Category : Berriak

2011ko abenduaren 31ko gauean Teledonostik urte amaierako kanpaiak emateko Donostiako Amara Plaza Hotelean prestatu zuen saio berezian 2011ko unerik hoberenen sariak banatu ziren.

Tito Irazusta Teledonostiko zuzendariak aurkeztutako saioan urtean zehar Donostian jazotako gertakari esanguratsuenen irudiak aurkeztu ziren. DBUSen 125. urteurrena izan zen abenduko albisterik adierazgarriena epaimahaiaren ustez, DBUSek Donostiako hiriari 125 urte hauetan eskaini dion zerbitzuarengatik.

DBUSeko zuzendari kudeatzaile Gerardo Lertxundik jaso zuen saria, eta herritar guztien mugikortasuna hobetzeko langile guztiek egiten duten lana eta konpromisoa aitortu nahi izan zituen. Era berean, gogoratu nahi izan zuen saria egunero autobusa erabiltzen duten herritarrekin konpartitua dela, hauei esker hiri ekologikoago eta gizatiarragoa sortzen laguntzen dugulako.

DBUSaren 125. urteurrena dela eta, Donostian egin berri den “Erronka berriak, hiri berriak”izeneko hitzaldiak sekulako arrakasta izan du, 150 pertsona baino gehiagoren partaidetzarekin.

Hiri espazioa gaur eguneko hirietan eta etorkizunari begira hiri espazio horrek dituen erronkak izan dira Guillermo Peñalosa jaunak, gaur eguneko hirietan mugikortasuna iraunkorra lortzeko beharrezkoak diren azpiegitura eta espazio publiko egokien diseinuaren eta administrazioaren alorrean nazioartean erreferentea denak, emandako hitzaldiaren gai nagusiak.

Sarrera Donostiako Alkate Juan Karlos Izagirre jaunak egin zuen, eta ondoren, bi ordutan, Peñalosa jaunak jendearentzako hiriak sortzea oso gustuko dituela erakutsi zigun, eta, aldi berean, bost kontinenteetako hiri askok hiri espazioak aldatu eta erakargarriagoak eta bizgarriagoak egiteko bizi izan duten esperientzia azaldu zien hitzaldira etorri eta Donostiako Osoko Bilkuren Aretoa bete zuten guztiei.

Peñalosa jauna 8-80 Cities irabazi asmorik gabeko erakunde kanadiarraren zuzendari exekutiboa da, eta azaldu egin zigun, halaber, nola ikusten duen Donostia egiten ari den lan handia, hau da, zer iritzi duen autobusetan oinarrituta Donostiak duen garraio publikoaren sare efizienteaz eta bizikletari eta oinezkoei espazioa eskainita hiria bizi ari den garapen garrantzitsuaz.

Hitzaldiari laguntzeko irudi ugari eta bideo interesgarriak eman ziren hainbat esperientzia azaltzeko. Peñalosa jaunaren interbentzioaren ondoren, eztabaida bat egin zen, non teknologia berrietan, hiriko arkitekturan eta hiri garraioan aditu diren pertsona askok parte hartu baitzuten, bizilagunen elkarteetako edo hiritarren hainbat elkartetako jendearekin batera.

Hitzaldiaren konferentziaren interesa ikusita, eta Peñalosa jaunaren laguntzari esker, nahi duenak hitzaldia jasotzen duen bideoa eskuratu dezake:

Bideoa ikusi

Donostiako Tranbia Konpainiaren 125. urteurrena dela eta, DBUSek “DBUS 125 urte/años” liburua argitaratu du, non DTK-k 125 urte hauetan hirian egin duen ibilbide historikoa jasotzen baita.

DTKren historia eta bilakaera oso lotuta dago Donostiako hiriaren beraren bilakaerarekin, eta Konpainiaren historiaren bitartez ikus dezakegu nolakoa izan den hiriaren beraren garapena.

Liburuak 240 orrialde ditu, eta orrialde horietan konpainiaren ibilbide historikoa egiten da kronologikoki kapitulutan bananduta. Liburuaren hasieran Konpainia 1886an sortu aurretikoak kontatzen dira, eta ondoren hainbat une historiko azaltzen dira, hala nola Zaldiek tiratutako Tranbien lehen zerbitzuaren inaugurazioa 1887ko uztailaren 18an; Tranbia Elektrikoa; 1918-1920 aldian jasandako krisialdi finantzarioa; Gerra Zibilaren garaia; trolebusen garaia; eta autobusak erabiltzera pasatu zeneko garaia edo enpresa pribatu izatetik publiko izatera pasatu zenekoa, azkenean 2011n lehen autobus hibridoa erosi berri den unera heltzeko.

Liburua, testuak euskaraz eta gazteleraz dituena, Juanjo Olaizola Elordik idatzia da, eta nabarmenak dira bertan agertzen diren irudi historiko ugariak, garraio publikoaren bilakaera eta hiriaren beraren bilakaera erakusten dizkiguten irudiak alegia. Liburuan dauden 187 argazkiak fondo kolektibo eta partikular askotatik datoz, besteak beste Trenbidearen Euskal Museotik, Kutxa Fototekatik eta Donostiako Udal Artxibategitik.

Liburua argitaratzeko Kutxa Gizarte Ekintzaren laguntza izan da, haren ekarpenari esker posible izan baita hori. Era berean, gogoratu nahi dugu Gipuzkoako Foru Aldundia 125. urteurren honekin lotutako ekintza guztietan eskaintzen ari den laguntza.

DTK-k arrakastaz egindako ibilbide hau ez litzateke posible izango eguneroko erabiltzaileek 125 urte hauetan, etengabe, Konpainiaren zerbitzuak erabili izan ez balituzte eta oraindik ere autobusa masiboki erabiliko ez balute.

Ez litzateke posible izango, ezta ere, Konpainian lanean ibilitako langile askoren ahelgin eta dedikazioari esker ez balitz. Horregatik, abenduaren 15ean DTK-ko langileei omenaldia egingo zaie Donostia-San Sebastiango udaletxean.

Liburua jada eros daiteke liburudendetan eta DBUSen web orrian ere – www.dbus.es- eskuratu daiteke.

Liburua online erosi

Pasa den ostiralean, abenduak 2, Punto Radio Gipuzkoa irratiak 2011ko Protagonistas Gipuzkoa sariak banatu zituen. Sari banaketa, GIPUZKOA Y PUNTO irrati saioan zuzenean eman zena, Kontxa badia aurrean dagoen Londres hotelean izan zen, eta 200 bat gonbidatu egon ziren bertan.

Gala horretan DBUSek “SARIA BIZITZA OSO BATI” izeneko saria eskuratu zuen, duela 125 urtetik hona Donostia hirian ematen ari den zerbitzuaren errekonozimendu gisa.

Saria Gerando Lertxundi DBUSeko Zuzendari Gerenteak jaso zuen, DBUSeko langileen ordezkari batzuekin batera.

Hauexek dira 2011ko Protagonistas Sarien kategoria guztietan saria eskuratu zuten beste batzuk: Ainhoa Arteta kantaria, Rafael Moneo arkitektua, GBC-Lagun Aro saskibaloi taldea, Basque Culinary Center, Cristobal Balenciaga Museoa, Jose Luis Rebordinos Donostiako Zinema Jaialdiaren zuzendaria, Behobia-Donostia herri lasterketaren antolatzailea den Fortuna Kirol Taldeak bere 100. urteurreunean, Amador Tolosa enpresaria, eta Etiopia Utopiako Angel Olaran misiolaria.

Ekitaldia, Juan Mari Mañerok aurkeztu zuen, eta bera izan zen, bere taldearekin batera, Gipuzkoako gizartearen ordezkari ugarien anfitrioia, besteak bete La Oreja de Van Goghena, Jose Ignacio Munilla Donostiako gotzainarena eta udal talde guztietako zinegotziena.

DBUSen Kotxetegiak ikusteko hurrengo bisita, 2011ko abenduaren 14-15an izango da. Oraingo honetan, Antiguo, Berio eta Igarako bizilagunak izango dira bisita egiteko aukera izango dutenak.

Auzo horietan bizi diren guztiek, DBUSeko kotxetegiak eta bere Trafiko sekzioa (Kontrol zentroa, SAE, Bideo-zaintza, ikuskatzaileak, gidarien ordutegiak, etab.) eta tailerrak (garbiketako makinak, deposituak betetzeko makinak, autobusen konponketak eta mantentze lanak, garajea, etab.) ikusi nahi badituzte, eta horiekin batera, DBUS seguru bidaiatzeko modua ezagutu ere, izena eman dezakete [email protected] helbidera mezu bat bidalita edo Kotxetegietara deituta (telefono zenbakia: 943 000 200)

Donostiako Tranbia Konpainiak 125 urte bete dituela eta, DBUSek ate irekien jardunaldiak antolatu ditu hiritarrentzat Kotxetegietako instalazioak eta Konpainiaren funtzionamendua ezagutzeko aukera izan dezaten.

Hurrengo jardunaldiak honako egun hauetan izango dira gutxi gorabehera:

• LOIOLA- MARTUTENE: 2012ko urtarrilaren bukaeran
• ERDIALDEA – ALDE ZAHARRA: 2012ko otsailaren erdialdean
• HERRERA-BIDEBIETA- MIRAKRUZ GAINA: 2012ko martxoaren erdialdean
• INTXAURRONDO- ATEGORRIETA- ULIA: 2012ko apirilaren bukaeran
• AIETE- APAIZGAITEGIA: 2012ko maiatzaren erdialdean
• AMARA- LOIOLAKO ERRIBERAK: 2012ko ekainaren hasieran
• IGELDO- AÑORGA: 2012ko ekainaren bukaeran

Aldez aurretik berretsiko dira data konkretuak.

Hiri espazioa egungo hirian eta espazio horrek etorkizunari begira dituen erronkak dira datorren azaroaren 17an, 9:00etatik aurrera, DTKren 125. urteurrena dela eta, Donostiako Udaleko Udalbatza Osoko bilkuretarako Aretoan egingo den hitzaldiaren gaia.

Oso aukera ona da Guillermo (Gil) Peñalosari zuzen-zuzenean entzuteko. Peñalosa, zeinak jendearengan pentsatutako hiriak sortzea oso gustuko baititu, erreferente ospetsua da nazioartean hiri espazioen diseinu eta administrazioari dagokienez eta eta egungo hirietan mugikortasun iraunkorra egon dadin beharrezkoa den azpiegitura egokiei dagokienez.

Peñalosa 8-80 Cities irabazi asmorik gabeko erakunde kanadiarreko zuzendari exekutiboa da, eta hiri osasungarriagoak eta iraunkorragoak sortzerakoan hartu duen konpromisoak nazioarteko hiri eta erakunde batzuetan aholkulari gisa parte hartzera eraman du, bai eta bost kontinentetan hitzaldiak ematera ere. Munduko beste hiri batzuetan hiriko espazioak aldatu eta erakargarriagoak eta bizigarriagoak egiteko izan diren esperientziak ezagutzeko aukera izango dugu hainbat Organismo, Erakunde Publiko eta Unibertsitate ospetsutan errekonozimendu handia izan duen pertsona baten eskutik zuzenean.

Peñalosak gai horren gainean berak duen ikuspegia eta estrategia partikularra ezagutzeaz gain, eztabaidarako tartea ere egongo da. Hau da, bertaratuek parte hartu ahal izango dute, beren galderak eginda, azaldutako jarduketak gure hiriak dituen arazoekin kontrastatuta. Elkarrizketarako espazio hau entretenigarriagoa egiteko, teknologia berrietan, hiri arkitekturan eta hiri garraioan aditu diren hainbat lagun izango ditugu gure artean, esaterako Iñigo Kortabitarte, El Diario Vasco Multimedia Taldearen online garapenaren arduraduna; Juan Miguel Blasco, Bera Bera Auzokideen Elkarteko kide aktiboa; Isabela Velazquez, mugikortasunarekin lotutako gaietan esperientzia handia duen hiri arkitektoa, eta Fidel Angulo, ATUC Espainiako Hiri Garraio Kolektiboak gestionatzen duten Enpresen Elkarteko Idazkari Orokorra eta Hiri Garraio Publikoaren arazoak ondo ezagutzen dituena.

Lekua: Udalbatzaren Osoko Bilkuraren Aretoa San Sebastian-Donostiako Udala
Eguna: 2011ko azaroaren 17a, osteguna
Ordua: 9:00 h
Sarrera: Doan

Egitaraua ikusi (pdf)

Hiriko eskolek, DBUSeko Kotxerasetera egiten dituzten bisitak, martxan jarraitzen dute. DBUSeko kotxerak bisitatzen disfutatu duten azkeneko neska mutilak, Zurriola Ikastetxea eta Mariaren Bihotzakoak izan dira.

 Gehiago irakurri… (pdf)

2011ko azaroaren 16-17an egingo da DBUSeko Kotxerak ikusteko hurrengo bisita. Aldi hontan Gros eta Egiako bizilagunek izango dute aukera bisita egiteko.

Auzo horietan bizi diren guztiek, DBUSeko kotxetegiak eta bere Trafiko sekzioa (Kontrol zentroa, SAE, Bideo-zaintza, ikuskatzaileak, gidarien ordutegiak, etab.) eta tailerrak (garbiketako makinak, deposituak betetzeko makinak, autobusen konponketak eta mantentze lanak, garajea, etab.) ikusi nahi badituzte, eta horiekin batera, DBUS seguru bidaiatzeko modua ezagutu ere, izena eman dezakete [email protected] helbidera mezu bat bidalita edo Kotxetegietara deituta (telefono zenbakia: 943 000 222)

Donostiako Tranbia Konpainiak 125 urte bete dituela eta, DBUSek ate irekien jardunaldiak antolatu ditu hiritarrentzat Kotxetegietako instalazioak eta Konpainiaren funtzionamendua ezagutzeko aukera izan dezaten.

Hurrengo jardunaldiak honako egun hauetan izango dira gutxi gorabehera:
• ANTIGUA- BERIO. IGARA: 2011ko abenduaren 14-15ean
• LOIOLA- MARTUTENE: 2012ko urtarrilaren bukaeran
• ERDIALDEA – ALDE ZAHARRA: 2012ko otsailaren erdialdean
• HERRERA-BIDEBIETA- MIRAKRUZ GAINA: 2012ko martxoaren erdialdean
• INTXAURRONDO- ATEGORRIETA- ULIA: 2012ko apirilaren bukaeran
• AIETE- APAIZGAITEGIA: 2012ko maiatzaren erdialdean
• AMARA- LOIOLAKO ERRIBERAK: 2012ko ekainaren hasieran
• IGELDO- AÑORGA: 2012ko ekainaren bukaeran

Aldez aurretik berretsiko dira data konkretuak.

DBUSek, 125. Urterurrenaren DBUSBERRI aldizkariko “ale berezia” argitaratu du, 2011ko abuztuaren 28an, Donostia Tranbia Konpainiaren 125. Urteurrena bete bait da.

11. ale hontan eduki ezberdinak aurki daitezke: DTKren gertaera nagusien historia laburra, elkarrizketak, bai Donostiako alkateari egindakoa, Juan Karlos Izagirre, bai Konpainiako historiaren partaideak diren lankideei eta DBUSi buruzko bitxikeri asko.

DBUSBERRI orain dela 2 urte sortu zen, Donostiako Tranbia Konpainiaren komunikazio eta hobekuntza planaren barruan.

Hiru hilero argitaratzen den aldizkariak, 15.000 aletako tirada du eta zuzenean, autobusa gehien erabiltzen duten erabiltzaileen etxeetara bidaliko da. Era berean, hiriko zentro publiko desberdinetan hartu ahali zango da, esate baterako liburutegietan, kultur etxeetan, Udal-infon, Mugikortasunean, eta CTSS-DBUS bertako erabiltzaileen arretarako bulegoan eta www.dbus.es webgunean formatu elektronikoan.

Hurrengo aleetan, eta 2012ko uztaila arte lehenengo zerbitzua martxan jarri zenetik bat eginda, DTKren 125. Urteurrenari buruzko albiste gehiago argitaratuko dira.

Aldizkaria ikusi (pdf)