Langileak

Category : Berriak home

dbus-eta-gabonak_web

“Dbus eta gabonak”, 10. haurrentzako marrazki lehiaketaren sari banaketa

dbus-eta-gabonak_webHamargarren urtez jarraian, Dbus eta San Martingo Azokak, FNAC-en partehartzearekin, “Dbus eta Gabonak” Haurrentzako Marrazki Lehiaketa antolatu dute. Edizio honetako partehartzea paregabea izan da, 4 eta 12 urte arteko 1.400 haur baino gehiagoren marrazkiak jaso baitira.

Gaur, 2016ko abenduaren 17an, San Martin Merkatuko FNACen sari banaketa burutu da.

A mailako irabazleak (8 urte bitarteko haurrak) ondorengoak izan dira:

  • 1. Saria: Nora del Campo, 8 urtekoa, Summa Aldapeta Ikastetxea (ikusi argazki atxikitua). Dbus-eko autobusak 2017an 6 hilabetetan erabiltzeko txartel pertsonal transferiezin mugagabea + NINTENDO DS KONTSOLA (ikusi marrazkia).
  • 2. Saria: Aitor del Ama, 7 urtekoa, Amara Berri Ikastetxea (ikusi argazki atxikitua). Dbus-eko autobusak 2017an 3 hilabetetan erabiltzeko txartel pertsonal transferiezin mugagabea + ARGAZKI KAMERA (ikusi marrazkia).
  • 3. Saria: Alba Urtasun, 6 urtekoa, Summa Aldapeta Ikastetxea (ikusi argazki atxikitua). Dbus-eko autobusak 2017an 3 hilabetetan erabiltzeko txartel pertsonal transferiezin mugagabea + Liburu sorta (ikusi marrazkia).

B mailako irabazleak (9 urtetik 12 urte bitarte) ondorengoak izan dira: 

  • 1º Saria: Maialen Barranco, 10 urtekoa, Academia Brancussi (ikusi argazki atxikitua). Dbus-eko autobusak 2017an 6 hilabetetan erabiltzeko txartel pertsonal transferiezin mugagabea + NINTENDO DS KONTSOLA (ikusi marrazkia).
  • 2. Saria: Blanca Marquiegui, 9 urtekoa, San Patricio Ikastetxea (ikusi argazki atxikitua). Dbus-eko autobusak 2017an 3 hilabetetan erabiltzeko txartel pertsonal transferiezin mugagabea + ARGAZKI KAMERA (ikusi marrazkia).
  • 3º Saria: Haizea Cano, 10 urtekoa, Langile Ikastola (ikusi argazki atxikitua). Dbus-eko autobusak 2017an 3 hilabetetan erabiltzeko txartel pertsonal transferiezin mugagabea + Liburu sorta (ikusi marrazkia).

10. Marrazki Lehiaketa honetako gainontzeko finalistek ere sariak jaso dituzte, parte-hartu izana bermatzen duen diploma, Dbusen txartel-zorroa eta Konpainiako autobusetako baten maketa hain zuzen. Gainontzeko finalistak ondorengoak izan dira:

– A Maila:

– B Maila:

Marrazki finalistak abenduan zehar DVBUSen agertuko dira eta aldi berean DBUS eta San Martin Merkatuko web orrian argitaratuko dira. Dbusetik haurrek marrazkiak egiterakoan jarritako ilusioa eta sormena eskertu nahi dugu, bai eta guraso eta eskolen partehartzea ere.

Marrazkien erakusketa

Donostia Kulturaren kolaborazioa dela eta, aurre-aukeratutako 200 marrazkiak ikusgai egongo dira abenduaren 20etik urtarrilaren 15era arte, Aiete Kultur Etxean (Aiete pasealekua 63).

Lekua: AIETE KULTUR ETXEA

Datak: Abenduaren 20etik urtarrilaren 15era arte

Ordutegia:Asteartetik igandera: 10:00etatik 14:00etara. (Itxita: abenduak 25; urtarrilak 1 eta 6)

Irakurri
espezieak_muntaia

Eman izena zure autobusari!

Konpainiaren 130. urteurrenarekin bat eginda eta Hiri Berdea kanpainaren baitan, Dbusek erabiltzaileengana hurbildu nahi du garraio publikoa eta horretarako aukera ematen die flotara gehitu berri diren lau autobus hibridoen izenak aukeratzeko, “Eman izena zure autobusari” jardueraren bitartez. Helburua ingurumenarekiko errespetua eta bizi ohitura iraunkorrak bultzatzea da, tartean dela garraio publikoaren erabilera.buses_elec_112016

Horregatik, gaurtik aurrera hainbat proposamen egongo dira bozkatzeko, inkesta baten bitartez (inkesta ireki). Abenduaren 18ra arte bozkatu ahal izango da, eta boto gehien lortzen duten 4 izenak izango dira 4 autobus berriei jarriko zaizkienak. Autobus bakoitzak aukeratutako izena eramango dute identifikatuta bere errotuluan. 

Proposamenak Dbusek Cristina Enea Fundazioan egin duen lanaren emaitza dira, eta hainbat landare eta animalia autoktonoen izenak dira. Azpimarratzekoa da 2005ean Dbusek bere irudi korporatiboa eguneratu zuela, Euskal Herriko Hegoaldeko Zuhaitz Igelaren irudia hartuz.

> Espezieen inguruko informazioa (pdf)

Landareak:

– Armeria euscadiensis Armeria

– Taxus baccat Hagina

 Narrastiak eta intsektuak:

– Podarcis hispanicus Urgulleko sugandila

– Rosalia alpina Kakalardoa

Hegaztiak:

– Dendrocopos major Okil handia

– Alcedo atthis Martin arrantzalea

 Ugaztunak:

– Galemys pyrenaicus

Artikutzako muturluze iberiarra

– Globicephala melas  Izurde-pilotua

 Era berean, hiriko eskolek aukera izango dute espezie hauek lantzeko 6 eta 9 urte bitarteko haurrentzat prestatutako material didaktikoarekin (Lehen Hezkuntzako 1-4 maila). Ikasleek gogokoen dituzten izenak ere aukeratu ahal izango dituzte. Material didaktiko hau Dbusen webgunean eskuragarri dago.

> LH 1. mailako fitxa deskargatu

> LH 2. mailako fitxa deskargatu

> LH 3. mailako fitxa deskargatu

> LH 4. mailako fitxa deskargatu

Irakurri
tuvisa_2016

TUVISA-ko ordezkaritza bat Dbus-en bisitan

Dbusek TUVISA Vitoria-Gasteizko autobusen udal enpresako ordezkaritza baten bisita hartu du bere instalazioetan. Ordezkaritzak Kotxetegietako instalazioak ikusi ditu eta Dbusen funtzionamendua egiaztatu du zehatz-mehatz. TUVISAko teknikariak interesatuta agertu dira Konpainiaren barruko antolaketaz, bai eta Dbusen eta Dbuseko autobusetan ezarritako sistema teknologikoez ere.tuvisa_2016

 Kotxetegietara egin duten bisitan, TUVISAko ordezkariek ezagutu dituzte Ustiapenean Laguntzeko Sistema (SAE), antibunching sistema (autobusek bat ez egiteko sistema) eta gidatze eraginkorrerako sistema, Donostiako hiriko BRT berritzailea (Bus Rapid Transit), eta ticketing sistema, zeinari esker Dbusek abiadura komertziala handia duen (17,5 km/h), erabiltzaileen balorazio positiboaz gain.

 Ordezkaritzak ezagutu ditu, halaber, Dbusek garatutako komunikazio ekintzak eta erabiltzaileentzat dituen informazio sistemak, izan ere, horiei esker, erabiltzaileek autobusen iritsiera orduak  kontsultatu ditzakete Dbusen web orriak, mugikorretarako app ofizialak, panel elektronikoak eta geltokietan informazioa QR kode, SMS eta Bluetooth bidez eskuratzeko dauden beste sistema batzuk erabiliz. Egiaztatu ahal izan dute, halaber, itsuentzako audio sistemaren funtzionamendua eta txartelak azkarrago eta eraginkortasun handiagoz balioztatzen dituzten makinak, bai eta autobusen erabilera, efizientzia eta segurtasuna kontrolatzeko eta alderdi horien hobekuntza kudeatzeko sistemak ere.  

Era berean, TUVISAko arduradunak interesatuta agertu dira Dbusen autobus elektrikoez, ingurumenarekin errespetutsuagoa den teknologia baitute. Ordezkaritzak ibilgailu horien zaintzarako eta kargarako sistema ikusi ahal izan du, autobus hibridoen funtzionamendua egiaztatzeaz gain. Une honetan, Dbusek 3 autobus %100 elektriko ditu eta 16 autobus hibrido, eta datozen asteetan beste 4 ibilgailu hibrido gehiago izango ditu.

Dbusen barruko antolaketari dagokionez, ordezkariak aukera izan dute ikusteko nola planifikatzen diren enpresako departamentu guztietako giza baliabideak eta baliabide teknikoak, planifikazio horrek Dbus sektoreko erreferente bihurtzea ahalbidetu baitu.

Dbusen oso garrantzitsutzat jotzen dugu hiriko garraioaren hobekuntzan lanean ari diren enpresa eta erakundeekin harremanetan egotea, bere testuinguru partikularreko premietan zentratuta baina ikuspegi globalarekin, izan ere, kanpoko esperientzietatik ikasteko aukera ematen du, bai eta etorkizuneko ikuspegi berri bat lortzea ere, lankidetza berriak eta baterako proiektuak sortzeko aukerak irekitzeaz aparte.  

 

Irakurri
foto_replicate_09112016

Ingalaterrako ordezkaritza bat Dbusen bisitan, Replicate proiektu europarraz interesatuta

Dbusek Londres inguruko sei udalerritatik etorritako teknikari ingelesen bisita hartu du bere instalazioetan. Ordezkaritzak Donostiaraino bidaiatu du, Udalaren Mugikortasun Departamentuaren eta Dbusen eskutik hirian arlo honetan ezarritako soluzioak eta Europako SCC1 Smart Cities and Communities deialdiaren barruko REPLICATE proiektua ezagutzeko. Proiektua H2020 programak kofinantzatuta dago, eta Donostia Sustapenak eta Udalak gidatzen dute. Proiektuan, Donostiak ez ezik, Bristol eta Florentzia hiriek ere parte hatzen dute, beste hiri jarraitzaile batzuekin batera (Lausanne-Suitza, Essen-Alemania eta Nilüfer-Turkia)

foto_replicate_09112016

 

Ordezkaritza Kotxetegietan egon da, eta bertan ikusi ahal izan ditu zehaztasunez Dbuseko autobus flotan instalatutako azken aurrerapen teknologikoak, hala nola Ustiapenean Laguntzeko Sistema (SAE), antibunching sistema (autobusek bat ez egiteko sistema) eta gidatze eraginkorrerako sistema edo Donostiako hiriko BRT berritzailea (Bus Rapid Transit). Ezagutu dituzte, halaber, itsuei informazioa emateko audio sistemak, txartelak azkarrago eta eraginkortasun handiagoz balioztatzen dituzten makinak, eta autobusen erabilera, efizientzia eta segurtasuna kontrolatzeko eta alderdi horien hobekuntza kudeatzeko sistemak. 

Teknikari ingelesak Dbusek REPLICATE proiektu europarraren barruan garatu dituzten ekintzez interesatuta agertu dira, izan ere, proiektu horren bidez uztailaz geroztik 26-Amara-Martutene lineako autobusak %100 elektriko eta hibridoak dira. Horrela, urtero igorpen kutsatzaileak %65 murriztea espero da (290 tona), aldi berean hirian airea garbiagoago eta osasungarriagoa egotea bermatuta eta zaratarik gabeko zerbitzua emanda.

 Dbusen oso garrantzitsutzat jotzen dugu nazioarte mailan hiriko garraioaren hobekuntzan lanean ari diren enpresa eta erakundeekin harremanetan egotea, bere testuinguru partikularreko premietan zentratuta baina ikuspegi globalarekin, izan ere, kanpoko esperientzietatik ikasteko aukera ematen du, bai eta etorkizuneko ikuspegi berri bat lortzea ere, lankidetza berriak eta baterako proiektuak sortzeko aukerak irekitzeaz aparte.

Irakurri
captura_gabonak_2016

Haurrentzako X. Marrazki Lehiaketa, “Dbus eta Gabonak”

Dbusek eta San Martin Azokak 2016ko “Dbus eta Gabonak” haurren marrazketa lehiaketa antolatu dute. Oraingoa bederatzigarren edizioa da eta aurreko urteetan arrakasta handia izan du 13 urtetik beherako haurren artean.captura_gabonak_2016

Sormena bultzatzeaz gain, lehiaketarekin haurrei Donostian garraio publikoa erabiltzearen garrantzia transmititu nahi zaie, hiri-espazioen jasangarritasuna eta hiritarren bizi kalitatea bermatzeko. Izan ere, mugikortasuna hobetzeko garraio publikoaren erabilera ezinbestekoa izaten da Gabonetan.

LEHIAKETAREN OINARRIAK

Parte hartzailea 13 urtetik beherako edozein haur izan daiteke eta gai libreko marrazki bat egin beharko du. Baldintza bakarra Gabonen inguruko ideia bat azaltzea izango da, autobusarekin erlazionatuta. 

Marrazkiak FNACeko erakusmahaian utziko dira (San Martin Azoka) edo Dbusen (Fernando Sasiain 7 kalea), eta parte hartzailearen datuak idatzi beharko dira atzealdean: 

  • Izen abizenak
  • Adina
  • Jaiotze data
  • Helbidea
  • Harremanetarako telefonoa eta E-posta
  • Eskola
  • Arduradun legalaren sinadura

 

Ezinbestekoa izango da datu guztiak jartzea, eta marrazkiaren atzekaldean haurraren arduradun legalaren sinadura ere jartzea. Horretarako erabilgarri dagoen txantiloia erabiltzea gomendatzen da.

> Txantiloia deskargatu (pdf)

Bi maila egongo dira:   

  • A maila: 8 urte bitarteko haurrak, 2008. urtean edo ondoren jaioak.
  • B maila: 9 urtetik 12 urte bitarte. 2004, 2005, 2006 edo 2007. urtean jaiotakoek parte hartu dezakete.

 Marrazkiak jasotzeko data muga 2016ko azaroaren 19a izango da.

 SARIAK

Dbusek izendatutako epaimahaia izango da maila bakoitzeko irabazleak aukeratuko dituena.       

  • Lehen saria: 2017ko 6 hilabeteetan zehar Dbuseko autobusetan erabiltzeko txartel pertsonal besterezin mugagabea jasoko du + Nintendo DS bat.
  • Bigarren saria: 2017ko 3 hilabeteetan zehar Dbuseko autobusetan erabiltzeko txartel pertsonal besterezin mugagabea jasoko du + Argazki kamera bat.
  • Hirugarren saria: 2017ko 3 hilabeteetan zehar Dbuseko autobusetan erabiltzeko txartel pertsonal besterezin mugagabea jasoko du + Liburu sorta bat.
  • Gainontzeko finalistek (4 eta 10 postuen artekoek) Diploma bat jasoko dute.

 

Dbusek marrazkiak hedatu, publikoki erakutsi eta erreproduzitzeko eskubidea bere gain hartzen du, marrazkien egileek, euren lanaren autoretza onartzen zaielarik, inolako eskubiderik sortzen ez dutelarik. Marrazkiak Dbusen marketin kanpainetan erabiliak izan daitezke.

Lehiaketarako izena ematean parte hartzaileek ematen dituzten datuak DBUSen jabegokoa den fitxategi batean sartuko dira beraien tratamendurako, eta lehiaketan parte hartzea kudeatzeko erabiliko dira. DBUSen Pribatutasun Politikari buruz edota interesdunak honi lotuta dituen eskubideen erabileraz gehiago jakiteko, begiratu www.dbus.eus web orrian.

Marrazki finalistak DVbusen erakutsiak izango dira abenduan zehar eta Dbus eta San Martin Azokaren webguneetan azalduko dira. Halaber, marrazkiak horretarako egokitutako leku publikoetan erakutsi ahal izango dira.

Sarien banaketa ekitaldia abenduaren 17an, larunbata, goizeko 12:00etan egingo da San Martin Azokan, FNACen aretoan. 

Irakurri
autobus_berdea

Autobus Berdea haurrentzako tailerrerako izena emateko epea irekita

Dbusek, bere 130. urteurrenaren programazioaren barruan, materialak birziklatuz autobusen maketak egiteko familia tailer bat antolatu du: “Autobus Berdea”.

 autobus_berdea

Jarduera honen asmoa da haurrak ohartaraztea mugikortasun iraunkorrak eta autobusaren erabilerak duten garrantziaz, horretarako sormenaz baliatuz. Ontziak, poteak, kartoiak eta beste elementu batzuk erabiliko dira autobusak sortzeko, aldi berean mugikortasun iraunkorra eta naturaren zaintza lotzen lagunduta.

 Tailerra 5 eta 11 urte bitarteko haurrentzat da, eta haurrek heldu batek lagunduta parte hartu beharko dute. Donostia Kulturaren laguntza du eta Aiete Kultur Etxean egingo da, 2 saiotan. Tailerraren ondoren maketarik nabarmenenak aukeratuko dira, eta Kultur Etxean jarriko dira ikusgai.

 Jarduera dohainik da eta aurretik izena eman behar da (irailaren 19tik aurrera). Talde bakoitzean gehienez ere 50 pertsonak parte hartu ahal izango dute, eta plazak izena emateko hurrenkeraren arabera esleituko dira.

 

Tailerren egunak:

– 1.Taldea: urriak 22 eta 29

– 2.Taldea: azaroak 19 eta 26

 

Tailerren ordutegia:

16:30etik 18:30era gutxi gorabehera.

 

Parte hartzaileek eraman beharreko materiala:

Ontziak, poteak, kartoizko bilkariak, paperak…

 

 Aurretik izen ematea:

[email protected] (Aiete Kultur Etxeko Haurtxokoa)

943 000 200 (Dbusen Erabiltzaileen Arretarako zerbitzua)

 Era berean, aldian-aldian Dbusek beste jarduera batzuk antolatzen ditu txikienendako. Esaterako, Kotxetegiak bisitatzeko eskola irteerak antolatzen ditu autobus enpresa baten funtzionamendua barrutik ezagutzeko, edo Gabonetako haurrentzako lehiaketa modu atseginean eta sormenarekin autobusaren erabilera bultzatzeko.

Irakurri
movilidad_2

Dbus-ek bat egingo du Mugikortasun Iraunkorrararen Europako Astearekin

Irailaren 16tik 22ra bitartean Mugikortasun Iraunkorraren Europako Astea ospatuko dela eta, Dbusek jarduera ugari antolatu ditu garraio publikoaren erabilera sustatzeko.  Zehazki, bi heziketa kanpaina jarri ditu abian; bat, erabiltzaileei zuzenduta, autobusetan belaunaldien arteko bizikidetza sustatzeko, eta bestea, adineko pertsonei zuzenduta, haien segurtasuna eta erosotasuna areagotzeko.

 Era berean, atal berri bat sortu da web orrian, irisgarritasunari buruzko informazioarekin.

 Neurri horiek guztiak Dbuseko zerbitzua hiritarrentzako garraio zerbitzu erosoago, seguruago eta irisgarriago egiteko dira, egunetik egunera zerbitzua hobetzeko konpromiso leiala hartuta. 

 

1. Dbuseko autobusetan bizikidetza bultzatzeko kanpaina:

cartel_begirunez_01Mugikortasunaren Astearen beste ardatz bat da autobusetan belaunaldien arteko bizikidetza hobetzeko Dbusek abiarazitako kanpaina. Kanpainak hiru irudi ditu. Irudiak sare sozialetan, markesinetan eta autobusen barruan zabaltzen ari dira, erabiltzaileak ohartarazteko garrantzitsua dela gainerako bidaiariekin errespetuz eta elkartasunez jokatzea. Dbusek bere 130. urteurrena dela-eta abian jarri duen Hiri Berdea kanpainaren pertsonaiak dira irudietako protagonistak.  

Adibide moduan, hiru ohiko kasu planteatzen ditu: eserlekua adineko pertsonei, mugikortasun urria dutenei edo haurdunei uztea, eta gurpildun aulkietarako gordetako lekua errespetatzea. Horrela, erabiltzaile guztiek eta gidariek esperientzia hobeak izatea espero da. 

 

2. Adineko pertsonentzako prestakuntza, autobusean bidaiatzeko moduaren gainean: 

Adinez nagusi diren pertsonak dira hiriko garraio publikoa erabiltzeko arazo gehien eduki dezaketenak. Kotxetegietan egingo diren prestakuntza eta informazio saioen bitartez, adineko pertsonek Dbuseko autobusetan mugitzen direnean erosotasun eta segurtasun handiago edukitzea bultzatu nahi da.

Horretarako, hainbat saio antolatu dira adineko pertsonentzat, auzoetako erretiratuen elkarteekin lankidetzan. Saioak Mugikortasunaren Astean hasiko dira. Hitzaldi horietan informazio praktikoa eskainiko zaie, jakin dezaten nola igo autobusera, zer egin ibilgailuaren barruan daudenean eta nola jaitsi autobusetik, istripuak ekiditeko. Saioak Askora Nagusi eta Zenta erakundeen laguntzarekin antolatu dira eta mugikortasun materiala utziko dute prestakuntza emateko.

 Saio hauetan parte hartzeko beharrezkoa da aldez aurretik izena ematea, auzoetako erretiratuen elkarteen bitartez. Auzoetan jasoko dira eta Kotxetegietara eramango dira, han emango baitzaie prestakuntza.

 Prestakuntza eta informazio ekintza hauek belaunaldien arteko elkarbizitza bultzatzeko kanpainarekin osatuko dira. Kanpaina hori ere Mugikortasunaren Astean jarriko da abian. Helburua da adineko pertsonek eroso eta seguru bidaiatzeko tresnak edukitzea, aldi berean gainerako pertsonek errespetuz eta elkartasunez jokatuta.   

 logo_askora_nagusi_2ZENTA_EUS

3. Irisgarritasunari buruzko atala web orrian

foto_6Dbusen web orriak (www.dbus.eus) atal berri bat eskaintzen du (Autobus irisgarriak) mugikortasun irisgarriari buruzko informazioarekin.

 Atal honetan biltzen dira pertsona guztiek Donostiako garraio publikoa oztoporik gabe erabili ahal ditzaten Dbusek eskura jartzen dituen bitarteko eta informazio sistema guztiak. 

Hauek dira edukietako batzuk:

 – Dbuseko flotaren irisgarritasunaren ezaugarriak: ibilgailu guztiak %100 irisgarri dira.

 – Arrapalaren erabilera: gurpildun aulkian doazenak eta mugitzeko arazoak dituzten pertsonak sartzeko.

 – Mugikortasun urria duten pertsonentzat erreserbatutako eserlekuak: berdeak dira eta pegatinekin identifikatuta daude.

sistema-invidentes – Erdiko gune erreserbatua: gurpildun aulkietarako eta haur kotxeetarako.

 – Balidatzeko makinak erdiko gunean: gurpildun aulkian doazenek eta haur kotxea daramatenek ordaintzeko.

 – Irudi bidezko informazio sistema:  autobusen barruko pantailek ibilbideez, hurrengo geltokiez, beste linea batzuekiko konexioez eta konexio horien iritsiera denborez informatzen dute.  

 – Audio bidezko informazio sistema: aginte baten bidez, itsuek edo ikusmen arazoak dituztenek soinu bidezko informazioa aktibatu dezakete, bai geltokietan iritsiera denborak ezagutzeko eta autobus bat heltzen denean jakiteko zer autobus den eta nora doan, bai ibilgailuaren barruan hurrengo geltokiaren abisua jasotzeko. Aginte horiek ONCEko bulegoetan eta Gipuzkoako Garraioko Lurralde Agintaritzan eskatu daitezke.

 – Ordainketa sistema hobaridunak: Mugi txartel hobariduna minusbaliotasunen bat duten pertsonentzat, eta bidaia doan itsuak edo gurpildun aulkian doazenak laguntzen beraiekin batera bidaiatzen duen pertsonarentzat.  

 

 

Irakurri
donostiarra_foto

Donostiarra trainerua, #NikEreDbus kanpainarekin bat

Dbusek eta  Donostiarra traineruak indarrak batu ditzute #NikEreDbus kanpainan; izan ere, Dbusen 130. urteurrena dela-eta, Donostiako traineruko arraunlariek babesa erakutsi nahi izan diote Dbusi.donostiarra_foto

 Horrela, Kontxako banderako estropadetan bete-betean sartuta gaudela, Donostiarrako kideek bideo bat egin dute, beraiek protagonista izanda, Dbuseko autobusetan izandako bizipenak gogora ekarrita. Bideoa Dbusen web orrian eta Youtubeko kanalean dago ikusgai.

 Kanpainari babesa erakutsita, Donostiarrak bat egiten du hiriko biztanle ezezagun eta ezagunekin, hala nola La Oreja de Van Gogheko kideekin, eta, haiek bezala, Dbusen 130 urteak ospatzeko ekintzetan parte hartu eta garraio publikoaren erabilera bultzatzen dute Donostian, garraiobide iraunkor gisa.

 Hain zuzen, Estropada egunetan Dbuseko autobusek bidaiari ugari izan ohi dute, eta joera handituz doan azken urteotan.  Hori dela eta, autobus lineen zerbitzuak indartzen dira, ahalik eta zerbitzurik hoberena eskaintzeko eta hiritarrak Estropadak ikustera joateko autobusa erabiltzera animatu daitezen. Zehazki, Estropaden lehen igandean auzoetako zerbitzuak bikoiztu ziren, eta datorren igandean, irailak 11, berdin egingo da. Zehazki, bidaiarien kopurua %3,8 igo da 2015eko egun horretako bidaiariekin alderatuta. 

> Bideoa ikusi

Irakurri
visita_buckinghamshire

Dbus-ek bere esperientzia partekatu du lan jardunaldi batean, Buckinghamshiren

CIVITAS CAPITAL proiektu europarraren baitan, Dbusek lan jardunaldi batean parte hartu du Ingalaterrako Buckinghamshire konderrian, High Wycomben zehazki.  Proiektuaren helburua da Europako hiriek praktika onak trukatzea, garraio publikoa hobetzeko.

Lankidetza hau Ingalaterrako hiriaren eskariz sortu zen; izan ere, Buckinghamshire konderriak Donostiaren antzeko ezaugarriak ditu, eta Donostian garraio publikoan arrakastaz funtzionatzen ari diren hainbat neurri ezarri nahi dituzte bertan, beraien garraio publikoaren efizientzia, kalitatea eta abiadura komertziala hobetu eta kutsadura eta kontsumoa murrizteko asmoarekin.

 Lan jardunaldian, Javier Vallejok, Dbuseko zuzendariondokoak, Dbusen arrakasta kasua azaldu zuen Buckinghamshireko teknikarien aurrean. Aurretik, 2016ko maiatzean, High Wycombeko ordezkariak Donostian egon ziren bisitan, hirian ezarritako konponbideak bertatik bertara ezagutzeko.

 Bai maiatzean Donostiara egindako bisitan, bai High Wycombeko lan jardunaldian, teknikari ingelesek Dbusen jardueraren hiru alderdi balioetsi dituzte bereziki, Erresuma Baturako eta Irlandarako CIVINET aldizkarian jasotzen denez.

 – Sistema berritzaileen ezarpena.

– Erabaki operazionalen eta tokiko politiken arteko harreman estua.

– Emaitzen monitorizazioaren eta adierazleak ateratzearen garrantzia, zerbitzuaren funtzionamendua baloratzeko eta kalitatearen hobekuntza bultzatzeko neurri gisa.  

 

Teknikari ingelesek Dbusen alderdi batzuk nabarmendu dituzte. Esaterako, eskaripeko taxibus zerbitzua, flotaren abiadura komertziala, antibunching-erako sistema, BRT sistema edo autobus erreien eta semaforo bidezko lehentasunen sistemaren inplementazioak.

Dbusetik oso positiboki baloratzen da esperientzien eta ikuspuntu teknikoen trukaketa, zerbitzua aztertzen eta zerbitzuaren kalitatea hobetzen laguntzen baitu.  

Irakurri