Category : Berriak

28.002.785 izan dira 2008an zehar DBUSeko zerbitzua erabili duten bidaiariak. Aurreikuspen guztiak eta 28 milioi bidaiarien zenbatekoa gainditu egin dira.

Zifra hau marka historikoa da, Donostiako Tranbia Konpainiak beste udalerriei zerbitzuak emateari utzi zionetik eta zerbitzua udalekotu zenetik DTK-k izan duen bidaiari kopuru altuena baita.

Laugarren urtez jarraian, urteko bidaiari kopurua hazi egin da. Azken lau urte hauetan autobus bidaiarien zenbatekoa 2 milioitan handitu egin da.

Datu hauek, beste hiriekin alderatuz, Donostia autobusaren erabileran lidergoa mantentzen duela baieztatzen dute. Batez bestekoz, Donostiar bakoitzak 152,9 bidai egiten ditu urtean zehar autobusez.

2008an zehar gehien erabili den linea 28–AMARA–OSPITALEAK izan da 4.780.905 bidaiarirekin, hurrengoa 13-ALTZA izan da 3.709.358-rekin eta hirugarrena 5-BENTABERRI 2.405.968 bidaiarirekin.

Autobusa gehien erabili den hilabetea urria izan da. 2.511.301 bidaiarirekin Hurrengoak uztaila 2.478.559-rekin, abuztua 2.400.270 bidaiarirekin, abendua 2.393.908-rekin eta iraila 2.381.674 bidaiarirekin izan dira.

Udaran eta urtearen bigarren zatian gehiago erabili da autobusa. Maiatzetik aurrera lineatan egindako hobekuntzek eragina izan dute honetan, zalantzarik gabe.

Autobusa gehien erabili den eguna uztailaren 15a izan da, 112.019 bidaiarirekin (Bruce Springsteen-en kontzertua). Hurrengoak Aste Nagusiko zenbait egun izan dira; abuztuaren 13a 104.950 bidaiarirekin, abuztuaren 14a 104.660 bidaiarirekin, eta abuztuaren 11 100.799-rekin.

Autobusaren erabileraren batez bestekoa modu nabarian hazi da, bai lanegunetan (88.488 bidaiari/eguneko, aurreko urteako 86.865 bidaiari/egunekoekin alderatuta), zein larunbat (64.958 bidaiari eguneko, eta aurreko urtean 62.811 bidaiari /eguneko) eta jaiegunetan (39.894 bidaiari/eguneko aurreko urteko 38.910 bidaiari/egunekoekin alderatuta).

Gaueko zerbitzuetan ere marka berria ezarri da 202.299 bidaiarirekin. Hazkunde honek auzoetako zerbitzuaren erabilerak ezagutu duen %17ko hazkundearekin zerikusi zuzena dauka.

Hala nola, garrantzitsua da hilabeteko txartelen ezarpenaren arrakasta aipatzea, 1.821.206 bidai izan baitira aurten, aurreko urtekoak bikoiztuz.

Urtarrilak 19 eta 20ean zehar, Donostiako Jai eguna dela eta, 150.000 bidaiari baino gehiago zenbatu ziren DBUS-eko autobusetan. Datu hau aurreko urteko zenbakiekiko 6% handitzea suposatzen du, nahiz eta lehengo urtean jai eguna asteburuan izan.

DBUS-ek auzo guztietako lineetan zerbitzu berezi gehigarriak ipini zituen, bai Bandera Igoera baino lehen 19 egunaren arratsaldean zehar, bai gau guztian zehar Bandera Igoera ondoren 20eko goizeko lehenego zerbitzuak arte, bai 20eko Haur Danborradarako, eta baita ere 20eko atsalde gau partean 1:00ak arte, Bandera Igoera eta gero egon ziren azken zerbitzuak alegia.

Hiriko garraio publikoaren erabilpena Donostiako jaiegun honetan zahar oso arrakastatsua izan da, 150.936 bidaiari zenbatuz. Datu horren adierazgarri da, konpainiaren historia guztian gaueko zerbitzuetan zenbatutako bidaiaririk gehienak izan direla..

Egun hauetan gehien erabili diren lineak ondorengoak izan dira:
– 28-AMARA-OSPITALEAK: 24.570 bidaiari
– 13-ALTZA: 19.766 bidaiari
– 5-BENTA BERRI: 13.920 bidaiari
– 25-BENTA BERRI-AÑORGA: 7.866 bidaiari
– 14-BIDEBIETA: 7.249 bidaiari
– 9-EGIA-INTXAURRONDO: 7.047 bidaiari
– 26-AMARA-MARTUTENE: 6.475 bidaiari

Kalitate planaren barruan, DBUSek inkesta berri bat egin du bere erabiltzaileen artean 2008ko irail, urri eta azaroan.
1.270 inkesta egin dira Donostiako Tranbia Konpainiak eskaintzen dituen hiri autobusen 26 lineetan, hainbat ordutegitan eta, bai adinari bai erabilera maiztasunari bai bizitokiari dagokienez, oso ezaugarri desberdinak dituzten erabiltzaileak kontuan hartuta.

Inkestatik ateratako emaitzen artean, hona hemen nabarmentzeko moduko aspektu batzuk:

– Batez besteko nota 7,30ekoa izan da , hau da, hobekuntza izan da aurreko urteetan egindako inkestekiko, izan ere, 2005eko nota 7,09koa izan zen; 2003koa 6,35ekoa; eta 2002koa, berriz, 6,08koa.

informazio osoa hurrengo pdf-an

Abenduaren 21ean ospaturiko SAN TOMAS egunean, DBUSeko hiri-autobusetan 83.346 erabiltzaile izan genituen.

Autobusaren erabilera izugarri honek, egindako aurreikuspen guztiak eta orain arteko erabilpen kopuruak autsi zituen. Erabiltzaile-kopuru hau Konpainiak jai-egun batean inoiz izan duen handiena da, jai-egun batean izandako kopururik handienaren bikoitza baino gehiago izanda. 2003ko abenduaren 21-arekin alderatuz, Santo Tomas eguna jai izan zen azkeneko data, bidaiari kopurua %30-an handitu da. Gehien erabili diren autobus-lineak honakoak dira:

– 28-AMARA-OSPITALEAK: 14.322 bidaiari
– 13-ALTZA: 13.828 bidaiari
– 5-BENTA BERRI: 9.867 bidaiari
– 26-AMARA-MARTUTENE: 5.227 bidaiari
– 9-EGIA-INTXAURRONDO: 4.885 bidaiari
– 14-BIDEBIETA: 4.312 bidaiari

– 25-BENTA BERRI-AÑORGA: 4.009 bidaiari

Egun guztian zehar, DBUS-ek errefortsu dispositibo berezi bat ipini zuen, 38 gidari eta autobus gehigarriak erabiliz. Guztira egun guztian zehar, 150 gidarik baino gehiagok egin zuten lan Donostiako autobusetan.

Donostiako Udaletxeak eta Gipuzkoako Foru Aldundiak sinatutako akordioaren ondoren, gaurtik aurrera, 2008ko abenduak 12, orain arte herri arteko autobusetan erabil zitezkeen LURRALDEBUSeko txartelak, Donostia Hiri barneko autobusetan erabili daitezke baita ere.

LURRALDEBUS txartela eta LURRALDEBUS TURISTA TXARTELA Donostiako Tranbia Konpainiako edozein autobusetan erabili daitezke. Bi txartel hauetako edozeinekin egindako ordainketek DBUSeko bono-bus arruntaren prezio berbera izango dute, 0,70¤ gaur egun. Gaueko zerbitzuetan (“gautxoriak”) gauetako billetearen zenbatekoa kobratuko da.

Las tarjetas de LURRALDEBUS son tarjetas sin contacto por lo que su validación en el autobús se realiza acercándose a las canceladoras existentes en la parte delantera de los autobuses de DBUS. No es necesario volver a validarse a la salida en los autobuses de DBUS.

LURRALDEBUS-eko txartelak, DBUS-eko autobusaren aurrekaldean dauden makinetara gerturatuz egiaztatzen diren kontakturik gabeko txartelak dira. DBUS-eko autobusetan ez da beharrezkoa berriro ere txartela egiaztatzea autobusetatik jeistean.

LURRALDEBUS-eko txartelak, sistemaza atxekitutako prentsa salmeta lekuetan erosi eta birhornitu daitzezke.

Bestalde, LURRALDEBUSek hobaridun kolektiboentzako dituen txartelak (haurrak, gazteak, familia ugariak, 65 urtetik gorakoak, ezinduak, etab.) ezingo dira DBUSeko autobusetan erabili, oraingoz.

Txartel berri hauekin, DBUSeko autobusak erabiltzeko aukera ematen duten txartel desberdinen aukerak zabaltzen dira, erabiltzaileei txartelen erosketan eta birhorniketan laguntzak emanez.
DBUS-en egungo txartelak, DBUS-eko autobusetan erabiltzen jarraitu daiteke. Txartel hauek prezio arruntaz aparte, bonoak eta deskontuak eskeintzen jarraituko dute. DBUS txartel hauek, sistemara atxekitutako banku sareetan erosi eta birhornitzen jarraituko dira.

Halanola, DBUS-eko autobusetan, Donostia Turismoko bulegoetan lor daitekeen “San Sebastián Card” txartela martxan jarraituko du.

Edozein zalantza, kontsulta edo iradokizun egiteko, jarri DBUSekin harremanetan 943-000200 telefono zenbakian edo www.dbus.es webgunearen bitartez.

DBUSek, AENORen UNE-EN 13816 Bidaiarien Garraiorako arauaren ziurtagiria jaso du 28 linean.

AENORen ziurtagiriak aipatutako araua egiaztatzen du. Arau honek, garraio publikorako edozein enpresak eskaintzen duen zerbitzuaren kalitatearen helburuak finkatzeko eta hauen neurketa eta jarraipena egiteko sistema zehazten du.

Arau honetan jasotzen diren kalitatearen konpromisoak zuzenean bidaiarien ongizatean eragina dute. Konpromiso hauek honakoak jasotzen dituzte: eskaintzen den zerbitzuaren kalitatea, beste alderdi batzuen artean honako eragileak kontuan hartzen dituena: igarotzeko ordutegiak, maiztasunak eta okupazio maila; eserlekuen egoera kontutan hartzen duen erosotasunaren kalitatea; erasoen kontrako segurtasunaren kalitatea, istripuen prebentzioa eta emergentzien kudeaketa, billeteak eskuratzeko orduan bezeroei eskainitako arretaren kalitatea, geltokietan dagoen informazioa edo zerbitzuen etenaldiak; eta ingurumenaren inpaktuaren kalitatea, igortzen den kutsaduraren, soinuaren edo energiaren eta espazioaren kontsumo-mailaren zaintzan oinarritzen dena.

AENORek, hiri autobusen bidaiarien garraioa lineen, ibilbide luzeko autobusen, metroaren, gertuko trenbidearen eta funikularren 50 ziurtagiri inguru banatu ditu

DONOSTIABUS da Euskal Herri mailan ziurtagiri hau jaso duen lehen autobus-enpresa. Eta Espainian, bi hiriek dute soilik autobus linearen bat arau honekin ziurtatua.

Arau honek, bereziki, kalitatea azpimarratzen du bezeroen beharren eta itxaropenen ikuspuntutik. Donostiabusek bere gain hartu dituen konpromisoak, Konpainiaren web orrian aurkitu daitezkeen Zerbitzuen Kartan eta Kalitate Politikan ikus daitezke: www.dbus.es. Atal garrantzitsuenak ondorengok dira:

– Zerbitzu betetzea eta okupazioaren maila gorenenak jasotzen dituen eskaintzen den zerbitzua
– Mugikortasun murritza duten pertsonen sartzeko erraztasuna
– Erabiltzaileak informatzeko sistema geltokietan, autobusetan eta web orrian.
– Erregulartasuna bidaiari eskainitako zerbitzuetan.
– Bezeroarekiko arreta egokia
– Autobusetan erosotasuna eta garbiketa
– Ibilbideetan segurtasuna.
– Ingurumen inpaktu murritza, autobus “garbiak” erabiliz.

Donostian, 28 “Amara-Ospitaleak” linea ziurtatzea erabaki da erabiltzaile gehien dituen linea baita. Ondoren, modu mailakatuan, gainontzeko lineak ziurtatzen joango dira.

28 linea Boulevardetik Miramoneraino doa eta Erdialdea, Amara, Anoeta Ospitaleak eta Miramon elkartzen ditu. Daturik garrantzitsuenak ondorengoak dira:

– Linearen ibilbide osoak 11.635 metro ditu.
– Lineak 28 geltoki ditu.
– 2006. urtean, 4.731.537 bidaiarik erabili zuten 28 linea.
– 2006.urtean batezbesteko erabilera lan-egunetan, 14.683 bidaiariena izan zen, larunbatetan 10.545 eta jai-egunetan 8.393 bidaiari izanik.

Kalitatea ziurtatzeko moduetako bat, erabiltzaileei inkestak egitea da. 28 linearen erabiltzaileei egindako azkeneko inkestak, 7,32-ko batezbesteko nota izan du. Beraz, erabiltzaileen asetze maila oso altua da.

Inkestan, zerbitzuarekin erlazioa duten 20 baloratu dira. Baloratu diren alderdi guztiek 6,65eko nota baino altuagoa lortu dute. Erabiltzaileek hobekien baloratu dituzten alderdiak ondorengoak dira:

– Ordutegiak eta maiztasunak (8,13)
– Autobusetan doako liburuen banaketa (8,12)
– Puntualtasuna ( Garaiz iristea ) (7,99)
– Ordainketa sistemak (7,89)
– Autobusetako argia (7,65)
– Geltokietan eskaintzen den informazioa (7,64)
– Mugikortasun murritza duten pertsonen sarbidea (7,59)

Espainian ziurtatzen duten enpresen buru dagoen AENOR erakundearen ziurtatze teknikariek egin dute ziurtatze prozesua, azken hilabeteetako datuak, egindako inkestak eta erabiltzaile anonimoek egindako ikuskapenak kontutan edukiz.

Ziurtagiri honek, Donostiabusentzat garrantzizko onarpen bat izateaz gain, azkeneko urteetan aurrera eramaten ari den berritze prozesuarekin eta exijentzia handiago batekin, gaur egungo kalitate maila hobetzen jarraitzeko garrantzizko bultzada bat suposatzen du.

DONOSTIABUSeko erabiltzaileek autobus bakoitzak geltoki guztietara iristeko behar duen denbora jakin ahal izango dute web orriaren bidez.

Horretarako, erabiltzaileak www.dbus.es web orrira sartu beharko du, BUS IRISTEKO DENBORA atalera joan eta WEB DENBORA aukeratu. Ondoren, linea aukeratu eta honen geltoki guztiak azalduko dira. Geltokia aukeratuta mezu bat azalduko da hortik pasako diren autobusen ondorengo deborak azalduz eta ibilbide desberdinak bereiziz.

Erabiltzailearentzako kosterik gabeko sistema berri honen bidez, edozein lekutik informazioa eskatu ahal izango da interneteko konexioa duen ordenagailuaren bidez.

Bezeroentzako informazio sistema berri honekin ezarritako informazio sistema osatzen da. Horretarako, orain bi urte baino gehiago linea guztietako geltoki esanguratsuenetan 75 panel elektroniko jarri ziren hurrengo autobusa pasatzeko falta den denbora adierazteko.

Era berean, autobusen iristeko ordua jakin ahal da SMS “dbus geltokiko kodea” mezu erraza 7377 zenbakira bidalita. Geltokietako kodeak DONOSTIABUSEKO 500 geltokietan adierazita daude eta baita web orrian ere. SMS sistema hau martxan jarri zenetik 1.500 informazio eskaera baino gehiago jaso dira.

Ekimen berri hau Donostiako Tranbia Konpainiaren anbizio handiko berrikuntzarako proiektu teknologikoaren barruan kokatuta dago, zerbitzua hobetzeko teknologia berrien erabilerarekin, bezeroek jasotzen duten informazioaren hobekuntzarekin eta ingurumenaren hobekuntzarako erabiltzen ari garen autobus berriekin batera.

Hurrengo geltokirako soinu bidezko abisua martxan jarri da DBUS-eko linea guzietan.

Soinu bidezko abisua aktibatzeko erabiltzaileak egingo duen ibilbiderako eskatu beharko dio gidariari. Abisua aktibatzeak ikusteko arazoak dauzkaten pertsonei mugitzen lagunduko die.

Sistema hau DV-BUSek eskaintzen duen multimedia kanalean dago integratuta eta autobusetako monitore guztietan ikusten den hurrengo geltokirako abisuaren osagarria da. Erabiltzaileek informazioa mapa baten bidez jasotzen dute eta bertan, autobusaren ibilbidea eta hurrengo geltoki hurbilenak azaltzen dira. Era berean, geltoki bakoitzak dituen hiri autobusen linea loturak ere azaltzen dira.

Sistema hau linea guztietan jarrita DBUSek beste pausu bat eman nahi du autobus zerbitzua irisgarriagoa eginez eta horrela, hiriko talde guztiei bere erabilera erraztuz.