazko kontakizunaren 1. saria: “Agure eta ni”, 13 urteko Markel Berasaluzek egina, Luberri ikastetxeko ikaslea.
Deskargatu kontakizuna
-Euskarazo kontakizunaren 2. saria: “Igela eta Faraoia”, 8 urteko Sara Jimenezek egina, Jakintza ikastetxeko ikaslea.
Deskargatu kontakizuna
-Gaztelerazko kontakizunaren 1. saria: “Bajo las Olas”, 13 urteko Noel Artetxek egina, Peñaflorida-Usandizagako ikaslea.
Deskargatu kontakizuna
-Gaztelerazko kontakizunaren 2. saria: “A través del cristal”, 17 urteko Sara Delgadok egina, Usandizagako ikaslea.
Deskargatu kontakizuna

Helduen kategoria (18 urtetik gorakoak):
-Euskarazko kontakizunaren 1. saria: “Azken Gautxoria”, Gorka Gurrutxagak egina.
Deskargatu kontakizuna
-Euskarazo kontakizunaren 2. saria: “Urtuko den ipar poloko azken jela puska”, Nerea Beldarrainek egina.
Deskargatu kontakizuna
-Gaztelerazko kontakizunaren 1. saria: “Un simple cálculo de probabilidades”, Gustavo Lascurainek egina.
Deskargatu kontakizuna
-Gaztelerazko kontakizunaren 2. saria: “Conduciendo la vida”, Marta Trutxuelok egina.
Deskargatu kontakizuna

Dbuseko langileen kategorian, Félix Lucasen “Susurros” kontakizuna izan da irabazlea.
Deskargatu kontakizuna

Dbusek eskerrak eman nahi dizkie parte hartzaile guztiei, eta bereziki azpimarratu nahi du San Jose Ikastetxeko 6-11 urteko haurrek egindako lana, taldean hainbat kontakizun sortu baitituzte. Dbusek azpimarratu nahi du, halaber, ikastola eta ikastetxe ugarik parte hartu dutela.

Era berean, gogoratu nahi dugu Gipuzkoako Foru Aldundia eta Gizarte Kutxa 125. urteurren honekin lotutako ekintza guztietan eskaintzen ari diren laguntza.

Donostiako Tranbia Konpainiaren 125. urteurrena dela eta, eta antolatu diren ospakizunekin jarraituz, DBUS eta FNACek, bideo laburren lehiaketa antolatu du Facebook bidez, autobusetako erabiltzaileen sormena eta garraio publikoaren sustapena bultzatzeko asmoarekin.

Lehiaketa hau, edozein kamera motarekin bideo bat grabatzen duten (profesionala edo ez, telefono mugikorra edo argazki kamera) pertsona guztiei irekita dago. Bideoak minutu 1eko iraupena izango du gehienez eta DBUSeko autobusekin zerikusia izan beharko du.

Lehiaketan izen emateko, erabiltzaileak,  bere Facebook kontuarekin Dbus Facebookeko profilean “atsegin” botoia sakatu beharko du eta DbusBideoa atalean, bideoa igo ahal izango du. Erabiltzaile bakoitzak bideo bakar batekin parte hartu ahal izango du.

Parte hartzeko epea zabalik egongo da 2012ko maiatzaren 22tik ekainaren 22ra arte.

Lehiaketan parte hartu

Epaimahaiaren saria

Parte hartutako bideo guztien artean, epaimahaiak “DbusBideoa” lehiketaren irabazlea izango den bideoa aukeratuko du. Epaimahaia Donostiako Udaleko, Dbuseko eta FNACeko langilez osatua egongo da eta bideoaren sormena, mezua, originaltasuna baloratuko ditu.

Bideo irabazlearen egileak, BQ PASCAL LITE TABLET batekin batera, Dbusen erabiltzeko hileko bono mugagabea sei hilabetez eta 125. urteurreneko  oroigarriak jasoko ditu.

Osagarri bezela, sari popular bat egongo da. Sari hau, jendearen bozka gehienak jasotzen dituen bideoaren egilearentzat izango da. Facebook kontua duen edozein pertsonak, lehiaketan parte hartutako edozein bideoarengatik bozkatu egin ahal izango du. Bozkatzeko, Dbus Facebook profilean sartu, “atsegin” sakatu eta DbusBideoa atalean, gehien gustoko duen bideoan “votar” egitearekin nahiko izango da. Erabiltzaile bakoitzak gehienez 3 bideo aukeratu ahal izango ditu eta soilik bozka bat egin ahal izango du bideo bakoitzeko.

Bozkatzeko epea zabalik egongo da 2012ko ekainaren 23tik ekainaren 30a arte.

Lehiaketaren oinarriak Dbuseko Facebooken eta Dbusen web orrian www.dbus.eus eskuragarri daude.

Oinarriak ikusi (pdf)

Modu berean, gogorarazi nahi dugu Gipuzkoako Foru Aldundiak eta Kutxa Sozialak 125. urterrenaren ekintza guztiei egiten ari dieten sostengua.

Mikrobusak “bost” milioi erabiltzaileko kopurura iritsi zirenez otsailean, Dbusek mikrobusetako “bost” erabiltzaile saritu ditu.

2005eko apirilaren 4an Donostian mikrobusen lehen zerbitzua martxan jarri zuten eta, aurtengo otsailean, zerbitzu hori “bost” milioi bidaiariko kopurura iritsi da mikrobusen linea ugarietan.

Mikrobusetan 5 milioi bidaiariko kopurua iritsi izanaren arrakasta ospatzeko asmoz, DBUSek otsailean mikrobus horietakoren bat erabili zuten 5 erabiltzaile saritu ditu; hau da, lortutako milioi bat bidaiari bakoitzeko, sari bat.

Bost saridunak otsailean garraio txartelarekin mikrobusak erabili zituzten pertsona guztien artean egindako zozketa bidez aukeratu dira. Zehazki, Dbusen mikrobusetako 3 linea horietako bat erabili eta bidaia Kutxako, Euskadiko Kutxako edo Lurraldebuseko txartelekin ordaindu zuen bidaiari kopurua 63.931koa izan zen.

Gaur, asteazkena, apirilak 18, Askatasunaren hiribideko 36. linearen mikrobusen geltokian egindako ekitaldian, 5 saridunek DBUSeko autobusetan hiru hilabetez bidaiak egiteko erabilera mugagabeko txartela eta Dbusen 125. urteurrena omentzeko liburua jaso dute.

Sariak, Gerardo Lertxundik, Dbuseko zuzendari gerenteak, eta, Miren Nekane Burutaranek, Donostiako Udaleko Giza Baliabideetako eta Herri Babeseko zinegotzi ordezkariak, banatu dituzte.

Hauek izan dira bost saridunak:
– Alazne Holgado Oyarzabal, Mendigaineko bizilaguna.
– Pedro Seco Acosta, Altza auzoko bizilaguna.
– Miren Imaz Ispizua, Alde Zaharreko bizilaguna.
– Olatz Elortza Aranoa, Egia auzoko bizilaguna.
– M. Mercedes Aguirrezabal Jubera, Egia-Aldakonea auzoko bizilaguna.

Mikrobusen arrakasta

Martxan jarritako lehen zerbitzua 36. linea-SAN ROKE-ALDAKONEA izan zen, hain zuzen ere, ordura arte zerbitzua taxibusen bitartez zuten zaonaldeetan. Haren ondoren, 37. linea-RODIL-ZORROAGA gehitu zuten eta ordura arte taxibusen zerbitzuak zituzten zonaldeak lotu zituen hark ere.

Zerbitzu haien arrakasta berehalakoa izan zen; izan ere, lehen urtean, taxibusen zerbitzuek hilean 500 bidaiari baino gutxiago izatetik, hilean 24.000 bidaiari izatera pasatu zen 36. lineako mikrobusen zerbitzua.

Zerbitzu berrien ezaugarrietako bat hiritik bereizita dauden bi zonaldeak lotzen dituen zerbitzu horrek hirigunea zeharkatzea izan da. Horri esker, zerbitzu bakarrarekin, hainbat zonalde lotu dute.

Une horretara arte, Dbusek ez zuen mikrobusik izan. Gaur egun, aldiz, Mercedes Benz etxeko 8 mikrobus ditu eta guztiak dira plataforma baxu integralekoak.

Mikrobusen lineek hobekuntza nabarmena ekarri dute zerbitzua eskaintzen duten zonaldeetako irisgarritasunean. Izan ere, sarbide zaila duten tokietan ematen dute zerbitzua (gehienetan, hiriko goiko eremuak dira eta oso kale estuak dituzte). Mikrobusak martxan jarri zituztenetik garraio publikoa eskuragarri duten zonalde berrien artean, hauek aipa ditzakegu: San Roke, Aldakonea, Zorroaga, Rodil, Berra edo Trintxerpeko Azkuene kalea.

Horrekin guztiarekin lotuta, nabarmendu beharrekoa da mikrobusen lineak, batik bat, pertsona helduek erabiltzen dituztela; izan ere, erabiltzaileen % 25 baino gehiago da kolektibo horretakoa.

Mikrobusen arrakasta handitu egin da denborarekin eta 2011. urteko datuek ere hori erakusten dute; izan ere, hauxe izan zen 2011n garraiatutako bidaiari kopurua:
36-SAN ROKE-ALDAKONEA: 465.325 bidaiari
37-RODIL-ZORROAGA: 322.543 bidaiari
38-TRINTXERPE-ALTZA-MOLINAO: 98.733 bidaiari