Langileak

Author: Esti

DBUS

Dbusek AENOR-en ziurtagiria eskuratu du COVID-19ari aurre egiteko moduagatik

Azken hilabeteetan, Dbusek etengabeko doikuntzak egin ditu COVID-19aren ondoriozko egoera berrira egokitzeko, protokolo berriak garatuz eta Konpainiako langileen eta erabiltzaileen osasuna eta segurtasuna bermatzeko prebentzio neurri batzuk ezarriz. Zentzu horretan, Dbusek AENORen ziurtagiria eskuratu du, non AENORek egiaztatzen baitu Konpainiak egoera berri honi aurre egiteko Dbusek berak landu duen protokoloan ezartzen diren eta beharrezkoak diren jarraibideak eta neurriak betetzen dituela.

Ziurtagiria entregatzeko ekitaldian parte hartu dute Donostiako Udaleko Mugikortasun eta Garraioko zinegotzi Pilar Aranak, Dbuseko zuzendari gerente Igor Gonzalezek eta AENORen Euskadiko zuzendari Luz Emparanzak. Ziurtagiri berriaren zigilua flotako autobus guztietan jarriko da ikusgai, bai eta Konpainiaren instalazioetan ere.

Dbusek COVID-19ari aurre egiteko aplikatzen dituen neurrien eraginkortasunaren kanpoko berme bat da COVID-19rako Protokoloen Ziurtagiria, eta Osasun Ministerioak COVID-19aren prebentziorako eta higienerako markatutako jarraibideetan oinarritzen da.  Ziurtagiri horren metodologia erakunde nazionalen eta internazionalen gomendioetan oinarritzen da, eta eskatzen du erakundeek COVID-19aren ondoriozko arriskuak kudeatzeko lanei guztiz heltzea. Auditoriak ebaluatzen ditu, besteak beste, COVID-19ari aurre egiteko jarduera protokoloak eta protokolo horiek betetzea.

Dbusen ezarritako neurriak

Dbusek ezarritako neurrietako batzuk dira flotaren eta Kotxetegien instalazio guztien eguneroko garbiketa eta desinfekzioa; ibilgailu guztietan gidariaren postuan babes manpara jartzea; prebentzio neurriei eta prozedura berriei buruz langile eta erabiltzaileei ematen zaien informazioa; gune komunen mugapena; osasun segurtasunareko neurrien ezarpena autobusetan zein instalazioetan; edo hornitzaileei babes eta segurtasun neurriak betearaztea, erabiltzaileei zerbitzu segurua eskaini ahal izateko.

Egunero, autobusak zerbitzua ematen baldintzarik hoberenetan has daitezen, egiten zaien garbiketa eta desinfekzioa da Dbuseko erabiltzaileek gehien baloratzen duten alderdietako bat. Lan hori egiteko, Dbus ihinztatzeko sistema motorizatu berritzaile bat erabiltzen ari da, zeinarekin autobusaren barruko leku guztietara iristen baita eta desinfekzioa zehatzago eta zorrotzago egin baitaiteke.

Ziurtagiri berri hau AENORek Bidaiarien Garraio Publikoen gaineko UNE-EN 13816 arauaren arabera 5-Benta Berri, 13-Altza eta 28-Amara-Ospitaleak lineen zerbitzu kalitatea egiaztatzeko eman duen kalitate ziurtagiriari batzen zaio, Dbusen egunero bidaiatzen duten ia pertsonen erdia linea horietan erregistratzen dira-eta. Konpromiso horiek, gainera, ez dira soilik hiru linea horietan aplikatzen, autobus flota guztian eta Konpainiaren eguneroko funtzionamenduan ere aplikatzen dira.

Berriro ere, AENORek COVID-19ari aurre egiteko protokoloagatik emandako ziurtagiriak erakusten du Donostiako garraio publikoa segurua dela eta Dbuseko mugikortasun iraunkorreko eredua berreskuratzeko beharrezkoa den konfiantza ematen dio, garraio publikoaren alde eginda, Donostian mugitzeko garraiobiderik eraginkorrena eta ekologikoena den heinean.  

 

Irakurri
L28 (2)

“5G Euskadi” proiektuaren barruan, Dbusek 5G konexioa probatuko du 17 eta 28 lineetan

Dbus “5G Euskadi” proiektuan parte hartzen ari da, zeinaren bidez 5G sare esperimental bat hedatuko baita Euskal Herriko hiru parke teknologikotan (Miramon, Zamudio eta Miñao) eta Abadiñoko herrian. Euskadiko lehen 5G proiektu pilotua da, eta bere helburua da Euskal Herriko enpresa eta zentro teknologiko nagusien berrikuntza eta eraldaketa industriala bultzatzea. Proiektuan 13 agente parte hartzen ari dira eta 9 erabilera kasu inplementatuko dira, eta kasu horietako hirutan Dbusek parte hartuko du.

5G sareek etorkizunean izango dute garapenaz eta teknologia hori mugikortasunaren, energiaren, industriaren eta zibersegurtasunaren eremuetan aplikatuz lurraldearen garapen sozialerako eta ekonomikorako izango duen garrantziaz gogoeta egin ondoren jaio da “5G Euskadi” proiektua. Ekonomia eta Enpresa Ministerioaren mendekoa den Red.es erakunde publikoak deituriko programaren zati bat da.  

Dbusek 3 erabilera kasu inplementatuko ditu

Zehazki, proiektu berritzaile honen bitartez Dbusek hiru proba egingo ditu 17-Gros-Amara-Miramon eta 28-Amara-Ospitaleak lineetan. Izan ere, linea horiek Miramon aldean zerbitzua ematen dute, eta Miramon da, hain zuzen, proiektuaren barruko ekintzen inplementaziorako lekuetako bat.  

  • Bideozaintzako sistema: Dbuseko autobusek kamerak dituzte autobusaren erabiltzaileen eta gidarien segurtasuna bermatzeko. Segurtasun kamerek bereizmen handiz hartutako irudiak prozesamendu zentrora denbora errealean transmititzea izango litzateke batez ere erabilera kasu hori.
  • Autobusaren barruko Wifi konexioaren hobekuntza: Dbuseko autobusek wifi konexioa dute erabiltzaileen esku. Konexio hori 4G sare batean sortu da, eta horrek bere erabilera mugatzen du erabiltzaile bat baino gehiago ari bada konektatzen saiatzen. Proiektuaren bitartez 5G konexioa egiaztatuko litzateke, zeinak erabiltzailearen esperientzia hobetuko lukeen.
  • Ibilgailuen mantentze lanak: 5G sarearen erabilera autobusaren hainbat parametro monitorizatzeko eta horren bidez autobusaren mantentze lanak hobeto egiteko.

Dbusekin batera, proiektuko bazkide parte hartzaileak dira Euskaltel, R, Orange, MásMóvil, ZTE, Gestamp, Ikusi (Velatia Taldea), CAF, Datik (Irizar Taldea), CEIT eta Vicomtech. Enpresa horiek, gainera, Iberdrola, Basque Security Center (Eusko Jaurlaritza), Tecnalia eta Euskal Herriko Unibertsitatearekin lankidetza hitzarmenak ezarri dituzte. Proiektuak, halaber, erakunde hauen babesa dauka: Eusko Jaurlaritza (Ekonomiaren Garapeneko eta Azpiegituretako Saila), Donostia-San Sebastiango Udala, Gipuzkoako Aldundia, Bizkaiko Aldundia, Arabako Aldundia, Zamudioko Udala eta Abadiñoko Udala.

Proiektuak 30 hilabete iraungo du, eta 7,1 milioi euroko aurrekontua dauka guztira. Aurrekontu horretatik, Dbusi 338.316€-ko aurrekontua dagokio, eta Ekonomia eta Enpresa Ministerioak eta Eskualde Garapenerako Europako Fondoak (FEDER) elkarrekin finantzatuko dute, Espainiako Eskualde askotako Programa Operatiboaren kontura (POPE).

Irakurri

21 linea: aldaketak ibilbidean

Abuztuaren 1etik aurrera, larunbatez, 21-Mutualitateak-Anoeta linearen ibilbidea aldatu egingo da.

Erdialderantz doala, Antso Jakitunetik aurrera 26 eta 28 lineen ibilbide bera egingo du, Easo kaletik, Easo kaleko 19an geldialdia eginda, eta Askatasunaren Hiribidetik, han Okendorantz jiratuta.

Gernikako Arbolako eta Maria Cristina Zubiko geltokiak kenduko dira.

Irakurri
RRSS-1_EUS - PAGO CON TARJETA DBUS

Dbusen ordaintzeko modu lehenetsiak

Osasun arrazoiengatik, Dbuseko zerbitzuen erabiltzaileei eskatzen zaie bidai txartela ordaintzeko, ahal dela MUGI edo Lurraldebus txartelak –bere aldaera guztiak–, BAT eta BARIK txartelak edo turista txartelak edo EMV kontakturik gabeko banku txartelak erabiltzeko. EMV kontakturik gabeko banku txartelekin ordaintzeko, berriz, txartela bera edo txartelari lotutako aplikazio mugikorrak erabili ahal izango dira, eta transakzioagatik ez da komisiorik kobratuko. 

MUGI/Lurraldebus txartelak kargatzea

Hainbat aukera dago kargatzeko:

– Txartel pertsonalizatuak online kargatu daitezke, Dbuseko apparen bitartez, “Kargatu” izeneko erlaitzean, MUGI sistemarekin lotzen baita, eta MUGIren webgunean bertan ere. Online egiten diren kargak 20 minutura gutxi gorabehera erabilgarri daude Dbuseko autobusetan.

Karga hori Dbuseko autobusetan aktibatu daiteke, gidariaren ondoan dagoen makinan. Horrez gain, Kutxabanken kutxazainetan ere aktibatu daiteke (ez da beharrezkoa bezero izatea).

– Txartel anonimoak eta pertsonalizatuak kioskoetan/estankoetan/liburu dendetan kargatu daitezke (Mugi sistemari atxikitakoak izan behar dira), bertara joanda, baita kaleko kargatzeko makinetan eta Kutxabankeko kutxazainetan ere (ez da beharrezko bezero izatea). Karga hori berehala egiten da.

MUGI txartelak eskatzea

– MUGI txartel pertsonalizatuak www.mugi.eus helbidean eskatu dezakezue, eta etxera bidaliko dizuete.

– MUGI txartel anonimoak edozein unetan erosi daitezke kioskoetan/estankoetan/liburu dendetan (Mugi sistemari atxikitakoak izan behar dira).

MUGI txartelei buruzko informazio gehiago: www.mugi.eus eta 943 000 117 telefonoan.

Turista txartela erostea

San Sebastian Card eta Basque Card turista txartelak Donostiako Turismo bulegoan erosi daitezke.

Denon osasunagatik, ahal bada ez ordaindu eskudiruz. Eskerrik asko zure laguntzagatik.

Irakurri
Dbus 17.7.2020-1

“Donostia” modelo berriko lehen autobus markesina instalatu du Dbusek

Dbusek, Donostiako Udaleko Mugikortasun Departamentuarekin elkarlanean, proiektu pilotu bat abian jarriko du, datozen urteetan, markesinak berritzeko eta hiriko markesinen heren bat eguneratzeko egingo diren lanen barruan, Donostian instalatuko diren markesinen modelo berriko markesina bat instalatzeko. Donostia modeloa da, eta duela hilabete batzuk Promedios Taldearen PM TRANS EUROPE S.L.U. enpresari esleitu zitzaion lizitazioan aukeratu zen.

 Markesina berria, gure hirirako bereziki diseinatu baitzen, markesina modelo arina da, eta Grimshaw modeloaren antzekoa, zeina Dbuseko geltokietan instalatu den azken modeloa baita. Larramendi geltoki berrian instalatu da markesina (19-Aiete Bera Bera, 31-Intxaurrondo-Ospitaleak-Altza eta B2-Aiete-Bera Bera lineak), eta 3D publizitatea du lehen aldiz. Zehazki, Dbusen kanpaina baten kartelak instalatu dira, markesinaren izenari eta gure hiriari keinua eginda, Donostiaren irudien bitartez, hala nola Haizearen Orrazia, sakonera efektua sortuta, nondik eta zer distantziatatik begiratzen zaion.

 

 

 

 

 

 

 

 

 

 

 

 

Markesina berria Irisgarritasunari buruzko Legera egokituta dago. Sarbidean 90 zentimetroko zabalera libre edukiko du gutxienez igarotzeko, manparak zeharrargiak izango dira, eta kolore biziko bi banda seinaleztatzaile edukiko ditu kristala duela adierazteko. Horrez gain, linearen zenbakiari eta helmugari buruzko informazioa dauka, braillez, eta bermatze leku iskiatikoa duen eserlekua dauka.

Geltoki berriak, halaber, autobusen iritsieraren berri emateko eta erabiltzaileentzat interesgarriak diren beste abisu batzuk emateko panel elektroniko bat dauka. Informazio panelaren modeloa ere berria da. Sendoagoa da, eta karaktereak hobeto irakurtzen uzten du. Hiriaren beste bost informazio panel batzuetan jada instalatuta dagoen sistema berritzaile bat dauka, zeinarekin zerbitzua erabiltzaileen benetako eskarira egokitu daitekeen, autobus geltokian zain dauden pertsonen kopurua abiapuntu hartuta, ikuspen artifizialeko sentsoreen bitartez.

Proiektu pilotu honen helburua da aztertzea ea zenbateraino praktikoa den erabiltzaileen eta gidarien ikuspuntutik, hobekuntzarik sortzen bada berrituko diren gainerako markesinetan sartzeko. Linea honetan, prozesu parte hartzaile bat ireki da ezgaituekin lan egiten duten hainbat elkarterekin batera, markesina testatu ahal izateko eta beren ekarpenak egin ahal ditzaten.

Donostiak 563 autobus geltoki dauzka, eta horietatik 309 markesina erakoak dira eta 254 zutoin erakoak. Berrikuntza honetan 110 markesina eguneratuko dira gehienez 3 urteko epean, hau da, gutxi gorabehera 34-36 markesina urtean, Larramendin instalatutakoa lehena izanik.

Geltoki berria Larramendi kalean

Uztailaren 18tik aurrera, larunbatez, Dbuseko 19-Aiete-Bera Bera, 31-Intxaurrondo-Ospitaleak-Altza eta B2-Aiete-Bera Bera lineek geltoki berri bat edukiko dute –Larramendi–, kale bereko 23 zenbakiaren parean. Aldapetako aldapako trafikoan egin diren aldaketen ondoren línea hauek Urbieta 38an duten behin-behineko geltokia ordeztuko du geltoki horrek.

Aieterantz doanean, orain arteko egiten zuten ibilbide bera egingo dute: autobusek Urbieta kaletik, Larramendi kaletik (Larramendi 23aren pareko geltokia) eta Lizarra kaletik zirkulatuko dute, eta Aldapetatik jarraituko dute (ikusi planoa).

 

 

 

 

 

 

 

 

 

 

 

 

 

 

Loiola aparkalekuko geltokia

Era berean, uztailaren 18tik aurrera, larunbatez, 31-Intxaurrondo-Ospitaleak-Altza lineak ez du jada Loiola aparkalekuan geldialdirik egingo. Horrela, linearen ordutegiak hobeto betetzea nahi da, geltoki gehien dituen Dbuseko linea baita. Geltoki hau mantentzen da, halere, 24-Altza-Gros-Antiguo-Intxaurrondo, 26-Amara-Martutene, 27-Altza-Intxaurrondo-Antiguo-Gros, 41-Gros-Egia-Martutene eta B4-Amara-Martutene lineetarako.

Irakurri
buen pastor 2

Dbuseko geltokien aldaketak eta kokaleku berriak, San Martin kaleko obrak direla eta

San Martin kaleko obrak aurrera doazela eta, uztailaren 15etik aurrera, asteazkenez, honako aldaketa hauek egingo dira Dbuseko zerbitzuetan:

5-Benta Berri, 16-Igeldo, 18-Seminarioa, 25-Benta Berri-Añorga, 45-Estaciones Renfe-Bus Geltokiak-Antiguo-Aiete, B1-Benta Berri-Berio-Añorga, B7-Igeldo eta B8-Benta Berri-Miraconcha-Seminarioa:

  • Artzain Ona-San Martin geltokia kenduko da, eta Askatasunaren Hiribideko 31ra eramango da.

19-Aiete-Bera Bera, 31-Intxaurrondo-Ospitaleak-Altza, 36-San Roke-Aldakonea, 37-Rodil-Zorroaga eta B2- Aiete-Bera Bera:

  • Artzain Ona-San Martin geltokia kenduko da, eta Easo 9ra eramango da.

21-Mutualitateak-Anoeta, 26-Amara-Martutene, 28-Amara-Ospitaleak eta B4-Amara-Riberas-Martutene:

  • Artzain Ona-San Martin geltokia kenduko da, eta Easo 19ra eramango da.

33-Larratxo-Intxaurrondo-Antiguo-Igara:

  •  Artzain Ona-San Martin geltokia kenduko da, eta Askatasunaren Hiribideko 21era eta Askatasunaren Hiribideko 3ra eramango da.

40-Gros-Antiguo-Igara:

  • Artzain Ona-San Martin geltokia kenduko da, eta Askatasunaren Hiribideko 19ra eramango da.

Honela geratuko dira geltokiak Erdialderantz eta Gros alderantz doazen zerbitzuetarako:

 

Irakurri

Dbuseko tarifa sistema uztailaren 6tik aurrera

Aurreikusita dago datorren uztailaren 6tik aurrera, astelehenez, Dbuseko tarifa berriak indarrean sartuko direla eta tarifa sistema honela geldituko dela:

Txartela

2020ko prezioa

Noizbehinkako txartela

1,85 €

Gaueko txartela

2,50 €

MUGI txartela

 

Hil bereko 1-20 bidaiak

0,96 €

Hil bereko 21-50 bidaiak

0,78 €

Hil bereko 51. bidaiatik aurrera

0,19 €

Hil bereko 51. bidaiatik aurrera GAZTE TXARTELEAN

0€

MUGI txartel anonimoa

1,26 €

BAT eta BARIK txartelak

0,96 €

 

 

 

 

 

 

 

 

 

 

 

 

Irakurri
20200113_105456

Bizikletak alokatzeko Dbizi sistemaren kudeaketarako kontratua izenpetu dute Dbusek eta BIZISS ABEE-k

COVID-19ak eragindako egoeraren ondorioz aurreko zerbitzua eten ondoren eta sistema berri abian jartzeko lanetan eragin duen atzerapenaren ondoren, Dbusek eta BIZISS ABEEk (MOVUSek eta UEBASERek eratutako ABEE) hiriko bizikleten alokairurako Dbizi sistema berriaren kudeaketarako kontratua izenpetu dute.Sistema berria mistoa izango da, bizikleta mekanikoak eta elektrikoak edukiko baititu. Bizikleta horiek diseinu funtzional erakargarria eta esklusiboa edukiko dute, eta beren irudi korporatiboa Dbusen irudi korporatiboarekin bat etorriko da, eta bistarako nortasun uniformea eta homogeneoa emango die.

Sistema berriaren ezaugarriak

Sistema berriak hobekuntza batzuk ditu bizikletetan, hala nola bizikleta mekaniko arinak; kalitate handiko bizikleta elektrikoak; bandalismoaren aurkako lohi babesa, bi pertsona eraman ezin izateko; eta aulki zuloduna, aulkian urik ez metatzeko.

Geltokiei dagokienez, esleipenduna atera den proposamenak ez du obra zibilik eskatzen geltoki mekanikoen eta elektrikoen hasierako instalaziorako eta geroko lekualdaketetarako. Geltoki elektrikoen lanetarako baino ez du behar obra zibila egitea. Era berean, energia berriztagarrien erabilera jasotzen du, eguzki panelen eta baterien bitartez, geltoki mekanikoen hornidura elektrikorako. Sistemak planteatzen du, halaber, egitura sendo bat, bizikleta elektriko eta mekanikoetarako ainguraketa sistema berbera duena, eta egurats zabal, itsas giro, bandalismo eta erabilera publiko intentsiboarekiko erresistenteak diren fabrikazio materialak eta akaberak ere bai. Geltokien muntaketa oso denbora laburrean egiten da.

Ainguraketa sistema nabarmen hobea da aurreko sistemarekin alderatuta. Zeharkako buloi sendo bat dauka geltokian, zeinak bizikletaren arra zeharkatzen baitu, eta arraren diseinu triangeluarrari esker bizikleta ainguratzea eta desainguratzea oso erraza da. Ainguraketa sistemaren diseinuari esker, halaber, ekintza bandalikoak baldin badaude geltokiko zein bizikletako kalteak txikiak izango dira. Ainguraketa sistemak, gainera, soinu eta kolore bidezko (koloretako 3 led) abisuak ematen ditu, oso argi, bizikleta ainguraketa puntuan ondo lotu edo deslotu den baieztatzeko.

Elementu teknologikoak fisikoki geltokian daude eta ez bizikletan bertan, eta bizikletak mugitzen dira beti ainguraketa batetik bestera; beraz, bizikletak arinagoak direla eta ekintza bandaliko pairatzeko duten arriskua txikiagoa da. Horrek, azken finean, erabiltzaileek esperientzia hobea izatea dakar. Elementu teknologikoetako edozein akatsek ainguraketa bat indargabetuko luke, baina ez luke eraginik izango kalean dauden/eskaintzen diren bizikleten kopuruan.

Ildo horretan, sistema berriak ahalbidetuko du bizikleta elektrikoak zein mekanikoak edozein geltokitatik/geltokitara askatasunez mugitzea, oinarriko geltoki guztiak (elektrikoak zein mekanikoak) mistoak izango baitira. Batez ere, bizikleta elektrikoaren autonomiagatik egin daiteke hori. Proposamenean sartzen da, halaber, ainguraketa duten geltoki kopurua handitzea, eskari handiko puntuetan geltokien ahalmena handitu ahal izateko, baina beti geltokiaren ahalmena erabilgarri dauden ainguraketa kopurura mugatuta, bizikletak puntu zehatz batera masiboki mugitzea ekiditeko eta hiriko beste gune batzuetan bizikleten eskaintzarekin arazorik ez egoteko.

Sistemak bi geltoki birtual edukiko ditu puntu espezifikoetan. Geltoki birtual horietan ez dago fisikoki geltoki bat, baina bizikleta utzi daiteke bertan. Ekitaldietarako ere planteatzen dira geltoki birtualak, eta geltoki horietan sistemaren langileak egongo lirateke beren kudeaketarako.

Sistemak edukiko duen irekiera ordutegia da sistema berriaren beste hobekuntza bat; izan ere, ordutegi zabalago edukiko du, astelehenetik ostiralera, 6:00etatik 0:00etara, eta larunbat, igande eta jaiegunetan, 24 orduko funtzionamendua. Erabiltzaileentzako arreta zerbitzuari dagokionez, sistemak arreta zerbitzu presentziala edukiko du hiriaren erdialdean. Era berean, Call Centerren ordutegia zabalagoa izango da, zehazki 6:00etatik 00:00etara urteko egun guztietan. Gainera, sistemak app eta webaren bitartez funtzionatuko du.

Sistemak bost aldiz handituko du eskaintza

Dbizi sistema berria honela geratuko da:

 

Geltokiak

Bizikletak

1. Fasea

45

437

2. Fasea

24

137

Guztira

69

574

Sistemak, zeinak hasieran aurrekoa bera izango baita (16 geltoki eta 115 bizikleta elektriko), bost aldiz handituko du eskaintza, eta hori bi fasetan egingo da. Era berean, proposamen irabazleak bizikleta mekanikoen kopurua 50 bizikleta gehiagorekin handitzea jasotzen du (574 bizikletako kopuruan sartuta daude).

Kontratuak 8 urteko iraupena edukiko du eta sistemaren gutxi gorabeherako kostua 6.668.000 eurokoa izango da (BEZa sartu gabe). Kostu hori, gainera, nabarmen jaitsiko da erabiltzaileen sarrerekin, publizitatearen ustiapenarekin, dirulaguntzekin eta beste bide batzuen bidez.  Espero da lehen geltokiak eta bizikletak 2020ko azaroan egotea erabilgarri.

 

Irakurri

Gorabeherak EMV banku txartelekin ordaintzeko sisteman

Azken egunetan bankuko txartel batzuekin gorabeherak erregistratu dira autobuseko bidai txartela ordaintzerakoan. Analisi bat egin ondoren, baieztatu da txartel horiek Dbusen ordainketa batzuk egiteke dituztela eta zerrenda beltzetan sartu direla, nahiz eta erabiltzaileak ez jakin.

Txartel bakoitzak pin-ik gabe egin daitezkeen ordainketa kopuru maximo bat dauka. Ordainketa kopuru maximo hori gainditzen denean, txartela igorri duten banku erakundeak ez du uzten transakzioa egiten. Dbusen ordainketa bat egiteke duten txartel guztiak zerrenda beltzean daude ordainketa hori egin bitartean; beraz, autobusean ordainketa egiten saiatzen den hurrengo aldian irakurgailuak ez du txartela onartzen eta “Txartel baliogabea” esaten duen mezua ematen du.

Egoera hori gertatzen denean, erabiltzailea banku erakundearekin harremanetan jarri beharko da ordaintzeke daukana ordaintzeko eta pin-ik gabeko ordainketa kopurua handitu diezaioten, Dbusen bidaiak ordaindu ahal izateko.

 

Irakurri