Category : Berriak

5 kontinentetako 30 herrialdetatik etorritako 434 delegatuk mugikortasunari buruzko 120 lan zientifiko baino gehiago aurkeztu dituzte.

Parte-hartze eta asistentzia marka guztiak gainditu ditu Donostiako Kurtsalean, udaleko mugikortasun zuzendaritza eta Donostiabusek elkarlanean antolatu duten European Conference on Mobility Management ECOMM 2009 kongresuak, maiatzaren 13 eta 15 artean. Bere historia luzeko ediziorik hoberena bezala kontsideratu dute bertaratuek.

Hamairugarren edizioa izan da orotara, Espainian burutu den lehenengoa. ECOMM 2009k 434 delegaturen partehartzea izan du, Europako gainerako hiriburuetan ospatu diren edizioetan baino gehiago. 30 herrialdetatik etorriak, 5 kontinentetatik. Delegazio jendetsuenak, Espainiakoaz gain, Holanda, Erresuma Batua, Finlandia, Suezia, Austria, Alemania, Belgika, Frantzia, Estatu Batuak eta Japoniakoak izan dira.

Hiru lan jardunaldietan zehar 120 txosten baino gehiago aurkeztu dira. Bertan gai oso garrantzitsuenen inguruan eztabaidatu ahal izan da: mugikortasun planak; bizikleten berpizkundea hirietan; ibiltari eta txirrindularien arteko bizikidetza; bidaia planak; mugikortasunaren garrantzia hiri planifikazio eta hirigintzan; peatonalizazio politikak eta auto konpartituaren sustapena; bai eta hiri garraioaren finantziazioa. Azken gai honi osoko bilkura bat eskaini zitzaion.

Gonbidatutako hizlari eta adituen artean, adierazitako herrialde guztietako teknikari eta politikari ordezkaritza zabala zegoen; mugikortasun adituak, Eurocities, ATUC eta IDEA bezalako erakundeetako arduradunak; eta garraio enpresetako buruak. Era berean, Donostia Europear Parlamentuko hainbat kideren topagunea izan da egunotan. Aipagarriena, Gilles Savary, erakunde honetako Garraio, Turismo eta Eskualde-Politika Batzordeko presidentea.

Kongresuak iraun duen egunetan zehar hainbat bisita tekniko antolatu dira hirian zehar. Honela, Donostiako Udaletik mugikortasun arloan bultzatzen ari diren proiektu garrantzitsuenak ezagutu ahal izan dira oinez, bizikletaz zein autobusez. Dbuseko kudeaketa sistema ezagutu ahal izan da ere.

Itxiera ekitaldian, Donostiaren garrantzia erreferentzia gisa azpimarratu da aho batez Europa mailako mugikortasun iraunkor arloan. Peatonalizazioan, bizikletaren sustapenean eta garraio publikoaren erabilera eta kalitatean batez ere.

Hitzaldiaren amaieran Donostiak ECOMM 2010eko edizioa antolatzeko arduraduna den Austriako Graz hiriari eman zion lekukoa. Hau jasotzerakoan, Lisa Rücker alkateordeak “donostiako hiriak lortutako maila altua gainditzeak dakarren erronka” aipatu zuen.

2009ko lehenengo hiruhilekoan Donostiabusen zerbitzuek izan dituzten bidaiari kopurua 6.898.071 izan da. Kopuru horrek esan nahi du soilik urteko lehenengo hiruhilekoan autobus erabiltzaileen koprua 319.044 bidaiaritan hazi dela.

Aurtengoarekin lehenengo hiruhilean bidaiari kopurua guztira bost urtetan jarraian hazi da. Azkeneko bost urteetan lehenengo hiruhileko autobus erabiltzaile kopuru osoa 765.785 bidaiaritan hazi da, horrek %12.5 gehiago esan nahi du.

Azkeneko hamabi hilabeteetan, 2008ko apririlaren 1etik 2009ko martxoaren 31ra bidaiari kopuru osoa 28.321.829 izan da, horrek igoera nabarmena suposatzen du eta DBUSen errekorra da, urteko 28 milioi bidiari baino gehiago izatea, alegia.

Lehenengo hiruhilekoan autobusen okupazioa batezbeste %37,21 izatera iritsi da, beste garraio publiko eta beste hirietako zifrak baino askoz altuagoa, %20-25. Hiriko linea guztiek %20ko okupazio maila gainditu dute.

Lineaka, erabiliena 28. linea izan da AMARA-OSPITALAK, 1.175.224 bidaiarirekin, jarrian 13. linea ALTZA 921.664 bidaiarirekin eta 5. linea BENTA BERRI 588.126 bidaiarirekin.

Autobusen erabileraren batazbestekoa hazi egin da bai astegunetan, baita jaiegunetan ere, eta larunbatetako maila mantendu egin da. Autobusa gehien erabiltzen den astegunetan 2008ko lehenengo hiruhilekoan erabilera batezbeste 85.932 bidaiari/eguneko izatetik, 2009ko lehenengo hiruhilekoan batezbeste 90.541 bidaiari/eguneko izatera iritsi da.
Garrantzitsua da gaueko zerbitzuek izan duten hazkunde indartsua auzo bakoitzean. Lehenengo hiruhilekoan, gaueko bidaiari kopurua 53.789 izan da, horrek iazkoarekin konparatuta %29,2ko hazkundea eta 2006arekin konparatuta %52,76koa suposatzen du. Hori 2008ko ekainean hiriko auzo garrantzitsuenei zerbitzu bikoitza emateko eta zerbitzu hori ez zuten guneei (Berio, Puio, Zubiaurre, Bidebieta, La Cumbre, Avanco, Heriz pasealekua eta Herrera pasealekua) zerbitzua emateko egin zen gaueko zerbitzuaren zabaltze eta berrantolaketaren ondorio ona da.

Lehenengo hiruhileko erabiltzaileen %83,1ek garraio bonoak erabili dituzte. Horrek esan nahi du lehenengo hiruhilekoan bonoekin 5.750.141 bidaia egin direla eta ohiko txartelarekin 1.148.185

Nabarmentzekoa da baita ere, 591.907 bidaiarik hileko bonoak erabili dituztea, horrek ordainketa era honetan %55eko igoera suposatzen du iazko emaitzekin konparatuta.

DBUSek DBUS BERRI aldizkariaren lehenengo alea kaleratu du, Donostiako Tranbia Konpainiaren komunikazio eta hobekuntza planaren barruan.

5.000 aletako tirada izango duen aldizkaria, hiru hilero argitaratuko da eta doakoa izango da, eta Donostiako autobus erabiltzaileak hiriko garraio publikoaren inguruan informazio hobea izateko balioko du.

DBUSek egin dezakeen aldizkaria da, CTSSrentzat inolako kosturik gabe, bere iragarkigile eta PROMEDIOS enpresari esker, hau da, aldizkaria kudeatzen duen enpresa eta autobusetako kanpoko publizitatea kudeatzen duena.

Lehenengo alean aldizkariak 20 orri izango ditu, horietan elkarrizketa interesgarriak, aldizkari eta foro espezializatuetatik ekarritako iritzi artikuluak, DBUSen funtzionamenduari buruzko erreportajeak egongo dira eta atal batean jakin minez begiratuko zaio Konpainiaren 122 urtetako historiari, eta horrenbestez, Donostiako historiari.

Aldizkaria zuzenean autobusa gehien erabiltzen duten erabiltzaileen etxeetara bidaliko da. Eta era berean, hiriko zentro publiko desberdinetan hartu ahali zango da, esate baterako liburutegietan, kultur etxeetan, Udal-infon, Mugikortasunean, Donostiako Turismo Bulegoan eta CTSS-DBUS bertako erabiltzaileen arretarako bulegoan eta www.dbus.es webgunean formatu elektronikoan.

Aldizkaria pdf formatean

Gaur, 2008ko abenduak 19, hasiko dira Donostiako kaleetan zehar ibiltzen MAN etxeko 3 autobus ekologiko berriak, EEV teknologiarekin. 
Hurrengo hilabeteetan autobus hauetako hogei gehiago sartuko dira, EURO 1 modelo zahar eta kutsatzaileagoak ordezkatzeko.

Europar Batasunak 4,600.000¤-ko inbertsio hau diruz laguntzen du parte batetan. Erosketa hauek Europako CIVITAS Archimedes proiektuaren baitan sartzen dira. Donostiak proiektu honetan Europako beste bost hirirekin batera hartzen du parte, datozen lau urteetan zehar mugikortasun jasangarriaren inguruko neurriak garatu ahal izateko.
informazio gehiago hurrengo pdf-an

UMEENTZAKO MARRAZKI LEHIAKETA: AUTOBUSA ETA GABONAK.
OKENDOKO KULTUR ETXEAN MARRAZKIEN ERAKUSKETA

1.- SARI BANAKETA.

2.008ko Abenduaren 13an SAN MARTIN MERKATUKO FNACen ospatu da, autobusaren irudia bultzatzeko asmoz, gabonarekin lotuz, DBUS eta SAN MARTIN MERKATUak antolatutako umeentzako “Autobusa eta gabonak” 2. marrazki lehiaketaren sariak emateko ekitaldia.

Lehiaketak parte-hartze arrakastatsua izan du, 386 ume parte hartu dutekarik.

Maila bakoitzaren hiru lehenengo sariaren egileek dagokien oparia jaso dituzte:

A Maila (8 urte arte):
– Lehenengo saria: Beñat Sagardia (7urte)
– Bigarren saria: Jhon Mañoso (8 urte)
– Hirugarren saria: Unai Santamaria (8 urte)

B Maila ( 9tik 12 urtera):
– Lehenengo saria: Karla Ruiz (10 urte)
– Bigarren saria: Álvaro Pérez (12 urte)
– Hirugarren saria: Ánder Martínez (11 urte).

Sari banaketa, Ernesto Gasco “Donostiako Udalexteko Mugikortasunaren Zinegotzia” eta Gerardo Lertxundi “DBUS-eko zuzendaria” egin zuten.
Halaber, Fnac-eko Komunikazio saileko Alejandro López egon zen San Martinen partetik, epaimailaren hainbat partaidekin batera.

Irabazleek jasotako sariak ondorengoak izan dira:
– Lehenengo saria: txartel bat pertsonala eta ordezkaezina, mugagabeko erabilpena izateko DBUSeko autobusetan 2009 urtean zehar eta Nintendo DS
– Bigarren saria: Argazki kamara
– Hirugarren saria: Margoak eta liburuak

Eta Diploma bat jaso duten, maila bakoitzeko beste finalistek, hauek izan dira:
A Maila(8 urte arte):
– Maddi Asenjo (8 urte)
– Ainhoa Hernández (7 urte)
– Naia Gurrutxaga (5 urte)
– Luis Chaussan (8 urte)
– Aimar Zabalegui (5 urte)
– Ainhoa Liu (6 urte)
– Antton Santamaría (6 urte)

B Maila (9tik 12 urtera):
– Leire Osuna (10 urte)
– Luis López Doriga (11 urte)
– Andrea Goikoetxea (10 urte)
– Naiara Enriquez (11 urte)
– Leire Fortaneda (9 urte)
– Maider Camino (10 urte)
– Laura Caceres (9 urte)

MARRAZKI GUZTIAK IKUSGAIA

2.- OKENDO KULTUR EXTEAN MARRAZKIEN ERAKUSKETA

DONOSTIA KULTURA eta DBUS, Gros auzoko Okendo Kultur etxean erakusketa bat antolatu dute, “Autobusa eta Gabonak” marrazki lehiaketan parte hartutako marrazki guztiak aurkezteko.

Erakusketa, 2008ko abenduaren 19-tik, 2009ko urtarrilaren 14-a arte izango da, astelehenetik ostiralera, 10:00-14:00 eta 16:00 20:30 artean.