2025ean Dbusek bere historiako daturik onenak erregistratu ditu
2025ean, Dbusek bere historiako bidaia kopuru onenak izan ditu, urtean 33 milioi bidaiako kopurua gainditu baitu lehen aldiz. Guztira, iaz 33.735.379 bidaia zenbatu ziren, eta erabateko errekorra izan da. Zifra horiek %5,33ko hazkundea adierazten dute 2024ko datuekin alderatuta (1.708.413 bidaia gehiago), orduan 32.026.966 bidaia erregistratu baitziren, eta %12,30eko igoera (4.151.841 bidaia gehiago) 2019an zenbatutako bidaiekin alderatuta (29.583.538 bidaia).

Zifra horiekin, 2025a lehen postuan kokatzen da, Dbusek urte batean egindako bidaia kopuruen rankingean, Konpainiak Donostiako udalerrian zerbitzuak eskaintzen dituenetik, 2024ko datuak ere gaindituta, orduan ere 30 milioi bidaia baino gehiago egin ziren-eta urtean.
– 2025. urtea: 33.735.379 bidaia
– 2024. urtea: 32.026.966 bidaia
– 2023. urtea: 29.599.122 bidaia
– 2019. urtea: 29.583.538 bidaia
– 2011. urtea: 29.216.698 bidaia
– 2018. urtea: 29.168.773 bidaia
Erabilera indize bikaina da, 190.000 biztanle baino ez dituen hiria baita. Horrek esan nahi du, beraz, Europan dagoen garraio publikoaren erabilera ratiorik altuenetako bat lortu dela (180 bidaia biztanleko eta urteko).
Bidaien analisia
Linea erabilienei dagokienez, 2025ean 13-Altza lineak erregistratu ditu bidaia gehien, 4.204.873 bidaiarekin, eta bigarren urtez jarraian bidaia gehien zenbatu dituen linea da; ondoren, 28-Amara-Ospitaleak linea dago, 4.158.832 bidaiarekin, eta 5-Benta Berri linea, 3.129.084 bidaiarekin. Horrela, 13-Altza linea bidaiari gehiago dituen Dbuseko linea gisa sendotu da, aurreko urtean baino 193.702 bidaia gehiago eginez.
Era berean, ia eguneko linea guztiek gainditu dute 2024ko eskaera eta erabilerak hiriko auzo guztietan egindu gora. Amara aldeko lineak dira gehien hazi direnak erabilerari dagokionez, 425.000 bidaia baino gehiagoko hazkundearekin, eta, horien atzetik daude Antiguoko lineak, 380.000 baino bidaia gehiagoko hazkundearekin, Altza-Bidebietako lineak, 330.000 bidaia baino gehiagoko hazkundearekin, Aieteko lineak 240.000 bidaia baino gehiagoko hazkundearekin, Egia-Intxaurrondoko lineak 160.000 bidaia baino gehiagoko hazkundearekin, eta auzo arteko 24-27-41 lineak 140.000 bidaia baino gehiagoko hazkundearekin.
Urria izan da erabilera handieneko hilabetea, eta hilabete horretan Dbusek hilabete batean orain arte zenbatutako daturik onenak erregistratu ditu, lehen aldiz gaindituta hiru milioiko zifra hileko bidaia kopuruan. Zehazki, 2025eko urrian 3.008.255 bidaia zenbatu ziren. Urteko bidaia gehien izan ziren egunei dagokienez, abuztuaren 14an, ostegunez, Ama Birjinaren bezperan zenbatu ziren bidaia gehien (128.415 bidaia), eta, gainera, Dbusen historian bidaia gehien izan dituen bigarren eguna da. Era berean, azaroaren 28a, ostirala, Gabonetako argiak pizteko eguna, urteko bidaia gehien egin diren bigarren eguna da, eta Dbusen historian bidaia gehien dituen hirugarren eguna, 125.906 bidaiarekin; eta ekainaren 24an, asteartea, Bruce Springsteenen kontzertuarekin batera, 120.620 bidaia erregistratu ziren eta Dbusen historian bidaia gehien dituen hamargarren eguna da.
Era berean, DTKn pasa den urtean kontabilizatu ziren bidaien kopurua, Dbuseko eta Dbiziko zerbitzuak barne, 35.044.276 bidaiakoa izan da, eta 2024an, berriz, 33.321.324 bidaiakoa izan zen. Horrek esan nahi du %4,9 egin duela gora.
Azpimarratzekoa da, gainera, bidaia kopuruaren igoera hori 2026an ere sendotzen ari dela. 2026ko urtarrilaren 19an, San Sebastian jaiaren bezperan, 124.893 bidaia erregistratu dira Dbuseko autobusetan, eta Konpainiaren historian orain arte bidaia gehien erregistratu dituen laugarren eguna da.
Datu horiek erakusten dute Dbusek Donostiako herritarrentzat eta bisitarientzat duen garrantzia, izan ere, haiek gehien aukeratzen duten garraiobidea da, eta hiri garraioaren sektorean erreferentziazko enpresa bihurtu da.
Mugikortasuneko ikasketak egiten ari diren Plaiaundi Institutuko ikasleen bisita hartu du Dbusek
Irungo LHII Plaiaundi Lanbide Heziketako ikastetxean ematen den Errepide bidezko Garraioko Ibilgailuen Gidaritzako Erdi Mailako Teknikari ikasketak eta Garraio eta Logistikako Goi Mailako Gradua egiten ari diren ikasleen talde baten bisita hartu du Dbusek bere instalazioetan. Hogeita hamar bat ikaslek osatutako taldea hurbildu da Kotxetegietara, eta han instalazioak ezagutu ahal izan dituzte, eta Donostiako autobus flotan instalatutako azken aurrerapen teknologikoak xehetasunez egiaztatu ere bai.

Aldia-aldian, Dbusek udalerri bateko lurreko hiri garraioaren funtzionamenduan eta Dbus bezalako enpresa erreferente batean interesa duten profesional eta ikasle taldeen bisitak jasotzen ditu. Bisitak iraun duen denboran ikasleek Konpainiaren historia eta bilakaera ezagutu dute, baita enpresaren eguneroko funtzionamendua eta enpresako sailen antolaketa ere. Besteak beste, planifikazioko sistema adituak ikusi ahal izan dituzte. Horiei esker, eraginkortasunez kudeatu daitezke autobusak eta gidarien ordutegiak antolatzeko dauden giza baliabideak eta baliabide teknikoak. Horrela zerbitzua optimizatu egiten da, pertsona erabiltzaileei ordutegi zabalagoak eta maiztasun hobea eskainiz eta aldi berean flotako autobusak eta gidariei esleitutako ordutegi ezberdinak koordinatuz.
Era berean, Dbusek puntualtasunean eta abiadura komertzialean zifra altuak izatea eta Donostiako herritarrek Dbus asko erabiltzea ahalbidetzen duten beste sistema batzuk ezagutu dituzte, hala nola hiriko BRTa (Bus Rapid Transit), ticketing sistemak edo geralekuak sentsorizatzeko sistema. Halaber, flota baldintza onenetan egon dadin egunero autobusetan sor daitezkeen gorabehera guztiak konpontzeaz eta aldiro ibilgailuei mantentze lanak egiteaz arduratzen den zerbitzu teknikoaren lana ikusi ahal izan dute, eta Konpainia bete-betean sartuta dagoen eta flota deskarbonizatzea eta 0 emisioko flota bihurtzea ahalbidetuko duen elektrifikazio proiektu integrala ere bai.
Errekor historikoa Dbus-en, autobusaren erabileran, 2025ean 33,7 milioi bidaia baino gehiago eginda
2025ean, Dbusek bere historiako bidaia kopuru onenak izan ditu, urtean 33 milioi bidaiako kopurua gainditu baitu lehen aldiz. Guztira, iaz 33.735.382 bidaia zenbatu ziren, eta erabateko errekorra izan da. Zifra horiek %5,3ko hazkundea adierazten dute 2024an erregistratutako 32.026.966 bidaiako zifrarekin alderatuta (1.708.416 bidaia gehiago), eta %14ko hazkundea, 2023an erregistratu zen 29.599.121 bidaiako zifrarekin alderatuta (4.135.092 bidaia gehiago).
Behin-behineko kopuru horiekin, 2025. urtea lehen postuan kokatzen da Dbusek urte batean egindako bidaia kopuruen rankingean, Konpainiak Donostiako udalerrian zerbitzuak eskaintzen dituenetik, eta 2024ko datuak ere gainditu dira, orduan ere urteko bidaia kopurua 30 milioikoa baino handiagoa izan baitzen.
– 2025. urtea: 33.735.382 bidaia
– 2024. urtea: 32.026.966 bidaia
– 2023. urtea: 29.599.122 bidaia
– 2019. urtea: 29.583.538 bidaia
– 2011. urtea: 29.216.698 bidaia
– 2018. urtea: 29.168.773 bidaia
Linea erabilienei dagokienez, 13 linea izan da 2025ean bidaia gehien erregistratu dituena, 4.204.873 bidaiarekin; ondoren, 28 linea, 4.158.832 bidaiarekin; 5 linea, 3.129.084 bidaiarekin.
Dbusek, halaber, urrian hilabete batean orain arte zenbatutako daturik onenak erregistratu ditu, eta lehen aldiz gainditu du hiru milioiko zifra hileko bidaia kopuruan. Zehazki, 2025eko urrian 3.008.255 bidaia zenbatu ziren.
Erabilera indize hori ikusgarria da, 190.000 biztanle baino ez dituen hiria baita. Horrek esan nahi du, beraz, Europan dagoen garraio publikoaren erabilera ratiorik altuenetako bat lortu dela: 180 bidaia/biztanle-urte. Datu horiekin, Dbus herritarrek eta bisitariek gehien aukeratzen duten garraiobide gisa finkatzen da, eta hiri garraioaren sektorean erreferentziazko enpresa bihurtzen da.
Horretaz jabetuta, 2026an Dbusen lanean jarraituko dugu donostiarren konfiantza hobetzeko.
Aldaketak Dbuseko zerbitzuetan, abenduaren 22tik aurrera
Abenduaren 22an, astelehenean, Dbusek zerbitzuetan hainbat aldaketa abiaraziko dituela aurreikusi da, lineen funtzionamendua hobetzeko eta ibilbideak eta ordutegiak egungo beharretara egokitzeko, eskuragarri dauden baliabideetatik abiatuta.
Hauek dira egingo diren aldaketak:
- 5-BENTA BERRI:
Astelehenetik ostiralera, 9:00etatik 20:00etara, 5-Benta Berri linearen irteerak eguneratuko dira, berriro Zarautz Hiribidetik zirkulatuko du-eta. Horrela, Zumalakarregi Hiribidetik eta Tolosa Hiribidetik aurrera, Elias Salaberria kaletik jarraituko du Zarautz Hiribiderantz. Era berean, ordutegiak eguneratuta, 25-Benta Berri-Añorga linearen irteerekin hobeto koordinatuko da.
- 16-IGELDO:
Abenduaren 22tik urtarrilaren 5era, bi egun horiek barne, Dbuseko 16-Igeldo lineak maiztasun handiagoz emango du zerbitzua (Gabon egunean eta Urte Berri egunean izan ezik). Zerbitzua 10:05etik 21:05era bitartean areagotuko da, eta ordu tarte horretan 20 minutuko maiztasunez emango da zerbitzua (10:05etik 21:05era bitarteko irteerak Boulevard 19tik, eta 11:00etatik 22:00etara bitarteko irteerak Kanpinetik).
- 28-AMARA-OSPITALEAK:
Astelehenetik ostiralera 28-Amara-Ospitaleak linearen ordutegiak eguneratuko dira, 6:30etik 9:00etara bitartean bi irteera gehiagorekin, noranzko bakoitzean, eta 7-8 minutuko maiztasunekin, puntualtasuna eta erregulartasuna hobetzeko.
- 40-GROS-ANTIGUO-IGARA:
40-Gros-Antiguo-Igara lineak Grosen eta Igaran egiten duen ibilbidea 33-Larratxo-Intxaurrondo-Berio-Igara lineak egiten duen bera izango da. Linea horrekin koordinatzeko, 40 linearen maiztasuna hobetuko da, eta zerbitzua 20 minutuan behin emango du, egun duen 30 minutuko maiztasuna eduki beharrean. Horrela, Gros-Erdialdea-Antiguo-Igara ardatzak 10 minutuko maiztasun izango du bi lineekin, eta gune horietako erabiltzaileei zerbitzu hobea emango zaie, baliabideak hobeto erabiltzeko aukera izango baitute.
Horretarako, abenduaren 22tik aurrera 40 linearen ordutegiak aldatuko dira. Hauek izango dira ordutegi berriak:
- Ategorrieta 41etik: 7:05 + xx:05 – xx:25 – xx:45 + 21:05
* 33 linea Ategorrietatik pasatuko den orduak: xx:15 – xx:35 – xx:55
- Igaratik: 7:20 + 7:35 + xx:15 – xx:35 – xx:55 + 20:55
* 33 linea Igaratik irteteko orduak: xx:05 – xx:25 – xx:45
- 33-LARRATXO-INTXAURRONDO-BERIO-IGARA:
Larratxotik beste irteera ordu bat gehitu da Igararaino, goizeko 6:35ean, Larratxo-Intxaurrondo-Gros-Erdialdea-Antiguo-Igara ardatzean lehen orduan ematen den zerbitzua hobetuta.
Dbusek berriro hurbildu dizkie Gabonak adineko pertsonei “Argibusa” jarduerarekin
Seigarren urtez, Dbusek “Argibusa” jarduera antolatu du, Konpainiaren autobus bat erabiliz adineko pertsonei Donostiako Gabon giroa eta dekorazioa hurbiltzeko. Oraingo honetan, San José de la Montaña zentroarekin elkarlanean antolatu da jarduera, eta bertan bizi diren adineko 28 pertsonak aukera izan dute autobusean irteera bat egiteko eta hirian dagoen gabon giroa ikusteko.
Hiria lagunkoia izaten laguntzeko eta adineko pertsonen bizi kalitatea hobetzeko asmoarekin Donostiako Udalak bultzatu duen Donostia Lagunkoia izeneko planaren ekimenetako bat da. Horrela, jardueran parte hartu duten pertsonek arratsalde alaitsua igaro ahal izan dute eta Gabonetako apaingarriez eroso eta seguru gozatu. Hiritik egin duten ibilbidean hirian funtsezkoak diren hainbat leku ikusi dira, hala nola Alderdi Eder, Askatasunaren Hiribidea eta Loiola kalea, Santa Katalina Zubia, Frantziako pasealekuaren ingurua, eta Maria Cristina Zubia, besteak beste.
Hirira hurbildu eta Gabon garaian kale argitsuetatik ibiltzeko zailtasuna dituzten 69 eta 95 bitarteko adineko pertsonak dira. Ekimenari esker hainbat lekutatik igaro ahal izango dira –kasu batzuetan leku esanguratsuak–, eta pertsona askorentzat ohikoa den jarduera bat gogoratu eta hurbiletik bizi ere bai. Jarduera horretako partaideek zentroko arduradunekin batera egin dute ibilbidea, esperientzia partekatu ahal izateko.
Aurreko urteetan jarduerak izan zuen arrakasta eta harrera onaren ondoren, aurten Dbusek esperientzia errepikatu nahi izan du, Gabon garai hau atseginagoa izan dadin adineko pertsonentzat.
“Dbus eta Gabonak”, 19. haurrentzako marrazki lehiaketaren sari banaketa
Hemeretzi urtez jarraian, Dbusek, FNAC-en parte-hartzearekin, “Dbus eta Gabonak” Haurrentzako Marrazki Lehiaketa antolatu dute. Edizio honetako parte-hartzea paregabea izan da, 3 eta 12 urte arteko 1.216 haurren marrazkiak jaso baitira.
Gaur Donostiako Aquariumeko auditorioan sari banaketa burutu da.
A mailako irabazleak (8 urte bitarteko haurrak):
- 1. Saria: Ainara Jesslyn Álvarez Gómez, 8 urtekoa, Amara Berri-Morlans. Lenovo Tab tableta, bere fundarekin + Donostiako Aquariuma bisitatzeko 4 sarrera > Marrazkia ikusi
- 2. Saria: Luka Agote González, 7 urtekoa, La Salle Ikastetxea. Fujifilm Mini 12 Green argazki kamera + Donostiako Aquariuma bisitatzeko 4 sarrera > Marrazkia ikusi
- 3. Saria: Markel Echeverria Ibargoyen, 7 urtekoa, Zuhaizti. Liburu sorta eta idazketako sorta + Donostiako Aquariuma bisitatzeko 4 sarrera > Marrazkia ikusi
B mailako irabazleak (9 urtetik 12 urte bitarte):
- 1. Saria: Nikole Aramburu Sierra, 12 urtekoa, Santo Tomas Lizeoa. Lenovo Tab tableta, bere fundarekin + Donostiako Aquariuma bisitatzeko 4 sarrera > Marrazkia ikusi
- 2. Saria: Maialen Echeverria Ibargoyen, 10 urtekoa, Zuhaizti. Fujifilm Mini 12 Green argazki kamera + Donostiako Aquariuma bisitatzeko 4 sarrera > Marrazkia ikusi
- 3º Saria: Irati Algans Sagües, 12 urtekoa, Axular Lizeoa. Liburu sorta eta idazketako sorta + Donostiako Aquariuma bisitatzeko 4 sarrera > Marrazkia ikusi
19. marrazki lehiaketa honetako gainontzeko finalistek ere sariak jaso dituzte, parte hartu izana bermatzen duen diploma, Dbusen txartel-zorroa eta Konpainiako autobusetako baten maketa hain zuzen. Gainontzeko finalistak ondorengoak izan dira:
A maila:
- Adele Costana Iturralde, 8 urtekoa, Jakintza Ikastola > Marrazkia ikusi
- Noa Osua Morales, 8 urtekoa, Santo Tomas Lizeoa > Marrazkia ikusi
- Madalen Osa Navarrete, 8 urtekoa, Amara Berri-Morlans > Marrazkia ikusi
- Nora Echevarria Luelmo, 8 urtekoa, Santo Tomas Lizeoa > Marrazkia ikusi
- Sofia Villanueva, 7 urtekoa, Santo Tomas Lizeoa > Marrazkia ikusi
- Mikel Andreu Pernas, 7 urtekoa, Zaldupe Eskola > Marrazkia ikusi
- Maitane Lazkano Martínez, 8 urtekoa, Santo Tomas Lizeoa > Marrazkia ikusi
B maila:
- Paula María Sánchez Pérez, 10 urtekoa, Jesuitak Ikastetxea > Marrazkia ikusi
- Uxue Hernández Zalduendo, 11 urtekoa, Virgen del Soto Ikastetxea > Marrazkia ikusi
- Unai Otaegi Roca, 9 urtekoa, Ikasbide Ikastola > Marrazkia ikusi
- Maddi Alex Goñi Vergara, 11 urtekoa, Axular Lizeoa > Marrazkia ikusi
- Malen del Campo Arratibel, 10 urtekoa, Santo Tomas Lizeoa > Marrazkia ikusi
- Carmen Gallo Helsby, 11 urtekoa, The English School > Marrazkia ikusi
- Marina Aquerreta Ormazabal, 11 urtekoa, The English School > Marrazkia ikusi
Marrazki finalistak DVBUSen agertuko dira urtarrilaren 6a arte.
Dbusetik haurrek marrazkiak egiterakoan jarritako ilusioa eta sormena eskertu nahi dugu, bai eta guraso eta eskolen parte-hartzea ere.
Marrazkien erakusketa
Donostia Kulturaren kolaborazioa dela eta, aurre-aukeratutako 200 marrazkiak ikusgai egongo dira abenduaren 23tik urtarrilaren 20ra arte, Aiete Kultur Etxean (Aiete pasealekua 63). Itxita: abenduak 25; urtarrilak 1 eta 6.
Gabon hauetan, anezka zerbitzua Illunbeko aparkalekutik hiriko erdialdera
Gabonak eta Gabon aurreko asteak direla-eta, Dbusek eta Donostiako Udalak, Mugikortasun Departamentuaren bitartez, autobus anezka jarriko dute berriro, Illunbeko aparkalekua eta hiriko erdialdea lotzeko.
Lehen asteetan, zerbitzua asteburuetan eta jaiegunetan eskainiko da, eta abenduaren 20tik aurrera, zerbitzua egunero eskainiko da.
Anezka zerbitzu horrek Illunbeko doako aparkalekuaren eta Donostiako Erdialdearen arteko joan-etorriak errazten ditu, hirian garraio publikoa sustatzeko eta trafikoa murrizteko helburuarekin.
Zerbitzuaren datuak
Anezka-zerbitzuak 20 minutuko maiztasuna izango du, eta abenduaren 6ko, 7ko, 8ko, 13ko eta 14ko asteburuetan eta abenduaren 20tik urtarrilaren 5era bitartean egunero eskainiko da zerbitzua, abenduaren 25ean eta urtarrilaren 1ean izan ezik, orduan ez baita zerbitzurik egongo.
Orain arte bezala, bi geltoki izango ditu:
- Illunbeko geltokia: irteerak 11:00etatik 22:20ra, 20 minutuan behin.
- Mendeurreneko plazako geltokia: irteerak 11:10etik 22:30era, 20 minutuan behin.
Anezka zerbitzu honi, hiriko gainerako linea erregularretan ohikoak diren tarifak aplikatuko zaizkio, eta Dbusen onartutako edozein titulurekin ordaindu ahal izango dira: MUGI, BAT edo BARIK txartelak, gaur egun %40eko hobaria dutenak, QR edo EMV titulu digitalak eta noizbehinkako bidaia txartela.
Bidaia garraio txartelarekin edo EMV txartelekin ordaintzen dutenek auzo guztietara doako transbordoak egin ahal izango dituzte Dbuseko sarean. Era berean, garraio txartelik ez duten bisitariek QR kodea duen bidaia txartela eskuratu ahal izango dute, Dbuseko app ofizialaren bitartez, zeina iOS eta Androiderako eskuragarri dagoen. Bidai txartel horrekin, Dbuseko sare osoan nahi beste bidaia egin ahal izango dituzte, bidaia txartela erosi eta hurrengo 30 minutuz, 24 orduz edo 48 orduz.
Autobus %100 elektrikoa
Illunbetik hiri Erdialdera joan-etorriak egingo dituen ibilgailua 12 metroko autobus bat da, %100 elektrikoa eta zero igorpenekoa. MAN Lions City 12e modeloa da, eta Industria, Merkataritza eta Turismo Ministerioaren Helmugetako Jasangarritasun Turistikoaren ezohiko deialdiaren barruan erosi da, Next Generation Europako funtsek finantzatuta.
![]()
Garraio publikoa turismoaren mugikortasun oinarri gisa hartuta hizpide izan duen mahai inguru batean parte hartu du Dbusek
Turismo eta Mugikortasunari buruzko 1. Jardunaldiak egin dira, Madrilen, eta bertan parte hartu du Dbusek. Jardunaldietan garraioko eta turismoko adituak elkartu dira, mugikortasunaz gogoeta egiteko eta eztabaidatzeko, mugikortasun eraginkorrak turismo jasangarriagoa, konektatuagoa eta irisgarriagoa nola bultzatzen duen ikusteko. Jardunaldiak Movusek eta Espainiako Turismoaren Mahaiak antolatu dituzte.
Jardunaldian, Igor Gonzalez Dbuseko zuzendari gerenteak mahai inguru batean parte hartu du, Madrilgo EMTko, Bartzelonako Garraio Metropolitanoetako eta Madrilgo Metroko ordezkariekin batera. Mahai inguru horretan, Igor Gonzalezek garraio publikorako sarbide unibertsalaren alde egin du, erabiltzaileen esperientzia positiboa izateko eta oztopoak desagerrarazteko, garraio publikoa erabiltzea errazagoa izan dadin, eta egoiliar eta bisitarientzako zerbitzua hobea.
Dbusek sistema bat baino gehiago ditu ordainketarako, eta, horri esker, Donostian autobusa erabiltzen dutenei aukera ugari eskaintzen zaie ordainketa egiteko: batetik, MUGI garraio txartelak, Donostiako herritarrentzat edo eskualde mugakideetan bizi direnentzat; bestetik, BAT eta BARIK txartelak, Arabako eta Bizkaiko txartelak, hurrenez hurren; eta, beste sistema berritzaileago batzuk ere, hala nola kontakturik gabeko banku txartelekin eta gailu mugikorrekin ordaintzeko aukera edo Dbuseko aplikazio ofizialaren bitartez erosten diren QR kodeekin ordaintzeko aukera, eskudiruarekin ordaintzeko aukeraz gain. Ordainketa egiteko dauden askotariko moduei esker, autobusera arinago sartu ahal izango da, eta abiadura komertzial handiagoa mantendu. Horrek, halaber, autobusa garraio lehiakor eta eraginkorra izatea egingo du, eta turismoaren eta herritarren elkarbizitzaren arteko oreka zaintzen lagunduko du.
Flotaren elektrifikazioa ere beste erakargarritasun handi bat da hirian zehar mugitzeko. Ibilgailu jasangarriak eta isilak izango dira, eta bidaia esperientzia atseginagoa eta hiria bizigarriagoa izatea egiten dute. Dbus elektrifikazio proiektu integralean murgilduta dago, zeinarekin flota deskarbonizatu ahal izango den, 0 emisioko flota bihurtuta. Proiektuaren barruan sartzen dira hornidura elektrikoaren egokitzapena, karga azpiegitura berrien hedapena, autobus elektriko berrien sarrera eta Dbuseko trafikoaren mantentze eta gestio arloen berrantolaketa, horrela, trantsizio eraginkorra eta jasangarria bermatzeko.
Zerbitzuaren ezaugarri horiei esker, garraio publikoa, mugitzeko bitarteko ez ezik, hiriaren balioen erakusgarri ere bada, balio hauen erakusgarri, alegia: jasangarritasuna, berrikuntza eta zerbitzu publikoa.
Urrian, Dbusek bere historiako hileko daturik hoberenak erregistratu ditu, erabiltzeen kopuruan markak hautsita
Urrian, Dbusek hilabete batean orain arte zenbatutako daturik onenak erregistratu ditu, eta lehen aldiz gainditu du hiru milioiko zifra erregistratutako hileko bidaietan. Zehazki, 2025eko urrian 3.008.255 bidaia erregistratu dira. Horrek esan nahi du, beraz, Konpainiaren historian erabateko errekorra izan dela.
Urrian, 2025 osoan egon den joera sendotu da. Autobusaren erabileran egon den gorakada horren ondorioz, Dbusek 28.123.649 bidaia zenbatu ditu urteko lehen 10 hilabeteetan, iaz, garai berean, erregistratutako bidaiak baino %5,39 gehiago. Hurrengo grafikoan jasotzen da aldi honetan erregistratutako bidaia kopuruak azken 10 urteetan izan duen bilakaera.

Urte hasieratik hona, hauek dira bidaia gehien erregistratu dituzten bost lineak: 13-Altza, 3.505.326 bidaiarekin; 28-Amara-Ospitaleak, 3.462.494 bidaiarekin; 17-Gros-Amara-Miramon, 2.030.587 bidaiarekin; 5-Benta-Berri, 2.614.235 bidaiarekin; eta 26-Amara-Martune, 1.777.666 bidaiarekin.
Eskaeren gorakada honi ahalik eta zerbitzu onenarekin erantzuteko, Dbus lineen funtzionamendua monitorizatzen ari da, eta ordutegi eta linea batzuk erabilgarri dauden gidariekin indartzen, dauden baliabideen arabera.
Geraleku berri bat Dbusen 33-Larratxo-Intxaurrondo-Berio-Igara eta B1-Benta Berri-Berio-Añorga lineetan
Azaroaren 13tik aurrera, osteguna, Dbuseko 33-Larratxo-Intxaurrondo-Berio-Igara eta B1-Benta Berri-Berio-Añorga lineek geraleku berri bat izango dute Berion. Igara alderantz egongo da kokatuta, Berio 78 eta Berio 118 geralekuen artean: Berio – Arturo Campion. Geraleku horretan geldituko dira, halaber, Beriotik zirkulatzen duten 25-Benta Berri-Añorga lineako zerbitzuak (Añorga alderantz doazenak).
Geraleku berri honen helburua da inguruko bizilagunei eta inguruko ikastetxeetako erabiltzaileei zerbitzua ematea. Era berean, ingurune maldatsua dela kontuan hartuta, geraleku berri honekin aulki gurpildunetan dauden pertsonek errazago izango dute ingurune horretara iristea.
