Category : Berriak home

Donostiako Udalak Mugikortasunaren Europako Astea dela-eta prestatu duen programazioaren baitan, Dbusek Bidean Bat ekimena egin du Alderdi Ederreko zabalgunean. Ekintzaren helburua da herritarrekin elkartzea, hiriko autobus bat gidatzean dauden mugapenen berri emateko, eta hiritik mugitzean dauden arriskuak saihesteko eta zailtasunak minimizatzeko

Goizean zehar, Dbuseko langile batzuek autobus bat gidatzeari buruzko bitxikeria batzuk ezagutarazi dizkiete Alderdi Ederrera hurbildu direnei, izan ere, autobusek dituzten neurri eta ezaugarriengatik, autobusak gidatzea eta auto bat gidatzea oso gauza desberdinak dira.

Parte hartzaileek zuzenean ikusi ahal izan dituzte zailtasun horietako batzuk, esterako, ibilgailuak dituen ikuspen mugak edo angelu itsuak. Era berean, Dbuseko langileek maniobra batzuk egin dituzte autobusekin, bertaratu direnek ikus dezaten zenbat leku behar den maniobra horiek egiteko.

Ekimen honetan, hiriko hainbat kolektibok parte hartu dute, hala nola oinezkoek, motor gidariek, txirrindulariek edo taxistek. Era berean, Olatz Yarza Mugikortasuneko zinegotzia eta Igor Gonzalez Dbuseko zuzendari gerentea ere hurbildu dira.

Yarzak adierazi duenez, “garraio publikoa aitzindari zorrotza da, oraindik ere, gure hiriko mugikortasunerako; milaka pertsonak erabiltzen dute garraio publikoa, eta, gainera, funtsezko pieza dira hiriko bideetan zehar egunero egiten diren joan-etorrietan. Horregatik, bereziki garrantzitsua da autobus horiek gidatzen dituzten pertsonen lekuan jarri ahal izatea, ibilbideak egiterakoan dituzten beharrak eta zailtasunak ezagutzea eta, horrela, mugikortasunean inplikatutako kolektibo guztien arteko bizikidetza hobetzen laguntzea.

Igor Gonzalezek, berriz, nabarmendu du “garrantzitsua dela honelako jarduerak antolatzea, hiriko hainbat kolektiboren partaidetzarekin, hiriko taldeen arteko harremanak hobetzeko aukera ematen dutelako. Azken batean sinergiak sortzea da helburua, bata bestearekin enpatizatuz, aldi berean arriskuak minimizatzeko eta hiriko mugikortasuna hobetzeko.

Parte hartzaileek gida bat jaso dute arriskuak saihesteko gomendio eta aholkuekin, hiritik mugitzean eta autobusak gidatzean dauden zailtasunak minimizatzeko.

Informazio gehiago www.dbus.eus webgunean eta 900 840 900 telefono zenbakian.

Deskargatu gomendioen gida, esteka honetan (pdf). 

Datorren astelehenean, irailak 23, Dbusek eskaripeko Taxibus zerbitzu berria jarriko du abian Atotxaerrekako eta itsasargiaren pasealekuko bizilagunentzat 60 minutuan behin. Horrela, Dbusek bere zerbitzuak zabalduko ditu eta Itsasargiaren pasealekura iritsiko da; izan ere, orain arte, zituen ibilgailuekin horra iristea zaila zenez, ezin zuen alde horretan zerbitzurik eman.

Era berean, Taxibus linea berriak egungo 47-Atotxaerreka linea ordezkatuko du eta Antigua auzoarekin zein Añorgarekin lotura hobea izatea ahalbidetuko du. Horregatik, eta bizilagunen eskaerei erantzunez, linearen ibilbidea egokituko da, norabide biko linea bihurtuta, zirkularra izan beharrean, Atotxaerreka eta Antiguo artean eta Atotxaerreka eta Añorga artean. Horretarako, 4 geltoki berri gehituko dira Atotxaerrekan, Añorgarako noranzkoan, eta geltoki bat gehituko da Añorga Txikin, Atotxaerreka-Añorgarako noranzkoan; horrela, erabiltzaileak zuzenean iritsi ahal izango dira auzo horretara, han daude-eta zerbitzu nagusiak, hala nola dendak, ikastola, bankuak eta abar.

Linea berriak 60 minutuan behin emango du zerbitzua, asteko egun guztietan, baita jaiegunetan ere, eta zerbitzu konbinatu gisa funtzionatuko du, bi auzoak Antiguorekin eta Dbuseko autobus sarearekin lotzea ahalbidetuta. Atotxaerreka auzoak Añorga Txikirekin eta Añorgarekin ere izango du lotura.

Antiguoko ardatzean dauden geltoki batzuk linea berrirako ere izango dira, eta geltoki horietan, beraz, erabiltzaileek 3-4 minutuan behin Erdialdera doazen lineetara eta Dbuseko sareko beste linea batzuetara aldatzeko aukera izango dute. Era berean, bidaia Mugi, BAT, BARIK txartelarekin edo QR edo EMV titulu digitalekin ordaintzen dituzten bidaiariek doako transbordoak egin ahal izango dituzte Dbuseko linea guztietan. Noizbehinkako bidaia txartela ere eskura daiteke eskudirutan ordainduta.

Erabiltzaileen eskaripeko zerbitzu bat da; horregatik, zerbitzua gutxienez 30 minutuko aurrerapenez eta gehienez 7 eguneko aurrerapenez erreserbatu beharko da, Dbusen web orriaren bitartez edo 943 93 02 83 telefonora deituz. Erreserbak esandako telefono bidez baino ezingo dira ezeztatu, eta gutxienez zerbitzua baino ordu erdi lehenago.

Zerbitzuaren ibilbideak

Linea berri honek 2 ibilbide izango ditu, eta erreserbak jatorria edo helmuga Atotxaerrekako edo Itsasargiaren pasealekuko geltokiak direnean (* ikurrarekin markatuta daude geltokien zerrendan) baino ez dira onartuko

1. ibilbidea: Atotxaerreka

Irteera Antiguotik: Antiguoko anbulatorioa, Majisteritza – Tol.14, , Unibertsitatea-Tolosa 70 I, Tolosa 112, Tolosa 138, Errotaburu 6, Zuatzu biribilgunea, Atotxaerreka 87(*), Atotxaerreka 73 (*), Atotxaerreka 67(*), Atotxaerreka 53(*), Añorga Txiki I, Añorga I y Arzakenea II.

Irteera Añorgatik: Arzakenea II, Añorga II, Añorga Txiki II, Atotxaerreka 26 (*), Atotxaerreka 46 (*), Atotxaerreka 54 (*), Markotegi parkea (*), Zuatzu II, Errotaburu 5, Amerika plaza, Tolosa 111, Unibertsitatea-Tolosa 77, Majisteritza eta Zumalakarregi 21.

2. ibilbidea: Itsasargiaren pasealekua

Irteera Antiguotik: Zumalakarregi 21, Ondarreta, Satrustegi, Satrustegi II, Funikularra (*), Itsasargi-Paseo Faro 10(*), Itsasargi – Paseo Faro 26(*), Urkolkoo-Alde (Itsasargiaren pasealekua 55-II)(*) eta Itsasargi-paseo Faro 40 (*).

Irteera Itsasargiaren pasealekutik: Itsasargi-Paseo Faro 40 II(*), Itsasargi-Paseo Faro 57 (*), Itsasargi-Paseo Faro 27(*), Itsasargi-Paseo Faro 25(*), Funikularra (*), Iruña eta Antiguako anbulatorioa.

Zerbitzuaren ordutegiak

Zerbitzuak ordutegi hau izango du:

1. Ibilbidea: Atotxaerreka

Lanegunak:

• Irteerak Antiguoko anbulatoriotik: 7:15etik 21:15era, 60 minutuan behin (ekainaren 23tik abuztuaren 31ra bitartean irteera bat gehiago egongo da 22:15ean).
• Irteerak Atotxaerrekatik Añorgarantz: gutxi gorabehera 7:23tik gutxi gorabehera 21:23ra arte, 60 minutuan behin.
• Irteerak Arzakeneatik Atotxaerrekarantz: 7:30etik 21:30era, 60 minutuan behin.
• Irteerak Atotxaerrekatik Antiguorantz: gutxi gorabehera 7:32tik gutxi gorabehera 21:32ra arte, 60 minutuan behin.

Larunbatak:

• Irteerak Antiguoko anbulatoriotik: 8:15etik 21:15era, 60 minutuan behin (ekainaren 23tik abuztuaren 31ra bitartean irteera bat gehiago egongo da 22:15ean).
• Irteerak Atotxaerrekatik Añorgarantz: gutxi gorabehera 8:23tik gutxi gorabehera 21:23ra arte, 60 minutuan behin.
• Irteerak Arzakeneatik Atotxaerrekarantz: 8:32tik 21:32ra, 60 minutuan behin.
• Irteerak Atotxaerrekatik Antiguorantz: gutxi gorabehera 8:32tik gutxi gorabehera 21:32ra arte, 60 minutuan behin.

Jaiegunak:

• Irteerak Antiguoko anbulatoriotik: 9:15etik 22:15era, 60 minutuan behin (ekainaren 23tik abuztuaren 31ra bitartean irteera bat gehiago egongo da 22:15ean).
• Irteerak Atotxaerrekatik Añorgarantz: gutxi gorabehera 9:23tik gutxi gorabehera 21:23ra arte, 60 minutuan behin.
• Irteerak Arzakeneatik Atotxaerrekarantz: 9:30etik 21:30era, 60 minutuan behin.
• Irteerak Atotxaerrekatik Antiguorantz: gutxi gorabehera 9:32tik gutxi gorabehera 21:32ra arte, 60 minutuan behin.

2. Ibilbidea: Itsasargiaren pasealekua

Lanegunak:

• Irteerak Zumalakarregi 21etik: 7:45etik 20:45era, 60 minutuan behin (ekainaren 23tik abuztuaren 31ra bitartean irteera bat gehiago egongo da 21:45ean).
• Irteerak Itsasargiaren pasealekutik: 8:05etik 21:05era, 60 minutuan behin.

Larunbatak:

• Irteerak Zumalakarregi 21etik: 8:45etik 21:45era, 60 minutuan behin (ekainaren 23tik abuztuaren 31ra bitartean irteera bat gehiago egongo da 21:45ean).
• Irteerak Itsasargiaren pasealekutik: 9:05etik 21:05era, 60 minutuan behin.

Jaiegunak:

• Irteerak Zumalakarregi 21etik: 9:45etik 21:45era, 60 minutuan behin (ekainaren 23tik abuztuaren 31ra bitartean irteera bat gehiago egongo da 21:45ean).
• Irteerak Itsasargiaren pasealekutik: 10:05etik 21:05era, 60 minutuan behin.

Ordutegi aldaketa Tb6 linean

Astelehenetik aurrera, irailak 23, Tb6 linearen irteera ordutegiak aldatuko dira. Colon pasealekuan irteerak 5 minutu aurreratuko dira, eta ordu oro izango dira, XX:00etan, Colonetik, 7:00etatik 21:00etara bitartean. Uliako aterpetxean, berriz, irteerak 10 minutu atzeratuko dira, eta ordu oro izango dira, XX:40an, 7:40tik 21:40ra bitartean.

Era berean, ekainaren 23tik abuztuaren 31ra bitartean, irteera bat gehiago egongo da Colon pasealekutik, 22:0

Ekainaren 23an, igandean, San Joan bezperan, Dbuseko udako zerbitzuak hasiko dira, eta abuztuaren 31ra arte, larunbata, eskainiko dira. Udan, halaber, Dbusek zerbitzu bereziak eskainiko ditu denboraldiko ekitaldirik garrantzitsuenetarako.

Era berean, uda honetan berriro jarriko da abian Illunbeko aparkalekuaren eta hiriko erdialdearen arteko anezka zerbitzua.

Informazio gehiago (pdf-a)

Gaur goizean, Dbusek “Salto Batean” izeneko udako kanpaina aurkeztu du udaletxean. Kanpainak autoaren ordez hiriko autobusak erabiltzera gonbidatzen ditu donostiarrak eta uda honetan Donostiara hurbiltzen diren pertsona guztiak.

Kanpaina fresko eta dibertigarria da, eta Dbusen elementurik ikoniko eta adierazgarriena du protagonista: igela. Animalia hori nahi duen lekura arin iristeko gai da, salto batean!, hori eginda baino ez. Eta simil horrekin herritarrak eta bisitariak gonbidatzen dira garraio publikoa erabiltzera, hiriko edozein toki eta planetara joateko.

Aurkezpenean Olatz Yarzak, Donostiako Udaleko Mugikortasun eta Garraio Jasangarriko zinegotziak, hartu du parte, eta hau nabarmendu du: “Donostiak garraio publiko sistema inbidiagarria du, eta gure helburuetako bat da horren erabilera sustatzen jarraitzea bai donostiarren artean, bai hiria bisitatzen duten pertsonen artean, batez ere udan. Dbusen bidaiatzea, erosoa eta segurua izateaz gain, efizientea, jasangarria eta irisgarria ere bada, eta hirian mugitzeko funtsezko pieza bihurtu da.

Kanpainaren bidez garraio publikoa erabiltzearen garrantziaz eta erabiltzaileei ematen dizkien onurez sentsibilizatu eta kontzientziatu nahi da:

• Garraio publikoan eroso eta modu entretenigarrian bidaiatzen da: musika entzun daiteke, irakurri egin daiteke, eta abar.
• Dbusen bidaiatzeak lasaiago bidaiatzeko aukera ematen dio erabiltzaileari, norberak gidatzen duenean ez bezala, orduan pazientzia galtzen dugu-eta.
• Bidaia azkarrago egiten da, izan ere, autobus erreiei esker auto ilarak saihesten dira eta, beraz, helmugara lehenago iristen da.
• Garraio publikoan bidaiatzea merkeagoa da, aparkalekuaren/TAOren eta gasolinaren gastuak aurrezten dira.
• Hiri garraioaren erabilera garbia da, trafikoa arintzen baita eta, beraz, ingurumeneko kutsadura eta kutsadura akustiko gutxiago dago.

Igor Gonzalezek, Dbuseko Zuzendari Gerenteak, hau nabarmendu du: “uda garaian errutinatik ateratzen gara, askoz plan gehiago egiten ditugu eta hirian zehar gehiago mugitzen gara, eta Dbusekin hiriko txoko horietara guztietara iritsi gaitezke, eroso eta estresik gabe.”

Kanpaina Donostiako udaren adierazgarri diren plan batzuen 5 irudik osatzen dute, igela protagonista izanda, eta datorren ekainaren 21etik aurrera markesinetan, autobusetan, Dbusen webgunean eta sare sozialetan egongo da ikusgai.

Bide Indarkeriari Stop elkartearen iragarkia

Udako kanpainaren osagarri gisa, prentsaurrekoan spot bat ere aurkeztu da. Spota Bide Indarkeriari Stop elkarteak egin du Dbusen laguntzarekin, eta bere asmoa da hiritarrak animatzea garraio pribatuaren ordez garraio publikoa erabiltzera. Aurkezpenean parte hartu dute, halaber, Rosa Trinidad Bide Indarkeriari Stopeko presidenteak eta Oscar Terol aktoreak, iragarkiko protagonistak.

Bide Indarkeriari Stop izeneko “Bide segurtasunaren babeserako euskal elkartea” 2020an sortu zen, eta helburu argiak ditu: bide ezbeharretako biktimei babesa ematea eta laguntzea eta bide segurtasuneko kultura sustatzea gizartean, gidariak kontzientziatuz eta sentsibilizatuz eta prebentzioaren bidez, errepideetako tragediak murrizteko. Elkarteko lehendakari Rosa Trinidadek hau adierazi du: “testuinguru horretan egin da spot hau, autobusean bidaiatzearen eta autoz bidatzearen artean dagoen aldea erakusteko, eta, horrela, garraio publikoaren erabileraren garrantzia nabarmentzeko.

Gainera, Rosa Trinidadek hau azpimarratu nahi izan du: “garraio publikoak harreman zuzena du gure errepideetako ezbehar tasaren murrizketarekin. Izan ere, ezbehar tasa nabarmen txikiagoa da garraio publikoan automobil pribatuan baino.

Spota datorren ostiralean, ekainak 21, hasiko da ematen Dbuseko autobusetako pantailetan, Dbusen webgunean eta Dbusen zein Bide Indarkeriari Stop elkartearen sare sozialetan.

Maiatzaren 23an eta 24an, ATUC Hiri eta Metropoliko Garraio Publikoen elkartearen Teknologia Berrien, Marketinaren eta Kalitatearen Batzordea hartu du Dbusek. 17 hiritako garraio operadorek hartu dute parte jardunaldietan, tartean Madril, Bartzelona, Valentzia, Sevilla, Malaga, Kanaria Handi, Palma edo Tenerifeko hirietakoek, eta garraio publikoarekin lotura duten enpresa teknologiko batzuk ere egon dira bertan.

Lehen bileran, eta Dbuseko zuzendari gerente Igor Gonzalezek egindako ongietorriko ekitaldiaren ondoren, Konpainiako zuzendari tekniko Eduardo Gonzalezek une honetan Konpainia buru-belarri gauzatzen ari den eta flota deskarbonizatu eta %100 0 emisioko flota bihurtzea ahalbidetuko duen elektrifikazio proiektua aurkeztu du. Parte hartzaileek, halaber, ibilgailu elektrikoak kargatzeko prozesuak optimizatzeko proiektua ezagutu ahal izan dute.

Batzordean, sektorean gaur-gaurkoak diren gaiak ere aztertu dira. Era berean, Javier Vallejok, Dbuseko zuzendari ondokoak, demo bat egin du azken urteetan ezarritako berrikuntza teknologikoekin. Geltokien eta autobusen okupazioa denbora errealean neurtzeko sistemak nabarmendu daitezke, eskaerari aurrea hartzea eta, behar izanez gero, une jakinetan lineak zerbitzu bereziekin indartzea ahalbidetzen baitute. Sistema horiei esker, zerbitzu arina eta kalitatekoa eskaini ahal zaie erabiltzaileei, eta aurrerapen handia izan da Dbusen barruan, erabiltzaileen joan-etorrien fluxuetara egokitutako zerbitzuak eskaintzeko orduan.

Lehen bilera horretan, halaber, gai hauek aurkeztu dira:

• EMV ordainketa sistemetan egindako hobekuntzak
• QR garraio titulu berriak, Dbusen 24 orduz edo 48 orduz mugarik gabe bidaiatzea ahalbidetzen dutenak.
• Markesina adimendun berriak, Navilens sistema dutenak, zeinari esker Ikusmen desgaitasuna duten pertsonek Donostiako autobus geltokiak modu autonomoan kokatu ditzaketen.
• Smart Clima Sistema
• Smart Ramp Sistema
• Mugi birtual 2.0 proiektua

Bigarren egunean, Donostiako Udaleko Mugikortasun eta Garraio Jasangarriko zinegotzi Olatz Yarzak parte hartu du, eta hiriak dituen erronkak azaldu dizkie bertaratuei. Olatz Yarzaren hitzetan, “Funtsezkoa izango da garraio publikoari bultzada ematea, mugikortasun aktiboa lehenestearen aldeko apustua egiteko. Hiria oinezkoek gozatzeko izatea nahi badugu, ezinbestekoa da garraio publikoa indartzen jarraitzea. Donostiak izango duen trenbide linea berria eta autobus sarearen hobekuntza funtsezko ardatzak izango dira egiten ari garen eraldaketa honetan. Gainera, Emisio Gutxiko Eremua, gainera, osagarri ezin hobea izango da, horrekin hiriko airearen kalitatea hobetzea lortuko baitugu”.

Saio horretan, parte hartzaileek eskaripeko Taxibusa ezagutu ahal izan dute. Dbus aitzindaria izan da horrelako zerbitzu bat ezartzen, eta zerbitzuak urrun eta dentsitate txikiko auzoetako bizilagunei ahalbidetzen die zerbitzu guztiak dituzten guneetara hurbiltzea.

Jardunaldiak amaitzeko, sektoreak dituen behar eta erronkei buruz hitz egin eta eztabaidatu dute garraio operadoreek.

Dbusek Gipuzkoako Foru Aldundiko Ekonomia Sustapen eta Proiektu Estrategikoetako Departamentuko Berrikuntza Zuzendaritza Nagusiko ordezkaritza baten bisita hartu du bere instalazioetan, zuzendari nagusi Jon Gurrutxaga eta zerbitzuburu Angel Martin buru zituela.

Hasieran, Igor Gonzalezek (Dbuseko zuzendari gerentea) eta Eduardo Gonzalezek (zuzendari teknikoa) Konpainia buru-belarri gauzatzen ari den elektrifikazio proiektua aurkeztu zuten, proiektuak flota deskarbonizatu eta 0 emisioko flota bihurtzea ahalbidetuko die-eta. Era berean, ibilgailu elektrikoak kargatzeko prozesuak optimizatzeko proiektua ezagutu ahal izan dute.

Ordezkaritzak ezagutu ahal izan du, halaber, Kotxetegietako azpiegitura osoa berritzeko urtarrilean hasi ziren lanen aurrerapena, berritze horri esker etorkizunean izango duten flota %100 elektrikoa hornitu ahal izango dute-eta. Era berean, aurreikusita dago 2025eko lehen hiruhilekoan 12 metroko autobus flota osoa ekologikoa izatea (hibridoa edo erabat elektrikoa) eta autobusen %33 %100 elektrikoak izatea.

Ondoren, Javier Vallejok, Dbuseko zuzendari albokoak, azken urteotan Dbusen ezarritako azken berrikuntza teknologikoak aurkeztu ditu, hala nola autobusen okupazioak kontrolatzeko sistema, eskaria iragartzeko sistema eta gidatzen laguntzeko Ekobus sistema. Ekobus sistema modu efizientean gidatzen laguntzen duen sistema bat da, eta anti-bunching sistema bat (autobusez bat ez egiteko sistema), gidariari modu ekonomikoan eta ekologikoan gidatzen laguntzen diona, erregai fosilen kontsumoa eta emisio kutsatzaileak murrizten baititu. Sistemak gidatzearen hainbat alderdi monitorizatzen ditu, eta gehiegi kontsumitzen ari denean gidariari jakinarazten dio pantaila txiki baten bitartez.

Ordezkaritza interesa agertu du Donostiako hiriko BRTaren (Bus Rapid Transit) funtzionamenduaz. Funtsean, garraiorako bide esklusiboak eta erreserbatutako plataformak dituen sistema bat da, konexio eraginkorra eskaintzen duena, bai eta erabiltzaileari denbora errealean informazioa emateko sistema bikaina eta zerbitzuan modu optimizatuan planifikatzeko aukera ere. Gaur egun, Dbusek bere bi lineatan du BRT sistema, 5-Benta Berri eta 28-Amara-Ospitaleak lineetan, hain zuzen ere. Garraio kolektiborako sistema berritzailea eta adimenduna da, eta Dbuseko autobus sareko gainekoekin erabat integratuta dago.

Sistema horiekin batera, ordezkaritzak geltokiak sentsorizatzeko sistema ere ezagutu du. Sistema horrek geltokian dauden erabiltzaileen kontrola egiten uzten du, erabiltzaileen ia kopuru zehatza zenbatzen uzten baitu, eskaera aurreikustea ahalbidetuta. Ildo horretan, big data erabiliz Konpainiaren autobusetan bidaiatzen dutenen jatorria-helmuga matrizea eraiki dezakeen tresna berritzaile bat ere badu. Autobusetako ticketing datuetatik abiatuta eta algoritmo matematiko bat erabiliz, erabiltzaileen bidaia ohiturak osatu ditzake. Hau da, erabiltzaileek egin ohi dituzten bidaien erregistroa hartuz jakin daiteke zer geltokitan igotzen eta jaisten diren erabiltzaile horiek, haien jatorri-helmuga matrizea, alegia.

Dbusen oso garrantzitsutzat jotzen dugu hiriko garraioaren hobekuntzan lanean ari diren enpresa eta erakundeekin harremanetan egotea, bere testuinguru partikularreko premietan zentratuta baina ikuspegi globalarekin, izan ere, kanpoko esperientzietatik ikasteko aukera ematen du, bai eta etorkizuneko ikuspegi berri bat lortzea ere, lankidetza berriak eta baterako proiektuak sortzeko aukerak irekitzeaz aparte.