Author: itziar

Donostiako Tranbia Konpainiak, Dbusek, 18 metroko autobus artikulatu erosteko lehiaketa plazaratu du. Lehenengo momentuan gehienez ere lau autobus artikulatu eskatuko direla. Aitzitik, aurreikusten da Donostiako Tranbia Konpainiak beste unitate batzuk ere eskatu ahal izango dituela, gehienez ere beste hiru, 4 urteko epean asko jota.

Eskaintzen diren autobusen luzera 18 metro inguru izango da, beheko pisu osoa izango dute, eskailera mailarik gabe sarbide guztietan. Gainera, hiru ate izan beharko dituzte, eta mugikortasun urritua duten pertsonentzako guztiz egokituta egongo dira, erdiko atean arrapala barneragarria dutela. Autobusen gutxieneko lekuak 140 bidaiari izango da, eta 2 aulki gurpildunetarako lekua izango da, propio egokitutako gunean.

Autobus berri hauek Donostiako autobus flotan funtzionatzen duten autobus artikulatu zaharrenak ordezkatuko dituztela dago aurrikusita. Gaur egun, Dbusen flotak 120 autobus ditu, 6,56 urteko batez besteko adinarekin, eta % 100 egokituta daude mugikortasun urria duten pertsonentzat.

Autobusik zaharrenak etengabe berritzen dira energetikoki eraginkorragoak diren beste autobus batzuekin ordeztuz, eta horrek nabarmen murriztu ditu Dbusen erregai kontsumoa eta ingurunera egiten dituen CO2 igorpenak; gaur egun, ibilitako kilometro eta biztanle bakoitzeko batez besteko kontsumoa 0,0003 da, hau da, Espainiako txikienetakoa. Halaber, eta etengabeko berritze horren ondorioz, 2008az geroztik, dieselaren 3,5 milioi litro baino gehiago Birziklatutako Olioetatik datorren biodieselarekin ordeztu dira. Horrek esan nahi du urtean eguratsera 10.000 tona inguru CO2 igortzea saihesten dela.

Donostiako Tranbia Konpainiak, Dbusek, lehiaketara atera du bere autobus flotaren kanpoaldean eta Donostian instalatutako garraio publikoaren markesinetan jarriko duen publizitatearen ustiapena.

Lizitazioa bakoitza bere aldetik doazen bi sortatan banatu da, bereizita esleitzeko, baina, halere, lizitatzaile berari esleitu ahal izango zaizkio biak. Era berean, lizitatzaileak sorta baten zein biren lizitaziora aurkeztu ahal izango dira.

Autobusen kanpoaldeko publizitatearen ustiapenari dagokionez, DTK-k gaur egun dituen autobus guztiena izango da, hau da, 120 autobusena. Zehazki, 9,70 metroko eta 12 metroko 86 autobus, 18 metroko 26 autobus eta 8 mikrobus izango dira.

Markesinetako publizitatearen ustiapenari dagokionez, Donostian 354 markesina eta 225 informazio zutabe daude. Lizitatzailea altzari horien zaintza, kontserbazio eta ordezkatzeaz arduratuko da. Altzarien garbiketa, berriz, DTKren kontura izango da.

Kontratuaren iraupena, sorta guztietarako berdina izango dena, lau urtekoa izango da, kontratua izenpetzen den unetik aurrera. Halere, urtero luzatu ahal izango da, gehienez ere beste bi urte gehiagorako.

2012. urtean Dbusek Donostiako hiri autobusen 28.964.333 bidaien kopurua lortu zen. Zifra horrek esan nahi du % 0,87ko jaitsiera txikia egon dela aurreko urtearekin alderatuta, baina, dena den, Konpainiak bere historian izan duen hirugarren zifrarik handiena da hiriko bidaiari kopuruari dagokionez, baita tamaina aldetik antzekoak diren gainerako hirietan erregistratzen diren zifrak baino askoz zifra handiagoa ere.

> Informazio osoa ikusi

Argiak graduatzeko eta pizteko sistema adimendun berrien instalazioaren ondorioz, Dbusen elektrizitate kontsumoa % 28 baino gehiago murriztu da azken hilabeteetan. Zehazki, otsaileko kontsumoa azken zortzi urteotako kontsumorik txikiena izan da. Emaitzek erakusten dute energia kontsumitzeko joera beherantz doala nabarmen, Konpainiak erabiltzen ari den aurrezpen eta iraunkortasun politikari esker, bai bere instalazioetan, bai autobusen flotan bertan.

Dbusen instalazioetan azken urteotan sartzen ari diren hobekuntzei esker, Kotxetegien eraikina gero eta eraginkorragoa da energiari dagokionez, energia berriztagarriak erabiltzen direlako, eta orain dela gutxi sistema adimendunak instalatu direlako argiak graduatzeko eta pizteko.

2008an jada 222 panel fotovoltaiko instalatu ziren Dbuseko Kotxetegietan, eta horiek urtero 36.000 kWh inguru sortzen dute. Halaber, gaur egun argiaren kontsumoa murrizteko ekintzak egiten ari dira, bulegoetan zen tailerren inguruan, eta argiak aldatzen ari dira, une bakoitzeko beharren arabera argiaren intentsitatea graduatzeko.

Energiaren aprobetxamendu eraginkorra funtsezko alderdia da ibilgailu berriak erosteko orduan baita ere. 2012an MAN Lion´s City autobus hibridoa erosi izana da horren erakuslea, izan ere, erregaiaren kontsumoa murrizteaz gain, balaztatzearen energia ere berreskuratzen du, eta trakziorako energia bihurtzen. Halaber, duela gutxi ibilgailu bat erosi da, guztiz elektrikoa, berriro kargatzeko bere postuarekin, hirian bertan autobusen mantentze lanak egiteko.

Datozen hilabeteetan, Dbusek urratsak egiten jarraituko du, eraginkortasun energetikoaren eta iraunkortasun gero eta handiagoaren bidean, sartuta dagoen bateko eta besteko proiektuei esker, eta bere flota eta instalazioak progresiboki egokitzeari esker, kontsumoa eta atmosferara egiten diren igorpenak gero eta urriagoak izan daitezen Dbusek 2012. urtean igorpenetan 3.400 tona baino gehiago CO2 gutxiago bota zuela kalkulatzen da.

Martxoaren 14a, osteguna, azken eguna izango da Dbus txartelen erabiltzaileek Kutxan eta Euskadiko Kutxan bere Dbus txarteletan duten saldoa berreskuratu ahal izateko. Kutxako txartelen kasuan, eragiketa hori Kutxako kutxazainetan egin ahal izango da zuzenean; Euskadiko Kutxako txartelen kasuan, berriz, bakarrik Euskadiko Kutxako bulegoetan egin ahal izango da, bulegoetako leihatiletan.

Gipuzkoako Tarifa Bateratua ezarri eta Lurraldebus eta Mugi txarteletara migratzeko prozesua dela eta, une honetan Dbuseko txartel arrunta guztiak ez dira operatiboak, eta horregatik duela hilabete batzuetatik hona Kutxak eta Euskadiko Kutxak txartel horiek dituztenei txarteletan duten saldoa modu errazean eta azkarrean berreskuratzeko aukera ematen die banku entitateetan bertan.

Era berean, gogorarazten da Dbuseko txartel sozialen erabiltzaileek, salbuespen gisa, oraindik ere beraien txartela erabili ahal izango dutela eta txartelean duten saldoa Dbuseko autobusetan erabili, saldoa agortu arte edo askoz jota irailera arte. Dbuseko hileko bonuaren erabiltzaileek, berriz, bonua erabili ahal izango duten bonuaren indarraldia bukatu arte.

2013ko martxoaren 4tik aurrera, garraio txartel berria behar duten bidaiariek Mugi txartela eskatu beharko dute. Halere, Lurraldebus txartelek ere balioko dute Dbuseko autobusetan bidaiatzeko, orain arte moduan eta Mugi txartelen baldintza berberetan.

Denbora batean, Dbuseko hileko bonuak eta Dbuseko bonobus sozialak baliagarri izaten jarraituko dute Dbusen bidaiatzeko, baina ezin izango dira kargatu. Dbuseko hileko bonuak bere indarraldia agortu arte balioko du, eta bonobus soziala berriz txarteleko saldoa agortu arte, gehienez 2013ko irailaren 3ra arte erabili ahal izango da.

Kontsultatu Dbusen bidaiatzeko baliagarri diren txartelen inguruko informazio osoa:

> Informazioa ikusi

Martxoaren 4an, astelehenean, Gipuzkoako Tarifa Bateratua indarrean jarriko da; beraz, martxoaren 3a izango da Dbuseko bonobus arruntak Dbuseko autobusetan bidaiatzeko erabili ahal izango diren azken eguna.

Denbora bat da Dbuseko txartel arruntak kargatu ezin direla, baina, martxoaren 4tik aurrera Dbuseko txartel bat ere ezin izango da gehiago kargatu.

2008an Dbusek txartelak aldatzeko prozesua abian jarri zuen bidaia tituluak poliki-poliki egokitzen joan ahal izateko eta, bide batez, Dbuseko erabiltzaileei Gipuzkoako garraiobide publikoen tarifen sistema bateratu berrian sartzen laguntzeko.

DBUSEKO BONOBUS ARRUNTA
Argazkirik gabeko Dbuseko txartel arrunta 2012aren amaieraz geroztik ezin da kargatu, eta Dbuseko txartel arrunta argazkiduna, berriz, otsailera arte kargatu ahal izan da. Txartel biak martxoaren 3ra arte erabil daitezke Dbusen, hain juxtu tarifak bateratu baino egun bat lehenagora arte.

Martxoaren 4tik aurrera, Dbuseko bonobus arruntaren erabiltzaileek Lurraldebus edo Mugi txartel bat eduki beharko dute Dbuseko autobusetan bidaiatu ahal izateko. Horregatik, Lurraldebus edo Mugi Txartelik ez duten Dbuseko bonobus arruntaren erabiltzaile guztiek Mugi txartel berria eskuratu beharko dute Dbuseko autobusetan bidaiatu ahal izateko eta bidaia horietan deskontuak edukitzeko.

Mugi txartel berria eskatzeko, ohiko salmenta guneetara joan beharko dira (baimendutako kiosko, liburu denda eta estankoak) edo eskaera egin Mugiko web orriaren bitartez edo posta bidez.

Eskaera egiteko behar den dokumentazio osoa Dbuseko webgunean dagoen Ohiko Galderak izeneko atalean dator zehaztuta.

Jada Lurraldebuseko txartel arrunta duten erabiltzaileek txartela erabiltzen jarraitu ahal izango dute martxoaren 4an tarifak bateratu ondoren ere tarifa bateratuaren baldintzetan, eta beraz ez dute txartel berririk erosi behar.

DBUSEKO BONOBUS SOZIALA
Dbuseko bonobus sozialaren erabiltzaileek martxoaren 3ra arte, hau da, tarifak bateratuko diren egunaren bezperara arte kargatu ahal izango dute beren txartela. Halere, txartela Dbuseko autobusetan erabili ahal izango dute bere saldoa agortu arte edo gehienez ere 2013ko irailaren 3ra arte.

Beraien bonobus sozialaren saldoa agortu ondoren, Dbuseko bonobus sozialaren erabiltzaileek Lurraldebus edo Mugi txartel berria eduki beharko dute Dbuseko autobusetan bidaiatu ahal izateko. Horregatik, Lurraldebus edo Mugi txartelik eduki ez eta oraindik eskatu ez duten Dbuseko bonobus sozialaren erabiltzaileak Easo 74an dagoen Agintaritzaren bulegora edo Goikoa jauregian, Morlansen eta Altzan dauden Udalinfoetara joan beharko dira martxoaren 1a baino lehen. Ondoren, ohiko salmenta guneetan eskatu ahal izango dute txartela (baimendutako kiosko, liburu denda eta estankoak), edo Mugiko web orriaren bitartez eskaria egin.

DBUSEKO HILEKO BONUA

Dbuseko hileko bonuak martxoaren 3ra arte, hau da, tarifak bateratuko diren egunaren bezperara arte kargatu ahal izango dira. Halere, txartela bonuaren balioa iraungi arte erabili ahal izango da.

Bonua iraungi ondoren, Dbuseko hileko bonuaren erabiltzaileek Lurraldebus edo Mugi txartel bat eduki beharko dute Dbuseko autobusetan bidaiatu ahal izateko. Horregatik, Lurraldebus edo Mugi Txartelik ez duten Dbuseko hileko bonuaren erabiltzaile guztiek Mugi txartel berria eskuratu beharko dute Dbuseko autobusetan bidaiatu ahal izateko eta bidaia horietan deskontuak edukitzeko.

Mugi txartel berria eskatzeko, ohiko salmenta guneetara joan beharko dira (baimendutako kiosko, liburu denda eta estankoak) edo eskaera egin Mugiko web orriaren bitartez edo posta bidez.

Eskaera egiteko behar den dokumentazio osoa Dbuseko webgunean dagoen Ohiko Galderak izeneko atalean dator zehaztuta.

Jada Lurraldebuseko txartel arrunta duten erabiltzaileek txartela erabiltzen jarraitu ahal izango dute martxoaren 4an tarifak bateratu ondoren ere tarifa bateratuaren baldintzetan, eta beraz ez dute txartel berririk erosi behar.

DBUSEKO TXARTELETAN SALDOA SOBRATZEN BADA
Beraien txarteletan saldoa duten Dbuseko txartelen erabiltzaileek diru hori berreskuratu ahal izango dute 2013ko martxoaren 14a baino lehen Kutxara edo Euskadiko Kutxara joanda. Kutxan saldoa zuzenean itzuliko zaie kutxazain automatikoen bitartez, txartela baliogabetzen den unean. Euskadiko Kutxan, berriz, leihatiletan egin beharko da izapide hori.

2013ko martxoaren 4an dago aurrikusita martxan jartzea Gipuzkoako garraio publikoaren Tarifa Bateratua, Garraioaren Agintaritzak bultzatu eta dagoeneko Donostiako Udalak onartu duena.

Dbusek 2012ko urrian hasi zuen bateratzeko prozesuranzko prozesua, garraio txartelen trantsizioa ahalik eta progresiboena eta mailakatua izan zedin. Datozen asteetan Dbusek aurreikusitako azken neurriak aplikatuko ditu, tarifa bateratu eta gero Dbuseko erabiltzaileek Donostiako autobusak erabiltzen jarraitu ahal izan dezaten.

Dagoeneko Lurraldebuseko txartela eskuratu duten erabiltzaileek ez dute inolako aldaketarik egin behar, eta integrazioa egiten den egunetik aurrera erabiltzen jarraitu ahal izango dute, orain arte bezala.

Oraindik Dbuseko txartelak erabiltzen dituzten erabiltzaileentzat, datozen asteetan Dbus txartel mota bakoitzerako egin beharreko urratsak zehazten dira ondoren:

BONOBUS ARRUNTA

Dbuseko bonobus arrunta ezin da birkargatu, baina oraindik ere bonobus guztiek balio dute, eta martxoaren 4rako aurrikusita dagoen bateraketa egunaren bezpera arte erabili ahal izango dira Dbus autobusetan.

Tarifa bateraketatik aurrera Dbusen bidaiatu ahal izateko, oraindik Lurraldebuseko txartel arrunta ez duten erabiltzaileek txartel berri bat eskatu beharko dute, Mugi txartel arrunta.

Txartela ohiko saltokietan eska daiteke (baimena duten kiosko, liburu denda eta estankoetan), eta Mugiren webgunearen bitartez edo postaz.

Bonobus arruntean soberan duten saldoa berreskuratu nahi duten erabiltzaileek martxoaren 14ra arte egin ahal izango dute, Kutxako kutxazainetan eta Euskadiko Kutxaren bulegoetan.

HILEKO BONUAK
Dbusen hileko bonuak martxoaren 3ra arte birkargatu ahalko dira. Gaur egun hileko bonuak erabiltzen dituztenek bonua amaitu ostean Dbusen autobusetan bidaiatzen jarraitzeko dagokien Mugi txartela eskatu beharko dute (arrunta, gazteentzat, edo familia ugarientzat). Eskaera ohiko saltokietan (baimendutako kiosko, liburu denda eta estankoak), Mugiren web orriaren bitartez edo posta bidez egin beharko dute.

BONOBUS SOZIALA
Bonobus soziala, Kutxakoa zein Euskadiko Kutxakoa, martxoaren 3ra arte birkargatu ahal izango da, eta Dbuseko autobusetan erabiltzen jarraitu ahal izango da, saldoa amaitu arte, tarifa bateratu eta gehienez ere 6 hilabetean, hau da, irailaren 3a arte.

Erabiltzaile horiek otsailaren 4tik aurrera eta martxoaren 1era arte Mugi txartel eskatu beharko dute, leku hauetan instalatuta dauden informazio eta laguntza guneetan, honako ordutegi honetan, astelehenetik ostiralera:
• Udalinfo erdialdea, Mari 1 (Goikoa Jauregia): 9:00etatik 14:00etara eta 16:00etatik 18:00etara
• Udalinfo Amara, Morlanseko biribilgunea: 9:00etatik 14:00etara eta 16:00etatik 18:00etara
• Udalinfo Altza, San Martzial plaza, 4: 9:00etatik 14:00etara

Arreta gune horiek gaur egun Dbus bonobus soziala dute pertsonentzat baino ez dira erabilgarri egongo. Eskaera egiteko NANa eta bonobus sozialaren txartela erakutsi beharko dute, eta karnet neurriko argazki bat eman. Erabiltzaile horientzat txartel berriak ez du kosturik izango.

1. TARIFAK BATERATZEA

– Zer da tarifak bateratzea?
Tarifak bateratzea da Gipuzkoako garraio publikoan ordaintzeko sistemak batzea, donostiar eta gipuzkoar guztiek lurralde osoan txartel berarekin bidaiatu ahal izan dezaten garraio publikoan.

– Noiz jarriko da martxan tarifa bateratua?
Gipuzkoako garraio publikoaren tarifa bateratua martxan da jada, 2013ko martxoaren 4tik aurrera.

– Zer garraiobide integratu dira sistema berrian?
Bateraketan Dbuseko hiri autobusak, Lurraldebuseko hiriarteko autobusak, Errenteria, Irun, Hernani, Arrasate, Zarautz eta Eibarko hiri autobusak eta Euskotreneko trenak daude. 

– Bateratu eta gero DBUSek existitzen jarraituko du?
Bai, Dbusek existitzen jarraituko du eta orain arte Donostian eman duen hiri garraioko zerbitzu bera ematen jarraituko du. Tarifen sistema da aldatzen dena; izan ere, tarifa sistema berrian Gipuzkoako garraiobide guztiek eta garraio txartel guztiek bat egingo dute.

– Zer da MUGI?
MUGI tarifa bateratuko sistema berriaren izena da. Sistema berri horretan txartel bakarra dago (Lurraldebus edo Mugi) integrazio horren parte diren Gipuzkoako garraiobide guztietarako.

2. GARRAIO TXARTEL ERABILGARRIAK

– Zer garraio txartelek balio dute Dbusen?
Hauexek dira Dbusen bidaiatzeko balio duten txartelak: gaur egun dauden Lurraldebus txartel guztiak, eta Mugi txartel guztiak. 

– Mugi sistemako zer txartel daude?

Dagoeneko Mugi sistemako honako txartel hauek erabili daitezke integrazioko garraiobide guztietan:

o Txartel Arrunta
o Txartel Soziala
o Adinekoentzako Txartela
o Ezinduentzako Txartela
o Gazteentzako Txartela
o Familia Ugari Orokorrentzako Txartela
o Familia Ugari Berezientzako Txartela
o Txartel Anonimoa

– Haurrek txartelik eduki behar dute?

Ez, 5 urte baino gutxiagoko haurrek doan bidaiatuko dute Dbusen, baina horretarako gidariari haurren doako txartela eskatu beharko diote.

3. TXARTELAK ESKATZEA

– Garraio txartel berria behar dut. Eska al dezaket Lurraldebus txartela?

Ez, 2013ko otsailaren 6tik aurrera ezin da Lurraldebus txartelik eskatu. Txartel berria behar dutenek Mugi txartela eskatu beharko dute. Mugi txartela eta Lurraldebus txartela biak erabili daitezke egun Dbusen autobusetan bidaiatzeko. 

– Garraio txartel berria behar dut. Non egin behar dut eskaera?

Mugi txartela prensa saltokietan eska daiteke (baimendutako kiosko, liburu denda eta estankoak), posta bidez edo Mugi web orriaren bitartez. Mugi txartela dagoeneko erabili daiteke Dbusen autobusetan bidaiatzeko.

Kontsultatu gertuen duzun eskaera egiteko tokia:

> Kontsultatu

– Zer agiri aurkeztu beharko ditut baimendutako establezimenduetan Lurraldebus eta Mugi txartel arrunta eskatzeko?
Hauexek dira Lurraldebus edo Mugi txartel arrunt berria eskatu nahi dutenek baimendutako establezimenduetan aurkeztu beharreko agiriak:
• Eskari orria beteta
• NANaren, AIZaren edo pasaportearen fotokopia
• Argazki bat, karnet neurrikoa
• Adingabekoa izanez gero, familia-liburuaren fotokopia (adingabekoaren datuak dituen orrialdearena) eta tutorearen NAN, IAZ edo pasaportearena.

– Zer agiri aurkeztu beharko ditut baimendutako establezimenduetan kolektiboentzako Lurraldebus eta Mugi txartelak eskatzeko?
Hauexek dira kolektiboentzako Lurraldebus edo Mugi txartela eskatu nahi dutenek baimendutako establezimenduetan aurkeztu beharreko agiriak:
• Eskari orria beteta
• NANaren, AIZaren edo pasaportearen fotokopia
• Adingabekoa izanez gero, familia-liburuaren fotokopia (adingabekoaren datuak dituen orrialdearena) eta tutorearen NAN, IAZ edo pasaportearena.

• Argazki bat, karnet neurrikoa

• Txartel hobaridun guztietarako (familia ugarientzako txartelerako izan ezik), beharrezkoa da Gipuzkoan erroldatuta daudela egiaztatzen duen agiri orijinala eranstea. Egiaztagiria gehienez ere duela 3 hilabete ateratakoa izango da.
• Gazteentzako txarteletarako, beharrezkoa izango da Familia Liburuaren kopia eta tutorearen NANaren edo pasaportearen kopia eranstea, eskatzailea 18 urtetik beherakoa bada.
• Ezinduentzako Txarteletarako, beharrezkoa da %65eko edo hortik gorako ezintasun-mailaren ziurtagiri originala, Foru Aldundiko Gizarte politikako Departamenduak luzatua
• Txartel Sozialetarako beharrezkoa da Foru Aldundiko Gizarte Politikako Departamentuak egindako egiaztagiria eranstea (erabiltzaile sozial mota bakoitzaren egiaztagiriak kontsultatzeko, deitu 943 000 117 telefonora)
• Familia ugarientzako txartelerako, beharrezkoa izango da Familia Ugariaren titulu edo txartelaren fotokopia konpultsatua eranstea.

Erabiltzaile horiek, gainera, eskabidean bertan, baimena eman beharko diote Gipuzkoako Garraio Agintaritzari beraien errentaren gaineko datuak kontsultatu eta txartel hobariduna eskuratzeko eskubidea duten ala ez erabaki ahal izateko.

– Zenbat balio dute txartelek?
Txartel guztiek 5 € balio dute. Txartel Sozialari dagokionez, zenbateko hori txartela kargatzen den lehen aldian itzuliko zaio erabiltzaileari.

– Nola jasoko dut nire Mugi txartel berria?
Mugi txartel berria ohiko establezimenduetan eskatzen dutenek (baimendutako kiosko, liburu denda eta estankoak), eskaera egin eta aste batzuetara jaso beharko dute txartela establezimendu horietan (galdetu epeak establezimenduan). Halere, eskaera Mugiko web orriaren bitartez edo posta bidez egiten dutenek txartela posta bidez jasoko dute euren etxean, eskaera egiterakoan adierazten zaien epean.

– Zer baldintza bete behar dute erabiltzaile sozialek deskontuak izateko?

Gaur egun Dbuseko txartel soziala erabiltzen duten guztiek badituzten jada Mugiko kolektibo sozialari dagozkion deskontuak izateko baldintzak. Erabiltzaile sozialek txartela baimendutako establezimenduetan eskatu beharko dute, eta erabiltzailearen ezaugarrien arabera eta ezarritako baldintzak betetzen badituzte, ondoren aipatzen diren Mugi txarteletako bat eskatu beharko dute:
o Adinekoentzako Mugi Txartela: 65 urtetik gorakoak.

o Ezinduentzako Mugi Txartela: % 65eko ezintasuna edo ezintasun handiagoa dutenak, edo 7ko mugikortasun maila edo handiagoa dutenak.
o Mugi txartel soziala: Aurreko erabiltzaile profiletako batean ere sartzen ez diren Dbuseko gainontzeko erabiltzaile sozialak.

– Zer baldintza bete behar dute 65 urtetik gorako erabiltzaileek deskontuak izateko?
Deskontuak izateko, 65 urtetik gorako erabiltzaileek Gipuzkoan erroldatuta egon beharko dute, gutxienez eskaera egin baino hiru hilabete lehenagotik, eta beraien urteko diru sarrerak ezin dira IPREMa -Efektu Anitzeko Errenta Adierazle Publikoa- (15.975,32 € urtean) baino 2,5 aldiz handiagoak izan.

– Zer baldintza bete behar dute ezinduek deskontuak izateko?
Deskontuak izateko, Gipuzkoan erroldatuta egon beharko dute, gutxienez eskaera egin baino hiru hilabete lehenagotik, eta % 65eko ezintasuna edo ezintasun handiagoa dutela, edo 7ko mugikortasun maila edo handiagoa dutela egiaztatu beharko dute. Horretaz aparte, beraien urteko diru sarrerak ezin dira IPREMa -Efektu Anitzeko Errenta Adierazle Publikoa- (15.975,32 € urtean) baino 2,5 aldiz handiagoak izan.

– Zer baldintza bete behar dute gazteek deskontuak izateko?

Deskontuak izateko, Gipuzkoan erroldatuta egon beharko dute, gutxienez eskaera egin baino hiru hilabete lehenagotik, eta 18 urtetik beherakoak izan. 18 urte baino gehiago badituzte edo laster 18 urte bete behar badute, egiaztatu egin beharko dute beraien urteko diru sarrerak ez direla IPREMa -Efektu Anitzeko Errenta Adierazle Publikoa- (15.975,32 € urtean) baino 2.5 aldiz handiagoak.

– Zer baldintza bete behar dute familia ugariek deskontuak izateko?
Deskontuak izateko, familia ugari orokorra edo berezia direla egiaztatu beharko dute.

4. AUTOBUSEAN BIDAIATZEA

– Non eta nola baliozkotzen da txartela autobusaren barruan?
Dbuseko autobusetan txartela sartzean baino ez da baliozkotzen, eta inoiz ez autobusetik jaisterakoan. Kontuan hartu behar da Lurraldebus autobusetan txartela irteeran ere baliozkotu behar dela, baina ez Dbus autobusetan.

– Autobusetik jaisten naizenean txartela baliozkotu behar dut?
Ez, Dbuseko autobusetan, txartela ez da inoiz baliozkotzen autobusetik jaisterakoan.

– Zer prezio deskontatuko didate Lurraldebus eta Mugi txarteletan baliozkotzeko makinatik pasatzean?
Dbuseko autobusetan, beti txartela arruntari dagokion prezioa deskontatzen da, hau da, 0,91 €-ko tarifa 1-20 arteko bidai kopuruarekin, 0,73 €-koa 21-50 arteko bidai kopuruarekin, eta 0,17 €-koa, 51 bidaiatik gora egiten direnean.

Kolektibo bakoitzari dagokion hobaria (gaztea, familia ugaria, soziala, adinekoa eta ezindua) kargatzean aplikatuko da, eta inoiz ez Dbuseko autobusean.

– Zer gertatuko da txartelean saldorik ez badaukat?

Txartel arruntean bidaia beste dirurik ez daukanak, ezin izango du bere txartela Dbusen baliozkotu. Hau da, txartela baliozkotu ahal izateko, Lurraldebus eta Mugi txartela erabiltzen dutenek, bakoitzari dagokion hobaria alde batera utzita, gutxienez ondoren aipatzen diren diru zenbatekoak eduki beharko dituzte txartelean: 0,91 € lehen bidai tarterako; 0,73 €, bigarren bidai tarterako; eta 0,17 €, hirugarren bidai tarterako.

Kolektibo bakoitzari dagokion hobaria (gaztea, familia ugaria, soziala, adinekoa eta ezindua) kargatzean aplikatuko da, eta inoiz ez Dbuseko autobusean.

– Baliozkotu dezaket beste baten bidaia nire txartelarekin?
Mugi eta Lurraldebus txartel guztiek, Mugi txartel anonimoek izan ezik, argazkia dute, eta pertsonalak eta eskualdaezinak dira; beraz, ezin da beste batzuen bidaia baliozkotu.

Txartel berarekin erabiltzaile baten baino gehiagoren bidaiak baliozkotu ahal izateko, Mugi txartel anonimoa sortu da eta horrekin bai dela posible. Txartel horrekin nahi beste bidaia baliozkotu daitezke Dbusen, betiere txartelean horretarako dirua badago. Baliozkotuko den bidaia bakoitzarengatik ordainduko den prezioa 0,91 € izango da beti.

5. TARIFAK

– Nola funtzionatzen du garraio publikoa gehiago erabiltzen duenari deskontu handiagoa aplikatzeko sistemak?
Deskontuak progresiboak dira, hau da, zenbat eta gehiago erabili garraio publikoa orduan eta deskontu handiagoa aplikatuko da. Horrela, hilabete batean egindako bidaiak kontagailu batean metatuko dira, eta hurrengo hilaren hasieran kontagailula zeroan jarriko da. Zenbat eta bidaia gehiago egin hilabete batean, orduan eta handiagoa izango da aplikatuko den deskontua.

Deskontuak aplikatzeko hiru tarte ezarri dira egindako bidai kopuruari lotuta:
o 1 eta 20 bidaia artean, % 45eko deskontua aplikatuko da.
o 21 eta 50 bidaia artean, % 56ko deskontua aplikatuko da.
o 51 bidaiatik gora, deskontua % 90ekoa izango da.

Deskontua kalkulatzeko, noizbehinkako bidai txartela hartuko da erreferentziatzat, 1,65 €-koa, eta deskontu horiei Lurraldebusen eta Mugin kolektibo berezi bakoitzari dagozkion deskontuak gehitu beharko zaizkie. Deskontu horiek beti txartela kargatzean aplikatuko dira.

Mugiko txartel anonimoa izango da deskontuak edo hobariak metatuko ez dituen bakarra; izan ere, txartel horrek tarifa bakarra izango du, 0,91 €-koa, txartel arruntak lehen bidai tarterako duen tarifa, alegia.

– Zer prezio deskontatuko zait Lurraldebus eta Mugi txarteletan baliozkotzeko makinatik pasatzean?
Dbuseko autobusetan, beti txartela arruntari dagokion prezioa deskontatuko da, hau da, 0,91 €-ko tarifa egindako bidai kopurua 1-20 artekoa bada, 0,73 €-koa, 21-50 artekoa bada, eta 0,17 €-koa, 51 bidaiatik gora bada.

Kolektibo bakoitzari dagokion hobaria (gaztea, familia ugaria, soziala, adinekoa eta ezindua) kargatzean aplikatuko da, eta inoiz ez Dbuseko autobusean.

– Zer kolektibok izango dute deskonturen bat?

Hauexek dira tarifakLurraldebusen eta Mugin deskontu gehigarriren bat duten kolektiboak:
o Kolektibo soziala: % 108ko hobaria kargan
o Adinekoen kolektiboa: % 108ko hobaria kargan
o Ezinduen kolektiboa: % 108ko hobaria kargan
o Gazteen kolektiboa: % 14ko hobaria kargan
o Familia ugari orokorren/arrunten kolektiboa: % 25eko hobaria kargan
o Familia Ugari berezien kolektiboa: % 100eko hobaria kargan

Kolektibo bakoitzari dagokion hobaria (gaztea, familia ugaria, soziala, adinekoa eta ezindua) kargatzean aplikatuko da, eta inoiz ez Dbuseko autobusean.

– Deskontua duen kolektibo batekoa izateagatik dagokidan deskontua, noiz aplikatuko didate?
Kolektiboei dagokien deskontua txartela kargatzean aplikatuko da. Adibidez, Adinekoen kolektiboko erabiltzaile batek txartela 10 €-rekin kargatzen badu, zenbateko horren % 108 sartuko zaio txartelean; hortaz, txartelean kargatutako 10 €-ak + hobariaren 10,80 €-ak izango ditu. Hau da, txartelean 20,80 € gehi kargatu aurretik txartelean zegoen saldoa egongo da guztira. Hobari horrekin, bidaia bakoitzagatik egiten zaion azken deskontua % 52koa da.

– Metatzen al dira bidai kontagailuan beste garraiobideetan egiten ditudan bidaiak? Eta kontuan hartzen al dira bidaia horiek deskontuen aplikaziorako?
Bai, Gipuzkoako Tarifen Baterakuntzan sartuta dauden garraiobideak badira, hau da, Dbus, Lurraldebus, Euskotren eta Errenteriako, Irungo, Hernaniko, Arrasateko, Zarauzko eta Eibarko hiri barruko autobusak badira.
Renfen egindako bidaiak, ordea, ez dira bidai kontagailuan metatuko eta ez dira deskontu progresiborako kontuan hartuko; halere, Lurraldebus/Mugi txartel arruntekin ordaindu ahal izango dira, eta ordaindu beharreko zenbatekoa Renfeko bidai txartel arruntari dagokiona izango da.

– Zer prezio ordainduko da Dbuseko autobusen arteko garraio aldaketetan? Eta beste garraiobideen artekoetan?
Dbuseko autobusen artean baimenduta dauden linea aldaketak, linea aldaketen taulan onartzen direnak, doan izango dira, betiere lehen autobusean baliozkotzen denetik bigarren autobusean baliozkotzen denera arte 45 minutu baino gehiago igaro ez bada. Linea aldaketen taula autobus markesinetan dago ikusgai, bai eta www.dbus.eus Dbuseko web orrian ere.

Operadore desberdinen arteko garraio aldaketetan (adibidez, Dbus eta Lurraldebus garraioen arteko autobus aldaketak), ibilbidearen bidai txartelik garestiena ordainduko da eta merkeenaren % 25. Zenbatekoa garraio aldaketa bukatu eta gero kalkulatuko da.

– Zer prezio du gaueko txartelak? Gaueko bidaiak metatzen al dira bidai kontagailuan? Eta deskontu handiagoa izateko balio al dute?
Gaueko bidai txartelak 2,10 € balio du, bai paperezko bidai txartelerako bai txartela erabiliz erositakorako. Gaueko tarifarekin egindako bidaiak bidai kontagailuan metatuko dira, eta hobaria izateko eskubide dutenek dagokien hobaria izango dute, hobaria kargarekin batera aplikatzen baitzaie.

– Hileko bonuak egoten jarraituko da?
Ez. Tarifa sistema berrian jada badira deskontu progresiboak erabileraren arabera.

– Haurrek, zer adinetik aurrera ordaindu beharko dute?
5 urtetik gorako haurrek bateraketako garraiobide guztietan ordaindu beharko dute, eta dagokien gazteentzako Lurraldebus edo Mugi txartela eduki beharko dute, txartel bi horiek tarifa bateraketatik aurrera indarrean egongo direlako. Dbusen 5 urtetik beherako haurrekin bidaiatzeko, gidariari haurren doako bidai txartela eskatu beharko zaio. Haurrentzako aulkiarekn autobusaren erdiko atetik sartuz gero, bertako baliozkotze makinan baliozkotuz gero txartela, ez dago gidariari haurrarentzako txartela eskatu beharrik, baliozkotzean haurren txarbel birtual bat ere sortzen baita.

6. KARGAK

– Non kargatzen dira Lurraldebus eta Mugi txartelak?
Lurraldebus eta Mugi txartelak prensa saltokietan kargatzen dira, bai eta posta bulegoetan eta Kutxak horretarako prestatu dituen 200dik gora kutxazain automatikoetan ere. Kutxan konturik ez dutenek 0,50 €-ko komisioa ordaindu beharko dute txartela Kutxako kutxazainetan egiten den karga bakoitzeko, bakarrik kutxazainetan.

Donostian kalean ere karga daitezke txartelak, Askatasunaren hiribideko 20an dagoen makinan, Txurruka kalearen parean.

Urtarrilaren 19ko gauean Donostiako gaueko hiri garraio publikoaren marka guztiak gainditu ziren. Guztira, 13.376 bidaia egin ziren. Era berean, banderaren jaitsieraren egunean 3.228 bidaia egin ziren, eta honek ere marka guztiak gainditu zituen.

Guztira, urtarrilaren 19tik, larunbata 20ra, igandea, 149.672 bidaia erregistratu ziren DBUSeko autobusetan, San Sebastian eguna igandea izan zen azken urtean (2008) alderatuta baino %5 gehiago.

DBUSek dispositibo gehigarriak jarri zituen auzo guztietarako lineetan 19ko arratsaldetik, bandera igoeraren aurretik, eta 20ko goizaldeko 4:00ak bitartean.

Igoera hiriko linea guztietan eman da, eta hauek izan dira gehien erabili direnak:

– 28-AMARA-OSPITALEAK: 22.728 bidaia
– 5-BENTA BERRI: 19.370 bidaia
– 13-ALTZA: 18.356 bidaia
– 26-AMARA-MARTUTENE: 9.251 bidaia
– 14-BIDEBIETA: 6.426 bidaia