Aldaketak ostiralean, irailak 18, egingo den manifestazioagatik
Irailaren 18an, ostiralean, manifestazioa egingo da, Erdialdetik hasi eta Groseraino, eta handik berriro Erdialdera. Ibilbide hori dela eta, zonalde eta ordu tarte batzuetan aldaketak egingo dira.
- 12:30etik 14:00etara, gutxi gorabehera – ibilbide laburrak egingo dira Erdialdean eta Grosen
- 12:30etik 13:00etara, gutxi gorabehera – Askatasunaren Hiribidea moztuta egongo da zonen arten lineetarako
> Informazio osoa ikusi (pdf)
17-27-28-31 lineak: geltokien aldaketak lanak direla eta
Lanak direla eta, irailaren 7tik, astelehenetik, eta lanak amaitu arte, honako geltoki-aldaketa hauek egingo dira:
- Madrid 5 (L26-L28) Kendu egingo da eta Madrid 3 geltokira lekualdatuko da.
- Ospitaleak I (L17-L28-L31): aldi baterako zerbitzutik kanpo egongo da.
Ekainaren 23tik aurrera Dbusek zerbitzu gehiago emango ditu udan
Ekainaren 23an, asteartean, San Juan bezperan, Dbuseko udako zerbitzuak hasiko dira, eta abuztuaren 31ra arte, astelehena, eskainiko dira. Udan, halaber, Dbusek zerbitzu bereziak eskainiko ditu denboraldiko ekitaldirik garrantzitsuenetarako.
Era berean, berriro jarriko da abian Illunbeko aparkalekuaren eta hiriko Erdialdearen arteko anezka zerbitzua.
- Gautxori zerbitzua, ekainaren 23an, San Juan bezperan
Ekainaren 23an, San Juan bezperan, Dbusek auzoetara dituen autobus zerbitzuen ordutegiak luzatuko ditu eta 1:00ak arte egongo dira gautxori zerbitzuak Boulevardetik. Hauek izango dira zerbitzuak:
> Informazioa ikusi (pdf)
- Dbus zerbitzu gehiago auzoetara
Ekainaren 23tik abuztuaren 31ra arte, hiriko gune gehienetan aparteko zerbitzuak egongo dira; izan ere, udan autobusek beranduago egingo dituzte azken irteerak, eta asteko egun guztietan zerbitzuak beranduago bukatu dira. Hauek dira zabaltzen diren ordutegiak:
> Informazio osoa ikusi (pdf)
- Gautxori zerbitzu gehiago ostiral, larunbat eta jai bezperetan
Ekainaren 23tik abuztuaren 31ra arte, asteburuko gautxori zerbitzuak goizaldeko 4:00etan amaituko dira, ostiral, larunbat eta jai bezpera guztietan. Boulevardetik irtengo dira.
> Informazio osoa ikusi (pdf)
- Igeldoko zerbitzua maizago ekainaren 23tik
Ekainaren 23tik (asteartea) abuztuaren 31ra (astelehena), 16-Igeldo linearen maiztasuna handiagoa izango da 10:05etik 21:05era bitartean, Boulevardetik 20 minutuan behin aterako baita (11:00etatik 22:00etara Kanpinetik). Era berean, 23:00etan eta 00:00etan ere irtengo da Boulevardetik.
Bestalde, garai berean ostiral, larunbat eta jai bezperetako gauetan Igeldok gaueko autobus zerbitzua izango du B7-Igeldo gautxori linearekin. Gautxoria 1:00etan, 2:00etan, 3:00etan eta 4:00etan aterako da Boulevardetik, eta Kontxa pasealekutik joango da zuzenean Igeldoraino eta Kanpineraino.
- Zerbitzu bereziak udako ekitaldietarako
Aparteko autobus zerbitzuak egingo dira hirian udan egin ohi diren ekitaldietarako (Jazz Jaialdia, Aste Nagusia, kontzertuak, etab.). Informazioa ekitaldi bakoitzean emango da bereziki.
- Maiztasun handiagoa 24 eta 27 lineetako autobusetan
Ekainaren 23tik abuztuaren 31ra arte, jaiegunetan 24-Altza-Gros-Antigua-Intxaurrondo eta 27-Altza-Intxaurrondo-Antigua-Gros lineetan autobusak 30 minutuko maiztasunez ibiliko dira, izan ere, hil horietan asteko egun guztietako ordutegiak bateratuko dira.
- Anezka zerbitzua Illunbeko aparkalekutik Erdialdera
Uztailaren 11tik aurrera, larunbata, abuztuaren 31ra arte, astelehena, Dbusek eta Donostiako Udalak, Mugikortasun Departamentuaren bitartez, autobus anezka zerbitzua jarriko dute berriro, Illunbeko aparkalekua eta hiriko Erdialdea lotzeko.
> Informazio osoa ikusi (pdf)
> Informazio osoa deskargatu (pdf)
Errekor historikoa Dbus-en, autobusaren erabileran, 2025ean 33,7 milioi bidaia baino gehiago eginda
2025ean, Dbusek bere historiako bidaia kopuru onenak izan ditu, urtean 33 milioi bidaiako kopurua gainditu baitu lehen aldiz. Guztira, iaz 33.735.382 bidaia zenbatu ziren, eta erabateko errekorra izan da. Zifra horiek %5,3ko hazkundea adierazten dute 2024an erregistratutako 32.026.966 bidaiako zifrarekin alderatuta (1.708.416 bidaia gehiago), eta %14ko hazkundea, 2023an erregistratu zen 29.599.121 bidaiako zifrarekin alderatuta (4.135.092 bidaia gehiago).
Behin-behineko kopuru horiekin, 2025. urtea lehen postuan kokatzen da Dbusek urte batean egindako bidaia kopuruen rankingean, Konpainiak Donostiako udalerrian zerbitzuak eskaintzen dituenetik, eta 2024ko datuak ere gainditu dira, orduan ere urteko bidaia kopurua 30 milioikoa baino handiagoa izan baitzen.
– 2025. urtea: 33.735.382 bidaia
– 2024. urtea: 32.026.966 bidaia
– 2023. urtea: 29.599.122 bidaia
– 2019. urtea: 29.583.538 bidaia
– 2011. urtea: 29.216.698 bidaia
– 2018. urtea: 29.168.773 bidaia
Linea erabilienei dagokienez, 13 linea izan da 2025ean bidaia gehien erregistratu dituena, 4.204.873 bidaiarekin; ondoren, 28 linea, 4.158.832 bidaiarekin; 5 linea, 3.129.084 bidaiarekin.
Dbusek, halaber, urrian hilabete batean orain arte zenbatutako daturik onenak erregistratu ditu, eta lehen aldiz gainditu du hiru milioiko zifra hileko bidaia kopuruan. Zehazki, 2025eko urrian 3.008.255 bidaia zenbatu ziren.
Erabilera indize hori ikusgarria da, 190.000 biztanle baino ez dituen hiria baita. Horrek esan nahi du, beraz, Europan dagoen garraio publikoaren erabilera ratiorik altuenetako bat lortu dela: 180 bidaia/biztanle-urte. Datu horiekin, Dbus herritarrek eta bisitariek gehien aukeratzen duten garraiobide gisa finkatzen da, eta hiri garraioaren sektorean erreferentziazko enpresa bihurtzen da.
Horretaz jabetuta, 2026an Dbusen lanean jarraituko dugu donostiarren konfiantza hobetzeko.
Ekainaren 23tik aurrera Dbusek zerbitzu gehiago emango ditu udan
Ekainaren 23an, astelehenean, San Juan bezperan, Dbuseko udako zerbitzuak hasiko dira, eta abuztuaren 31ra arte, igandea, eskainiko dira. Udan, halaber, Dbusek zerbitzu bereziak eskainiko ditu denboraldiko ekitaldirik garrantzitsuenetarako.
Era berean, berriro jarriko da abian Illunbeko aparkalekuaren eta hiriko Erdialdearen arteko anezka zerbitzua.
1.Gautxori zerbitzua, ekainaren 23an, San Juan bezperan
Ekainaren 23an, San Juan bezperan, Dbusek auzoetara dituen autobus zerbitzuen ordutegiak luzatuko ditu eta 1:00ak arte egongo dira gautxori zerbitzuak Boulevardetik. Hauek izango dira zerbitzuak:
> Ordutegiak ikusi (pdf)
2.Dbus zerbitzu gehiago auzoetara
Ekainaren 23tik abuztuaren 31ra arte, hiriko gune gehienetan aparteko zerbitzuak egongo dira; izan ere, udan autobusek beranduago egingo dituzte azken irteerak, eta asteko egun guztietan zerbitzuak beranduago bukatu dira. Hauek dira zabaltzen diren ordutegiak:
> Ordutegiak ikusi (pdf)
3.Gautxori zerbitzu gehiago ostiral, larunbat eta jai bezperetan
Ekainaren 23tik abuztuaren 31ra arte, asteburuko gautxori zerbitzuak goizaldeko 4:00etan amaituko dira, ostiral, larunbat eta jai bezpera guztietan. Boulevardetik irtengo dira.
> Ordutegiak ikusi (pdf)
4.Gaueko zerbitzua Igeldora ekainaren 23tik aurrera
Ekainaren 23tik aurrera, astelehena, eta abuztuaren 31ra arte, igandea, 16 lineak zerbitzu gehiago emango ditu Boulevard 19tik, 23:05ean eta 0:00etan beste bi irteera gehiagorekin. Iraileko ostiral, jai bezpera eta larunbatetan ere egongo dira irteera horiek.
Era berean, ekainaren 23tik abuztuaren 31ra arte Igeldo auzoak autobus zerbitzua izango du gauean, ostiral, larunbat eta jai bezperatan, B7-IGELDO gautxoriarekin. Gautxoria 1:00etan, 2:00etan, 3:00etan eta 4:00etan aterako da Boulevardetik eta Kontxa pasealekutik joango da zuzenean Igeldoraino eta Kanpineraino. Aurten, gainera, modu esperimentalean, lineak iraileko asteburuetan ere emango du zerbitzua, baina kasu honetan, ostiraletan eta jai bezperetan azken irteerak 3:00etan izango dira, gainerako gautxori lineetan bezala (neguko ordutegia).
5.B2 linearen ibilbidea Miramon, Mikeletegi eta Ospitaleetaraino luzatuko da
Ekainaren 23tik aurrera, Erdigunea Aiete eta Bera Berarekin lotzen duen B2-Aiete-Bera Bera linean ere hobekuntzak egongo dira. Hala, ibilbidea luzatuko da, Miramon, Mikeletegi eta Ospitale inguruari ere zerbitzua emateko, erabiltzaileen beharretara egokituago dagoen zerbitzua eskainita. Hobekuntza hori esperimentala izango da; beraz, udan egingo da proba, eta irailaren 27an, larunbata, amaituko da. Proba hori amaitu ondoren, emaitzak aztertuko dira.
> Informazio osoa ikusi (pdf)
6.Zerbitzu bereziak udako ekitaldietarako
Aparteko autobus zerbitzuak egingo dira hirian udan egin ohi diren ekitaldietarako (Jazz Jaialdia, Aste Nagusia, kontzertuak, etab.). Informazioa ekitaldi bakoitzean emango da bereziki.
7.Maiztasun handiagoa 24 eta 27 lineetako autobusetan
Ekainaren 23tik abuztuaren 31ra arte, jaiegunetan 24-Altza-Gros-Antigua-Intxaurrondo eta 27-Altza-Intxaurrondo-Antigua-Gros lineetan autobusak 30 minutuko maiztasunez ibiliko dira, izan ere, hil horietan asteko egun guztietako ordutegiak bateratuko dira.
8.39-Urgull lineak ez du zerbitzurik emango udan
2025eko udan, Dbuseko 39-Urgull mikrobus lineak ez du zerbitzurik emango.
9.Anezka zerbitzua Illunbeko aparlekutik Erdialdera
Abisua: Abuztuaren 13an, 14ean, 15ean eta 16ean ez da anezka zerbitzurik izango zezenketak direla eta.
Uztailaren 12tik aurrera, larunbata, abuztuaren 31ra arte, igandea, Dbusek eta Donostiako Udalak, Mugikortasun Departamentuaren bitartez, autobus anezka zerbitzua jarriko dute berriro, Illunbeko aparkalekua eta hiriko Erdialdea lotzeko. Hiriko gainerako linea erregularretan ohikoak diren tarifak aplikatuko zaizkio zerbitzu horri.
> Informazio osoa ikusi (pdf)
10.“Dbus gehiago, uda gehiago” udako kanpaina
Uda iritsi da eta Dbusek garraio publikoan mugitzera animatzen ditu berriz ere donostiarrak eta bisitariak, hiriak eskaintzen dituen plan guztiez gozatzeko, HANDIKIRO gozatzeko. “Dbus gehiago, uda gehiago” lelopean, ordutegi zabalagoak eskainiko ditugu ibilgailu pribatuaren alternatiba hobea izateko eta Donostia hiri erosoagoa, jasangarriagoa, bizigarriagoa eta kerik eta zaratarik gabekoa izan dadin.
Gure eguneko 32 lineek eta gaueko 9 lineek sare zabal bat osatzen dute eta merke eta kezkarik gabe mugitzeko eta hiriko trafikoa arintzeko modurik onena dira.
BEI autobus lineari zerbitzua emango dion aparkalekua elektrifikatzeko lanak lizitatu ditu Dbus-ek
Dbusek Kotxetegietako kanpoko aparkalekua elektrifikatzeko azpiegiturarekin lotutako lanak eraikitzeko eta abian jartzeko lizitazio plegua argitaratu du. Aparkalekua eraikin nagusiaren ondoan dago eta BEI (Bus Elektriko Adimenduna) autobus linea berriari zerbitzua emango dio.
17-Gros-Amara-Miramon linea zerbitzu %100 elektriko bihurtzeko, beharrezkoa da kotxetegietako aparkaleku berria, 2021ean inauguratu zena, beharrezko azpiegitura elektrikoz hornitzea, linearako aurreikusita dauden bederatzi ibilgailuak kargatzea ahalbidetuko duten karga estazioak izateko.
Azpiegituraren barruan instalazio elektriko osoa (hartunea, tentsio ertaina eta behe tentsioa), datuen sarearen azpiegitura, beharrezko egitura metalikoa, baterien karga eta suteen aurkako babesaren instalazioa sartzen dira. Eskualde Garapeneko Europako Funtsarekin (FEDER) kofinantzatuko da, FEDER 2021-2027 Euskadiko Programaren esparruan.
Hain zuzen ere, 2024aren amaieran amaitu ziren Kotxetegietako barneko eta goiko aparkalekuko azpiegitura elektrikoa elektrifikatzeko lanak, eta eraikineko 119 aparkalekuak (barrukoak eta kanpokoak) karga azpiegiturarekin hornituta geratu ziren. Era berean, 22 karga puntu instalatu ziren, eta 60 pantografo alderantzikaturi eusteko egitura metaliko bat ere bai.
Kotxetegietako aparkaleku berria elektrifikatuta, Kotxetegietako instalazio guztiak ibilgailu elektrikoak kargatzeko egokituta egongo dira, 2030erako flota %100 elektrikoa izateko Dbusek duen helburuarekin lerrokatuta.
Epeak eta egin beharreko lanak
Obra gauzatzeko gehieneko epea 200 egun baliodunekoa izango da guztira, eta baldintza izango da hirigintza planeamenduko tresnak onartzea eta ondoren dagozkion hirigintza lizentziak lortzea. Lizitazioaren oinarriko aurrekontua 4.931.623,59 eurokoa da (BEZa sartu gabe)
BEI sistema 17 linea osoan
Linea guztiak aztertu ondoren, 17-Gros-Amara-Miramon linea aukeratu zen BEI-Bus Elektriko Adimendunaren Sistema ezartzeko, linea estrategikoa baita; izan ere, Euskotrenen eta Dbusen arteko intermodalitatea ziurtatzea ahalbidetzen du, Topoaren linea Anoetako geralekutik pasatzeari esker. Gainera, 15 km inguruko ibilbidearekin, linea horrek Gros, autobus eta Renfe geltokiak, Amara, Donostiako ospitale gunea eta Miramongo parke teknologikoa lotzen ditu.
BEI emisiorik gabeko garraiobide elektrikoa izango da, eta hiri jasangarriago bat, kerik gabeko eta kutsadura maila baxuko hiri bat egiten lagunduko du. Gainera, oro har, hobekuntza ugari eskaintzen ditu, eta hobekuntza horiek lagunduko dute erabiltzaileek bidaia esperientzia oso ona izaten. Azpimarratzekoa da, adibidez, autobusera igotzeko eta bidaia egiteko denborak murriztuko direla, sartzeko ate gehiago gaituko direlako, ordaintzeko funtzionalitate batzuk autobusean sartu gabe egin ahal izango direlako, semaforoetan lehentasuna izateko sistemak egongo direlako, etab.
Autobusen barrualdea ere gidariengan zein erabiltzaileengan pentsatuta diseinatuko da, diseinu abangoardista eta erosoagoa izango dute-eta. Nabarmenduko dira zoruak, zura itxura izango dutenak, eta argiztapen puntu berriak, esaterako.
Aurreikusita dago, halaber, BEI autobusen markesinek diseinu berritzailea izatea eta funtzionalitate berriak eskaintzea, hala nola informazioa alde bietatik ematen duen pantaila digitala eta 17 linea identifikatzeko totema, LED argiekin eta minutuak adierazita. Zutoinak dituzten geltokiek ere totem identifikatzailea izango dute, baita pantaila digitala ere.
Linearen elektrifikazioarekin, egungo diesel autobusen ordez 18 metroko bederatzi autobus elektriko artikulatu jarriko dira, eta autobus berri horiekin edukiera hobetuko da eta erabiltzaileak erosoago joango dira. Era berean, BEI linea berria abian jarrita, urtean 239.528 litro gasolio kontsumitzea eta 645 Tn CO2 gutxiago isurtzea aurreikusten da.
Erakundeen arteko hitzarmena
2022ko otsailean Eusko Jaurlaritzak eta Donostiako Udalak hitzarmen bat sinatu zuten hirian autobus elektriko adimendunaren sistema ezartzeko, 25,7 milioi euroko aurrekontuarekin. Eusko Jaurlaritzak, FEDER 2021-2027 Euskal Autonomia Erkidegoko Programaren bidez, proiektuaren kostuaren %65 kofinantzatuko du. Donostiako Udalak, berriz, gainerako %35a jarriko du, hau da, 9 milioi euro.
Dbusek ohartarazten du sare sozialetan iruzurra egiten ari direla
Dbusek jakinarazi du sare sozialetan iragartzen ari direla 2,35 euroren truke eros daitekeela bidaia kopuru mugagabea egiteko aukera ematen duen garraio txartela, eta ohartarazten du iragartzen den hori guztiz gezurra dela.
Era berean, erabiltzaile guztiei eskatzen die argitalpen horren estekan ez sartzeko, eta beren datuak ere ez sartzeko, horrek ekar dezakeen arriskuagatik.
Dbuseko tarifa sistema apirilaren 7tik aurrera
Dbuseko tarifen aldaketa honela egitea aurreikusita dago:
1) Astelehenean, apirilak 7, MUGI, LURRALDEBUS, BAT eta BARIK txartelei aplikatuko zaizkien prezioak aldatuko dira. Garraio txartel horiekin ordaintzen duten erabiltzaileei %50eko deskontua egingo zaie orain ere. Hauek dira aplikatuko diren prezio berriak:
- Hileko 1. bidaiatik 20. bidaiara: 0,49€
- Hileko 21. bidaiatik 50. bidaiara: 0,40€
- Hileko 51. bidaiatik aurrera: 0,10€
- Mugi txartel anonimoa: 0,65€
- Bat eta Barik txartelak: 0,49€
2) Noizbehinkako bidaia txartelari dagokionez, oraindik ez da aldaketa egiteko datarik ezarri; beraz, oraingoz tarifek berdin jarraituko dute, aldaketarik gabe. Aurrerago jakinaraziko da tarifa berrien indarrean sartzea, eta hauek izango dira:
- Eguneko noizbehinkako bidaia txartela eta eguneko 30 minutuko bidaia txartel digitala (QR edo banku txartela eta gailu mugikorrak): 1,95€ (1,85€ gaur egun)
- Gaueko noizbehinkako bidaia txartela eta gaueko 30 minutuko bidaia txartel digitala (QR edo banku txartela eta gailu mugikorrak): 2,65€ (2,50€ gaur egun)
- QR bidaia txartela, 24 ordukoa: 6,40€ (6€ gaur egun)
- QR bidaia txartela, 48 ordukoa: 10,60€ (10€ gaur egun)
Dbus-eko autobusen erabilera handia San Tomas egunean
Pasa den abenduaren 21ean, larunbatean, 2024ko San Tomas eguna ospatu zen, eta egun horretan Dbuseko autobusen erabilera handia erregistratu da. 117.183 bidaia zenbatu dira, kopuruak behin-behinekoak badira ere.
Emaitza horiek kontuan izanda, bidaiarik gehien eduki duen larunbata da Dbusen historian, hiri zerbitzuak Donostian soilik ematen dituenetik. Kopuru horiek 2019an erregistratutakoak gainditzen dituzte; orduan ere San Tomas eguna larunbata izan zen eta 109.859 bidaia zenbatu ziren. Neguko ohiko larunbat batean baino 46.000 bidaia gehiago dira, halaber.
Lineaz linea begiratuta, hauexek izan ziren erabilienak:
- 13-ALTZA: 17.236 bidaia
- 5-BENTA BERRI: 13.387 bidaia
- 28-AMARA-OSPITALEAK: 12.197 bidaia
- 26-AMARA-MARTUTENE: 9.232 bidaia
Autobusen erabilera arrakastatsu hori lortzeko, DBUSek lineak indartzeko dispositibo berezia jarri zuen abian egun osoan zehar, 36 gidari eta autobus gehiagorekin.
Era berean, Mugikortasuneko Agenteen laguntza erabakigarria izan zen garraio publikoak behar bezala funtzionatu ahal izateko.
Bidaien errekorra lanegunetan
Joan den abenduaren 20an ere, ostirala, Dbus-en lanegun bateko erabileraren errekor berria erregistratu zen. Zehazki, 115.119 bidaia zenbatu zituzten. Berriro ere datu historikoa da, Konpainiaren historian inoiz ez baita hainbeste bidaia erregistratu hirian ekitaldi berezirik ez dagoen egun batean
Dbusen erabileraren hazkunde ikusgarria Aste Nagusian, 804.242 bidaia erregistratu direla-eta
Dbuseko autobusen erabilera masiboa izan da 2024ko Aste Nagusian. Abuztuaren 10etik, larunbata, 17ra, larunbata, 805.580 bidaia egin dira Dbuseko autobusetan. Hau da, 2023an erregistratutako 769.121 bidaiak baino %4,7 gehiago izan dira, eta 2010an, erregistratutako 800.945eko kopurua ere gainditu da. Donostian garraio publikoaren erabileran lortutako kopuru errekorra izanda.
Hona hemen hirian autobusa gehien erabiltzen den Aste Nagusien rankinga:
- Aste Nagusia 2024: 805.580 bidaia.
- Aste Nagusia 2010: 800.945 bidaia.
- Aste Nagusia 2023: 769.121 bidaia.
- Aste Nagusia 2009: 766.558 bidaia.
- Aste Nagusia 2012: 765.505 bidaia.
Zifra horiek ikusita, oraindik behin-behinekoak diren arren, Dbuseko autobusak izan dira berriro ere Donostiako jaietan gehien erabili den garraiobide publikoa.
Aste Nagusiaren barruan, abuztuaren 14an, asteazkena, abuztuaren 16an, ostirala, eta abuztuaren 12an, astelehena, erabili da gehien autobusa; izan ere, 116.884 bidaia, 115.239 bidaia eta 109.122 bidaia erregistratu dira egun horietan, hurrenez hurren.
Hau da bidaien kopurua egunez egun:
- Larunbata, abuztuak 10: 815 bidaia.
- Igandea, abuztuak 11: 094 bidaia.
- Astelehena, abuztuak 12: 122 bidaia.
- Asteartea, abuztuak 13: 760 bidaia.
- Asteazkena, abuztuak 14: 884 bidaia.
- Osteguna, abuztuak 15: 794 bidaia.
- Ostirala, abuztuak 16: 239 bidaia.
- Larunbata, abuztuak 17: 872 bidaia.
Aste Nagusian gehien erabili diren lineak Amarakoak izan dira (17, 21, 26 eta 28 lineak), 200.629 bidaiarekin, eta, ondoren, Antiguakoak (5, 25, 33, 40 eta 45 lineak), 170.535 bidaiarekin; Altza-Bidebietakoak (13-14 lineak), 134.809 bidaiarekin; Egia-Intxaurrondokoak (8, 9, 29 eta 42 lineak), 86.905 bidaiarekin; eta Aietekoak (18, 19, 23, 31, 32 eta 46 lineak), 82.901 bidaiarekin. Gainera, mikrobus lineetan 25.754 bidaia erregistratu dira.
Gautxorien lineen erabilera, berriz, %5,9 jaitsi da 2023ko datuekin alderatuta, 38.272 bidai erregistratu baitira. Halaber, Illunbera joateko autobusen zerbitzuak %11,2ko bidaiari jaitsiera izan du 2023ko datuekin alderatuta, 4.043 bidaia zenbatu baitira.
Informazio gehiagorako, begiratu www.dbus.eus webgunean edo galdetu 900 840 146 telefonoan.