Langileak

Category : Berriak

DBUS-TITSA

Dbusek bere garapen estrategia aurkeztu du mugikortasun iraunkorrari buruzko jardunaldi batean

 “Garraio publikoko sistema arrakastatsu baten gakoak” izenburuarekin, Dbusek Donostiako hiri garraioan inplementatutako soluziorik berritzaileenak eta horri lotuta eduki duen esperientzia ezagutarazi ditu, Titsa operadoreak (Tenerifeko Hiri arteko Garraioak) egun hauetan Tenerifen antolatu duen mugikortasun iraunkorraren gaineko jardunaldian.

Beste hiri batzuetako operadoreak, esaterako, Gasteizkoa, Valentziakoa edo Las Palmasekoa ondoan zituela, Dbuseko Zuzendari Gerente Igor Gonzalezek Dbusen elementu bereizgarriak aurkeztu ditu, hau da, sektoreko empresa erreferentea izatea, erabilera indize altua eta abiadura komertzial handia (17,5 km/h) edukitzea eta erabiltzaileen aldetik oso ondo baloratuta egotea ahalbidetzen dioten elementuak aurkeztu ditu. Garraio enpresarik zaharrenetakoa izatetik, azken urteetan Dbusek aurrera egin eta hiri mugikortasuna kudeatzen duen enpresa izatera igaro da. 

Jardunaldian, Dbusek azpimarratu ditu tarifa sistema integrala eta Gipuzkoako Mugi, Arabako Bat eta Bizkaiko Barik garraio txartelen interoperabilitatea; izan ere, horri esker ordainketa sistemak erosoak eta praktikoak dira erabiltzaileentzat. Horri lotuta, azken urteetan berrikuntza teknologiko ugari inplementatu dira, baliabideak optimizatzeko, benetako premietara egokitutako garraio sare bat diseinatzeko eta garraio publikora iristea errazteko, ordainketa sistemetan trabak ezabatuz.

Kontakturik gabeko EMV banku txartelen bidez ordaintzeko sistema da aurkeztutako beste ticketing sistema bat. 2017az geroztik hainbat lineatan martxan dago eta datozen hiletan Dbuseko linea guztietara zabalduko da.

BRT sistema (Bus Rapid Transit) da aurkezpenean aztertutako beste puntu bat. Sistema hori linearik erabilienetako bitan dauka Dbusek  (5 eta 28 lineak), eta azkar, eroso eta eraginkortasunez garraiatuko duten kalitate handiko autobusen sistema bat da. Linea horiek, gainera, Aenorren UNE-EN 13816 ziurtagiria daukate, zeinak lineen zerbitzuaren kalitatearen aitortzen baitu. Zerbitzua beste inplementazio teknologikoekin indartu da, hala nola itsuendako audio sistemarekin edo zerbitzua denbora errealean geltokietan dagoen erabiltzaile kopurura egokitzen uzten duen sistemarekin. Ezarri diren eta erabiltzaileek ondo hartu dituzten azken neurrietako bat da gaueko zerbitzuetako eskaripeko geldialdien sistema, zeinarekin ibilbidearen geltoki ofizial jakin batzuen artean jaistea ahalbidetzen dien emakumeei eta 18 urtetik beherako pertsonei.   

Aurkezpenean, Igor Gonzalezek Dbizi proiektua ere azaldu du. Proiektu horren bitartez, Donostiako Udalak Dbusi agindu dio bizikleta publikoaren sistemaren kudeaketa, sistemaren funtzionamendua hobetzeko eta bizikletaren erabilera sustatzeko, garraio publikoko beste modu batzuen osagarri gisa. Linea honetan, garraio iraunkorraren bultzada da Dbusen lehentasunetako bat, elektromugikortasunean empresa aitzindaria baita eta 2014an Europan fabrikatutako lehen autobus %100 elektrikoa jarri baitzuen zerbitzuan. Gaur egun, Dbusek flotarik iraunkorrenetako  bat dauka, 12 metroko autobusen %50 elektrikoak edo hibridoak dira-eta. Ildo horretan, 17 linean BEI sistema bat (Bus Elektriko Adimenduna) ezartzeko lanean ari da Dbus, %100 elektrikoak diren autobus artikulatuekin funtzionatzeko.  

Bukatzeko, Igor Gonzalezek enpresaren konpromiso soziala edo gizartearen balioekin duen konpromisoa azpimarratu du, hainbat elkarterekin duen harremanean eta kausa sozialen alde egindakoan eratu baita.  Dbusek garrantzi berezia ematen dio, halaber, fidagarritasuna eta sinisgarritasuna sortzeari, tokiko komunikabideekin eta herritarrekin harremana zuzena edukiz, enpatia sustatzeko eta gidariaren irudia indartzeko kanpainen bitartez.

 

Irakurri
Navidad

Haurrentzako XIII. marrazki lehiaketa “Dbus eta Gabonak”

Dbusek eta San Martin Azokak 2019ko “Dbus eta Gabonak” haurren marrazketa lehiaketa antolatu dute. Oraingoa hamahirugarren edizioa da eta aurreko urteetan arrakasta handia izan du 13 urtetik beherako haurren artean. 

Sormena bultzatzeaz gain, lehiaketarekin haurrei Donostian garraio publikoa erabiltzearen garrantzia transmititu nahi zaie, hiri-espazioen jasangarritasuna eta hiritarren bizi kalitatea bermatzeko. Izan ere, mugikortasuna hobetzeko garraio publikoaren erabilera ezinbestekoa izaten da Gabonetan.

LEHIAKETAREN OINARRIAK

Parte hartzailea 13 urtetik beherako edozein haur izan daiteke eta gai libreko marrazki bat egin beharko du. Baldintza bakarra Gabonen inguruko ideia bat azaltzea izango da, autobusarekin erlazionatuta. 

Marrazkiak FNACeko erakusmahaian utziko dira (San Martin Azoka) edo Dbusen (Fernando Sasiain 7 kalea), eta parte hartzailearen datuak idatzi beharko dira atzealdean: 

  • Izen-abizenak
  • Adina
  • Jaiotze data
  • Helbidea
  • Telefonoa eta harremanetarako posta elektronikoa
  • Ikastetxea
  • Baimendutako tutorearen izenpea

Ezinbestekoa da datu pertsonal guztiak adieraztea. Bestela, marrazkia lehiaketatik baztertuta geratuko da. Derrigorrezkoa izango da, halaber, formularioa betetzea parte hartzailearen legezko tutoreen baimenarekin. Formularioa hemen (pdf-a).

Bi kategoria egongo dira:  

  • A Kategoria: 8 urte artekoa, hau da, 2011n edo geroago jaiotako haurrentzat.
  • B Kategoria: 9 eta 12 urte artekoa; hau da, 2007an, 2008an, 2009an edo 2010ean jaiotako haurrek parte hartu ahal izango dute.

Marrazkiak jasotzeko azken eguna 2019ko azaroaren 15a izango da.

SARIAK

Epaimahaiak, Dbusek izendatuko baita, kategoria bakoitzeko marrazki irabazleak hautatuko ditu. 

  • Lehen saria: Txartel pertsonal eta eskualdaezina, Dbuseko autobusetan nahi beste erabiltzeko, 2020ko 6 hilabetetan + LENOVO 10” Tableta.
  • Bigarren saria: Txartel pertsonal eta eskualdaezina, Dbuseko autobusetan nahi beste erabiltzeko, 2020ko 3 hilabetetan + FUJIFILM MINI 9 bat-bateko kamera + papera.
  • Hirugarren saria: Txartel pertsonal eta eskualdaezina, Dbuseko autobusetan nahi beste erabiltzeko, 2020ko 3 hilabetetan + Liburu sorta eta idazketarako sorta.
  • Gainerako finalistek (4. postutik 10.era) Diploma bana jasoko dute.

Sarien banaketa ekitaldia abenduaren 14an, larunbata, goizeko 12:00etan egingo da San Martin Azokan.

Dbusek marrazkiak hedatu, publikoki erakutsi eta erreproduzitzeko eskubidea bere gain hartzen du, marrazkien egileek, euren lanaren autoretza onartzen zaielarik, inolako eskubiderik sortzen ez dutelarik. Marrazkiak Dbusen marketin kanpainetan erabiliak izan daitezke.

Lehiaketarako izena ematean parte hartzaileek ematen dituzten datuak Dbusen jabegokoa den fitxategi batean sartuko dira beraien tratamendurako, eta lehiaketan parte hartzea kudeatzeko erabiliko dira. Dbusen Pribatutasun Politikari buruz edota interesdunak honi lotuta dituen eskubideen erabileraz gehiago jakiteko, begiratu hemen: https://labur.eus/pAWK7

Marrazki finalistak DVbusen erakutsiak izango dira abenduan zehar eta Dbus eta San Martin Azokaren webguneetan azalduko dira.https://labur.eus/pAWK7 Halaber, marrazkiak horretarako egokitutako leku publikoetan erakutsi ahal izango dira. Erakusketa amaitu ondoren, marrazkiak gorde egingo dira zaintzapean, hilabete bateko epean.

Legezko turoreen baimenaren formularioa hemen (pdf-a).

Dbusen Pribatutasun Politika hemen: https://labur.eus/pAWK7

Irakurri
DIA-VISION-2019

Dbusek bat egiten du Ikusmenaren Munduko Egunarekin

Urriaren 10ean, osteguna, Ikusmenaren Munduko Eguna ospatuko da. Begisarek  (Erretinosi Pigmentarioak Jotakoen Gipuzkoako Elkartea) hainbat jarduera antolatu du egun horretarako, eta Dbusek bat egin nahi dut jarduera horiekin.

Horregatik, ostegunean Donostiako hiri autobus guztiek kanpainaren kartela eramango dute egun osoan.

Irakurri
Retinosis web

Dbusek bat egiten du Erretinosi Pigmentarioaren Egunarekin

Irailaren 29an, igandea, Erretinosi Pigmentarioaren Munduko Eguna ospatuko da. Begisarek (Erretinosi Pigmentarioak Jotakoen Gipuzkoako Elkartea) hainbat jarduera antolatu du gaixotasuna gehiago ezagutu dadin eta gaixotasun horren aurka borrokatzen duten pertsonei  babesa erakusteko, eta Dbusek jarduera horiekin bat egin nahi du.

Horregatik, igande honetan Donostiako hiri autobus guztiek kanpainaren kartela eramango dute egun osoan.

Irakurri
Relac. Transfronterizas 1

Dbus, Mugaz Gaindiko Lankidetzarako Jardunaldietan partaide

CAPBren mugaz gaindiko Lankidetza Estrategiaren lanketaren esparruan, pasa den ostiralean, irailak 20, Dbuseko zuzendariordeak, Javier Vallejok,  “Lurralde Irisgarritasunak eta Mugikortasunak” izeneko jardunaldietan parte hartu zuen, Baionan, eta bertan E-MOBASK proiektu europarra aurkeztu zuen. 

E-MOBASK proiektuak garraio publikoa hobetzea bilatzen du, mugaz gaindiko eremuan garraio publikoaren erabilera sustatzeko eta bultzatzeko, garraioa errazagoa, erakargarriagoa eta iraunkorragoa izan dadin eta garraio publikoa erabiltzera bultzatzeko, ibilgailu pribatuaren aurretik.

Ticketing sistemen interoperabilitatea eta integrazioa da EMOBASK proiektuaren neurri izarra. Sistemak Gipuzkoako eta Baionako herritarrei aukera ematen die beren ohiko garraio txartela erabiliz bidaiatzeko eta Dbuseko autobusetan bidaia EMV kontakturik gabeko banku txartelarekin ordaintzeko. Hauek dira neurri hori babesten duten hainbat ekintza eta baliabide: GGLAren eta SMPBAren arteko azterlan bat eta akordio bat inteoperabilitatearen baldintzak bilduta (tarifak, baldintza teknologikoak, konfidentzialtasuna, etab.); ticketingaren interoperabilitateaz baliatzeko azalpen bideoak; eta banku txartelekin kontakturik gabeko ordaintzen uzten duten makinak.

E-MOBASKek, halaber, hiri garraioa kudeatzen duten mugaz gaindiko erakunde bien arteko lankidetza iraunkorra ezartzea ahalbidetzen du, beren ibilgailuen floten trantsizio energetikoari batera ekiteko eta mugaz gaindi beren inpaktua optimizatzeko. Proiektuaren funtsezko helburua lortzen laguntzen duen neurri garrantzitsua da.

E-MOBASKen funtsa den eta mugaz gaindi garraio publikoa erabiltzen laguntzen duen beste neurri bat da eremuko biztanleei eta bisitariei informazio eskuragarriagoa ematea tokiko eta mugaz gaindiko garraio publikoaren gainean. Hauek dira informazio sistema hobeak lortzeko planteatu diren ekintzetako batzuk: premien identifikazioa eta hobekuntza plana; mugaz gaindiko informazioaren proiektu pilotuak, bereziki turistentzat eta ekitaldi handietarako; geltokietako eta garraiobideen barruko informazio sistemen hobekuntza (ibilbideak, ordutegiak, gertakariak, ticketing, etab.) eta informazioa hiru hizkuntzatan ematea (gaztelania/euskara/frantsesa).

Dbusek, Gipuzkoako Garraioaren Lurralde Agintaritzak (GGLA) eta Syndicat des Mobilités Pays Basque-Adour erakundeak (SMPBA) eratutako partzuergoak bultzatzen du E-MOBASK proiektua. Proiektuaren jarduera guztietan beharrezkoak diren eskumen guztiak lurralde bietan edukitzeko diseinatu da partzuergoa. Hauek dira eskumen horiek: ticketinga, energi efizientzia eta bidaiarientzako informazioa.

Eskualde Garapeneko Europako Funtsak (FEDER) finantzatu du E-MOBASK proiektuaren %65, Interreg V-A Espainia-Frantzia-Andorra programaren bitartez (POCTEFA 2014-2020). Proiektuak 3 urteko iraupena dauka, 2018ko urtarrilaren 1etik 2020ko abenduaren 31ra arte eta ekintzak Donostia-Irun-Baiona korridorean egiten dira.

 

Irakurri
IMG_1862

Ikastetxeetan sensibilizazio jarduerak Europako Mugikortasun Astearen barnean

Europako Mugikortasunaren Astea dela eta aurten antolatu diren jardueren barruan, Dbusek ikasleei zuzendutako sentsibilizazio kanpaina bat antolatu du, garraio publikoak ibilgailu pribatuaren aldean dituen onurei buruzko ideiak transmititzeko. Ekimena Mahi-Mahi by Askora proiektuaren barnean garatu da, jangela garaian haurren esperientzian oinarritzen dena hain zuzen ere.

 

Jarduera irailaren  20an egin da Jesuitak ikastetxean, non lehen hezkuntzako seigarren mailako ikasleei tailerrak eman zaizkien. Tailer horietan, garraio publikoak dituen abantailak landu dira, bai eta iraunkortasunaren, osasunaren, gune publikoen eta diruaren aldetik dituen onurak ere, eta horretarako gogoeta egin dezaten eta erabakiak modu arduratsuan hartzen ikasi dezaten jarduerak planteatu zaizkie.

 

Irakurri
Ponte en mi lugar redes Def

“Jar zaitez nire lekuan” jarduerak zailtasun sentsorialak esperimentatzeko aukera emango digu enpatia bultzatzeko

Europako Mugikortasun Iraunkorraren Astea dela eta, irailaren 17an eta 18an Dbusek eta Donostiako Udaleko Mugikortasun Departamentuak “Jar zaitez nire lekuan” izeneko jarduera antolatu du hainbat erakunderekin elkarlanean. 

Bi egun horietan, 10:00etatik 13:00etara Dbuseko autobus bat jarriko da Alderdi Ederren, bertara hurbiltzen direnek zailtasun sentsorial batzuk esperimentatzeko hainbat jardueratan parte hartu ahal dezaten, erabiltzaileen arteko enpatia eta elkar ulertzea sustatzeko eta pertsonen hainbat mugapen ikusarazteko, esaterako, mugitzeko zailtasunak, ikusmen urritasuna, etab.

“Jar zaitez nire lekuan” izeneko jarduerarekin asmoa da erabiltzaileak egoera jakin batzuetan jartzea, hainbat elementuren bitartez, esaterako ikusmenaren mugapen gradu desberdinak simulatzen dituzten betaurrekoen bitartez edo mugikortasunerako laguntza teknikoekin. Itsu-zakurren erakustaldia ere egingo da bertan. Era berean, aurreikusita dago udalaren teknikariekin saio bat egitea.  Jardueran, mugikortasun arazoak dituzte pertsonekin edo aniztasun funtzionala duten pertsonekin lan egiten duten elkarte eta erakunde batzuek hartuko dute parte, hala nola Zenta, Begisare, ONCE eta Elkartu.

 

Irakurri

[ITXITA] Lan eskaintza: Ordutegiak planifikatzeko arduraduna

Linea bakoitzeko zerbitzuak estaltzeko beharreko ibilgailuak planifikatu eta esleitzeaz arduraluko da, hori guztia gidarien plangintzarekin koordinatuta. Bestalde, planifikazioa optimizatzeko denborak hartuko ditu, ibilbideak diseinatzen lagunduko du eta informazioa ustiatzen lagunduko du.

Eskatzen diren ezaugarri nagusiak: Unibertsitate prestakuntza teknikoa, nahiago ingeniaritza alorrekoa, ardura egiaztatua plangintza eta kudeaketa sistemetan eta informatika jakitea (ERP eta Kudeaketa Sistemak). Antolakuntza gaitasun handia, metodoa, zorroztasuna, malgutasuna, ekimena eta harremanetarako gaitasuna. Euskara jakitea baloratuko da.

Iragarkia ikusi (pdf)

Irakurri
IMG_20190912_182741012

“Dbus, 133 urtez Donostian” erakusketa

Irailaren 16tik 22ra bitartean Europako Mugikortasun Astea ospatuko da, eta hori dela-eta Dbusek erakusketa bat antolatu du Konpainiaren historiaz eta 1886an sortu zenetik eduki duen bilakaeraz. “Dbus, 133 urtez Donostian” izena du erakusketak, eta gaur inauguratu da Aiete Kultur Etxean. Mugikortasun eta Garraioko zinegotzi Pilar Aranak eta Dbuseko zuzendari gerente Igor Gonzalezek hartu dute parte Inaugurazio ekitaldian.

 Dbus, Donostiako Tranbia Konpainia, Gipuzkoan oraindik jardunean dagoen enpresa zaharrenetako bat da, eta jarduera honen asmoa da erakustea enpresa hiriarekin batera aldatuz joan dela, donostiarren bizimoduaren parte izanik. Erakusketa Donostia Kulturarekin elkarlanean antolatu da eta Aiete Kultur Etxean dago ikusgai, irailaren 13tik azaroaren 2ra arte.

Erakusketan ikusi daitezke hiriaren irudi mitikoak zein konpainiaren ibilgailu historikoen irudiak, bai eta aspaldiko elementu batzuk ere, hala nola aspaldiko bidai txartelak eta bidai txartelen makinak, lineen kartelak eta tailerreko erreminta batzuk. Azpimarragarriak diren zenbait elementu:

– Autobus txartelen bilduma, Jon Garmendia Matia kaleko harakinarena, zeina Guiness errekorren liburuan sartu baitzen autobus txartelen bildumarik handiena edukitzeagatik. Bonobusak erabiltzen hasi ziren egunean, 1985eko otsailaren 15ean, erabilitako bonobus bat dauka bilduman.

– Duela hamarkada batzuk kotxetegi zaharreko sutegian egindako erreminta batzuk.

– Tranbia, trolebus eta autobusen maketak, Fernando Izpura Matia kaleko liburu saltzaile eta maketa zale handiak egindakoak.

– Langileentzako abisu zaharrak. Adibidez, Espainiako Bankuan pezeta gutxi zeudela jakinarazten zuen abisu bat. Txanponak erabili beharrean, gidariek kupoiak ematen zituzten geroago diruarekin trukatu ahal izateko.

Informazio gehiago

 

 

Irakurri