Langileak

Category : 46 eu

web_uda_portada_EUS

Ekainaren 23tik aurrera Dbus-ek zerbitzu gehiago emango ditu udan

Ekainaren 23an, igandean, San Juan bezperan, Dbuseko udako zerbitzuak hasiko dira, eta abuztuaren 31ra arte, larunbata, eskainiko dira. Udan, halaber, Dbusek zerbitzu bereziak eskainiko ditu denboraldiko ekitaldirik garrantzitsuenetarako.

Era berean, udako hilabete horietarako, Dbusek “Elkartzen duten lineak” izeneko kanpaina abian jarriko du, garraio publikoa sustatzeko, egunetik egunera ehuntzen diren eta Dbuseko autobus lineekin elkartzen gaituzten linea ikusezinak agerian jarriz.  

  1. “Elkartzen duten lineak” kanpaina 

Dbuseko lineak, askotan, nabaritzen ez diren lineak dira, baina egunez eta gauez, udan eta neguan, gure eguneroko bizitzarekin, gure zaletasunekin, gure inguruneko pertsonekin eta gure egunerokoarekin elkartzen gaituzte.

Erabiltzaileek Dbuseko autobus lineen sarearekin duten loturan  eta egunero sortzen den harreman horretan fokua jarriz, Dbusek “Elkartzen duten lineak” izeneko kanpaina abiarazi du. Dbus sarea 41 lineak eta 134 autobusek osatuta dago, eta sare horrek lortzen du urtero 180.000 pertsona inguruk elkarrekin lotuago sentitzea eta Donostiak eskaini ahal dienetik hurbilago ere bai.

Grafiko fresko eta koloretsu batekin, kanpaina hainbat historiaren ingurukoa da, eta euskarri askotan dago presente: alde batetik, geltokietako markesinetan kartel batzuk ikusi daitezke, non benetako erabiltzaileen profilak eta erabiltzaile horiek Donostiatik mugitzeko erabili ohi dituzten autobus lineak agertzen diren. Autobusen barruan ere binilo batzuk jarri dira, erabiltzaileak beren helmugekin elkartzen dituzten hainbat historiarekin. Era berean, bideo batzuk prestatu dira autobus barruko pantailetan eta sare sozialetan emateko, non kanpainari buruzko material guztia erakutsiko den. Horrez gain, lehiaketa eta zozketa txikiak antolatuko dira.  Dbusen Youtube kanalean (dbusdonostia) ikusi daiteke kanpainaren bideo nagusia, hemen eskuragarri dago. 

 

  1. Udan, Dbuseko zerbitzu gehiago

2019ko udan Dbusek zerbitzu gehiago eskainiko ditu egunez eta gauez. 

> Informazio osoa (pdf)

Irakurri
morlans_sanantonio

Hobekuntzak Dbuseko 26, 35, 45 eta 46 lineetan

Azaroaren 28an egin zen Dbuseko Administrazio Kontseiluaren bileran 26, 35, 45 eta 46 lineen zerbitzuan hobekuntza garrantzitsuak egiteko behar den aldaketa aztertu ziren. Hobekuntzak, 2019an jarriko dira martxan.

 

1) 26-Amara-Martutene linea

Linearen maiztasuna hobetuko da lanegunetan, egun duen 15 minutukoa izatetik 12 minutukora izatera igarota.  Honela geratuko dira linearen ordutegiak:

– Lanegunak: 12 minutuan behin.

– Larunbatak: 15 minutuan behin.

– Igandeak: 20 minutuan behin.

 

Linearen maiztasuna hobetuta erantzun ahal izango zaie, baita ere, lineak egun duen  eskari gero eta handiagoari eta Txomin Eneako urbanizazioari lotuta eta alde horretako populazioak izango duen gorakadari lotuta aurreikusten den eskariari.

 

2) 35-Arriola-Antiguo-Aiete-Ospitaleak

Gaur egun Arriola aldea eta Antigua auzoa Aieterekin, Miramonekin, Poliklinikarekin eta Ospitaleekin lotzen ditu, 60 minutuan behin. Maiztasun berria 30 minutukoa izango da lanegunetan, eta maiztasun aldaketaz gain lineak ibilbide berria egingo du, Errotaburu eta Lorea Aieterekin, Miramonekin eta Ospitaleekin lotzeko.

Lanegunetan, beraz, lineak hainbat ibilbide edukiko ditu, eta bakoitza 30 minutuan behin emango da.

– Irteerak Arriolatik: egungo ibilbidea egingo dute, hemendik: Arriola, Unibertsitateak, Ondarreta, Pio Baroja, Aiete, Miramon eta Ospitaleak. Irteerak 60 minutuan behin izango dira, xx:30ean.

– Irteerak Errotaburutik: irteerak Tolosa 138tik, 60 minutuan behin, xx:00etan. Hemendik igaroko dira: Errotaburu, Lorea, Unibertsitateak, Ondarreta, Pio Baroja, Aiete, Miramon eta Ospitaleak. Era berean, ibilbide horren barruan, 2 orduan behin Matia zentrotik aterako dira: 10:00h – 12:00h – 14:00h – 16:00h – 18:00h – 20:00h.

 

3) 45-Renfe-Bus Geltokiak-Antigua-Aiete linea

Ibilbidea aldatuko da Aietetik, Andoain kalean eta Pagolan zerbitzua emateko, 19-Aiete-Bera Bera lineak egiten duen moduan.

Horrela, Pagola Antiguarekin lotuta egongo da eta Erdialdearekin eta tren eta autobus geltokiekin ere bai. Aieten, burualdeko geltoki berrian Aiete 93an egongo da, Etxadin egon ordez.

– Irteerak Renfe-Bus Geltokietatik: xx:25h eta xx:55h

– Irteerak Aiete 93tik: xx:25h eta xx:55h

 

4) 46-Morlans-San Antonio linea

46 lineak egun duen eskari txikia dela eta, ibilbidea luzatuko zaio Morlans Erdialdiarekin eta Grosekin lotzeko, eta, beraz, Easotik, San Martinetik eta Askatasunaren Hiribidetik ibiliko da. Ibilbide horrek 60 minutuko maiztasuna edukiko du, egun dituen 30 minutukoaren ordez.

Horrez gain, linearen ibilbidea Ategorrietaraino luzatuko da eta Parada Baserria -San Antonio-Montesol-Luis Pradera alderaino, 1.432 biztanle baititu eta hirian garraio publikorik ez duten alde gutxietako bat baita. Era berean, alde horretara iristen zaila da eta aldean bizi den jendeak adineko pertsonen profila dauka.   Horregatik, 46 lineak beste izen bat hartuko du: 46-Morlans-San Antonio.

 

– Irteera Morlans Igogailutik: xx:45h

– Irteerak Askatasunaren Hiribidea 3tik: xx:00h

– Irteerak Parada Baserria 66tik: xx:10h

– Irteerak Askatasunaren Hiribidea 20tik: xx:35h 

 

Aurreikusten da 46 linea 2019ko lehen hiruhilekoan aldatuko dela. 26, 35 eta 45 autobus lineei dagokienez, linea horien aldaketek flotara autobus berriak sartzea eskatzen dutenez, Kotxetegiak handitzeko obrak bukatu arte itxaron beharko da, eta aurreikuspenen arabera 2019ko udaberrian bukatuko dira obrak.

Irakurri

46-Morlans linea: Morlans 51 geltoki berria

Dbuseko 46-Morlans autobus lineak geltoki berria dauka Morlans aldean: Morlans 51. Geltoki berri hori zonaldeko bizilagunek eskatu dute, eta bere helburua da auzoaren erdiko aldean eta goiko aldean bizi diren pertsonen joan-etorriak erraztea.

Geltoki berria Morlans alderantz kokatuta dago, Morlans 73 eta Morlans Igogailua geltokien artean.

Irakurri
Termometro_cuadrado

Dbusek beste mikrobus linea bat jarri du martxan Morlans aldean

Termometro_cuadradoMartxoaren 26an 46-Morlans mikrobus linea berria jarriko du martxan Dbusek. Linea berriak Morlans aldean emango du zerbitzua, alde hori hiriko Erdigunearekin lotuta, 30 minutuan behin. Zerbitzu horrek, halaber, Erdialdea eta Aieten, Morlanseko mendi hegalean, jarriko den igogailuarekin lotzeko balioko du.

Zerbitzu berriarekin garraio publikoa asko hobetuko da Morlanseko behealdean eta goialdean, izan ere, gaur egun Antso Jakitunaren ardatzetik urrun dago, 1 km-ra zehazki. Morlanseko goiko aldeak geltoki bat edukiko du Morlans 73an, eta alde berriak, berriz, bi geltoki, bat igogailu berriaren ondoan eta bestea Morlans 19an.

Zerbitzua 23-32 lineen zerbitzuarekin koordinatuta egongo da (15 minutuko maiztasuna, konbinatuta), Morlans eta Puio aldeei zerbitzua elkarrekin emateko, 7-15 minutuan behin noranzko bietan.

Lineak ibilbide hau egiten du:

–  Erdialdetik, Morlans alderantz, bide hau egingo du: Askatasunaren hiribidea, 20; Urbieta 6 eta 38; Mendeurrena; Pio XII; Katalina Eleizegi 2; eta Morlans 73, Morlanseko igogailuraino.

– Morlansetik, Erdialderantz, bide hau egingo du: Morlanseko igogailua; Morlans 19; Errondo; Collado; Antso Jakituna; Bizkaia pasealekua; Gernikako Arbola; eta Maria Kristina zubia, Askatasunaren hiribidea 20raino.

Mapaparadas14.02.2018Hauek dira irteera orduak:

Askatasunaren hiribidea 20tik:

– Lanegunak: 7:35etik aurrera, 30 minutuan behin, 21:35era arte

– Larunbatak: 8:35etik aurrera, 30 minutuan behin, 21:35era arte

– Jaiegunak: 9:45etik aurrera, 30 minutuan behin, 21:45era arte

Morlans igogailutik:

– Lanegunak: 7:45etik aurrera, 30 minutuan behin, 21:45era arte

– Larunbatak: 8:45etik aurrera, 30 minutuan behin, 21:45era arte

– Jaiegunak: 9:55etik aurrera, 30 minutuan behin, 21:55era arte

46-Morlans linean Dbuseko linea guztiekin egin ahal izango da doako autobus aldaketa, 46 linearekin berarekin eta 21-Mutualitateak-Anoeta, 23-Errondo-Puio eta 32-Puio-Errondo lineekin izan ezik.

Lineen plano berriak markesinetan

Mapa-lineas-dbusEra berean, Donostiako Udalaren Mugikortasun Departamentuarekin elkarlanean, datozen asteetan berrituko da Dbuseko markesina guztietan dagoen lineei buruzko informazioa. Zehazki, autobusen lineak eta haien ibilbideak erakusten dituen planoa eguneratuko da, egungo zerbitzuaren ezaugarrietara egokituta. Plano berrian QR k12ode bat ere badago, Dbusen webgunearekin lotzeko; beraz, erabiltzaileek beti kontsultatu dezakete plano eguneratua webgunean.

Horrela, mikrobus linea berria abian jartzearekin eta markesina guztietako informazioa eguneratzearekin asmoa da donostiarrei eskaintzen zaien zerbitzua hobetzea eta garraio publikoaren erabilera erraztea.

 

 

Irakurri