Dbuseko autobusek Ekialdeko Errege Magoei lagunduko diete aurten ere Gabonetako opariak banatzen Donostiako kaleetan zehar. Opariz betetako ibilgailu hibrido bat izango da Erregeekin urtarrilaren 5eko desfilean.
Horrela, Dbusek bat egiten du haurrek gehien espero duten jarduetariko batekin, autobusaren erabilera bultzatuz hirian garraiobide publiko gisa.
2018ko San Tomas egunean, abenduaren 21a, ostiralean, Donostia hiriko autobusek erabilera handia izan zuten, 2012an ezarritako errekorra haustera iritsiz. Guztira 128.960 bidaia kontabilizatu ziren egun osoan zehar Dbusen autobusetan.
Autobusaren erabilera masiboari esker aurretik ezarritako marka hautsi zen, 2012ko San Tomas egunean ezarri zena hain zuzen, 124.818 bidaiarekin. Erabilera masiboak aurreikuspen guztiak gainditu zituen, izan ere 2018ko San Tomas eguna da orain enpresak Donostian soilik hiri garraio zerbitzua ematen duenetik erabilera handiena izan duen eguna, Dbusen rankingean lehenengo postuan ezarriz. Abenduko lanegunetako batazbesteko erabiltzaileen kopurua kontuan izanda, 30.000 bidaiari baino gehiago erregistratu dira. Iazko datuekin alderatuta, kopurua ia %7 igo da.
Lineen arabera, hauek izan dira erabilienak:
Autobus erabilera arrakastatsu hau lortu ahal izateko, egun osoan zehar, Dbusek lineak sendotu zituen 20 gidarirekin eta autobus osagarriekin, 233 gidari izan zirelarik egun osoan zehar zerbitzua eman zutenak.
Aldi berean, Mugikortasuneko Agenteen laguntza erabakigarria izan zen garraio publikoak behar bezala funtziona zezan.
Aurten, Dbusek ekimen hunkigarria jarri du abian Gabonak eta Donostiako dekorazioa Matia Fundazioaren Lamourous Zentroan bizi diren adineko pertsonengana hurbiltzeko. Gaur, abenduak 20, Konpainiaren autobus batek egoitzan bizi diren adineko 15 pertsonak osatutako talde bat eraman du hiritik, Dbuseko autobusetik Donostiako Gabonetako giroa ikus dezaten. Hiria lagunkoiagoa izaten laguntzeko eta adineko pertsonen bizi kalitatea hobetzeko asmoarekin Donostiako Udalak bultzatu duen Donostia Lagunkoia izeneko planaren ekimenetako bat da.
Horrela, jardueran parte hartu duten pertsonek arratsalde alaitsua igaro ahal izan dute eta Gabonetako apaingarriez eroso eta seguru gozatu. Ibilbidean, hiriko hainbat gune garrantzitsu ikusi dituzte, hala nola Alderdi Eder, Artzain Ona eta Loiola kalea, Santa Catalina zubia, Frantzia pasealekuaren inguruak eta Maria Cristina zubia, besteak beste.
74 eta 94 urte bitarteko pertsonak dira, Gabonetako egun hauetan hirira hurbildu eta kale argitsuetatik ibiltzeko zailtasunak dituztenak noiz edo noiz. Jarduera honi esker hiriko leku esanguratsuetatik ibili ahal izango dira, pertsona askorentzat ohikoa den jarduera bat gogoratzeko eta hurbiletik bizitzeko aukera edukita. Jardueran, parte hartzaile gehienek senideak eduki dituzte ondoan, beraiekin esperientzia partekatzen, bai eta zentroko arduradun batzuk ere.
Ekimen honekin, Dbusek Lamourous Zentroan bizi diren pertsonen artean harrera ona eduki duen jarduera batean lagundu nahi izan du, garai hau pertsona horientzat eta beraien ingurukoentzat atseginago eginda.
Hamabigarren urtez jarraian, Dbus eta San Martingo Azokak, FNAC-en parte-hartzearekin, “Dbus eta Gabonak” Haurrentzako Marrazki Lehiaketa antolatu dute. Edizio honetako parte-hartzea paregabea izan da, 1 eta 12 urte arteko 1.866 haur baino gehiagoren marrazkiak jaso baitira.
Gaur, 2018ko abenduaren 15ean, San Martin Merkatuko FNACen sari banaketa burutu da.
12. Marrazki Lehiaketa honetako gainontzeko finalistek ere sariak jaso dituzte, parte-hartu izana bermatzen duen diploma, Dbusen txartel-zorroa eta Konpainiako autobusetako baten maketa hain zuzen. Gainontzeko finalistak ondorengoak izan dira:
Marrazki finalistak abenduan zehar DVBUSen agertuko dira eta aldi berean DBUS eta San Martin Merkatuko web orrian argitaratuko dira
Dbusetik haurrek marrazkiak egiterakoan jarritako ilusioa eta sormena eskertu nahi dugu, bai eta guraso eta eskolen parte-hartzea ere.
Donostia Kulturaren kolaborazioa dela eta, aurre-aukeratutako 200 marrazkiak ikusgai egongo dira abenduaren 19tik urtarrilaren 19ra arte, Aiete Kultur Etxean (Aiete pasealekua 63). Itxita: abenduak 24, 25 eta 31; urtarrilak 1 eta 6.
Abenduaren 17tik aurrera, astelehena, 36-San Roke-Aldakonea linearen ibilbidea aldatuko da.
Urbieta 58 geltokia zerbitzurik gabe geratuko da eta Urbieta 38-ra eramango da. Autonomiako geltokia, berriz, Arroka Plaza-ren eta Amara kalea-ren arteko kantoira lekualdatuko da.
Gaur izenpetu dute Dbusek eta Kutxabankek datorren udan Donostiako autobus guztietan bidaiatzeko ohiko tiketa kontakturik gabeko banku txartelarekin 
ordaintzeko aukera emango duen kontratua. Horretarako, beharrezkoa izan da eragiketa horiek egin ahal izateko ordainketa pasabide baten kontratazioa lizitatzea. Lizitazioa lehiaketa publiko bidez egin da eta Kutxabank izan da lehiaketaren enpresa esleipenduna.
2017ko abuztuan Dbusek banku txartelarekin ordaintzeko proiektu pilotu bat jarri zuen martxan 16-Igeldo eta 45- Renfe-Bus Geltokiak-Antigua-Aiete lineetan, eta lizitazio berri honekin sistema berritzaile hori linea guztietara zabaldu ahal izango da.
Proiektu pilotuan bezala, autobus tiketa kontakturik gabeko Visa, Mastercard eta American Express kreditu txartelekin eta zordunketa txartelekin eta mugikorretako aplikazio batzuekin ordaintzen utziko du sistemak. Bankuko txartel bakoitza edo mugikorreko aplikazio bakoitzak erabiltzaileak nahi beste bidaia ordaintzen uzten du, noizbehinkako bidai txartelaren prezioan eta komisiorik gabe. Oraingo honetan, eta proiektu pilotuan ez bezala, gidariaren postuaren ondoan dagoen tiket makinan egingo da ordainketa eta ez da beharrezkoa izango aparteko makinarik jartzea. Helburu horrekin, Dbus eguneraketa batzuk egiten ari da tikek makina horietan, eta aurreikusita dago 2019ko ekainean sistema linea guztietan martxan egotea jada.
Era berean, ordainketa pasabidea garatu ondoren Dbuseko tiketa QR kode sistema baten bitartez ordaitzeko aukera ere ezarri ahal izango da. Erabiltzaileek Dbusen doako aplikazio mugikorraren bitartez erosi ahal izango dute ohiko tiketa (Dbusen App ofiziala). Aplikazioa iOS, Android eta Windows Phonerako eskuratu ahal izango da, kasuan kasuko online dendetan. Tiketa erosi ondoren, mugikorrean QR kode bat sortuko da eta kode hori da balioaztu beharko dena. Balioztatzeko, berriz, mugikorraren pantailan dagoen QR kodea gidariaren postuaren ondoan dagoen makinara hurbilduko da. Kontakturik gabeko banku txartelarekin ordaintzen uzten duen makina berbera izango da. Aurreikusten da 2019aren bukaerarako martxan egongo dela QR kodeekin ordaintzeko sistema hau.
Sistema berriek abantaila ugari dauzkate. Alde batetik, erabiltzaileei ordainketa errazten zaie, ez baitute garraio txartelik edo eskudirurik beharko bidaia ordaintzeko, 
eta, gainera, sistemak erabat seguruak dira, Kutxabankek kudeatuta. Tiketak erosteari buruzko informazioa erraztu ere egiten da. Horrez gain, ordainketa arinago egiten da autobusean sartzean, geldialdi bakoitzaren iraupena murriztuta eta bidaietan denbora gutxiago egiteko aukera emanda. Horrela, garraio publikoaren erabilera bultzatzen da.
Egunero eskudirutan bilduko den dirua gutxiago izatea ere ekarriko du, likidazio lanak erraztuta. Gaur egun, Dbuseko autobusetan urtean egiten diren bidaien %8,41 ordaintzen dira eskudirutan. Gainera, beste herrialde batzuetatik datozen pertsonek ez daukate zertan legezko monetarik eduki, beren banku txartelekin ordaindu baitezakete bidaia, dela txartel horiek autobus barruan balidatuta, dela appean tiketa QR kodearen bitartez erosita.
Bai banku txartelarekin ordaintzea, bai QR Kodearekin ordaintzea E-MOBASK proiektu europarraren zatia dira, proiektuaren helburua baita Euskal Eurohirian garraio publikoaren erabilera bultzatzea eta erraztea, erabilera errazagoa, erakargarriagoa eta iraunkorragoa izan dadin eta garraio publikoa ibilgailu pribatuak baino gehiago erabiltzea bultzatzeko. Horrela, sistema autobus guztietan inplementatu ahal izango da, linea guztien puntualtasuna hobetuta eta kontsumoak eta igorpenak murriztuta, orokorrean. Izan ere, aurreikusten da sistema flota osora zabalduta igorpen kutsatzaileak %5-6 txikiagoak izango direla.
E-MOBASK proiektua Eskualdeen Garapenerako Europako Fondoak (FEDER) kofinantzatu du %65ean, Interreg V-A Espainia-Frantzia-Andorra programaren bitartez (POCTEFA 2014-2020). POCTEFAren helburua da Espainia, Frantzia eta Andorra arteko mugako eskualdearen integrazio ekonomikoa eta soziala indartzea. Batez ere mugaz gaindiko jarduera ekonomikoak, sozialak eta ingurumenekoak garatzen laguntzen du, lurralde garapen iraunkorraren aldeko estrategia bateratuen bitartez.
Donostia jokoa mahai joko bat da, non Donostiako kale, denda eta elementu garrantzitsu batzuk agertzen diren irudikatuta, oka joko tradizionalean eta Monopoly-an bezala. Taulan hiriko auzoak eta elementu nabarmen batzuk agertzen dira, eta horien artean Dbuseko autobus geltokiak daude, zeintzuen bitartez laukien artean mugitu ahal izango garen eta helmugarantz aurrera egin.
Jokoa euskaraz eta gaztelaniaz kaleratu da eta Donostiako hainbat dendatan dago salgai. Familian jokatzeko da (6 urtetik gorakoak), baina, antzeko beste joko batzuetan ez bezala, honetan ez dira kaleak erosten. Donostiako zazpi denda erosi eta irteera puntura bueltatzea da helburua, hirian proba dibertigarri batzuk gainditu ondoren.
Etxeko txikiei zuzendutako mahai joko familiar honetan parte hartuta, Dbusek garraio publikoa eta ohitura iraunkorrak bultzatu nahi ditu etxeko txikienen artean, hirian zehar mugitzeko ingurunea errespetatzen duen eta arduraz tratatzen duen garraiobidea erabiltzea garrantzitsua ikas dezaten. Era berean, Dbusen autobus zerbitzuak hirirako eta hiritarrentzat duen garrantzia azpimarratzen du.
Gainera, datozen egunetan Dbusek jokoaren hainbat unitate oparituko ditu Facebooken (@dbus.donostia) eta Instagramen (@dbusdonostia) bere profilaren jarraitzaile direnen artean.
Beste urte batez, Dbusek bat egiten du abenduaren 1ean ospatuko den HIESA-ren aurkako Borrokaren Munduko Egunarekin.
Horregatik, bihar Donostiako hiri autobus guztiek lazo gorri bat eramango dute, gaixotasun hau pairatzen dutenei babesa eta elkartasuna erakusteko eta kontzientzia sozial handiagoa lortzeko egingo diren jardueretan laguntzeko.
Azaroaren 28an egin zen Dbuseko Administrazio Kontseiluaren bileran 26, 35, 45 eta 46 lineen zerbitzuan hobekuntza garrantzitsuak egiteko behar den aldaketa aztertu ziren. Hobekuntzak, 2019an jarriko dira martxan.
Linearen maiztasuna hobetuko da lanegunetan, egun duen 15 minutukoa izatetik 12 minutukora izatera igarota. Honela geratuko dira linearen ordutegiak:
– Lanegunak: 12 minutuan behin.
– Larunbatak: 15 minutuan behin.
– Igandeak: 20 minutuan behin.
Linearen maiztasuna hobetuta erantzun ahal izango zaie, baita ere, lineak egun duen eskari gero eta handiagoari eta Txomin Eneako urbanizazioari lotuta eta alde horretako populazioak izango duen gorakadari lotuta aurreikusten den eskariari.
Gaur egun Arriola aldea eta Antigua auzoa Aieterekin, Miramonekin, Poliklinikarekin eta Ospitaleekin lotzen ditu, 60 minutuan behin. Maiztasun berria 30 minutukoa izango da lanegunetan, eta maiztasun aldaketaz gain lineak ibilbide berria egingo du, Errotaburu eta Lorea Aieterekin, Miramonekin eta Ospitaleekin lotzeko.
Lanegunetan, beraz, lineak hainbat ibilbide edukiko ditu, eta bakoitza 30 minutuan behin emango da.
– Irteerak Arriolatik: egungo ibilbidea egingo dute, hemendik: Arriola, Unibertsitateak, Ondarreta, Pio Baroja, Aiete, Miramon eta Ospitaleak. Irteerak 60 minutuan behin izango dira, xx:30ean.
– Irteerak Errotaburutik: irteerak Tolosa 138tik, 60 minutuan behin, xx:00etan. Hemendik igaroko dira: Errotaburu, Lorea, Unibertsitateak, Ondarreta, Pio Baroja, Aiete, Miramon eta Ospitaleak. Era berean, ibilbide horren barruan, 2 orduan behin Matia zentrotik aterako dira: 10:00h – 12:00h – 14:00h – 16:00h – 18:00h – 20:00h.
Ibilbidea aldatuko da Aietetik, Andoain kalean eta Pagolan zerbitzua emateko, 19-Aiete-Bera Bera lineak egiten duen moduan.
Horrela, Pagola Antiguarekin lotuta egongo da eta Erdialdearekin eta tren eta autobus geltokiekin ere bai. Aieten, burualdeko geltoki berrian Aiete 93an egongo da, Etxadin egon ordez.
– Irteerak Renfe-Bus Geltokietatik: xx:25h eta xx:55h
– Irteerak Aiete 93tik: xx:25h eta xx:55h
46 lineak egun duen eskari txikia dela eta, ibilbidea luzatuko zaio Morlans Erdialdiarekin eta Grosekin lotzeko, eta, beraz, Easotik, San Martinetik eta Askatasunaren Hiribidetik ibiliko da. Ibilbide horrek 60 minutuko maiztasuna edukiko du, egun dituen 30 minutukoaren ordez.
Horrez gain, linearen ibilbidea Ategorrietaraino luzatuko da eta Parada Baserria -San Antonio-Montesol-Luis Pradera alderaino, 1.432 biztanle baititu eta hirian garraio publikorik ez duten alde gutxietako bat baita. Era berean, alde horretara iristen zaila da eta aldean bizi den jendeak adineko pertsonen profila dauka. Horregatik, 46 lineak beste izen bat hartuko du: 46-Morlans-San Antonio.
– Irteera Morlans Igogailutik: xx:45h
– Irteerak Askatasunaren Hiribidea 3tik: xx:00h
– Irteerak Parada Baserria 66tik: xx:10h
– Irteerak Askatasunaren Hiribidea 20tik: xx:35h
Aurreikusten da 46 linea 2019ko lehen hiruhilekoan aldatuko dela. 26, 35 eta 45 autobus lineei dagokienez, linea horien aldaketek flotara autobus berriak sartzea eskatzen dutenez, Kotxetegiak handitzeko obrak bukatu arte itxaron beharko da, eta aurreikuspenen arabera 2019ko udaberrian bukatuko dira obrak.
Datozen hiletan Dbusek hiriko 110 markesina berritzeko eta Irisgarritasunari buruzko Legera egokitzeko lizitazioa kaleratuko du. Gaur arte Dbusek berritu duen markesina kopururik handiena da, 2013tik markesinen kudeaketa Dbusen esku baitago. Une honetan Donostiak 563 autobus geltoki dauzka, eta horietatik 309 markesina erakoak dira eta 254 zutoin erakoak. Berritze planaren barruan markesinak baino ez dira sartzen, zutoinak egoera hobean daude eta.
Lehentasunez berritu behar diren markesinak zein diren zehazteko, Dbusek markesinen egoerari buruzko analisi bat egin du Donostiako Udalaren Mugikortasun Departamentuarekin elkarlanean, eta analisi horren ondorioa izan da kaltetuen dauden markesinak direla eguneratu behar direnak. Hiriko garraio sarearen geltokien instalazioa, birkokapena eta mantentze lanak ez ezik, publizitatearen ustiapena ere esleituko da lizitazioan. Kontratua 15 urterako izango da; halere, aurreikusten da 110 markesinen instalazioa lehen urtean abiaraztea eta kontratuaren lehen zazpi urteak igaro baino lehen amaitzea.
Markesina duten geltoki guztietatik, 40 Grimshaw modelokoak dira, hau da, sartu den azken modelokoak, eta gainerako 269 markesinak 2003 modelokoak. Zehazki, berrituko diren 110 markesinak 2003 modelokoak dira, eta gutxi gorabehera 16 markesina eguneratuko dira urtean.
Hiriko altzariak bateratzeko eta homogeneizatzeko asmoarekin, markesinen modelo bakarra, berria eta funtzionalago bat erabiliko da markesinak berritzeko.
Lizitazioaren baldintza pleguan kalitate, irisgarritasun eta diseinuari lotutako irizpideak jasoko dira. Baldintza nagusietako bat izango da markesinak kalitateko materialez eta hiriaren berezko baldintza meteorologikoak jasatzen dituzten materialez eginda egon beharko direla eta hiriko altzariekin oro har bat datorren eta Irisgarritasunari buruzko Legean jasotako araudia betetzen duen abangoardiako diseinua eduki beharko dutela. Estetika homogeneoa bermatzeko, asmoa da markesina berriak hirian ezarritako azken modeloaren antzeko diseinua edukitzea, hau da, Grimshaw modeloaren antzekoa.
Markesina berriak irisgarriagoak izango dira. Irizpide orokor gisa, geltokiak ahalbidetzen duen guztietan, sarrera albotik zein erditik edukiko du, igarotzeko gutxienez 90 zentimetroko zabalera librearekin. Era berean, manpara guztiak zeharrargiak izango dira eta kolore biziko bi zerrenda edukiko dituzte kristala dagoela adierazteko. Linearen zenbakiari eta helmugari buruzko informazioa braillez edukiko dute, halaber, eta bermatze leku iskiatikoa duen eserlekua edukiko dute.
Era berean, planak gainerako markesinen berrikuspen integrala aurreikusten du, bai eta publizitateko mupien mantentze lanak eta gidarientzako WCen instalazioa ere.
Gutxienez hiriko markesinen heren bat berrituta, helburua da hiriko autobus garraioaren zerbitzua eta erabiltzailearen esperientzia hobetzen jarraitzea, autobusaren zain egotea atseginagoa eta erosoagoa izan dadin eta erabiltzaileak eguraldi txarretik benetan babestuago egon daitezen.
