Langileak

Author: Esti

DSC_0134_web

Dbus-ek 28 linean probatuko du Irizarren lehen autobus %100 elektriko artikulatua

DSC_0134_webDonostia izango da Irizar Taldeak fabrikatutako lehen autobus %100 elektriko artikulatua, Irizar ie tram modeloa, benetako bidaia batean eta bidaiariekin probatuko duen lehen hiria. Udaleko udal arduradunek, Alkate Eneko Goia buruan zutela, bertatik bertara ezagutu dute ibilgailua, Irizarrek Adunan duen lantegian. Ibilgailua uda inguruan hasiko da funtzionatzen Gipuzkoako hiriburuan.

Dbusen flota operatiboko ibilgailuetako bat izango da autobus hori, izan ere, gure hirian elektromugikortasuna bultzatzen duen proiektu pilotu baten zatia da erabilera hori. Proiektuak sei hilabete iraungo du gehienez ere, eta garraio elektrikoaren modalitate guztiak bultzatzeko Donostiak duen estrategia globalaren barruan sartzen da.

Autobus artikulatu bat izango da ibilgailua eta, zehazki, 18 metrokoa eta %100 elektrikoa. Proba 28-Amara-Ospitaleak linean egingo da, Dbusen linearik erabiliena eta Euskadin urtean bidaiari kopururik handiena erregistratzen duen autobus linea baita.

Orain bezala, 2014an ere Dbus izan zen Irizar Taldeak fabrikatutako 12 metroko lehen autobus elektrikoa probatu zuen lehen operadorea. Ezaugarri horiekin Europan fabrikatzen zen lehen autobusa zen. Harrez gero, Dbusek hiru autobus %100 elektriko eta trakzio %100 elektrikoarekin funtzionatzen duten eta geldialdietan zero igorpenen moduan egoten diren 20 autobus sartu ditu bere flotan. Proiektu pilotua autobus %100 elektriko artikulatu batekin abian jarrita, linea horrek 120 tona CO2 gutxiago igorriko ditu eguratsera urtean.

Kotxetegietan gauez kargatzeaz gain, autobus honek aukerako karga egin beharko luke Miramonen, linea buruko geltokian. Geldialdiko kargak gutxi gorabehera 5-6 minutu iraungo duela kalkulatzen da. Autobusak pantografo bat dauka, zeina autobusaren sabaian zabaltzen den eta karga zutoinarekin konektatzen den, 500kW-potentziako karga jasotzeko.28 linea osoaren elektrifikaziorako lehen urratsa da autobus elektriko artikulatuaren proiektu pilotua. Egingo diren probekin 28 linearen energi kontsumoaren gaineko benetako datuak lortu ahal izango dira eta sistema adimendunak dituzten autobus elektrikoen inplementazio posiblerako beharrezkoak diren elementu guztiak behar bezala dimentsionatu.

Ibilgailua hobeto ezagutzeko, Donostiako Alkate Eneko Goia eta Mugikortasuna eta Garraioak departamentuko Zinegotzi Pilar Arana Irizarrek Adunan duen e-mobility lantegira hurbildu dira gaur, Dbuseko Zuzendari Gerente Igor Gonzalezekin batera. Bai Eneko Goia bai Pilar Arana oso interesatuta agertu dira ibilgailuaren sistema berritzaileaz, Dbusen 28 linean probatuko baita, Donostiako autobus flotaren elektrifikaziorako beste urrats bat gehiago eginda. Hortaz, Goiak azpimarratu du Irizarrek “Donostia erabiltzen jarraitzen duela bere diseinurik berritzaileenen laborategi gisa, hiria eta lurraldea mugikortasun elektrikoaren munduko abangoardian kokatzen dituen aliantza estrategiko batean”. Aldi berean, Goiak adierazi du Donostiak “ibilgailu elektrikoaren modalitate guztien alde egiteko estrategia osoa duela, eta horretarako urratsak emango direla erregai fosilak energia garbiekin ordezkatzen joateko”.

Irakurri
cabalgata8

Dbusek Errege Magoei lagunduko die opariak banatzen

cabalgata8Dbuseko autobusek Ekialdeko Errege Magoei lagunduko diete aurten ere Gabonetako opariak banatzen Donostiako kaleetan zehar. Opariz betetako ibilgailu hibrido bat izango da Erregeekin urtarrilaren 5eko desfilean.

Horrela, Dbusek bat egiten du haurrek gehien espero duten jarduetariko batekin, autobusaren erabilera bultzatuz hirian garraiobide publiko gisa.  

 

Irakurri
IMG_0288

Santo Tomas egunean Dbusen autobusen erabilera handia izan da

2017ko Santo Tomas egunean, atzo, abenduaren 21a, ostegunean, Donostia hiriko autobusek erabilera handia izan zuten. Behin-behineko zifrak kontuan hartuta, 120.193 bidaia kontabilizatu ziren egun osoan zehar Dbusen autobusetan. Autobusaren erabilera masiboak aurreikuspen guztiak eta aurreko zifrak gainditu zituen.

Enpresak Donostian soilik hiri garraio zerbitzua ematen duenetik bostgarren kopuru handiena da. Abenduko lanegunetako batazbesteko erabiltzaileen kopurua kontuan izanda, 30.000 bidaiari gehiago erregistratu dira. Iazko datuekin alderatuta, kopurua ia %1,15 igo da.

Lineen arabera, hauek izan dira erabilienak:

–          28-AMARA-OSPITALEAK: 16.053 bidaiari

–          13-ALTZA: 15.925 bidaiari

–          5-BENTA BERRI: 14.645 bidaiari

–          26-AMARA-MARTUTENE: 7.912 bidaiari

–          17-GROS-AMARA-MIRAMON: 7.508 bidaiari

–          14-BIDEBIETA: 5.490 bidaiari

–          33-LARRATXO-INTXAURRONDO-ANTIGUO-BERIO: 5.452 bidaiari

–          9-EGIA-INTXAURRONDO: 5.445 bidaiari

–          25-BENTA BERRI-AÑORGA: 5.275 bidaiari

Autobus erabilera arrakastatsu hau lortu ahal izateko, egun osoan zehar, Dbusek lineak sendotu zituen 20 gidarirekin eta autobus osagarriekin, 230 gidari izan zirelarik egun osoan zehar zerbitzua eman zutenak.

Aldi berean, Mugikortasuneko Agenteen laguntza erabakigarria izan zen garraio publikoak behar bezala funtziona zezan.

Irakurri
IMG_6563

“Dbus eta Gabonak”, 11. haurrentzako marrazki lehiaketaren sari banaketa

2A_TELMO_ZULUETA_MOZOHamaikagarren urtez jarraian, Dbus eta San Martingo Azokak, FNAC-en partehartzearekin, “Dbus eta Gabonak” Haurrentzako Marrazki Lehiaketa antolatu dute. Edizio honetako partehartzea paregabea izan da, 1 eta 12 urte arteko 1.400 haur baino gehiagoren marrazkiak jaso baitira.

Gaur, 2017ko abenduaren 16an, San Martin Merkatuko FNACen sari banaketa burutu da.

A mailako irabazleak (8 urte bitarteko haurrak) ondorengoak izan dira:

  • 1. Saria: Izaro Etxegoien, 8 urtekoa, Uzturre Ikastola (ikusi argazki atxikitua). Dbus-eko autobusak 2018an 6 hilabetetan erabiltzeko txartel pertsonal transferiezin mugagabea + Samsung Galaxy Tableta.
  • 2. Saria: Telmo Zulueta, 8 urtekoa, Summa Aldapeta Ikastetxea (ikusi argazki atxikitua). Dbus-eko autobusak 2018an 3 hilabetetan erabiltzeko txartel pertsonal transferiezin mugagabea + Argazki kamera.
  • 3. Saria: Alba Urtasun, 7 urtekoa, Summa Aldapeta Ikastetxea (ikusi argazki atxikitua). Dbus-eko autobusak 2018an 3 hilabetetan erabiltzeko txartel pertsonal transferiezin mugagabea + Liburu sorta eta idazketarako sorta.  

B mailako irabazleak (9 urtetik 12 urte bitarte) ondorengoak izan dira:

  • 1º Saria: Andrea Alkorta, 11 urtekoa, Taller Mihise (ikusi argazki atxikitua). Dbus-eko autobusak 2018an 6 hilabetetan erabiltzeko txartel pertsonal transferiezin mugagabea + Samsung Galaxy Tableta.
  • 2. Saria: Natalia Herrero, 10 urtekoa, The English School (ikusi argazki atxikitua). Dbus-eko autobusak 2018an 3 hilabetetan erabiltzeko txartel pertsonal transferiezin mugagabea + Argazki kamera.
  • 3º Saria: Miren Arraiza, 9 urtekoa, Jaso Ikastola (ikusi argazki atxikitua). Dbus-eko autobusak 2018an 3 hilabetetan erabiltzeko txartel pertsonal transferiezin mugagabea + Liburu sorta eta idazketarako sorta.  

11. Marrazki Lehiaketa honetako gainontzeko finalistek ere sariak jaso dituzte, parte-hartu izana bermatzen duen diploma, Dbusen txartel-zorroa eta Konpainiako autobusetako baten maketa hain zuzen. Gainontzeko finalistak ondorengoak izan dira. 

– A Maila:

– B Maila:

Marrazki finalistak abenduan zehar DVBUSen agertuko dira eta aldi berean DBUS eta San Martin Merkatuko web orrian argitaratuko dira.

Dbusetik haurrek marrazkiak egiterakoan jarritako ilusioa eta sormena eskertu nahi dugu, bai eta guraso eta eskolen partehartzea ere.

 Marrazken erakusketa

Donostia Kulturaren kolaborazioa dela eta, aurre-aukeratutako 200 marrazkiak ikusgai egongo dira abenduaren 19tik urtarrilaren 21era arte, Aiete Kultur Etxean (Aiete pasealekua 63).

 LEKUA: AIETE KULTUR ETXEA

DATAK: Abenduaren 19tik urtarrilaren 21era arte

ORDUTEGIA:
Asteartetik igandera: 10:00etatik 14:00etara
Larunbatak 23 eta 30: 10:00etatik 14:00etara eta 16:30etik 20:00etara
(Itxita: abenduak 25; urtarrilak 1 eta 6)

Irakurri
TTG-Awards-Logo-2018_400x241

Dbus, ticketing sistema berritzaileenak dituzten munduko 8 enpresen artean

TTG-Awards-Logo-2018_400x241Dbus da Transport Ticketing nazioartean prestigio handia duen sarirako zortzi finalistetako bat, Ordainketa Sistema Adimendunik Hoberena kategorian. Sariak mundu osoko garraio publikoko operadoreen eta enpresa teknologikoen bikaintasuna azpimarratzen du, garraioaren kalitatea eta eraginkortasuna hobetzeko asmoz ordainketa sistemetan berrikuntzak egitearen aldeko apustuari dagokionez. 

Zortzi finalisten artean, Dbus ez ezik Eskoziako eta Skaneko (Suedia) garraio publikoko enpresak daude edo Silverrail, Nación Servicios eta Masabi enpresa teknologikoak. Sektoreko profesionalek osatutako epaimahaikide batek aukeratuko ditu irabazleak, eta 2018ko urtarrilaren 23an, asteartean, Londresen egingo den zeremonian jakinaraziko dira irabazleen izenak.  

Autobusean bidaiatzea esperientzia erosoagoa eta errazagoa izatea ahalbidetzen duten ordainketa modu berritzaileak inplementatzen alde egind du apustua Dbusek eta horregatik izendatu dute sarirako. 2017ko otsailaz geroztik, Donostiako autobusetan Bizkaiko garraio txartela (BARIK) eta Arabakoa (BAT) erabili daitezke bidaia ordaintzeko. Era berean, pasa den udan Dbusek proiektu pilotu bat jarri zuen abian, bidaiak kontakturik gabeko EMV banku txartelarekin ordaintzeko. Proiektua 16 eta 45 autobus lineetan garatu zen, hiria bisitatzen duten pertsonek gehien erabiltzen dituzten lineak direlako. Ticketing sisteman egindako hobekuntza horiekin arinago ordaintzen da autobusean sartzean, eta geldialdi bakoitzean ematen den denbora murrizten da. Horrek, aldi berean, bidai denbora murriztea ahalbidetzen du eta zerbitzuen abiadura komertziala hobetzea ere bai.

Bigarren aldia da Dbus sari hauetarako izendatu dutela. Izan ere, 2013an Garraio Enpresa Berritzaileenaren kategorian finalista izan zen, Donostiako garraio publikoa hobetzeko teknologia berriak ezartzen azken urteetan egindako jarduketa ugariri esker. Gainera, ezarpen horiei esker Dbus erreferente bihurtu da nazioartean eta aitortza eta sari asko eskuratu ditu.

Irakurri
hies

Dbus-ek bat egiten du HIESA-ren aurkako Borrokaren Munduko Egunarekin

Beste urte batez, Dbusek bat egiten du abenduaren 1ean ospatuko den HIESA-ren aurkako Borrokaren Munduko Egunarekin. 

Horregatik, bihar Donostiako hiri autobus guztiek lazo gorri bat eramango dute, gaixotasun hau pairatzen dutenei babesa eta elkartasuna erakusteko eta kontzientzia sozial handiagoa lortzeko egingo diren jardueretan laguntzeko.

 

Irakurri
DBUS 1_PEQ

EBSF_2 proiektu europarraren barruan garatutako berrikuntzak aurkeztu dituzte Donostiak eta Madrilek

DBUS 1_PEQGaur, EBSF_2 – European Bus System of the Future 2 (Etorkizuneko Autobus Europarren Sistema 2) proiektu europarrari buruzko jardunaldi bat egingo da Donostian, eta bertan Donostiak eta Madrilek, proiektuaren hiri erakusleek, garatu eta analizatu dituzten berrikuntza teknologikoak aurkeztuko dira. Europako Batzordeak Horizon 2020 programaren baitan finantzatutako proiektua da, eta bere helburua da autobusak garraio publiko gisa duen efizientzia eta erakargarritasuna areagotzea, etorkizuneko premiei erantzungo dieten autobusen belaunaldi berri bat diseinatuta.

Proiektu europarrak 3 urteko iraupena dauka, 2015eko maiatzean hasi zen, eta 42 bazkide ditu, 12 hiri hauetan soluzio teknologiko berriak esperimentatzen: Donostia, Paris hiria eta bere eremu metropolitanoa, Londres, Lyon, Bartzelona, Helsinki, Madril, Dresden, Ravenna, Göteborg eta Stuttgart. Dbusekin eta CEIT-IK4 Zentro Teknologikoarekin batera, Donostiako erakuslean parte hartzen ari dira IRIZAR autobus eta autokarren fabrikatzailea, Datik eta Digimobee enpresa teknologikoak eta Garraio Publikoaren Nazioarteko Elkartea – UITP (hiri eta eskualde garraio publikoen operadoreen munduko elkartea).

Gaurko jardunaldian, CEIT-IK4k, Dbusek eta Garraio Publikoko Nazioarteko Batasunak antolatutakoa baita, Donostia eta Madril hiri erakusleek egindako lanak aurkeztu dira, eta lan horien emaitza nagusiak erakutsi dira. Ekitaldian nazioarteko erakunde ugariren ordezkariak egon dira: enpresa teknologikoak, autobus fabrikatzaileak, zentro teknologikoak eta ikerketa zentroak, bai eta herri askotako garraio operadoreak ere.

Donostiako erakuslea

Donostiako erakuslean gidatzen laguntzeko bi sistema aztertu dira, erregai kontsumoa murrizteko eta bidaiarien erosotasuna areagotzeko asmoarekin.

1) EKOBUS sistema, DATIKek garatua eta Dbusek 2013an ezarria, aintzindaria da munduan, eta gidariari laguntzen dio modu ekonomikoan eta ekologikoan gidatzen, erregai fosilen kontsumoa eta igorpen kutsatzaileak murriztuz. EKOBUS sistemak gidatzearen hainbat alderdi monitorizatzen ditu, eta kontsumoa gehiegizkoa den unetan gidariari jakinarazten dio pantaila txiki baten bitartez. Ordutegiak betetzen ere laguntzen dio gidariari.

2) NONVIS sistema, CEIT-IK4k garatua, EKOBUSen osagarri bat da, eta gailu haptiko bat eta bozgorailu bat erabiltzen ditu gidariari aginduak emateko, seinale bisualak erabili gabe.

Autobusa martxan dagoen bitartean, NONVISek autobus barruko ekipoetako datuak analizatzen ditu eta, aldian-aldian, gidaritzaren eraginkortasun maila kalkulatzen du. Eraginkortasun maila horri EKO maila deitzen zaio. Modu ekologikoan eta ekonomikoan gidatzen denean, EKO mailak gora egiten du eta NONVISek soinu atsegina ateratzen du: Osterantzean, EKO mailak behera egiten duenean, sistemak gidariaren eserlekua suabe bibrarazten du gidariari jakinarazteko.

Era berean, Donostian beste bi berrikuntza teknologiko hauek probatu dira:

3) WARM sistemak, CEIT-IK4k garatuak, autobus flotaren mantentze lan prediktiboen sistemen informazioren kudeaketa hobetzen du, mantentze lanetako langileen lan karga murriztuta, bai bulegoetan bai tailerretan.

4) BPST simulazio softwarearekin (Bus Passenger Simulation Tool), zeina CEIT-IK4k ere garatu baitu, autobusen barruko konfigurazio berriak aztertu dira, mugikortasun urria duten bidaiarien irisgarritasuna eta fluxua hobetzeko.

Madrileko erakuslea

ECONBUS sistemak, TEKIA Ingenieros enpresak garatutakoak, gidari askoren gidatze estiloak konparatu ditzake eta gidari hoberenengandik ikasi, eta gidatze estiloa hobetuz flotan aurrezten den erregaia zehaztasunez kalkulatzea ere ahalbidetzen du.

Donostian eta Madrilen egin diren ekintzei esker posible izaten ari da teknologia berritzaileak laneko baldintza errealetan ebaluatzea eta analizatzea ea autobus garraio publikoa hobetzen laguntzen duten, garraioaren kalitateari eta errentagarritasunari eragiten dioten gai hauei dagokienez: igorpen kutsatzaileak murriztea, bidaiari guztien erosotasuna eta gogobetetzea areagotzea, eta autobus konpainietako langileen lana erraztea.

Irakurri
IMG-20171128-WA0001

Dbus-ek 21 hiri baino gehiagoko garraio operadoreak bildu ditu Donostian

IMG-20171128-WA0001Azaroaren 27 eta 28an Dbuseko instalazioetan elkartu da ATUC Espainiako garraio operadoreen elkarte nagusiaren Teknologia Berriak, Marketina eta Kalitatea Batzordea. Jardunaldi hauetan hainbat hiritako 21 garraio operadorek parte hartu dute, hala nola , hala nola Madril, Bartzelona, Valentzia, Sevilla, Palma edo Tenerifekoek, bai eta garraio publikoarekin lotura duten enpresa teknologiko batzuek ere.

Sektorean gaur-gaurkoak diren gaiak aztertu dira Batzordean. Javier Vallejok, Dbuseko zuzendariondokoak, Dbusen inplementatu diren eta baliabideak optimizatzen uzten duten planifikazio sistema adituak aurkeztu ditu. Sistema horiekin gidarien eta flotaren ordutegiak modu eraginkorrean antolatu daitezke eta horren bitartez zerbitzua hobetu.

Jardunaldietan, halaber, gai hauek aurkeztu dira: 

  • Irisgarritasuna eta garraio moduen elkarbizitza Tenerifen (TITSA) eta Bartzelonan (TMB). 
  • Mugikorraren bitartezko ordainketa modua garraio publikoan, MASABI enpresa teknologikoaren eta Tenerifeko metropoliko operadorearen esperientziekin. 
  • TUSSAM eta EMTUSA operadoreek Sevillan eta Gijonen, hurrenez hurren, ezarritako gidaritza eraginkorreko sistemak eta gidatzen laguntzeko sistema.

Era berean, bertaratzen direnek gidaritza eraginkorrerako beste garapen teknologiko batzuk ezagutu ahal izango dituzte  bihar Donostian egingo den EBSF_2 proiektu europarraren jardunaldiaren barruan. Zehazki, Donostiako eta Madrileko erakusleetan garatutako ekintzak ikusi ahal izango dituzte proiektu horren barruan, zeinak etorkizuneko autobusaren garapenean aurrera egin nahi baitu. Ildo horretan, ATUC Batzordeko partaideek Irizar lantegia bisitatzeko aukera edukiko dute, izan ere, Irizarrek fabrikatzen du Konpainiaren autobus %100 elektrikoak, 2014az geroztik Dbusen inplementatu direnak. 

Irakurri
l_euskararen_eguna

Dbus-ek bat egingo du Euskararen Nazioarteko Egunarekin, autobusetan antzezlan txikiak antolatuz

Abenduaren 3an Euskararen Nazioarteko Eguna ospatzen da eta Dbusek erakutsi nahi du egun horrekin bat egiten duela eta euskararen zabalkunderako eta sustapenerako egun horretan antolatzen diren jarduerak babesten dituela. Horretarako, aurten Dbusek antzezlan txiki batzuk antolatu ditu Donostiako autobusetan. 

Ostegunean Dbuseko autobusean aktore batzuk joango dira, bidaiarien artean, eta bidaiariak harrituko dituzte “Euskastellano” lanaren antzezpen txiki batzuekin. Atsotitz herrikoietan oinarritutako elkarrizketa bat antzeztuko dute, eta bidaiariek elkarrizketetan parte hartzeko eta aktoreekin interakzioan egoteko aukera izango dute. Horrela, ustekabeko antzezlanez gozatzeko aukera edukiko dute autobusen barruan doazenek, bai eta kultura eta euskararen zabalkundeari lotuta bidai esperientzia desberdina edukitzeko ere, erabiltzaileak euskaraz bidaiatzera ere bultzatuta. 

Antzezpenak azaroaren 30ean egingo dira, goizez eta arratsaldez, 5-Benta Berri, 13-Altza eta 28-Amara-Ospitaleak lineetan, horiek baitira Dbuseko linearik erabilienak. 

Irakurri