Dbusek enpresetako soldata arrakala aztertzeko estrategia aurkeztu du BAI SAREA-ren 3. batzarrean

BAI SAREA-k, lan eremuan berdintasuna bultzatzeko eta bermatzeko asmoz Emakunde-Emakumearen Euskal Erakundeak bultzatuta eratu den Emakumeen eta gizonen arteko berdintasunerako Erakunde Laguntzaileen sareak, hirugarren batzarra egin du, eta Dbusek bertan parte hartu du. 

Jardunaldi honetan, Dbuseko Pertsonen eta Giza Baliabideen arduradun Nerea Diezek lan merkatuko ordainsari arrakalaren azterketarako BAI SAREAn sortutako lantaldeak egindako lana aurkeztu du. Lantaldeak bere baitan dauden enpresen egoera aztertu du, sarea eratzen duten erakunde guztiek beren enpresetan dagoen egoera aztertzeko eta ordainsari arrakala txikitzeko neurriak abian jartzeko erabili ahal izango dituzten tresnak ateratzeko.

BAI SAREA sarea

BAI SAREAren barruan dauden 63 erakundeek Berdintasunerako Erakunde Laguntzailearen zigilua dute, Emakumearen Euskal Erakundeak emanda. Sarearen helburua da erakundeek emakumeen eta gizonen arteko berdintasunari lotutako esperientziak, tresnak eta metodologiak partekatu ahal izatea. 

2010az geroztik dauka Dbusek Emakundek ematen duen Emakumeen eta Gizonen arteko Berdintasunerako Erakunde Laguntzailearen zigilua, enpresan emakumeen eta gizonen arteko berdintasunaren alorrean aurrera egiteko hartutako konpromisoagatik eta egindako lanagatik eta horrela eremu soziolaboralean ekimen berriak sustatzeagatik. Sare horretako partaide izanik, Dbusek urrats bat gehiago ematen du berdintasunaren eta Konpainiako langileen garapenean laguntzen duten praktika onen alde hartutako konpromisoan.