B4 eu

Anezka zerbitzua Illunbeko aparkalekutik hiri erdialdera uda honetan

Uztailaren 13tik, larunbatez, irailaren 1era, igandez, Dbusek eta Donostiako Udalak, Mugikortasun Departamentuaren bidez, berriro lotuko dute Illunbeko aparkalekua hiri erdialdearekin autobus bidezko anezka zerbitzua bat jarriz.

Olatz Yarza Mugikortasun eta Garraio Jasangarriko zinegotziak gogorarazi duenez, “zerbitzua batez ere uda garaian hiria bisitatzen duten pertsonei zuzenduta dago, eta Illunbeko doako aparkalekuaren eta Donostiako hiri erdialdearen arteko joan-etorriak errazten ditu, garraio publikoa sustatzeko eta hiriko trafikoa murrizteko”.

Yarzak nabarmendu du, halaber, “2020ko uztailean ekimen hau abian jarri zenetik, bisitatzen gaituztenek oso ondo hartu dutela zerbitzua, eta hala erakusten dutela 2023ko datuek, izan ere, orduan 37.715 bidaia egin ziren eta aurreko urtean, berriz, 23.401”.

Anezka zerbitzua 20 minutuan behin izango da, egunero, uztailaren 13tik, larunbata, irailaren 1era, igandea, eta, orain bezala, bi geltoki izango ditu:

Illunbeko geltokia: Irteerak 11:00etatik 22:20ra, 20 minutuan behin
Mendeurreneko plazako geltokia: irteerak 11:10etik 22:30era, 20 minutuan behin.

Nobedadeak zerbitzuan

Aurten, udako kanpainan Donostiara autoz hurbiltzen diren pertsona guztien artean zerbitzu horren erabilera sustatzen jarraitzeko, Udaleko Mugikortasun Departamentuak eta Gipuzkoako Foru Aldundiko Bide Azpiegituren Departamentuak akordio bat egin dute, hirira sartzeko errepide nagusietan jarritako panel argidunen bidez zerbitzuaren berri emateko eta ibilgailu pribatuak aparkaleku horretara gidatzeko.

Aurreko urteetan ez bezala, hiriko gainerako linea erregularretan ohikoak diren tarifak aplikatuko zaizkio zerbitzu horri, eta Dbusen onartutako edozein titulurekin ordaindu ahal izango dira: Mugi, BAT edo BARIK txartelak, gaur egun %50eko hobaria dutenak, eta QR edo EMV titulu digitalak eta noizbehinkako bidaia txartela.

Bidaia garraio txartelarekin ordaintzen dutenek auzo guztietara doako transbordoak egin ahal izango dituzte Dbuseko sarean. Era berean, garraio txartelik ez duten bisitariek QR kodea duen bidaia txartel berria eskuratu ahal izango dute, Dbuseko app ofizialaren bitartez, zeina iOS eta Androiderako eskuragarri dagoen. Bidai txartel horrekin, Dbuseko sare osoan nahi beste bidaia egin ahal izango dituzte, bidaia txartela erosi eta hurrengo 30 minutuz, 24 orduz edo 48 orduz.

Autobus %100 elektrikoa

Illunbetik hiri erdialdera joan-etorriak egingo dituen ibilgailua 12 metroko autobus bat da, %100 elektrikoa eta zero igorpenekoa. MAN Lions City 12e modeloko autobusa da, eta Industria, Merkataritza eta Turismo Ministerioaren Helmugetako Jasangarritasun Turistikorako ezohiko deialdiaren barruan erosi da, Next Generation Europako funtsek finantzatuta.

Igarako aparkalekua

Illunbeko aparkalekuaz eta bere anezka zerbitzuaz gain, Igarako gainazaleko aparkalekua (Bernardo Estornes Lasa kalea) prestatzen ari da Udala, Park and Ride edo disuasio aparkaleku gisa.

Aparkaleku horrek 220 plaza izango ditu, doakoa izango da eta konexio garrantzitsuak ditu Dbuseko linea erregular hauekin:

05, 25, 24, 27, 33, 35, 40, 43, 45 eta B1

Aparkalekurako sarbidea librea eta doakoa da, baina gehienez 24 orduz aparkatu ahal izango da bertan, txandakatzea errazteko.

•
2024, Maiatza 31
By Esti
In 46 eu, 47 eu, B1 eu, B10 eu, B2 eu, B3 eu, B4 eu, B5 eu, B6 eu, B7 eu, B8 eu, B9 eu, Berriak, Berriak home, Linea 05 eu, Linea 08 eu, Linea 09 eu, Linea 13 eu, Linea 14 eu, Linea 16 eu, Linea 17 eu, Linea 18 eu, Linea 19 eu, Linea 21 eu, Linea 23 eu, Linea 24 eu, Linea 25 eu, Linea 26 eu, Linea 27 eu, Linea 28 eu, Linea 29 eu, Linea 31 eu, Linea 32 eu, Linea 33 eu, Linea 35 eu, Linea 36 eu, Linea 37 eu, Linea 38 eu, Linea 39 eu, Linea 40 eu, Linea 41 eu, Linea 42 eu, Next funtsak

Irakurri

Eguneraketa – Aldaketak 21-Mutualitateak-Anoeta, 43-Anoeta-Igara eta B4-Amara-Martutene lineetan, Anoeta – Aita donostiaren inguruko obrak direla-eta

Anoeta-Aita Donostia plazaren inguruan egiten ari diren obren beste fase bat dela eta, apirilaren 30ean hasi eta obrak amaitu arte, 21-Mutualitateak-Anoeta, 43-Anoeta-Igara eta B4-Amara-Martutene lineen ibilbidea aldatu egingo da.

21-Mutualitateak-Anoeta

Mutualitateak geltokian ibilbide bukaerako geldialdia egin ondoren, autobusak eskuinera jiratuko du Errondo pasealekutik, Colladorantz, eta Pio XII.era iritiko da. Gero, Antso Jakitunean ohiko ibilbideari egiteari ekingo dio.

Errondo Anoetako geltokia, Madril hiribidea 19koa eta Madril hiribidea 5ekoa kendu egingo dira.

43-Anoeta-Igara

Anoeta alderantz: Morlanseko biribilgunera iristean, Colladotik zirkulatuko du, bertan geldialdia eginda, eta Madril hiribidetik, Madril hiribideko 10ean eta Madril hiribideko 28an (ibilbide bukaerako geltokia) geldialdiak eginda.

Errondo Anoetako geltokia eta Madril hiribidea 3koa kendu egingo dira, eta horietan gelditu beharrean Madril hiribidea 10ean eta 28an geldituko dira.

Igara alderantz: Madril hiribidea 28tik Errondo pasealekura joango da, eta han geldialdiak egingo ditu Errondo-Salaberrian eta Errondo-Barkaiztegin. Morlanseko biribilgunean, Izostegitik gora egingo du, eta ohiko ibilbideari ekingo dio berriro.

Pio XII.eko geltokia kenduko da, eta Errondo-Salaberria eta Errondo-Barkaiztegi geltokiak gehituko zaizkio ibilbideari.

B4-Amara-Martutene

Erdigune alderantz: Isabel II.etik zuzenean eskuinera biratuko du eta Madrid etorbideko 5ean egingo du geldialdia.

Madrid hiribideko 19ko geltokia kendu egingo da.

•
2024, apirila 30
By Esti
In B4 eu, Berriak, Berriak home, Linea 21 eu, Linea 43 eu

Irakurri

Ekainaren 23tik aurrera Dbusek zerbitzu gehiago emango ditu udan

Ekainaren 23an, ostiralean, San Juan bezperan, Dbuseko udako zerbitzuak hasiko dira, eta abuztuaren 31ra arte, osteguna, eskainiko dira. Udan, halaber, Dbusek zerbitzu bereziak eskainiko ditu denboraldiko ekitaldirik garrantzitsuenetarako.

Era berean, uda honetan berriro jarriko da abian Illunbeko aparkalekuaren eta hiriko Erdialdearen arteko anezka zerbitzua, eta Atotxa Erreka eta Antiguo lotuko dituen mikrobus linea berri bat ere jarriko da abian.

Irakurri gehiago (pdf)

•
2023, ekaina 19
By Esti
In 46 eu, B1 eu, B10 eu, B2 eu, B3 eu, B4 eu, B5 eu, B6 eu, B7 eu, B8 eu, B9 eu, Berriak, Linea 05 eu, Linea 08 eu, Linea 09 eu, Linea 13 eu, Linea 14 eu, Linea 16 eu, Linea 17 eu, Linea 18 eu, Linea 19 eu, Linea 21 eu, Linea 23 eu, Linea 24 eu, Linea 25 eu, Linea 26 eu, Linea 27 eu, Linea 28 eu, Linea 29 eu, Linea 31 eu, Linea 32 eu, Linea 33 eu, Linea 35 eu, Linea 36 eu, Linea 37 eu, Linea 38 eu, Linea 40 eu, Linea 41 eu, Linea 42 eu, Linea 43 eu, Linea 45 eu

Irakurri

Dbusen tarifa sistema irailaren 1etik aurrera

Aurreikusita dago irailaren 1etik aurrera, osteguna, Dbusen tarifen aldaketa indarrean jartzea, Gipuzkoako Garraioaren Lurralde Agintaritzaren Batzar Nagusiak abuztuaren 4an onartu zuenaren arabera, ekainaren 25eko 11/2022 Errege Lege Dekretuari dagokionez. Errege Lege Dekretu horren bidez, %50eko deskontua aplikatzen da garraioko abonuetan (ordainketa Mugi, Bat eta Barik garraio txartelekin). Tarifen aldaketa aurtengo abenduaren 31ra arte indarrean egongo dela aurreikusten da.

Gainerako tarifei dagokienez, aldaketarik gabe mantentzen dira.

Beraz, hau da datorren irailaren 1etik aurrera indarrean egongo den Dbusen tarifa sistema berria:

Bidai txartela	2022ko irailaren 1a baino lehenagoko prezioa	2022ko irailaren 1etik aurrerako prezioa
Noizbehinkako bidai txartela	1,85 €	1,85 €
Gaueko bidai txartela	2,50 €	2,50 €
MUGI Txartela
1-20 bidaia	0,96 €	0,48 €
21-50 bidaia	0,78 €	0,39 €
51. bidaiatik aurrera	0,19 €	0,09 €
MUGI Txartel anonimoa	1,26 €	0,63 €
BAT eta BARIK txartelak	0,96 €	0,48 €

•
2022, abuztua 31
By Esti
In 46 eu, B1 eu, B10 eu, B2 eu, B3 eu, B4 eu, B5 eu, B6 eu, B7 eu, B8 eu, B9 eu, Berriak, Berriak home, Linea 05 eu, Linea 08 eu, Linea 09 eu, Linea 14 eu, Linea 16 eu, Linea 17 eu, Linea 18 eu, Linea 19 eu, Linea 21 eu, Linea 23 eu, Linea 24 eu, Linea 25 eu, Linea 26 eu, Linea 27 eu, Linea 28 eu, Linea 29 eu, Linea 31 eu, Linea 32 eu, Linea 33 eu, Linea 35 eu, Linea 36 eu, Linea 37 eu, Linea 38 eu, Linea 39 eu, Linea 40 eu, Linea 41 eu, Linea 42 eu, Linea 43 eu, Linea 45 eu, Linea TB6

Irakurri

Dbus, aitzindaria emakumeentzako eskaripeko geldialdien sistema bat ezartzen

Dbusek 2019az geroztik eskaintzen du eskaripeko geldialdien sistema bat gautxori linea guztietan, emakumeentzat eta 18 urtetik beherakoentzat. Zerbitzua ostiral, larunbat eta jai bezperetan ematen da, bai eta gaueko zerbitzuak indartzea eskatzen duten ekitaldietan ere. Ibilbideko geltoki ofizialen artean jaistea eskatzeko aukera ematen du, baldin eta geldialdi horiek beharrezko baldintzak betetzen badituzte, segurtasuna hobetzeko asmoz.

Donostia izan zen zerbitzu hori ezarri zuen lehen hirietako bat, 2018an zerbitzua B8-Mirakontxa-Benta Berri-Seminarioa linean ezarrita, eta, hilabete batzuk geroago, gaueko gainerako lineetara zabaldu zuen. Uda honetan, hirian ekitaldiak eta jaiak berriro egiten hasiko direla eta, informazio material berriak argitaratu dira, Dbuseko autobusen erabiltzaileen artean zerbitzu horen erabilera bultzatzeko. Zerbitzua beste hiri batzuetan ere eskaintzen hasi da, eta emakumeen bidai esperientzia hobetzea bilatzen du, emakumeak baitira Donostian autobusetan gehien bidaiatzen duen kolektiboa.

Liburuxka ikusi (pdf)

•
2022, uztaila 26
By Esti
In B1 eu, B10 eu, B2 eu, B3 eu, B4 eu, B5 eu, B6 eu, B7 eu, B8 eu, B9 eu, Berriak, Berriak home

Irakurri

Ekainaren 23tik aurrera Dbusek zerbitzu gehiago emango ditu udan

Ekainaren 23an, ostegunean, San Juan bezperan, Dbuseko udako zerbitzuak hasiko dira, eta abuztuaren 31ra arte, asteazkena, eskainiko dira. Udan, halaber, Dbusek zerbitzu bereziak eskainiko ditu denboraldiko ekitaldirik garrantzitsuenetarako.

Informazioa ikusi (pdf)

•
2022, ekaina 20
By Esti
In 46 eu, B1 eu, B10 eu, B2 eu, B3 eu, B4 eu, B5 eu, B6 eu, B7 eu, B8 eu, B9 eu, Berriak, Berriak home, Linea 05 eu, Linea 08 eu, Linea 09 eu, Linea 13 eu, Linea 14 eu, Linea 16 eu, Linea 17 eu, Linea 18 eu, Linea 19 eu, Linea 21 eu, Linea 23 eu, Linea 24 eu, Linea 25 eu, Linea 26 eu, Linea 27 eu, Linea 28 eu, Linea 29 eu, Linea 31 eu, Linea 32 eu, Linea 33 eu, Linea 35 eu, Linea 36 eu, Linea 37 eu, Linea 38 eu, Linea 39 eu, Linea 40 eu, Linea 41 eu, Linea 42 eu, Linea 43 eu, Linea 45 eu, Linea TB6

Irakurri

Ekainaren 23tik aurrera Dbus-ek zerbitzu gehiago emango du udan

Ekainaren 23an, asteazkenean, San Juan bezperan, Dbuseko udako zerbitzuak hasiko dira, eta abuztuaren 31ra arte, asteartea, eskainiko dira.

1.Dbus zerbitzu gehiago udan zehar

1.1. Dbus zerbitzu gehiago auzoetara

Ekainaren 23tik abuztuaren 31ra arte, hiriko gune gehienetan aparteko zerbitzuak egongo dira; izan ere, udan autobusek beranduago egingo dituzte azken irteerak, eta asteko egun guztietan zerbitzuak beranduago bukatu dira. Hauek dira zabaltzen diren ordutegiak:

> Ordutegiak ikusi (pdf)

Ostiraletan, larunbatetan eta jai bezperetan gautxori aurreko ohiko zerbitzuak egongo dira. Gautxori aurreko zerbitzuak dira eguneko lineen azken zerbitzuetatik (gutxi gorabehera 22:00etan) Gautxoriak hasten diren arte (gutxi gorabehera 00:15ean) ematen direnak. Hau da, zerbitzu batzuk besteekin lotzen dituztenak. Gautxori aurreko zerbitzuen geltokiak Boulevardaren eta Gipuzkoa plazaren inguruan daude.

1.2. Gautxori zerbitzua berrabiaraziko da

Ekainaren 25etik aurrera Gautxori berbitzua berrabiaraziko da ostiral, larunbat eta jai bezperetan goizeko 3:00ak arte luzatuz. Irteerak Boulevardetik egingo dira.

> Ordutegiak ikusi (pdf)

1.3. Maiztasun handiagoa 24 eta 27 lineetako autobusetan

Ekainaren 23tik abuztuaren 31ra arte, jaiegunetan 24-Altza-Gros-Antiguo-Intxaurrondo eta 27-Altza-Intxaurrondo-Antiguo-Gros lineetan autobusak 30 minutuko maiztasunez ibiliko dira, izan ere, hil horietan asteko egun guztietako ordutegiak bateratuko dira.

1.4. Zerbitzu hobea Igeldora

Zerbitzuak 20 minutuan behin 16-Igeldo linean, goizez zein arratsaldez

Pasa den ekainaren 1etik aurrera, 16 linearen zerbitzuak maiztasun handiagoz emango dira, ohiko erabiltzaileen eta turista eta bisitarien garraioa errazteko. 10:05etik 21:05era bitartean zerbitzu gehiago emango dira, denbora tarte horretan zerbitzuen maiztasuna 20 minutukoa izango baita.

Gaueko zerbitzua Igeldora ekainaren 23tik

Ekainaren 23tik aurrera, igandea eta abuztuaren 31ra arte, larunbata, 16 lineak zerbitzu gehiago emango ditu Okendo 18-tik, 23:05ean eta 0:00etan beste bi irteera gehiagorekin.

Era berean, ekainaren 23tik abuztuaren 31ra arte Igeldo auzoak autobus zerbitzua izango du gauean, ostiral, larunbat eta jai bezperatan, B7-IGELDO GAUTXORIArekin. Gautxoria 1:00etan eta 2:00etan aterako da Boulevardetik, eta Kontxa pasealekutik joango da zuzenean Igeldoraino eta Kanpineraino.

1.5. Kontxako Pasealekuaren itxiera udan

Igande eta jaiegun guztietan, 9:00etatik 19:00etara gutxi gorabehera, Kontxako Pasealekua trafikoari itxita egongo da; beraz, aldaketa hauek egingo dira Antiguoko lineetan:

5-Benta Berri, 18-Seminarioa, 25-Benta Berri-Añorga, 33-Larratxo-Intxaurrondo-Antiguo-Berio eta 45- Estaciones Renfe-Bus Geltokiak-Antiguo-Aiete:

– Antiguo alderantz: Sanserrekatik joango dira, eta Pio Barojatik jaitsiko dira Antiguorantz eta, gero, ohiko ibilbidea egingo dute. Ez da geltoki bat ere aldatuko.

– Erdialderantz: Pio Barojatik igoko dira, eta Aldapetatik jaitsi. Ondoren, ohiko ibilbidea egingo dute. Ondarretako geltokia kendu egingo da eta Esklabetara edo Pio Baroja 4ra eramango da. San Martin 57ko geltokia zerbitzurik gabe geratuko da.

16-Igeldo:

– Antiguo alderantz: ohiko ibilbidea. Sanserrekatik joango dira eta geltoki guztiak mantenduko dira.

– Erdialderantz: Sanserrekatik jaitsi ezingo denez, Pio Baroja kiroldegiaren biribilgunetik aurrera Meloditik, Lazkano pasealekutik, Aldapetatik eta Easotik joango da, eta handik aurrera ohiko ibilbidea egingo du.

Sanserreka 33ko eta Sanserreka 25eko geltokiak kenduko dira eta Pio Baroja 10era eramango dira. Baenako Dukea 1ekoa, Mirakontxa 48koa, Mirakontxa 28koa eta San Martin 57koa kendu egingo dira.

•
2021, ekaina 22
By Esti
In 46 eu, B1 eu, B10 eu, B2 eu, B3 eu, B4 eu, B5 eu, B6 eu, B7 eu, B8 eu, B9 eu, Berriak, Berriak home, COVID-19 Informazioa, Linea 05 eu, Linea 08 eu, Linea 09 eu, Linea 13 eu, Linea 14 eu, Linea 16 eu, Linea 17 eu, Linea 18 eu, Linea 19 eu, Linea 21 eu, Linea 23 eu, Linea 24 eu, Linea 25 eu, Linea 26 eu, Linea 27 eu, Linea 28 eu, Linea 29 eu, Linea 31 eu, Linea 32 eu, Linea 33 eu, Linea 35 eu, Linea 36 eu, Linea 37 eu, Linea 38 eu, Linea 39 eu, Linea 40 eu, Linea 41 eu, Linea 42 eu, Linea 43 eu, Linea 45 eu, Linea TB6

Irakurri

Dbuseko geltokien aldaketak eta kokaleku berriak, San Martin kaleko obrak direla eta

San Martin kaleko obrak aurrera doazela eta, uztailaren 15etik aurrera, asteazkenez, honako aldaketa hauek egingo dira Dbuseko zerbitzuetan:

5-Benta Berri, 16-Igeldo, 18-Seminarioa, 25-Benta Berri-Añorga, 45-Estaciones Renfe-Bus Geltokiak-Antiguo-Aiete, B1-Benta Berri-Berio-Añorga, B7-Igeldo eta B8-Benta Berri-Miraconcha-Seminarioa:

Artzain Ona-San Martin geltokia kenduko da, eta Askatasunaren Hiribideko 31ra eramango da.

19-Aiete-Bera Bera, 31-Intxaurrondo-Ospitaleak-Altza, 36-San Roke-Aldakonea, 37-Rodil-Zorroaga eta B2- Aiete-Bera Bera:

Artzain Ona-San Martin geltokia kenduko da, eta Easo 9ra eramango da.

21-Mutualitateak-Anoeta, 26-Amara-Martutene, 28-Amara-Ospitaleak eta B4-Amara-Riberas-Martutene:

Artzain Ona-San Martin geltokia kenduko da, eta Easo 19ra eramango da.

33-Larratxo-Intxaurrondo-Antiguo-Igara:

Artzain Ona-San Martin geltokia kenduko da, eta Askatasunaren Hiribideko 21era eta Askatasunaren Hiribideko 3ra eramango da.

40-Gros-Antiguo-Igara:

Artzain Ona-San Martin geltokia kenduko da, eta Askatasunaren Hiribideko 19ra eramango da.

Honela geratuko dira geltokiak Erdialderantz eta Gros alderantz doazen zerbitzuetarako:

•
2020, uztaila 13
By Esti
In B1 eu, B2 eu, B4 eu, B7 eu, B8 eu, Linea 05 eu, Linea 18 eu, Linea 19 eu, Linea 21 eu, Linea 25 eu, Linea 26 eu, Linea 28 eu, Linea 31 eu, Linea 33 eu, Linea 36 eu, Linea 37 eu, Linea 40 eu, Linea 45 eu, Oharrak

Irakurri

Dbusen Txomin Eneako geltokien azken kokalekua

Txomin Eneako eta Aintzieta pasealekuko obrak amaitu ondoren, irailaren 9tik aurrera, astelehena, 15:00etan gutxi gora-behera, 26-Amara-Martutene, 41-Gros-Egia-Martutene eta B4-Amara-Erriberak-Martutene lineetako autobus geltokien kokalekuak finkatuta geratuko dira behin betiko:

Martutene alderantz:

TXOMIN ENEAKO ANBULATORIOA: Martutene aldera jarriko den geltoki berri hau sortu da 26, 41 eta B4 lineetarako.

FELISA MARTIN BRAVO 4: Martutene aldera jarriko dugun geltoki berri bat da; 26, 41 eta B4 lineak geratuko dira hor. Felisa Martín Bravo Hiribideko 4. zenbakian egongo da kokatuta.

RENFE LOIOLA: egokitzapen lanak amaitu arte bertan-behera jarraituko du. Bitartean 31-Intxaurrondo-Ospitaleak-Altza lineak Txomin Eneako Anbulatorioan gelditzen jarraituko du besterik esan arte.

ANTZIETA: geltoki hau behin betiko kenduko da.

Erdialderantz:

TXOMIN ENEA: hasierako kokalekura itzuliko da; alegia, Aintzieta pasealekura, Erdialderantz. Geltoki honetan geratuko dira 26, 31, 41 eta B4 lineak.

ANTZIETA 31: hasierako kokalekura itzuliko da; alegia, Aintzieta pasealekura, Erdialderantz. Geltoki honetan geratuko dira 26, 31, 41 eta B4 lineak.

31-Intxaurrondo-Ospitaleak-Altza lineak geltokietako lanak amaitu arte oraingo behin-behineko ibilbide eta geltokiarekin jarrituko du Martutene alderantz. Geldialdiak Txomin Eneako Anbulatorioan eta Felisa Martín Bravo 4-n egingo ditu, Renfe Loiola eta Antzietan egin ordez.

•
2019, iraila 5
By Esti
In B4 eu, Berriak home, Linea 26 eu, Linea 31 eu, Linea 41 eu, Oharrak

Irakurri

Aldaketak 26, 31, 41 eta B4 lineetan Txomin Eneako lanak direla-eta

Txomin Eneako eta Aintzieta pasealekuko obrak direla eta, astelehenetik aurrera, uztailak 15, 15:00etatik aurrera gutxi gora-behera, aldaketak egitea aurreikusita dago Dbuseko autobus linea hauetan: 26–Amara-Martutene; 31-Intxaurrondo-Ospitaleak-Altza; 41-Gros-Egia-Martutene; eta B4-Amara-Erriberak-Martutene. Fase honetan, ibilgailuentzat itxita egongo da Aintzieta pasealekuaren zati bat, eta zati horretan dauden geltokiak, beraz, Felisa Martin Bravo Hiribidera eramango dira, auzo berriaren barruan. Hauek dira egingo diren aldaketak:

Martutene alderantz: Renfe Loiola eta Antzieta geltokiak Aintzieta Pasealekuko 15ean eta Felisa Martin Bravo Hiribideko 4an jarriko diren bi markesinetara eramango dira.
Erdialderantz: Antzieta 31ko eta Txomin Eneako geltokiak behin-behineko zutoin bitara eramango dira, Felisa Martin Bravo Hiribideko 13an eta 5ean.

Ziur aski, obrak irailaren hasieran bukatuko dira, eta aurrerago jakinaraziko da autobus zerbitzuak hiriko alde horretan edukiko duen behin betiko konfigurazioa.

•
2019, uztaila 15
By Esti
In B4 eu, Berriak, Berriak home, Linea 26 eu, Linea 31 eu, Linea 41 eu

Irakurri

Category : B4 eu

21-Mutualitateak-Anoeta

43-Anoeta-Igara

B4-Amara-Martutene