Hiria ikusi DBUSekin

Bisitatu Dbusekin hiriko txokorik berezienak, azkar eta seguru, gure autobus sareaz baliatuta. Donostian bisitan zaudela, aprobetxatu duzun denbora eta gozatu Donostiak eskaini diezazukeen guztiaz.

Nola ordaindu dezaket nire autobus billetea hirian bisitan banago?

1. QR BIDAIA TXARTELAK

Dbuseko QR txartelak
Donostiatik mugitzeko
modurik errazena.

Lortu zure autobus txartelak mugikorra erabiliz eta gainerako guztia ahaztu.

• Ilarak egin gabe eta inora joan gabe
• Zure txartelak beti eskura, mugikorrean
• Behar adina aldiz erabili
• Bisitatu leku interesgarri guztiak azkar eta segurtasun osoz

Erosi zure beharretara hobeto
egokitzen den QR txartela

2.EMV BANKU TXARTELAK

Erabiltzaileei bidaiak kontakturik gabeko banku txartelarekin ordaintzen uzten dien sistema bat jarri du abian Dbusek Donostiako autobus linea guztietan. Eguneko zerbitzuetan zein gauekoetan erabili daiteke sistema.

Dbusen balio duten banku txartelak

Banku txartelekin ordaintzeko sistemak edozein banku erakundetako VISA, Mastercard eta American Express txartelak onartzen ditu, betiere contacless teknologia badute. Teknologia hori duten jakiteko, txartelak sinbolo hau eduki behar du: 

Bidaia ordaintzeko balio dute, baita ere, Samsung Pay eta Apple Pay aplikazioek, banku erakunde bakoitzak mugikorrarekin ordainketak egiteko dituen aplikazio bereziek (Wallet) eta telefonia operadoreen aplikazioek. Ikusi informazio osoa

Non baliozkotu kontakturik gabeko banku txartelak

Baliozkotzeko makina guztietan baliozkotu ahal izango dira kontakturik gabeko banku txartelak, bai sarrera nagusian bai erdiko atetik sartutakoan. Makinak VISA, Mastercard eta American Express txartelen logoak ditu identifikaziorako.

Tarifa aplikagarriak

Kontakturik gabeko banku txartelekin eta aplikazio mugikorrekin ordaintzen diren bidaiek 1,85 €-ko tarifa dute eguneko noizbehinkako tarifaren kasuan, eta 2,50 €-koa gaueko zerbitzuetarako (gautxoriak). Bankuko txartel bakoitzarekin edo mugikorreko aplikazio bakoitzarekin erabiltzaileak nahi beste bidaia ordaindu ditzake, eta komisiorik gabe.

Linea aldaketa

Kontakturik gabeko banku txartelarekin doan aldatu daiteke lineaz 30 minutuko tarte batean.

> Informazio gehiago

3. MUGI TXARTEL ANONIMOA

Non eskuratu:

• Baimendutako kiosko eta estankoen sarean: Baimendutako establezimenduen sarea kontsultatu

Txartelaren prezioa:

txartel fisikoaren prezioa 5€ izango da, eta txartelak hamabi hilabeteko balioa izango du azken karga egin denetik. Hamabi hilabeteak igaro ondoren, txartela desaktibatu egingo da. Berriro aktibatzeko eta soberan dagoen saldoa berreskuratzeko, beharrezkoa da txartela kargatzea.

Autobusean egindako bidaia bakoitzarengatik 0,78 € deskontatuko dira txartelatik, eguneko bidaia bada, eta 2,50 €, berriz, gaueko autobusean bada.

Txartelarekin saldoan dugun diruaz ordain daitezkeen bidaia guztiak ordaindu ahal izango dira, eta gehienez 31 autobus aldaketa ere bai.

Txartela kargatzea:

Mugi txartela hainbat modutan karga daiteke

• Baimendutako kiosko eta estankoen sarean: Baimendutako establezimenduen sarea kontsultatu
• Horretarako prestatuta dauden Kutxabank-eko makinetan.
• Donostian, txartelak kargatzeko lekua Askatasunaren hiribideko 20an dago.

4. SAN SEBASTIAN CARD TURISTA TXARTELA

Non eskuratu:

• Urte osoan zehar: Donostia Turismoaren bulegoa (Bolulevardeko Zumardia 8)
• Udan bakarrik: Frantzia Pasealekua (tren geltokiaren ondoan)

Txartelaren prezioa:

• 6 bidaia / 9 EURO
• 12 bidaia/ 16 EURO

Bi txartelek hamar eguneko epea dute. Hainbat lagunek erabil dezakete txartela.

Beste abantaila batzuk:

• Deskontuak museoetan
• Deskontuak jatetxeetan
• Deskontuak dendetan
• Informazio gehiago

(*)Bidaiaren prezioa gaueko autobusetan:

Ticketaren eskurako prezioa 2,50€.
San Sebastian Card turista txartelarekin 2 bidaiako deskontua.

5. BASQUE CARD TURISTA TXARTELA

Non eskuratu:

• Urte osoan zehar: Donostia Turismoaren bulegoa (Bolulevardeko Zumardia 8)
• Udan bakarrik: Frantzia Pasealekua (tren geltokiaren ondoan)

Txartelaren prezioa:

• 21€ (15€ bidaiatzeko)

Ezaugarriak:

• Garraioa Gipuzkoan
• Pertsona anitzeko baliagarria Dbusen
• Linea aldaketak onartzen ditu Dbusen
• Dbusen autobusean egindako bidaia bakoitzarengatik 0,78€ deskontatuko dira txartelatik, eguneko bidaia bada, eta 2,50 €, berriz, gaueko autobusean bada.

Beste abantaila batzuk:

• Beherapen eta abantailak establezimendu laguntzaileetan (txartela eramilea eta lagunkidearentzat solik)
• Informazio gehiago