Langileak

Author: Esti

L24-L27

Aldaketak Dbuseko 24 eta 27 lineetan Loiolan

Lorategi Hiriko obrak aurrera doazenez eta Aralar Mendilerroaren kalerako sarbidea itxita egongo denez, martxoaren 31tik aurrera, astelehenez, behin-behineko aldaketak egingo dira Dbuseko 24-Altza-Gros-Antiguo-Intxaurrondo eta 27-Altza-Intxaurrondo-Antiguo-Gros lineek Loiolan egiten duten ibilbidean.

  • 24-Altza-Gros-Antiguo-Intxaurrondo linea:

Larratxo alderantz, La Salleko biribilgunetik aurrera, 24 lineak Urkiko biribilgunerantz zirkulatuko du, eta lehen semaforoko oinezkoen pasabidea igaro ondoren geldialdia egingo du, Loiola Parking III izeneko geltoki berrian. Horrela, ez da Loiolako zeharbidera sartuko. La Salle, Patxillardegi eta Loiola Parking geltokiak kenduko dira, eta Loiola Parking III geltoki berrira lekualdatuko dira.

Era berean, Lorategi Hiriko bide berria linea horretarako egokitzen denean, linea horrek auzo berrian geldialdia egitea aurreikusita dago, horrela Loiola osoari zerbitzua emanda.

 

  • 27-Altza-Intxaurrondo-Antiguo-Gros linea:

Antiguo alderantz, Egiako zubitik (Astiñene) Lorategi Hiriko bide berritik zirkulatuko du Loiola Parking geltokiraino Aralar Mendilerrotik eta Loiolako zeharbidetik sartu gabe. Aralar Mendilerroa 34ko eta Patxillardegiko geltokiak kenduko dira eta Loiola Parkingera lekualdatuko dira, eta puntu horretatik Loiolako Erriberetarako ohiko ibilbidea egiten jarraituko du. Oraingoz, Lorategi Hiriko bide berritik zirkulatuko du, baina geldialdirik egin gabe obren fase hau amaitu eta puntu horretan geltoki berri bat jarri arte.

 

 

Irakurri

Aldaketak martxoaren 30ean, igandean, egingo den manifestazioa dela eta

Martxoaren 30ean, igandean, manifestazioa egingo da Donostian, 11:45etik 12:45era gutxi gorabehera, eta ondorioz aldaketa hauek egingo dira Dbuseko zerbitzuetan:

> Informazio osoa ikusi (pdf)

Irakurri
real_valladolid_29.03.2025

Martxoak 29 – Dbusen autobus zerbitzua Anoetara (Reala – Real Valladolid)

Martxoaren 29an, larunbatean, Dbusek auzo desberdinetatik Anoetaraino (Reale Arena) doazen autobus zerbitzu bereziak eskainiko ditu Reala eta Real Valladolid-en arteko 14:00etan izango den partidarako.

Boulevard eta Urbietatik:

28, 26 y 21 lineak eta FT linea berezia 13:00etatik minutu gutxiro.

 

Grosetik:

  • Zerbitzuak Groseko Anbulatoriotik, hurrengo geltokiekin: Nafarroa Hiribidea, Ategorrieta, Galtzara Nagusia, Colón Pasealekua eta Renfe-Bus Geltokiak:

17 linea eta FT linea berezia  13:00etatik 10-15 minuturo.

 

Antiguotik:

  • Irteerak Lugaritz 27tik, eta geltokiak Tolosa Hiribidean, Zumalakarregi Hiribidean eta Pio Barojan:

FT linea berezia, 10 minuturo, 13:00etatik 13:50era arte.

 

Altzatik:

  • Zerbitzuak Santa Barbaratik (Altza), Altzan geltokia egin eta 5 min. Ondoren Larratxon:

FT linea berezia, 13:00etan.

 

Intxaurrondo eta Egiatik:

  • Zerbitzuak Txara-Zarategitik, eta geltokiak ondoren Egian, Loiolan eta Erriberetan:

27 linea eta FT linea berezia, 13:00, 13:15 eta 13:30ean.

 

Bidebieta, Herrera, Intxaurrondo Zaharra eta Ategorrietatik:

  • Zerbitzua Pasai San Pedro 25-etik, eta geltokiak Juan XXIII (Bidebieta), Kontadoreak, Mirakruz Gaina, Ategorrieta, Galtzada Nagusia, Colón Pasealekua eta Renfe-Bus Geltokiak:

FT linea berezia, 13:10ean.

 

Martutene eta Loiolatik:

  • Ohiko zerbitzuak Martutene eta Loiolatik 26 linearen ibilbidearekin

26 linea, 13:00, 13:15 eta 13:30ean.

 

Aietetik:

  • 31 linearen ohiko zerbitzuak Aietetik (La Cumbre), Aiete Pasealekua, Oriamendi eta Begiristain-etik Anoetaraino, 30 minutuz behin.

Partidaren ostean auzoetara itzultzeko ohiko zerbitzuak eskainiko dira.

> Informazio osoa (pdf)

Irakurri

[IREKITA] 2025eko Enplegu Publikoaren Eskaintza

1. ARGITALPENA: 2025/03/12

2025. urteko Enplegu Publikoaren Eskaintzan honako lanpostu hauek sartzen dira:

Lanpostua Sistema Sartzeko modalitatea Plazak guztira Oinarri espezifikoen eranskina
Balio anitzeko gidari-kobratzailea Lehiaketa-Oposizioa Orokorra 9 1.Eranskina
Balio anitzeko mekanikari-elektrikaria Lehiaketa-Oposizioa Orokorra 2 2.Eranskina

Hautaketa prozesu horietan ez da lan poltsarik sortuko.

Hautaketa-prozesu bakoitzaren oinarri orokorrak, espezifikoak eta parte hartzeko eskabide-orriak argitaratzen dira:

> Oinarri Orokorrak (pdf)

 

> 1. ERANSKINA: BALIO ANITZEKO GIDARI-KOBRATZAILEAREN oinarri espezifikoa (pdf)

> BALIO ANITZEKO GIDARI-KOBRATZAILE prozesuan parte hartzeko eskabide-orria (pdf)

Galdera-sorta bat argitaratzen da, BALIO ANITZEKO GIDARI-KOBRATZAILEAREN prozesuko oposizio-fasea errazago prestatzeko.

> Galdera-sorta ikusi (pdf)

 

> 2. ERANSKINA: BALIO ANITZEKO MEKANIKARI-ELEKTRIKAREN oinarri espezifikoak (pdf)

> BALIO ANITZEKO MEKANIKARI-ELEKTRIKARI prozesuan parte hartzeko eskabide-orria (pdf)

Irakurri
quiero_mover_el_mundo_ATUC-Dbus_eus

Dbus eta ATUC elkartu egin dira emakumeen talentua erakartzeko eta emakumeek garraioaren sektorean presentzia handiagoa izatea bultzatzeko

Bihar, martxoak 8, Emakumeen Nazioarteko Eguna izango da, eta, hori dela eta, Dbusek komunikazio kanpaina bat abian jarri du garraio sektorean emakumeen talentua sustatzeko. ATUC Mugikortasun Jasangarria, Estatuko garraio publikoko operadore nagusiak biltzen dituen elkartea, Dbusekin elkartu da kanpaina horretarako. Hiriko eta metropoliko garraio publikoko 30 operadorek sustatutako kanpaina da, eta egun hauetan hiri askotan egongo da ikusgai.

Hiriko eta Metropoliko Garraio Publikoen Elkarteak (Atuc Mugikortasun Jasangarria) sustatutako eta koordinatutako kanpaina bateratu honekin, garraio sektorean emakumeak egoteak duen garrantzia ikusarazi nahi da, sektore horretan tradizionalki gizonezkoek presentzia handiagoa izan baitute, oraindik ere hala izanda, nahiz eta azken urteotan emakume kopuruak asko egin duen gora. Izan ere, azken bost urtean Dbusen emakume gidarien kopurua %32 igo da. Era berean, kanpainak emakumeen garapen profesionalerako gune erakargarri gisa aurkezten du bidaiarien garraioa.

“Mundua mugitu nahi dut. Garraio publikoak emakumeen talentu gehiago behar du” lelopean, emakumeen profesionaltasuna erakartzeaz gain, garraio publikora ikuspegi berdinzaleagoa eta inklusiboagoa ekarri nahi da, bertan emakumeak baitira bidaia gehien egiten duten kolektiboa; beraz, ezinbestekoa da garraio zerbitzuak antolatzeko eta planifikatzeko orduan genero ikuspegi hori txertatzea.

Dbusek eta ATUC Mugikortasun Jasangarria osatzen duten gainerako garraio operadoreek ezinbestekotzat jotzen dute mugikortasun berdinzaleagoa sustatzea, erakundeak berak emakumeen eta gizonen arteko aukera berdintasuna sustatzen duten erakunde bihurtzeko neurriak ezarriz hasita.

Irakurri
Dia de la mujer

Dbus-ek bat egiten du Emakumeen Nazioarteko Egunarekin

Bihar, martxoak 8, Emakumeen Nazioarteko Eguna  da eta Dbusek, egunarekin bat egiten duela adierazteko, egunaren kartela jarri du Donostiako autobusetan.

Ildo horretan, Dbusek Emakunderen aitortza jaso du Emakumeen eta Gizonen arteko Berdintasunaren aldeko Erakunde Laguntzailearen bereizgarria jasoz, emakumeen eta gizonen arteko berdintasunean aurrera egiteko hartu duen konpromisoa eta egin duen lanagatik eta eremu soziolaboralean ekimen berriak bultzatzeagatik.

Irakurri
foto

Dbus, munduko ticketing sistemarik onena duen garraio publikoko enpresa gisa aukeratua

Dbusek munduko ticketing onena duen garraio publikoko operadorearen saria jaso du Londresen egin den “Transport Ticketing Awards” sarien banaketan. Ospe handiko aitortza da nazioartean. Saria emateko ekitaldian Donostiako ordezkaritza bat egon da, besteak beste, Olatz Yarza Donostiako Mugikortasun eta Garraio zinegotziak, Igor Gonzalez Dbuseko zuzendari gerenteak, eta azken urteotan Dbus egunean 200.000 bidaia baino gutxiago erregistratzen duten operadoreen kategorian munduko ticketing sistemarik onena duen garraio enpresa izatea ahalbidetu duten berrikuntza teknologiko ugari ezartzen parte hartu duten Dbuseko teknikariek osatuta.

Dbusek saria jaso duen kategorian, Zipre, Filipinak, Australia, Britainia Handia, Gales eta Txekiar Errepublikako beste sei garraio enpresarekin lehiatzen zen. Dbus sari hauetan aitortua izan da lehen ere, bai inplementatutako teknologikoengatik bai bere ordainketa sistemengatik.

Sari horiek azpimarratzen dute garraioa jasangarriagoa eta eraginkorragoa izan dadin berrikuntzak egitearen alde garraio publikoko enpresak egiten ari diren lan bikaina. Epaimahaiak baloratutako jarduketen artean, autobuseko bidaia txartela QR kodearen bidez, Mugi, Bat eta Barik garraio txartelekin, kontakturik gabeko banku txartelekin eta lotutako gailu digitalekin ordaintzeko aukera ematea dago.

Era berean, ondo baloratutako beste jarduketa bat izan da ticketing datuetan oinarrituta erabiltzaileen jatorria-helmuga matrizea kalkulatzeko eta zerbitzua ematen ari den autobus bakoitzaren denbora errealeko okupazioa zenbatesteko ezarri den sistema. Baloratu da, halaber, geltokietan autobusaren zain dauden erabiltzaileak zenbatu ahal izatea, datozen egunetarako eskaera iragarri ahal izateko, baliabideak optimizatzeko. Neurri horietako asko Garraio, Mugikortasun eta Hiri Agenda Ministerioaren (MITMA) Next Generation funtsen bidez finantzatu dira.

Azpimarratzekoa da sariarekin aitortzen dela garraio publikoa asko erabiltzen dela (Donostia da autobusen erabilera indizerik handiena duen hiria; donostiar bakoitzak 200 bidaia inguru egiten ditu, Europako erabilera kopuru handienetako bat eta antzeko tamaina duten gainerako hirietako erabilera kopuruaren oso gainetik), autobus zerbitzua etengabe hobetzen dela (abiadura komertziala eta puntualtasuna handiak dira), zerbitzuetan maila teknologiko aurreratua duela, ticketing sistemaren hobekuntzak egin direla eta kutsatzen ez duten garraiobideen erabilera sustatzeko hainbat ekimen egin direla. Faktore horiek guztiak funtsezkoak izan dira epaimahaiaren baloraziorako eta sari ospetsu honekin jaso duten aitortzarako.

Irakurri
Linfedema

Dbus-ek bat egiten du Linfedemaren Nazioarteko Egunarekin

Ostegunean, martxoak 6, Linfedemaren Nazioarteko Eguna izango da. AGADELPRISEk (Lehen eta bigarren mailako Linfedema eta Lipedema jasaten dutenen Gipuzkoako Elkartea) hainbat jarduera antolatu du gaixotasuna gehiago ezagutu dadin eta egunero gaixotasun horren aurka borrokatzen duten pertsonei babesa erakusteko, eta Dbusek jarduera horiekin bat egin nahi du.

Horregatik, ostegunean, Donostiako hiri autobus guztiek kanpainaren kartela eramango dute egun osoan.

Irakurri
L43

43 linea: Amara alderantz soilik Colladon geldituko da

Martxoaren 3tik aurrera, astelehenez, 43-Anoeta-Igara linea soilik itzulerako noranzkoan (Madril Hiribiderantz) geldituko da Colladon. Geltoki berri bat jarriko da (behin-behineko postea) Errondo pasealekuan Igara alderantz (Morlanseko biribilgunera iritsi baino lehen, Amarako Anbulatorioren ondoan). Hemendik aurrera Morlanseko biribilgunea hartzen du eta Igararantz jarraitzen du.

– Amara alderantz: Antiguotik Amararantz doanean bai egingo du geldialdia Colladon. Hortik Madril Hiribiderantz joango da Madrid 28 geltokira iristeko (bukaerako geltokia). Antiguo edo Igara alderantz joateko zerbitzu hori hartu nahi duten erabiltzaileek Colladon hartu beharko dute 5 minutu lehenago gutxi gorabehera (6:35 – 7:15 – 7:55 – 8:35 – 13:20 – 13:58 – 14:40 – 15:20 – 17:45 – 18:25 – 19:05).

–Igara alderantz: Errondo pasealekuko geltoki berritik Igara alderantz jarraituko du Colladon gelditu gabe. Antiguo edo Igara alderantz joateko zerbitzu hori hartu nahi duten erabiltzaileek hemen 8 minutu geroago gutxi gorabehera hartu beharko dute (6:43 – 7:23 – 8:03 – 8:43 – 13:28 – 14:06 – 14:48  – 15:28 – 17:53 – 18:33 – 19:13).

Irakurri
gaixotasun_arraroak_2025_txiki

Dbusek bat egingo du Gaixotasun Arraroen Munduko Egunarekin

Dbusek bat egingo du otsailaren 28an ospatzen den Gaixotasun Arraroen Munduko Egunarekin. Horregatik, Donostiako hiriko autobus guztiek informazio kartel bat eramango dute bihar, gaixotasun arraroak dituzten pertsonek egunero bizi dituzten errealitateak ahalik eta gehien zabaltzeko eta erakusteko, eta kontzientzia soziala areagotzeko egingo diren jarduerak bultzatzeko.

Irakurri