Langileak

Category : Berriak home

IMG_0898_WEB

Donostiako herritarrek oso ondo baloratzen dute hiriko garraio publikoa

encuesta_1_euskDonostiako Udalak Herritarren Pertzepzioen gaineko Inkestaren emaitzaren berri eman du. Inkesta hiriaren 2020ko Plan Estrategikoaren jarraipenerako lanetako bat izan da. Inkestaren ondorioa izan da Donostiako herritarrak oso pozik daudela hiriko bizimoduarekin; izan ere, 8,75 puntu eman diote bertako bizimoduari, 10 puntutik. Garraio publikoa izan da donostiarrek hoberen baloratutako alderdietako bat, 7,7ko puntuazioa eman baitiote. Herritarren ustez, zerbitzurik hoberena da hiriko azpiegituren eta ekipamenduen atalean.     

Hiriak eta hiriaren perspektibek eta erronkek biztanleengan zer sentimendu sortarazten duten aztertzeko balio du inkestak. Halaber, aurretik egin diren inkestekin alderatuta, herritarren balorazioan egon den aldaketa ikusteko ere balio du (2005 eta 2008).

encuesta_2_euskInkestaren emaitzek erakusten dutenez, garraio publikoa (7,7) beste zerbitzu batzuen aurretik kokatzen da, horien artean egonik osasun laguntza eta ospitalekoa (7,53), parkeak eta lorategiak eta horrelako berdeguneak (7,04) edo kultura-guneak (6,97). Halaber, garraio publikoarekin gogobeteta dauden lagunen portzentajea %90,8 da, osasun laguntza eta ospitalekoa %91, parkeak eta lorategiak eta horrelako berdeguneak %86,6 eta kultura-guneak %81,6.

Inkesta Datakey Institutuak gin du 2017ko ekainaren 13tik 30era bitartean, 16 eta 74 urte bitarteko pertsonei telefonoz egindako elkarrizketen bitartez. Laginak ± %4ko gehieneko errore estatistikoa dauka, eta konfiantza maila %95ekoa da.

Laginaren banaketa donostiar populazio osoarekiko proportzionala izan da, auzoen, sexuen eta adinen arabera. Sei gune geografikotan banatu da. Amara (Berri eta Zaharra), Mendebaldea (Añorga, Errotaburu, Zubieta, Ibaeta, Berio, Ondarreta, Lorea, Bentaberri, Antiguo, Igeldo eta Aiete), Erdialdea (Mirakontxa, Erdialdea, Alde Zaharra), Ekialdea (Gros, Egia, Intxaurrondo, Ulia) Altza-Bidebieta eta Loiola-Zorroaga-Martutene.

Inkesta osorik: www.donostia.eus

Irakurri
piper_txiki

80 bat istorio “Pertsonak eramaten dituzten pertsonak” izeneko kanpainan

“Pertsonak eramaten dituzten pertsonak” izeneko kanpainan gidarien eta erabiltzaileen 80 bat Dbus istorio bildu ditu Dbusek. Kanpaina ekainaren erdialdean jarri zen martxan, enpresako enplegatuen lana balioesteko eta donostiarrei gidarien irudi gizatiarragoa helarazteko. 

Kanpainan Dbuseko gidari askoren istorioak bildu ziren eta hainbat euskarritan jarri ziren ikusgai, hala nola markesinetan. Era berean, web berezi bat sortu zen (www.dbusistorioak.eus), eta erabiltzaileek beren bizipen propioak argitaratu dituzte webgune horretan. 

Asmoa zen Dbuseko langileek eta erabiltzaileek kontatutako istorioak biltzea eta istorio horiekin osatzea Donostian autobusean bidaiatzen duten pertsona horien guztien historia, izan ere, pertsona horiek ahalbidetu dute 130 urte igaro ondoren Dbusek gure hiriko erreferente izaten jarraitzea.

 

Aukeratutako istorioak 

Erabiltzaileek proposatutako istorio guztien artetik 5 aukeratu dira, eta Diego Besne ilustratzaile donostiarrak irudia jarri die 5 istorio horiei. Dbuseko geltokietako markesinetan daude jada ikusgai istorio horiek, beren irudiekin batera. Era berean, irailaren 20, 21 eta 22an ”perching” bat egingo da istorio horiekin, Donostiako autobusetan. Istorio irudidunak autobusen barruan jarriko dira, barruko barretatik zintzilik, eta horrela erabiltzaileek Dbus istorio gehiago ezagutu ahal izango dituzte. 

Bost istorio irabazleek, halaber, Dbusen hiru hilabetean doan bidaiatzeko baimen bana eskuratuko dute, bai eta bere istorio irudiduna marko batean jarrita ere. 

 

Hauek dira aukeratutako 5 istorioak: 

Poltsak konfundituta (Ainara, 41 urte, kultur ekintzailea)

Beti 4ko eserlekuetan esertzen naiz, gidariaren aldera begira; mania hori daukat. Eserleku horiek gustuko ditut, trasteak uzteko lekua dagoelako eta jendearekin interakzioan egon zaitezkeelako. Euria zen eta eserita geuden guztiok aterkinak eta poltsak lurrean utzita genituen.   poltsak

Autobusetik irtetean, nire aurrean eserita zihoan neskak nire erosketa poltsa hartu zuen eta nik harena, biok konfundituta. Erosketak denda berean egin genituen, hori kasualidadea. Ez genekien nola aurkitu elkar, eta biek ideia bera eduki genuen: hurrengo astean biak autobusean gora eta behera ibili ginen, poltsarekin, berriro topo egin arte. 

Jakin nuen berak ere gustuko zuela eserleku horietan bidaiatzea, baina autobusaren atzealdera begira eserita. Bakoitza bere maniekin, baina denak ez gara hain desberdin!

 

 

 

 

Piper egiteak merezi izan zuen (Ane, 20 urte, ikaslea)

Astearte euritsua zen eta 8etan klasea nuen. Presa nuepipern, baina denbora nahikoa 17a hartuz gero. Bost minutu falta ziren autobusa etortzeko. Autobusa zetorren eta ahots lodi batek nora nihoan galdetu zidan. Goizeko zortziak hamar gutxiago ziren, eta hotz erantzun nion. 

– Klasera.

– Zurekin joan naiteke? Ez daukat presarik, euria da eta interesgarria iruditzen zait zure aurikularretatik ateratzen den reggaea.

– Bai horixe.

Mikel deitzen zela esan zidan. Hiru geltoki igaro ziren berak hitzik esan gabe eta, jakina, nik ere ezer esan gabe. Nire geltokira hurbiltzen ari ginen; jada ez zitzaidan hainbeste inporta unibertsitatera joatea. “Pentsatu azkar, pentsatu” Eta pentsatu egin nuen.  Paper bat atera nuen eta hau idatzi nuen: “asteartea eta osteguna: ordu berean eta autobus berean”. Osteguna heldu zen, presa txikiagoa, reggae gehiago eta eguzki galda.

– Hartuko dugu 33a Miramarreraino?

– Musika saioa kontxa parean goizeko 8;30ean? Erosi egiten dut.

Eta gaur arte!.

 

Irakurtzeko uneak  (Iker Izal)irakurtzeko

Maitasun handiz gogoratzen ditut Bentaberrin EHUn ikasten ari nintzeneko urteak, egunero autobusa hartzen bainuen hara iristeko. 

Grosen bizi nintzen eta etxetik unibertsitatera 15 bat minutu nituen autobusean. Eguneko unerik gogokoenetako bat zen. Egunean zehar, minutu horiek baino ez nituen plazerez irakurtzeko, errealitatetik ihes egiteko eta gozatzeko unea zen niretzat. 

15 minutu joateko eta beste 15 bueltatzeko. Gehien irakurri dudan eta irakurketaz gehien gozatu dudan garaia nire bizitzan. 

 

 

 

Paseoak Kontxatik (Leticia, 65 urte, erretiratua)

Ia asteburu guztietan bisitatzen dut Antiguan dudan familia. Hau da nire ohiko errutina: esnatu, kafea hartu, jantzi, egunkaria erosi estankuan, eta autobus geltokira hurbildu.paseoak

 Antiguarako bidean, autobusean egunkaria irakurtzen joatea da nire unerik gogokoenetako bat. Sekulako plazera da niretzat Kontxa gurutzatzea autobusean, irakurtzen, eguraldi ona izan zein ez. Eta zer diozu udako hondartza egunez?   

Bidaiaz gozatu eta gainera eguna hondartzan igaro, zer gehiago eskatu daiteke? 

 

 

 

 

 

Nola aldatu garen (Jose Angel, 49 urte, arreta zuzena dibertsitate funtzional intelektuala duten pertsonei)aldatu

130 urte. Laster 50 urte beteko ditudala-eta atzera begira jartzen naiz, eta gogorapen eta sentimenduak etortzen zaizkit gure garraio publiko maitatuaren inguruan; ez dakit oroipenak edo irudipenak diren, baina, edozer gauza izanda ere, halako nostalgia bat baino ezin dut sentitu igarotako denboragatik, batek baino gehiagok esango lukeen moduan. 

Autobusetan hazi gara; hasieran, korrika kobratzailearen lekuan esertzeko, printze bat zaldi gainean bezala; gero, OHO egin genuen, egunero atzeko aldean bidaiatuta, atzeko barra hari helduta, bizitzari begira kristaletatik, edo atzeko atearen zuloan eserita; zenbat maite genuen leku hura! Eta orain, egungo autobusak ikusten ditudanean, zera pentsatzen dut: zenbat aldatu garen! Eta zein bidaia ederra bizitzarena! 

Irakurri
foto_movilidad_elec_jardunaldia

Dbus, mugikortasun elektrikoari buruzko jardunaldi bateko partaide

Gipuzkoako lurraldeak eta Gipuzkoako enpresek mugikortasun iraunkorragoa garatzeko duten estrategiaren berri emateko jardunaldi bat egin da, Gipuzkoako Foru Aldundiak antolatuta, eta Dbusek bertan hartu du parte. 

foto_movilidad_elec_jardunaldiaJardunaldian, mahai inguru bat egin da elektromugikortasunaren inguruan diharduten enpresa teknologikoen ordezkariekin batera. Enpresa horietako bat izan da Irizar e-mobility, Irizar Taldearen eta Ibilen elektromugikortasuneko enpresa, zeina ibilgailu elektrikoak kargatzeko zerbitzuetan espezializatuta baitago. Mahai inguruan, Igor Gonzalezek, Dbuseko zuzendari gerenteak, mugikortasun elektrikoei lotutako proiektuen gainean eta Gipuzkoak nazioartean eremu horretako erreferente bihurtzeko duen gaitasunaren gainean eztabaidatu du. 

Linea honetan, Europan abian jarritako 12 metroko lehen autobus %100 elektriko sartu zuen Dbusek 2014an. Autobusa Irizarrek fabrikatu zuen. Era berean, pasa den urtean bi autobus elektriko gehiago erosi zituen. Autobus horiek ere Irizarrek fabrikatu zituen, elektromugikortasuna eta efizientzia energetikoa sustatzen dituen REPLICATE proiektu europarraren baitan. 

Une honetan, Dbus proiektu pilotu bat lantzen ari da 18 metroko autobus elektriko artikulatua probatzeko, Donostian. Irizarrek ezaugarri horiekin fabrikatuko lukeen lehen ibilgailua litzateke eta Dbus horrelako ibilgailu baten lehen erakuslea. Ibilgailuak 28-Amara-Ospitaleak linean emango luke zerbitzua, Dbuseko linearik erabiliena eta Euskadin urtean bidaiari kopururik handiena erregistratzen duen linea baita. Kotxetegietan gauez kargatzeaz gain, autobu honek aukerako karga egingo luke Miramongo bukaerako geltokian. 

Dbusek, 3 autobus %100 elektrikoez gain, 20 autobus hibrido dauzka. Beraz, 12 metroko autobusen %25 ibilgailu elektriko-hibridoak dira. Ingurumena gehien errespetatzen duen flota da Euskal Herrian eta elelektromugikortasunaren erreferentea Estatu mailan.  

Irakurri
L39 web2

Mikrobus zerbitzua Pasealeku Berria eta Urgull mendira iraileko asteburuetan

Irailean Dbusek Urgull Mendira 39-URGULL linearekin ematen duen mikrobus zerbitzua larunbatetan eta igandetan izango da. Zerbitzuak 30 minuturo izango dira goizeko 11:00etatik 13:30era, eta arratsaldeko 17:00etatik eta 20:00etara. 

-Urgulleruntz irteerak SALAMANCA PASEALEKUTIK izango dira, ondorengo orduetan:

11:00 – 11:30 – 12:00 – 12:30 – 13:00 – 13:30

17:00 -17:30 – 18:00 – 18:30 – 19:00 – 19:30 – 20:00

 

-Urgulletik irteerak SANTIAGOKO BATERIATIK izango dira ondorengo orduetan:

11:15 – 11:45 – 12:15 – 12:45 -13:15 -13:45

17:15 – 17:45 – 18:15 – 18:45 – 19:15 – 19:45 – 20:15 

Urgullerako zerbitzuaz gain, mikrobus honek Bretxa eta Pasealeku Berriko aparkalekuen arteko garraio publikoko konexioa dakar.

 

* Lineak ez du zerbitzurik izango: 

– Irailaren  3an, igandea, goizean, Estropadak direla eta.

– Irailaren 9an, larunbata, 11:30etik 12:30era Urgulleko Krossa dela eta.

– Irailaren  10ean, igandea, egun osoan zehar, Estropadak direla eta. 

Irakurri
IMG_3934_peq

Dbus-ek proiektu pilotu bat jarri du abian bere autobusetan banku txartelekin ordaindu ahal izateko

Cartel_marquesinaAutobuseko bidaia banku txartelarekin ordaintzea errealitatea da jada Dbuseko 16-Igeldo linean eta 45-Estaciones Renfe-Bus Geltokiak-Antiguo-Aiete linean. Dbusek GEKOIN INGENIEROSekin eta Santander Bankuarekin  batera garatu duten proiektu pilotu bat da, zeinak bidaia kontakturik gabeko Visa, Mastercard eta American Express kreditu txartelekin eta zordunketa txartelekin eta mugikorretako aplikazio batzuekin ordaintzen uzten baitu.

Horrela, erabiltzaileei autobusera igotzea errazten zaie eta ibilgailuen efizientzia eta abiadura komertziala hobetzen da. Garraio publikoko sistema teknologiko berritzailea da eta beste hiri batzuetan ere erabiltzen ari da, hala nola Londresen edo Madrilen. Aurreikusita dago proiektu pilotua urtebete irautea eta MUGI txartelekin ordaintzeko sistemaren osagarria da. 

Horretarako, bidai txartelak baliozkotzeko makina berriak jarri dira gidariaren postuaren ondoan. Makinak identifikatzeko, txartelen eta ordainketa egiten uzten duten aplikazioen logoak dituen pegatina bat erabiliko da. Bankuko txartel bakoitza edo mugikorreko aplikazio bakoitzak erabiltzaileak nahi beste bidaiak ordaintzen uzten du, noizbehinkako bidai txartelaren prezioan eta komisiorik gabe.  

Era berean, txartelarekin ordaintzea uzten duten autobusek errotulazio berezia edukiko dute, erraz ezagutzeko. Sistema hau sei autobusetan jarri da, eta nagusiki autobus horiek 16 eta 45 linean emango dute zerbitzua, baina Dbuseko beste linea batzuetan ere egon daitezke.  Kanpaina osatzeko, kartelak jarriko dira markesinetan eta informazioa emango da geltokietan eta Dbusen informazio kanaletan.

Kontakturik gabeko txartelak eta aplikazioak

Kontakturik gabeko Mastercard, Visa eta American Express kreditu eta zordunketa txartelez gain, sistemak aplikazio hauekin ordaintzea ere onartuko du, pixkanaka-pixkanaka aplikazio gehiago sartuta:

– Apple Pay: American Express txartelekin.

– Samsung Pay: Banco Santander, La Caixa, Imagin, Abanca eta Sabadell bankuen Visa eta Mastercard txartelekin.

– Beste banku erakunde batzuen VISA eta Mastercard txartelak, erakunde horien appen bitartez: Santander Wallet, BBVA Wallet, Vodafone Wallet, La Caixa Wallet, etab.

Sistema berriak abantaila ugari dauzka: Alde batetik, erabiltzaileei ordainketa errazten zaie, ez baitute garraio txartelik edo eskudirurik beharko bidaia ordaintzeko. Eta, bestetik, sistema erabat segurua da. Bidai txartelak erosteko moduari buruzko informazioa sinplifikatu ere egiten da, eta ez da beharrezkoa bidai txartela edo garraio txartela aurretik erostea. Horrez gain, ordainketa arinago egiten da autobusean sartzean, geldialdi bakoitzaren iraupena murriztuta eta bidaietan denbora gutxiago egiteko aukera emanda. Horrela, garraio publikoaren erabilera bultzatzen da.

Egunero eskudirutan bilduko den dirua gutxiago izatea ere ekarriko du, likidazio lanak erraztuta. Gaur egun, Dbuseko autobusetan urtean egiten diren bidaien %7,47 ordaintzen dira eskudirutan. Gainera, beste herrialde batzuetatik datozen pertsonek ez daukate zertan legezko monetarik eduki, beren banku txartelekin ordaindu baitezakete bidaia.

16 linea da Dbuseko autobus linea turistikoenetako bat, hiriaren erdialdea Antiguorekin eta Igeldorekin lotzen baitu. 45 lineak, berriz, erdialdearekin, Antiguorekin, Unibertsitateekin eta Aietekin lotzen ditu Renfe eta autobus geltokiak. Beste lurralde batzuetako eta gure hirira bisitan datozenek gehien erabiltzen duten bi lineak dira; beraz, aurreikusten da proiektu pilotua oso erabilgarria izango dela bertan bidaiatzen duten pertsonentzat. 

Informazio gehiago 

Irakurri
TaxibusUlia

Dbus-ek Uliako Taxibus zerbitzua hobetuko du

TaxibusUliaAbuztuaren 1etik aurrera, asteartea, Dbusek Uliako Taxibus zerbitzua –TB6– hobetuko du, Gros aldeak eta Ategorrietako aldeak Uliarekin duten konexioa hobetuta. Zerbitzuaren baldintzak hobetzeko, erreserbak egiteko epea luzatuko da eta Kolon pasealekuko irteera orduak aldatuko dira.

1) Zerbitzua erreserbatzeko epea: eskaripeko zerbitzu hau erreserbatzeko epea luzatzea da hobekuntza nagusietako bat. Hobekuntzarekin, erreserbak 30 minutuko aurrerapenez ere egin ahal izango dira, hau da, lehen baino 30 minutu gutxiagoko epearekin (60 minututik 30 minutura igaro da epea) eskatu ahal izango da zerbitzua. Beraz, zerbitzua malguagoa izango da, erabiltzaileen erosotasunerako.

2) Kolon pasealekuko ordutegi berriak: era berean, Kolon pasealekutik Uliako aterpetxerako irteera orduak aldatuko dira, 5 minutu aurreratuta. Hauek dira ordutegi berriak:

Kolon pasealekuko irteera orduak:

7:10 – 8:10 – 9:10 – 10:10 – 11:10 – 12:10 – 13:10 – 14:10 – 15:10 – 16:10 – 17:10 – 18:10 – 19:10 – 20:10 – 21:10

Uliako aterpetxeko irteera orduak:

 7:30 – 8:30 – 9:30 – 10:30 – 11:30 – 12:30 – 13:30 – 14:30 – 15:30 – 16:30 – 17:30 – 18:30 – 19:30– 20:30 – 21:30

Zerbitzuaren gainerako ezaugarriak orain artekoak berak izango dira.

Hobekuntza horiek 2016ko apirilean zerbitzuan egindako aldaketen osagarriak dira. Orduan zerbitzuaren ibilbidea Uliako Aterpetxeraino luzatu zen eta egunean zerbitzu gehiago ezarri ziren, igande eta jaiegunetan ere zerbitzua emanda.

Era berean, bidaia MUGI txartelarekin ordaintzeko aukera ezarri zen, MUGIren hobariez baliatu ahal izateko eta Dbuseko gainerako lineekin linea aldaketa egin ahal izateko. Zerbitzuan egindako hobekuntzen ondorioz nabarmen handitu da zerbitzuaren erabilera. 

Aurten, 11.535 bidaia erregistratu dira, eta zerbitzua aldatu aurretiko 12 hilabeteetan 1.677 bidaia erregistratu ziren. Hau da, zerbitzuko bidaiak sei aldiz gehiago izan dira.  Batez beste, gaur egun hilean 961 bidaia egiten dira, eta aurretik, berriz, 161 bidaia erregistratzen ziren hilean.

 

Irakurri
auzmendi_web

Dbus, pertsonak eramaten dituzten pertsonak

Nagore_eusk_peq“Pertsonak eramaten dituzten pertsonak” da Dbusek enpresako enplegatuen lana balioesteko eta donostiarrei gidarien irudi gizatiarragoa helarazteko abiarazi duen kanpainaren leitmotiv-a.

Kanpainak Dbuseko gidari askoren istorioak biltzen ditu; gidarien kontakizun laburrak dira, euren eguneroko lanaren gainean ez dakizkigun gauzak eta haien kezkak eta bizipenak azaltzen. Ekimen honen helburua da donostiarrek pixka bat gehiago ezagutu eta ulertu ahal izatea gidariek, pertsonak garraiatzen dituzten pertsona horiek, egunero egiten duten lana eta egunero bizi dituzten egoerak. 

Markesinetan, autobus batzuen kanpoaldean eta ibilgailuen barruko pantailetan dago kanpaina. Sare sozialetarako bideo labur batzuk ere sortu dira, non autobus gidariek egunero Dbusen egiten duten lanaren gainean hitz egiten baitute. Bideoak Dbusen Youtubeko kanalean daude ikusgai.

Euskarri horietako bakoitzerako istorio desberdinak aukeratu dira. Denak benetakoak dira eta denetan Konpainiako gidariak dira protagonista. Gainera, gidariei keinu eginez, gaur autobusek Dbuseko gidari batzuen izenak eramango dituzte linearen izenaren kartelaren ondoan.

Partekatu zure istorioa www.dbusistoriak.eus webgunean

Imanol_eusk_1_peqEsperientzia horiek guztiak www.dbusistorioak.eus webgunean daude jasota, eta erabiltzaileek beren bizipenak ere argitaratu ditzakete bertan. Asmoa da Dbuseko langileek eta erabiltzaileek kontatutako istorioekin osatzea Donostian autobusean bidaiatzen duten pertsona guztien historia, izan ere, pertsona horiek ahalbidetu dute 130 urte igaro ondoren Dbusek gure hiriko erreferente izaten jarraitzea. Hori hala da erabiltzaile horiei guztiei esker, bai eta egunero Dbuseko autobusetan Donostia osoan dabiltzan gidari guztiei esker ere.

Autobus erabiltzaileek beren esperientziak idatzi ditzakete zuzenean webgunean; halere, datozen egunetan Dbuseko langileak ibiliko dira linea guztietan erabailtzaileei beren istorioak kontatzera animatzen.

Kanpainaren bukaeran, erabiltzaileek proposatutako istorio guztien artean 5 aukeratuko dira, eta irabazleek Dbusen hiru hilabetean doan bidaiatzeko txartel bat eskuratuko dute.

Azken finean, kanpainak autobusetan elkarbizitza hobetzea bilatzen du, gidarien lana ezagutaraziz eta erabiltzaileekiko puntu komunak bilatuz, bai eta garraio publikoaren erabilera bultzatzea, garraio bide iraunkor eta hurbila den heinean.

Bideoak ikusi

> Bea eta Jose-ren istorioa

> Sergio eta Imanol-en istorioa

> Nagore eta Josetxo-ren istorioa

> Nerea eta Ramon-en istorioa

Irakurri
recorrido L39

Mikrobus zerbitzua Pasealeku Berria eta Urgull mendira ekaineko asteburuetan

Ekainaren 3tik aurrera, larunbata, Dbusek mikrobus zerbitzua emango du Urgull Mendira, ekaineko larunbata eta igandetan, 39-URGULL linearekin. Zerbitzuak 30 minuturo izango dira goizeko 11:00etatik 13:30era, eta arratsaldeko 17:00etatik eta 20:00etara.

 

-Urgulleruntz irteerak SALAMANCA PASEALEKUTIK izango dira, ondorengo orduetan:captura l39

11:00 – 11:30 – 12:00 – 12:30 – 13:00 – 13:30

17:00 -17:30 – 18:00 – 18:30 – 19:00 – 19:30 – 20:00

 

-Urgulletik irteerak SANTIAGOKO BATERIATIK izango dira ondorengo orduetan:

11:15 – 11:45 – 12:15 – 12:45 -13:15 -13:45

17:15 – 17:45 – 18:15 – 18:45 – 19:15 – 19:45 – 20:15

 

Urgullerako zerbitzuaz gain, mikrobus honek Bretxa eta Pasealeku Berriko aparkalekuen arteko garraio publikoko konexioa dakar. 

Uztaila eta abuztuko egun guztietara hedatuko da zerbitzu hau, Aste Nagusian eta aurreko eta ondorengo egunetan izan ezik, Pasealeku Berriko barraken instalazioa dela eta. Irailean zerbitzua asteburutan emango da berriz ere, Estropadetan izan ezik. 

recorrido L39

Irakurri
acha_bisita_2017

Grupo Acha enpresaren ordezkaritza bat Dbus-en, bisitan

acha_bisita_2017Gaur, Grupo Acha Movilidad enpresaren ordezkaritza bat Dbusen egon da, bisitan, Kotxetegien instalazioak ezagutzeko eta Dbuseko autobus flotan instalatu diren azken aurrerapen teknologikoen xehetasunak eta Dbusen autobus elektrikoak ikusteko. Enpresak Derion du egoitza, eta autobus bidezko garraio zerbitzu bereziak ematen ditu. Bizkaiko Foru Aldundiaren Bizkaibus programako operadorea ere bada.

 

Ordezkaritzak Dbusen inplementatutako planifikazio sistema adituak ezagutzeko interesa erakutsi du. Sistema horiei esker eraginkortasunez kudeatu daitezke autobusak eta gidarien eta tailerretako zein garbiketako langileen ordutegiak antolatzeko giza baliabideak eta baliabide teknikoak. Era berean, Dbusen ezarritako beste sistema batzuk ezagutu dituzte, hala nola autobusek puntualtasuna eta abiadura komertziala handia edukitzea eta Donostiako hiritar askok Dbuseko autobusak erabiltzea ahalbidetzen dutenak.

 

Horrez gain, ordezkaritzak aukera izan du Dbusen autobus %100 elektrikoak ezagutzeko, zeintzuek ingurumenarekin errespetutsuagoa den teknologia baitute. Kotxetegiak bisitatu dituztenean, ibilgailu horien zaintzarako eta kargarako sistema ikusi ahal izan dute, autobus hibridoen funtzionamendua egiaztatzeaz gain. Une honetan, Dbusek %100 eletriko diren 3 autobus eta 20 autobus hibrido ditu flotan, eta ingurumenaren aldetik flotarik iraunkorrenetakoa du. Hain zuzen, 12 metroko autobusen %25 elektriko-hibridoak dira.

 

Ildo horretan, Grupo Acha enpresako arduradunek baieztatu ahal izan dute zerbitzu teknikoaren lana, zeina egunero autobusetan gerta daitezkeen gorabeherak konpontzeaz eta autobus flota ahalik eta baldintzarik hoberenean egoteko aldian-aldian ibilgailuei egin beharreko mantentze lanak egiteaz arduratzen den. Interesa agertu dute, halaber, lana antolatzeko eta ondoren sailkatzeko moduaz, zeinari esker dokumentazioa zehaztasunez artxibatu eta edozein unetan kontsultatzeko moduan eduki dezaketen.

Irakurri
Real 4

Dbus eta Reala, batera #NikEreDbus kanpainan

Real 4Reala da Dbusek bere 130. urteurrena dela-eta abian jarri duen #NikEreDbus kanpainako bideo berriaren protagonista. Horrela, talde txuri-urdinak babesa erakutsi nahi izan dio Dbusi eta garraio publikoaren erabileraren alde dagoela agertu, Donostiako garraiobide iraunkor gisa.

Reala bideo bateko protagonista da, non Xabi Prieto eta Joseba Zaldua jokalariek Dbusen egiten zituzten bidaien gogorapenak elkarri kontatzen dizkioten. Bideoa Dbusen web orrian eta Youtubeko kanalean dago jada ikusgai.

Dbusek konpromiso leiala dauka Realarekin eta Realzaleekin. 15 urte baino gehiago dira Dbusek autobus zerbitzu bereziak eskaintzen dituela hiriko auzo guztietan, Anoetako partidetara joateko. Realzaleek beren taldea jokatzen ikustera joateko oso gustuko dituzten zerbitzuak dira, eta denboraldi honetan 100.000 bidaia inguru erregistratu dira.

Kanpainan lagunduta, Realak bat egiten du hiriko biztanle anonimoekin zein ezagunekin, hala nola La Oreja de Van Goheko kideekin edo Donostiarra traineruko kideekin, denak Dbusen 130. urteurreneko ospakizunetako partaide baitira. 

Bideoa ikusi

Irakurri