Linea 14 eu

Dbusen autobusen erabilerak gora egin du 2019ko lehen seihilekoan

Dbusen autobusetan zenbatutako bidai kopuruak goraka jarraitzen du. 2019ko ekainaren 30ean urteko 29 milioiko bidai kopurua gainditu da berriro, izan ere, azken 12 hilabeteetan 29.311.304 bidaia erregistratu dira. Kopuru hori errekor historikoa da, Donostian autobusek historian izan duten erabilerarik handiena izan baita.

Aurretik, 2011ko ekainean lortu zen kopuru historiko bat; orduan, 29.297.317 bidaia erregistratu baitziren azken 12 hilabeteetan. Aurreko urtean eta garai berean erregistratu ziren datuekin alderatuta, 653.165 bidaia gehiago egon dira aurten (%2,3ko igoera). Ondoko grafikoan ikus dezakegu bidaia kopuruak seihilekoka izan duen bilakaera:

Analisia lineaz linea

Lineei dagokienez, 2019ko lehen seihilekoan gehien erabili den linea 28-Amara-Ospitaleak izan da, eta horren atzetik 13-Altza eta 5-Benta Berri lineak. Bidaiarien Garraio Publikoari buruzko UNE-EN 13816 arauaren arabera AENORen kalitate ziurtagiria duten hiru lineak dira, eta ziurtagiri horrekin linea horien zerbitzuaren kalitatea egiaztatzen da.

Era berean, sei hilabete hauetan bidaia kopuruak gora egiten jarraitu du Antiguon, Berion, Ibaetan eta Igaran zerbitzua ematen duten lineetan (5-16-25-33-40-43-45 lineak), aparteko 10.000 bidaia baino gehiagorekin, eta Amaran zerbitzua ematen dutenetan (17-21-26-28 lineak), aparteko 12.000 bidaia baino gehiagorekin.

Modu berean, Ekialdeko aldean aldaketa garrantzitsuena Altza eta Bidebieta lineetan (13-14 lineak) egon den hazkunde handia izan da, aparteko 23.000 bidaiari baino gehiago izan ditu eta. Aiete aldeko lineek (18-19-23-31-32-45 lineak) gora egiten jarraitu dute, duela 3 urte egin ziren hobekuntzen ondoren. Aparteko 40.000 bidaia gehiago zenbatu dira.

Horrez gain, bigarren urtea da, jarraian, Gautxori zerbitzuek gorakada handia izan dutena. 2019ko lehen seihileko honetan 1.123 bidaia gehiago zenbatu dira.

Beste albiste oso positiboa izan da auzoen arteko lineetan (24-27-41 lineak) bidaiak berreskuratu direla, aparteko 65.000 bidaia baino gehiago eduki dituzte-eta. Horren arrazoia izan da Astiñeneko zubia ireki dela, 2018ko lehen seihilekoan itxita egon baitzen.

Bidaien analisia

2019ko lehen seihilekoan, urtarrilaren 31 izan da autobusa gehien erabili den eguna, 101.039 bidaiarekin, eta horren atzetik, maiatzaren 3a, 99.022 bidaiarekin (Real Sociedad- Real Betis Balompie taldeen arteko kopako partida, Anoetan) Kasu honetan, 2019ko urtarrilaren 19a (San Sebastian bezpera) larunbata izan da eta 88.573 bidaia zenbatu dira (ohiko larunbat batean baino 25.000 bidaia gehiago).

Zentzu horretan, lanegunetako autobusen batez besteko erabilera tarifak bateratu zirenetik handiena izan da, 91.986 bidaiarekin (90.746 bidaia 2018an). Larunbat eta jaiegunetako erabilerari dagokionez, lehen seihileko honetan batez besteko erabilera 2018koa baino handiagoa izan da, baita tarifak bateratu zirenetik erregistratutako handiena ere. Izan ere, larunbatetan 69.050 bidaia erregistratu dira (66.029 bidaia 2018an) eta 40.021 bidaia jaiegunetan (39.169 bidaia 2018an).

•
2019, uztaila 22
By Esti
In Berriak, Berriak home, Linea 05 eu, Linea 08 eu, Linea 09 eu, Linea 13 eu, Linea 14 eu, Linea 16 eu, Linea 17 eu, Linea 18 eu, Linea 19 eu, Linea 21 eu, Linea 23 eu, Linea 24 eu, Linea 25 eu, Linea 26 eu, Linea 27 eu, Linea 28 eu, Linea 29 eu, Linea 31 eu, Linea 32 eu, Linea 33 eu, Linea 35 eu, Linea 36 eu, Linea 37 eu, Linea 38 eu, Linea 39 eu, Linea 40 eu, Linea 41 eu, Linea 42 eu, Linea 43 eu, Linea 45 eu, Linea TB6, Sin categoría @eu

Irakurri

Ekainaren 23tik aurrera Dbus-ek zerbitzu gehiago emango ditu udan

Ekainaren 23an, igandean, San Juan bezperan, Dbuseko udako zerbitzuak hasiko dira, eta abuztuaren 31ra arte, larunbata, eskainiko dira. Udan, halaber, Dbusek zerbitzu bereziak eskainiko ditu denboraldiko ekitaldirik garrantzitsuenetarako.

Era berean, udako hilabete horietarako, Dbusek “Elkartzen duten lineak” izeneko kanpaina abian jarriko du, garraio publikoa sustatzeko, egunetik egunera ehuntzen diren eta Dbuseko autobus lineekin elkartzen gaituzten linea ikusezinak agerian jarriz.

“Elkartzen duten lineak” kanpaina

Dbuseko lineak, askotan, nabaritzen ez diren lineak dira, baina egunez eta gauez, udan eta neguan, gure eguneroko bizitzarekin, gure zaletasunekin, gure inguruneko pertsonekin eta gure egunerokoarekin elkartzen gaituzte.

Erabiltzaileek Dbuseko autobus lineen sarearekin duten loturan eta egunero sortzen den harreman horretan fokua jarriz, Dbusek “Elkartzen duten lineak” izeneko kanpaina abiarazi du. Dbus sarea 41 lineak eta 134 autobusek osatuta dago, eta sare horrek lortzen du urtero 180.000 pertsona inguruk elkarrekin lotuago sentitzea eta Donostiak eskaini ahal dienetik hurbilago ere bai.

Grafiko fresko eta koloretsu batekin, kanpaina hainbat historiaren ingurukoa da, eta euskarri askotan dago presente: alde batetik, geltokietako markesinetan kartel batzuk ikusi daitezke, non benetako erabiltzaileen profilak eta erabiltzaile horiek Donostiatik mugitzeko erabili ohi dituzten autobus lineak agertzen diren. Autobusen barruan ere binilo batzuk jarri dira, erabiltzaileak beren helmugekin elkartzen dituzten hainbat historiarekin. Era berean, bideo batzuk prestatu dira autobus barruko pantailetan eta sare sozialetan emateko, non kanpainari buruzko material guztia erakutsiko den. Horrez gain, lehiaketa eta zozketa txikiak antolatuko dira. Dbusen Youtube kanalean (dbusdonostia) ikusi daiteke kanpainaren bideo nagusia, hemen eskuragarri dago.

Udan, Dbuseko zerbitzu gehiago

2019ko udan Dbusek zerbitzu gehiago eskainiko ditu egunez eta gauez.

> Informazio osoa (pdf)

•
2019, ekaina 17
By Esti
In 46 eu, B1 eu, B10 eu, B2 eu, B3 eu, B4 eu, B5 eu, B6 eu, B7 eu, B8 eu, B9 eu, Berriak, Berriak home, Jarduerak, Linea 05 eu, Linea 08 eu, Linea 09 eu, Linea 13 eu, Linea 14 eu, Linea 16 eu, Linea 17 eu, Linea 18 eu, Linea 19 eu, Linea 21 eu, Linea 23 eu, Linea 24 eu, Linea 25 eu, Linea 26 eu, Linea 27 eu, Linea 28 eu, Linea 29 eu, Linea 31 eu, Linea 32 eu, Linea 33 eu, Linea 35 eu, Linea 36 eu, Linea 37 eu, Linea 38 eu, Linea 39 eu, Linea 40 eu, Linea 41 eu, Linea 42 eu, Linea 43 eu, Linea 45 eu, Linea TB6

Irakurri

Vectiaren autobus hibrido-elektriko bat probatuko du Dbusek

Garraio gero eta iraunkorragoaren alde konprometituta, Dbusek proiektu pilotu bat aurkeztu du, non CAF Taldeko Vectia enpresak fabrikatutako autobus hibrido-elektriko bat probatuko duen. Proiektuak 6 hilabete iraungo du gutxi gorabehera, aurtengo irailetik 2019ko otsailera arte, eta hiriko ekialdean dabiltzan autobus lineetan probatuko da: 9-Egia-Intxaurrondo, 13-Altza eta 14-Bidebieta; hau da, Altza, Bidebieta, Gros, Egia eta Intxaurrondo auzoetan zerbitzua ematen duten lineetan probatuko da.

Veris.12 Partial Electric modeloa da, 12 metrokoa. Autobusa modu hibridoan zein modu elektrikoan dabil, kanpoko kargaren premiarik gabe; beraz, ez du azpiegiturarik behar, ez linean, ez Kotxetegietan. Autobusak GPS bidez trukatzen ditu gidatze moduak, beraz. ez du gidariaren esku-hartzerik behar. Zehazki, Erdialdean, Grosen, Altzan (Harria parkea-Lauaizeta) eta Bidebietan ibiliko da modu elektrikoan, %100ean.

Irtenbide teknologiko malgua

Irtenbide teknologiko malgua da, eta kutsadura eta zarata murriztea ahalbidetzen du. Autobus hau martxan jartzeak CO2 igorpenak murriztea ahalbidetuko du modu hibridoan funtzionatzen duen lekuetan; eta erabat modu elektrikoan funtzionatzen duen lekuetan, berriz, ez dute batere CO2rik igorriko.

Era berean, Vectiaren autobusak berrikuntza teknologiko batzuk ditu, efizientzia energetikoa handitzera bideratuta, hala nola freno birsortzailea, freno pedalari sakatuta erregaiaren kontsumoan aurrezten uzten duena, edo start&stop sistema, zeinarekin modu hibridoan zirkulatuta autobusak geldialdi bat egiten duenean motorra gelditzen baita. Gainera, ibilgailua %100 elektriko bihurtu daiteke bere bizitza baliagarriaren edozein unetan, lineako aukerako karga sistema erabiliz (OppCharge estandarra betetzen du).

Donostiako alkate Eneko Goiak adierazi duenez, Dbusek garraio elektriko eta iraunkorraren alde egiten duen apustuak “beste bidaide bat dauka, CAF da, hain zuzen, bidaide hori “. Donostiako alkateak uste du autobusen konpainia bere flota berritzeko eta igorpenak murrizteko ematen ari den urratsak babes sendoa izan behar direla teknologia garbiak garatzen ari diren lurraldeko enpresetan. Hala, CAFek bere modelo berriarekin egingo duen proba balioetsi du, bere modelo berriarekin erabat interesgarriak diren prestazioak dituen autobus bat egiaztatu ahal izango baita, eta horrek urrats gehiago emateko balio ahal digu”.

“Oso pozgarria da garraio elektrikoaren alde egiten ari garen apustu honetan urrats berriak eman ahal izatea Gipuzkoako enpresa baten eskutik. Lankidetza publiko-pribatu honek alde biei egiten die on, eta hori da jarraitu nahi dugun bidea”, esan du bukatzeko.

CAFeko Negozioetako eta Teknologiako Zuzendari Korporatibo Josu Imazek, berriz, eskerrak eman dizkio Dbusi emandako laguntzagatik, eta azpimarratu du Vectiarentzat garrantzitsua dela bere produktuak Donostian ezagutaraztea eta Dbusekin elkarlanean aritzea, garraioko iraunkortasunean erreferentziakoak diren garraio operadoreetako bat baita.

“Dbusek eta CAFek elkarrekin garatutako lehen proiektua da hau, eta seguru gaude etorkizunean bion arteko lankidetza hori areagotu egingo dela. Izan ere, pozik esan dezakegu enpresa biak, proiektu honetaz aparte, jada proiektu berri bat aurreikusten ari direla CAF teknologia frogatzeko, hiriko linea baten %100 elektrifikatzeko aukerarekin, linea ibilgailu eta karga gune berriak jarrita.”

Vectia CAF Taldeko enpresa bat da, eta beste hiri batzuetan ere badu autobusak funtzionamenduan, hala nola Bartzelonan, Valladoliden, Vitoria-Gasteizen, Iruñean edo Irunen. Era berean, CAF Taldea mugikortasunaren alde egiten ari den apustuaren barruan, berriki erosi duen Solaris enpresarekin, CAFek bere produktu gama osatu du, eta hiri mugikortasun iraunkorreko sistemetan Europan zuen lidergoa indartu.

Ildo horretan, Dbusek SOLARIS etxearen Urbino Hybrid 12 modeloko 19 autobus hibrido dauzka eta ingurumena gehien errespetatzen duten flotetako bat dauka. 2018aren bukaerarako aurreikusten da 12 metroko autobusen erdia elektriko-hibridoak izatea, gutxi gorabehera.

Proiektu pilotu honekin, CAF Taldeak eta Dbusek Donostian mugikortasun elektrikoa bultzatzen laguntzen dute, Donostiako autobus linea batzuen ezaugarrietara egokitzen den eta teknologikoki berritzailea eta malgua den irtenbide bat egiaztatuz.

•
2018, iraila 12
By Esti
In Berriak, Linea 09 eu, Linea 14 eu

Irakurri

Otsailaren 23tik, ostirala, 6 urtera bitarteko adingabeek doan bidaiatu ahal izango dute Dbus-en

Otsailaren 23an, ostirala, 6 urtetik beherako adingabeentzako doako bidai txartela sartuko da indarrean Dbusen. Horrela, urte bat gehiagokoa izango da doako bidai txartelarekin bidaiatzeko adin tartea, lehen 5 urtera artekoa baitzen. Beraz, 6 urte bete ondoren bidai txartela ordaindu beharko dute.

•
2018, otsaila 1
By Esti
In B1 eu, B10 eu, B2 eu, B3 eu, B4 eu, B5 eu, B6 eu, B7 eu, B8 eu, B9 eu, Berriak, Linea 05 eu, Linea 08 eu, Linea 09 eu, Linea 13 eu, Linea 14 eu, Linea 16 eu, Linea 17 eu, Linea 18 eu, Linea 19 eu, Linea 21 eu, Linea 23 eu, Linea 24 eu, Linea 25 eu, Linea 26 eu, Linea 27 eu, Linea 28 eu, Linea 29 eu, Linea 31 eu, Linea 32 eu, Linea 33 eu, Linea 35 eu, Linea 36 eu, Linea 37 eu, Linea 38 eu, Linea 39 eu, Linea 40 eu, Linea 41 eu, Linea 42 eu, Linea 43 eu, Linea 44 eu, Linea 45 eu, Linea TB6, Oharrak

Irakurri

Dbus-ek autobus zerbitzu berriak jarriko ditu martxan

Datozen egunetan Dbusek hainbat hobekuntza jarriko ditu martxan bere autobus lineetan. Horietako batzuk betiko dira eta beste batzuk, berriz, udan zerbitzua hobetzeko neurriak dira.

Ondorengo estekan informazio guztia aurkituko duzu.

> Informazioa ikusi (pdf)

•
2016, ekaina 27
By Esti
In B2 eu, B4 eu, B7 eu, B8 eu, Berriak, Berriak home, Linea 05 eu, Linea 08 eu, Linea 09 eu, Linea 13 eu, Linea 14 eu, Linea 16 eu, Linea 17 eu, Linea 18 eu, Linea 19 eu, Linea 21 eu, Linea 23 eu, Linea 24 eu, Linea 25 eu, Linea 26 eu, Linea 27 eu, Linea 28 eu, Linea 29 eu, Linea 31 eu, Linea 32 eu, Linea 33 eu, Linea 35 eu, Linea 36 eu, Linea 37 eu, Linea 38 eu, Linea 39 eu, Linea 40 eu, Linea 41 eu, Linea 42 eu, Linea 43 eu, Linea 44 eu, Linea 45 eu, Linea TB6

Irakurri

Category : Linea 14 eu

Irtenbide teknologiko malgua