Category : Berriak

Dbusek bere historiako daturik onenak erregistratu ditu urteko lehen seihilekoan

Donostiako Tranbia Konpainiak 17.041.235 bidaia erregistratu ditu urteko lehen seihilekoan, eta 2024an, denbora tarte berean, berriz, 16.093.375 bidaia zenbatu ziren. Horrek esan nahi du 2024an zenbatutakoak baino 947.860 bidaia gehiago izan direla eta urteko lehen seihileko batean orain arte erregistratu diren emaitzarik onenak dira. Bidaia horiek Dbuseko autobus zerbitzuan eta Dbizi bizikleta alokairu zerbitzuan erregistratutakoak biltzen dituzte.

 

  2025eko lehen seihilekoa 2024ko lehen seihilekoa Aldaketa
Dbizi 706.476 757.694 -51.218
Dbus 16.334.759 15.335.681 +999.078
GUZTIRA 17.041.235 16.093.375 +947.860

 

Dbuseko bidaiak lehen seihilekoan

2025eko ekainaren 30ean, urteko lehen seihilekoan 16.334.759 bidaia egin dira autobusean. Zifra horrek esan nahi du 2024ko denbora tarte berdinarekin alderatuta 999.078 bidaia gehiago izan direla; pandemia aurrean izan ziren zifra errekorrak baino 2 milioi bidaia gehiago direla.

 

Bestalde, azpimarratzekoa da Aste Nagusian autobusaren erabilerak %19,67ko igoera esanguratsua izan duela, 853.424 bidaiarekin, Aste Nagusi batean orain arte erregistratutako datu guztiak gaindituta.

Era berean, aurten Illunberako anezka zerbitzua jarri da eta zerbitzu horren erabilera %16,39 hazi da, 2024ko datuekin alderatuta, orduan zerbitzuak doakoa izateari utzi baitzion. Zehazki, 17.480 bidaia erregistratu ditu.

 

  2025 2024 Igoera (%)
Uztaila 6.409 4.902 %30,74
Abuztua 11.071 10.116 %9,44
GUZTIRA 17.480 15.018 %16,39

 

Dbiziko bidaiak lehen seihilekoan

Urteko lehen seihilekoan, 574.707 bidaia erregistratu dira Dbiziko zerbitzuetan, eta 2024ko denbora tarte berdinean, berriz, erregistratutako bidaiak 627.154 izan ziren. Horrek esan nahi du erabilera %8,36 jaitsi dela. Murrizketa hori baliteke urteko lehen hilabeteetako eguraldi txarrarekin lotuta egotea, erabileran eragin negatiboa izan baitu. Era berean, Dbizi bizikleta elektrikoak berrikusteko kanpaina batean murgilduta egon da, eta horrek bizikleta horien erabilgarritasunean eragin du. Hala ere, nabarmendu behar da ekaina izan dela 2025ean orain arte bidaia gehien erregistratu dituen hilabetea -128.623 bidaia- berriro maximo historikora iritsita.

 

  2024 2025
Urtarrila 89.199 71.541
Otsaila 86.706 81.441
Martxoa 97.251 86.573
Apirila 112.344 91.221
Maiatza 120.996 115.308
Ekaina 120.658 128.623
GUZTIRA 627.154 574.707

 

Abonatuei dagokienez, 2025eko ekainaren 30ean, zerbitzuak 13.954 abonatu erregistratu ditu guztira, eta, horrela, Dbizik martxan jarri zenetik izan duen abonatu kopuru handiena lortu du. Joera positiboa konstante mantendu da urteko lehen seihileko osoan.

Bestalde, bizikleta elektrikoa erabiltzeko joera  dago oraindik ere (%75), bizikleta mekanikoa erabiltzekoa baino joera handiagoa (%25). Dbiziko bizikletetan egindako bidaia gehienek 15 minutu baino gutxiagoko iraupena izan dute, eta horien atzetik 15-30 minutuko iraupena duten bidaiak daude. Datu horien arabera, bizikletak ahalik eta gehien txandakatzea lortzeko ezarritako helburua betetzen ari da.

Era berean, nabarmendu behar da uztailean eta abuztuan zerbitzuaren datuak iazkoen oso antzekoak direla, 255.216 erabilerekin  (2024an 254.991 erabilera izan ziren).

 

  2025 2024 Aldaketa
Uztaila 131.769 130.540 %0,94
Abuztua 123.447 124.451 -%0,81
GUZTIRA 255.216 254.991 %0,08

 

Udan ere handitzen jarraitu du abonatu aktiboen kopuruak: 15.192 izan dira eta 2024ko epe berean 13.508 erregistratu ziren. Hau da, %12,47ko hazkundea erregistratu da abonatuen kopuruan.

 

Irakurri

Dbusek Dbus Zero autobus elektriko berrien onurak eskainiko dizkie donostiarrei

Dbusek beste pauso bat eman du gaur, bere flota %100 jasangarria izan dadin. Alderdi Ederren egin du ekitaldia, Mugikortasunaren Europako Astearekin bat eginez, helburutzat hartuta Dbus Zero autobus elektriko berrien onurak herritarrei hurbiltzea. Honako hauek izan dira ekitaldian: Eneko Goia, Hiriko alkatea; Olatz Yarza, Mugikortasun eta Garraio Jasangarriko zinegotzia; Igor Gonzalez, Dbuseko zuzendari gerentea; Tomas Merino, Man Truck & Bus Iberiako hiri ibilgailuen merkataritza arduraduna; eta Alvaro Sainz, Man Truck & Bus Iberiako autobusen elektromugikortasun arduraduna.

Eneko Goia alkateak nabarmendu du “Donostia mugikortasunaren bidez eraldatzen ari dela eta eraldaketa horren une erabakigarrian dagoela, non garraio publikoa baita prozesu horretan eraldatuko den lehen gauza. Herritarren bizi kalitatea hobetzeko Udalak bere zerbitzuak hobetzearen alde egin du, eta, apustu horri esker, 5 urtean autobus flota %100 elektrikoa izango dugu, hau da, ingurumen kutsadura eta kutsadura akustiko txikiagoak izango ditugu, eta efizientzia handiagoa”.

Halaber, Goiak azaldu du “Dbusek bide garrantzitsua egin duela azken hamarkadetan, gaur egun dena izateko: hirian hobekien baloratutako zerbitzuetako bat, nazioartean onartua eta erabilera zifra inbidiagarriak dituena. Garrantzitsua da honaino ekarri gaituen eta etorkizun garbiago eta jasangarriago batera eramango gaituen bide horri balioa ematea. Hori da erakusketa honen motibazio nagusia”.

Dbusek 23 autobus %100 elektriko ditu une honetan, eta datozen asteetan 12 metroko 24 autobus berri flotan sartzea espero da. Horri esker, flotako autobusen %30 elektrikoak izango dira. Flotaren eraldaketa Bideberdearen parte da, hots, Dbusek eta Donostiako Udalak garraio publikoa zerbitzu garbi, eraginkor eta isila bihurtzeko egindako apustua, 2030ean Dbuseko flota %100 jasangarria izan dadin.

Gainera, Bideberdea oraindik  harago doa. Ez da garraio proiektua bakarrik, konpromiso soziala ere bada, bai eta Donostiako herritar guztientzat etorkizun hobe batera begira dagoen hiri proiektua ere, noiz eta Dbus bidaien datu historikoak erregistratzen ari den une honetan, urte hasieratik hona ia 23,5 milioi bidaia erregistratu baititu, hau da, pasa den urtean baino 1.282.052 bidaia gehiago. Beraz, Dbusentzat eta hiriarentzat une garrantzitsua da, mugikortasun eredua aldatzeko apustua baita, bere ingurumen inpaktua arindu eta ahalik eta gehien murrizten duena, eta erabiltzaileen esperientzia are gehiago hobetzen duena.

Autobus erakusketa, Alderdi Ederren

Autobus horiek herritarrengana hurbiltzeko eta dauzkaten onurak ezagutarazteko asmoz, irailaren 16an, eta 17an, 10:00etatik 18:00etara, bi autobus egongo dira ikusgai Alderdi Ederren: horietako bat Lion´s City 12E full electric modeloa izango da, hots, flotara gehitutako azken modeloa. Funtzionaltasun berritzaileenak dituen autobus %100 elektriko bat da, Donostiako garraio publikoaren historian mugarria. Horrekin batera, 2004ra arte Konpainiaren parte izan zen ibilgailu historiko bat ikusi ahal izango da: 318 autobusa, 80ko hamarkadako Mercedes markako modelo bat. Bi autobus horiek Konpainiak azken 139 urteetan izan duen bilakaera islatzen dute.

Autobus horiekin batera, 1886an sortu zenetik Konpainiak izan duen bilakaerari buruzko informazioa eskuratuko dute donostiarrek, bai eta flotak flota moderno eta jasangarri bihurtu arte izan duen eraldaketari buruzko informazioa ere. Informazio historiko horretaz gain, autobus elektriko berrien eta dauzkaten gailuen funtzionamendua, ibilgailu berritzaile horien fabrikazio prozesua, bateria elektrikoek nola funtzionatzen duten eta baterien ezaugarriak eta herritarrentzat dituzten abantailak eta onurak ezagutu ahal izango dituzte.

Herritarrengana hurbiltzeko ahalegin horren erakusle dugu, halaber, Dbuseko markesinetan, webgunean eta sare sozialetan eskuragarri dagoen kanpaina osagarria, garraio %100 elektrikoak dauzkan onurei buruzko informazio pilulak biltzen baititu. Era berean, nola Boulevard 9 (21, 28, B4 eta B9 lineak), Boulevard 13 (26 eta B2 lineak), Boulevard 15 (9, 29, 31 eta B3 lineak) eta Boulevard 17 (5, 25, B1 eta B8 lineak) geralekuek, hala autobus elektrikoek, binilo batzuk izango dituzte aurrerantzean lurrean, egiten ari garen bide berdea sinbolizatzeko (Bideberdea). Bestalde, herritarren lankidetza eta laguntza eskatzen duen bide honen barruan, datozen egunetan ere lore basatien haziekin perching bat egingo da hiriko hainbat lineatan dabiltzan Dbuseko autobus elektrikoetan.

Kotxetegietako instalazioak egokitzea eta BEI linea berria

Konpainia elektrifikazio proiektu integral batean dago sartuta. Proiektu horri esker, flota deskarbonizatu ahal izango da, 0 emisioko flota bihurtzeko. Horrek guztiak kotxetegietako instalazioak egokitzea dakar: tartean, hornidura elektrikoaren egokitzapena, karga azpiegitura berrien hedapena eta Dbuseko trafikoa mantentzeko eta kudeatzeko eremuen berrantolaketa; era horretan, trantsizio eraginkor eta jasangarri bat bermatuko da.

Eraldaketa hau Udaleko Ingurumen Sailak egindako Klima 2050 Planaren barruan kokatzen da, Klima Aldaketak planteatzen dituen erronkei eta horrek herritarren bizi kalitatean izan dezakeen inpaktuari erantzuteko. Era berean, etorkizunari begira jarrita, Dbus lanean ari da, 17-Gros-Amara-Miramon linean BEI (Bus Elektriko Adimenduna) sistema ezartzeko. Horixe izango da zerbitzuaren lehen linea erabat elektrikoa, eta ibilgailuetan eta geralekuetan funtzionaltasun berriak izango ditu.

Autobus elektriko berrien eta horien kargagailuen erosketa Next Generation Funtsek finantzatu dute, Garraio, Mugikortasun eta Hiri Agendako Ministerioaren (MITMA) bidez. Inbertsioa 12.636.000 eurokoa da, eta dirulaguntza 4.800.000 eurokoa.

 

Irakurri

Dbusen lineetako ibilbide eta geralekuen aldaketa, Easo kaleko obrak amaitu ondoren

Irailaren 1etik aurrera, astelehena, Easo kaleko obrak amaitu ondoren, 21 eta 28 lineek kale horretako jatorrizko ibilbidea berreskuratuko dute, eta, horrela, Ospitaleen eta Amara Berriren eremua Easo plazarekin eta Easo – San Martinekin lotuko dute.

 

  • 21-AMARA-MUTUALITATEAK: 

21 lineak, Boulevard alderantz, honako geldialdi hauek egingo ditu Mutualitateetako abiaburuko geralekutik: Mutualitateak, Errondo-Barkaiztegi, Collado, Antso Jakituna 35, Antso Jakituna 11, Easo plaza, Easo 19, Okendo 11 eta Boulevard 9. Easotik zirkulatzean, ez du geldialdirik egingo Gernikako Arbolan.

 

  • 28-AMARA-OSPITALEAK:

28 lineak, Boulevarderako norabidean, Antso Jakituna 11tik aurrera Easo kaletik joango da, eta honako geldialdi hauek egingo ditu: Easo plaza, Easo 19, Okendo 11 eta Boulevard 9. Easotik doanean, ez du geldialdirik egingo Gernikako Arbolan.

 

  • B4-AMARA-ERRIBERAK-MARTUTENE:

B4 lineak Easo 19an egingo du geldialdia.

 

  • 19-AIETE-BERA BERA, 31-INTXAURRONDO-OSPITALEAK-ALTZA, 36-SAN ROKE-ALDAKONEA ETA B2-AIETE-BERA BERA:

Easo 27ko lanak amaitu arte 19, 31, 36 eta B2 lineek Easo 19n egingo dute geldialdia.

 

Dbusen erabileraren hazkunde ikusgarria Aste Nagusian, 853.424 bidaia erregistratu dira eta

Dbusenautobusen erabilera masiboa izan da 2025eko Aste Nagusian. Abuztuaren 9tik, larunbata, 16ra, larunbata, 853.424 bidaia egin dira Dbusen autobusetan. Hau da, 2024an erregistratutako 805.664 bidaiak baino %5,93 gehiago izan dira. Donostian garraio publikoaren erabileran lortutako kopuru errekorra izanda.

Hona hemen hirian autobusa gehien erabiltzen den Aste Nagusien rankinga:

  • Aste Nagusia 2025: 853.424 bidaia.
  • Aste Nagusia 2024: 805.580 bidaia.
  • Aste Nagusia 2010: 800.945 bidaia.
  • Aste Nagusia 2023: 769.121 bidaia.
  • Aste Nagusia 2009: 766.558 bidaia.
  • Aste Nagusia 2012: 765.505 bidaia.

 

Zifra horiek ikusita, oraindik behin-behinekoak diren arren, Dbuseko autobusak izan dira berriro ere Donostiako jaietan gehien erabili den garraiobide publikoa.

Aste Nagusiaren barruan, abuztuaren 14an, osteguna (2018ko Santo Tomas egunaren ondoren, 129.321 bidaiarekin, erabilera handiena izan duen eguna), abuztuaren 11n, astelehena, eta abuztuaren 13an, asteazkena, erabili da gehien autobusa; izan ere, 128.310 bidaia, 116.362 bidaia eta 116.275 bidaia erregistratu dira egun horietan, hurrenez hurren.

Hau da bidaien kopurua egunez egun:

  • Abuztuak 9, larunbata: 103.808 bidaia
  • Abuztuak 10, igandea: 80.744 bidaia
  • Abuztuak 11, astelehena: 116.362 bidaia
  • Abuztuak 12, asteartea: 114.161 bidaia
  • Abuztuak 13, asteazkena: 116.275 bidaia
  • Abuztuak 14, osteguna: 128.310 bidaia (Dbusen historian bigarren erabilera handiena izan duen eguna)
  • Abuztuak 15, ostirala: 115.239 bidaia
  • Abuztuak 16, larunbata: 102.872 bidaia

 

Aste Nagusian gehien erabili diren lineak Amarakoak izan dira (17, 21, 26 eta 28 lineak), 209.943 bidaiarekin, eta, ondoren, Antiguakoak (5, 25, 33, 40 eta 45 lineak), 177.615 bidaiarekin; Altza-Bidebietakoak (13-14 lineak), 145.268 bidaiarekin; Egia-Intxaurrondokoak (8, 9, 29 eta 42 lineak), 90.076 bidaiarekin; eta Aietekoak (18, 19, 23, 31, 32 eta 46 lineak), 89.443 bidaiarekin. Gainera, mikrobus lineetan 27.782 bidaia erregistratu dira.

Gautxorien lineen erabilera, berriz, %1,56 igo da aurreko urtearekin alderatuta, 38.868 bidaiarekin. Halaber, Illunbera joateko autobusen zerbitzuak %5,69 bidaiari igoera izan du 2024ko datuekin alderatuta, 4.273 bidaia zenbatu baitira.

Egun hauetan, Dbusek zerbitzu asko eskaini ditu, 23.400 zerbitzu baino gehiago izan baitira, eta zerbitzu horiek ematen 270 gidari aritu dira egunero, beste 45 pertsona gehiagoren laguntzarekin, batez ere ikuskatzaile eta tailerreko langileekin, autobus flota osoaren koordinazio eta funtzionamendurako beharrezkoak diraetaeta.

Irakurri

Larunbat honetan hasiko da Illunbeko aparkalekua eta hiri Erdigunea lotzeko anezka zerbitzua

Abisua: Abuztuaren 13an, 14ean, 15ean eta 16ean ez da anezka zerbitzurik izango zezenketak direla eta. 

Larunbatean, uztailak 12, hasiko da zerbitzua ematen Illunbeko doako aparkalekua eta hiri erdigunea lotuko dituen anezka autobusa, Dbusek eta Donostiako Udalak, Mugikortasun Departamentuaren bidez, sustatuta.

Anezka zerbitzuak Illunbeko doako aparkalekuaren eta Donostiako hiri erdigunearen arteko joan-etorriak errazten ditu, garraio publikoa sustatzeko eta hiriko trafikoa murrizteko helburuarekin. Azken urteetan, zerbitzua urteko bi garaitan eskaini da, Gabonetan eta udan.

Anezka zerbitzua 20 minutuan behin izango da, egunero, uztailaren 12tik, larunbata, abuztuaren 31ra, igandea, eta, orain bezala, bi geltoki izango ditu:

  • Illunbeko geltokia: irteerak 11:00etatik 22:20ra, 20 minutuan behin
  • Mendeurreneko plazako geltokia: irteerak 11:10etik 22:30era, 20 minutuan behin.

Tarifak eta ordaintzeko aukerak

Iaz bezala, hiriko gainerako linea erregularretan ohikoak diren tarifak aplikatuko zaizkio zerbitzu horri, eta Dbusen onartutako edozein titulurekin ordaindu ahal izango dira:
MUGI, BAT edo BARIK garraio txartelak, kontakturik gabeko banku txartelak eta lotutako gailu digitalak, QR txartelak eta noizbehinkako bidaia txartela.

Bidaia garraio txartelarekin ordaintzen dutenek auzo guztietara doako transbordoak egin ahal izango dituzte Dbuseko sarean. Era berean, garraio txartelik ez duten bisitariek QR kodea duen bidaia txartel berria eskuratu ahal izango dute, Dbuseko app ofizialaren bitartez, zeina iOS eta Androiderako eskuragarri dagoen. Bidai txartel horrekin, Dbuseko sare osoan nahi beste bidaia egin ahal izango dituzte, bidaia txartela erosi eta hurrengo 30 minutuz, 24 orduz edo 48 orduz.

Autobus %100 elektrikoa

Illunbetik hiri Erdialdera joan-etorriak egingo dituen ibilgailua 12 metroko autobus bat da, %100 elektrikoa eta zero igorpenekoa. MAN Lions City 12e modeloko autobusa da, eta Industria, Merkataritza eta Turismo Ministerioaren Helmugetako Jasangarritasun Turistikorako ezohiko deialdiaren barruan erosi da, Next Generation Europako funtsek finantzatuta.

 Igarako aparkalekua

Illunbeko aparkalekuaz eta bere anezka zerbitzuaz gain, Igarako gainazaleko aparkalekua (Bernardo Estornes Lasa kalea) prestatu du Udalak Park and Ride edo disuasio aparkaleku gisa. Aparkaleku horrek 220 plaza ditu, doakoa izango da eta konexio garrantzitsuak ditu Dbuseko linea erregular hauekin: 5, 25, 24, 27, 33, 35, 40, 43, 45 eta B1. Aparkalekurako sarbidea librea eta doakoa da, baina gehienez 24 orduz aparkatu ahal izango da bertan, txandakatzea errazteko

Irakurri

B2 eta B7 gautxori lineek zerbitzu eskaintza zabalagoa izango dute uda honetan, erabiltzaileei zerbitzu hobea emateko

Ekainaren 23tik aurrera, udako ordutegiak indarrean sartzearekin batera, Dbusek hobekuntzak ezarriko ditu B2-Aiete-Bera Bera eta B7-Igeldo gautxori lineetan, erabiltzaileen beharretara egokituago dagoen zerbitzua eskaintzeko. Hobekuntza horiek esperimentalak izango dira; beraz, udan testatuko dira, eta irailaren 27an amaituko dira. Proba hori amaitu ondoren, emaitzak aztertuko dira.

 

  • B2-AIETE-BERA BERA:

Erdialdea Aieterekin eta Bera Berarekin lotzen duen B2 gaueko lineak ibilbide luzeago egingo du Miramonen, Mikeletegin eta Ospitaleen eremuan zerbitzua emateko. Hauek izango dira linearen ibilbidea eta geralekuak:

– Aiete alderantz: Boulevard 13, Urbieta 6, Larramendi, Lizarra, Londaitz, La Cumbre, Izaburu, Munto Alde, Munto, Aieteko Jauregia, Bera Bera-Etxadi, Bera Bera 133, Bera Bera 89, Bera Bera 85, Bera Bera 57, Bera Bera 47, Bera Bera 31, Bera Bera 2, Andoain 17, Pagola, Oriamendi 20, Oriamendi 68, Oriamendi 86, Oriamendi 112, Mikeletegi 6, Mikeletegi 12, Poliklinika II, Onkologikoa II, Ospitalea, Ospitalea II eta Donostia Ospitalea II.

– Erdialderantz: Donostia Ospitalea II, Donostia Ospitalea I, Ospitalea I, Onkologikoa, Poliklinika I, Mikeletegi-Miramon, Mikeletegi 5, Intxaurdegi, Katxola, Oriamendi Pakea, Oriamendi, Aiete 93, Aieteko Jauregia II, Aiete 53, Iza, Aiete 1, Marianistak, Easo 27, Okendo 5 eta Boulevard 13.

Gune berri horretan ere eskaripeko geldialdien zerbitzua aplikatuko da, hau da, ibilbide barruko geraleku ofizialen artean horrelako geldialdiak egiteko beharrezkoak diren baldintzak betetzen diren lekuetan jaistea eskatu ahal izango da. Zehazki, gune berrian Oriamendi pasealekuko, Mikeletegi pasealekuko eta Begiristain Doktorearen pasealekuko tarte jakin batzuetan eskatu ahal izango da.

Hauek izango dira ordutegiak:

-Irteerak Boulevard 13tik:

-Ostiral eta jai bezperak: 1:00 – 2:00 – 3:00 – 4:00*

  * 4:00etako irteera ekainaren 23tik abuztuaren 31ra eskainiko da.

 –Larunbatak: 00:30 – 1:00 – 1:30 – 2:00 – 2:30 – 3:00 – 3:30 – 4:00

-Donostia Ospitalea II-tik irteerak:

-Ostiral eta jai bezperak: 00:15* – 1:30 – 2:30 – 3:30**

 * Bera Bera 57tik Boulevardera.

 ** 3:30eko irteera ekainaren 23tik abuztuaren 31ra eskainiko da.

-Larunbatak: 00:15* – 1:00 – 1:30 – 2:00 – 2:30 – 3:00 – 3:30

* Bera Bera 57tik Boulevardera.

Era berean, 31-Intxaurrondo-Ospitaleak-Altza lineak ere irteera bat gehiago izango du 23:15ean Boulevardetik Ospitaleetarantz ostiral, jaiegun eta larunbatetan.

 

  • B7-IGELDO:

B7-Igeldo lineak, udan Igeldo aldean zerbitzua ematen dion lineak, irailaren 27ra arte iraungo du (irailaren 27a, larunbata, barne) eta ordutegia 4:00etara luzatuko da irteera gehigarriekin. Horrela, ostiral, larunbat eta jai bezperetan linearen irteerak hauek izango dira:

-Irteerak Boulevard 19tik:

–  Ostiral eta jai bezperak: 1:00 – 2:00 – 3:00 – 4:00*

– Larunbatak: 1:00 – 2:00 – 3:00 – 4:00

 * Ekainaren 23tik abuztuaren 31ra eskainiko da.

-Irteerak Kanpinetik:

– Ostiral eta jai bezperak: 00:30 – 1:30 – 2:30 – 3:30*

– Larunbatak: 00:30 – 1:30 – 2:30 – 3:30

 * Ekainaren 23tik abuztuaren 31ra eskainiko da.

Udan bezala, iraileko ostiral, larunbat eta jai bezperetan ere 23:05ean eta 00:00etan egongo dira irteerak Boulevardetik.

Irakurri

Ekainaren 23tik aurrera Dbusek zerbitzu gehiago emango ditu udan

Ekainaren 23an, astelehenean, San Juan bezperan, Dbuseko udako zerbitzuak hasiko dira, eta abuztuaren 31ra arte, igandea, eskainiko dira. Udan, halaber, Dbusek zerbitzu bereziak eskainiko ditu denboraldiko ekitaldirik garrantzitsuenetarako.

Era berean, berriro jarriko da abian Illunbeko aparkalekuaren eta hiriko Erdialdearen arteko anezka zerbitzua.

 

1.Gautxori zerbitzua, ekainaren 23an, San Juan bezperan

Ekainaren 23an, San Juan bezperan, Dbusek auzoetara dituen autobus zerbitzuen ordutegiak luzatuko ditu eta 1:00ak arte egongo dira gautxori zerbitzuak Boulevardetik. Hauek izango dira zerbitzuak:

> Ordutegiak ikusi (pdf)

 

2.Dbus zerbitzu gehiago auzoetara

Ekainaren 23tik abuztuaren 31ra arte, hiriko gune gehienetan aparteko zerbitzuak egongo dira; izan ere, udan autobusek beranduago egingo dituzte azken irteerak, eta asteko egun guztietan zerbitzuak beranduago bukatu dira. Hauek dira zabaltzen diren ordutegiak:

> Ordutegiak ikusi (pdf)

 

3.Gautxori zerbitzu gehiago ostiral, larunbat eta jai bezperetan

 Ekainaren 23tik abuztuaren 31ra arte, asteburuko gautxori zerbitzuak goizaldeko 4:00etan amaituko dira, ostiral, larunbat eta jai bezpera guztietan. Boulevardetik irtengo dira.

> Ordutegiak ikusi (pdf)

 

4.Gaueko zerbitzua Igeldora ekainaren 23tik aurrera

Ekainaren 23tik aurrera, astelehena, eta abuztuaren 31ra arte, igandea, 16 lineak zerbitzu gehiago emango ditu Boulevard 19tik, 23:05ean eta 0:00etan beste bi irteera gehiagorekin. Iraileko ostiral, jai bezpera eta larunbatetan ere egongo dira irteera horiek.

Era berean, ekainaren 23tik abuztuaren 31ra arte Igeldo auzoak autobus zerbitzua izango du gauean, ostiral, larunbat eta jai bezperatan, B7-IGELDO gautxoriarekin. Gautxoria 1:00etan, 2:00etan, 3:00etan eta 4:00etan aterako da Boulevardetik eta Kontxa pasealekutik joango da zuzenean Igeldoraino eta Kanpineraino. Aurten, gainera, modu esperimentalean, lineak iraileko asteburuetan ere emango du zerbitzua, baina kasu honetan, ostiraletan eta jai bezperetan azken irteerak 3:00etan izango dira, gainerako gautxori lineetan bezala (neguko ordutegia).

 

5.B2 linearen ibilbidea Miramon, Mikeletegi eta Ospitaleetaraino luzatuko da

Ekainaren 23tik aurrera, Erdigunea Aiete eta Bera Berarekin lotzen duen B2-Aiete-Bera Bera linean ere hobekuntzak egongo dira. Hala, ibilbidea luzatuko da, Miramon, Mikeletegi eta Ospitale inguruari ere zerbitzua emateko, erabiltzaileen beharretara egokituago dagoen zerbitzua eskainita. Hobekuntza hori esperimentala izango da; beraz, udan egingo da proba, eta irailaren 27an, larunbata, amaituko da. Proba hori amaitu ondoren, emaitzak aztertuko dira.

> Informazio osoa ikusi (pdf)

 

6.Zerbitzu bereziak udako ekitaldietarako

Aparteko autobus zerbitzuak egingo dira hirian udan egin ohi diren ekitaldietarako (Jazz Jaialdia, Aste Nagusia, kontzertuak, etab.). Informazioa ekitaldi bakoitzean emango da bereziki.

 

7.Maiztasun handiagoa 24 eta 27 lineetako autobusetan

Ekainaren 23tik abuztuaren 31ra arte, jaiegunetan 24-Altza-Gros-Antigua-Intxaurrondo eta 27-Altza-Intxaurrondo-Antigua-Gros lineetan autobusak 30 minutuko maiztasunez ibiliko dira, izan ere, hil horietan asteko egun guztietako ordutegiak bateratuko dira.

 

8.39-Urgull lineak ez du zerbitzurik emango udan

2025eko udan, Dbuseko 39-Urgull mikrobus lineak ez du zerbitzurik emango.

 

9.Anezka zerbitzua Illunbeko aparlekutik Erdialdera

Abisua: Abuztuaren 13an, 14ean, 15ean eta 16ean ez da anezka zerbitzurik izango zezenketak direla eta. 

Uztailaren 12tik aurrera, larunbata, abuztuaren 31ra arte, igandea, Dbusek eta Donostiako Udalak, Mugikortasun Departamentuaren bitartez, autobus anezka zerbitzua jarriko dute berriro, Illunbeko aparkalekua eta hiriko Erdialdea lotzeko. Hiriko gainerako linea erregularretan ohikoak diren tarifak aplikatuko zaizkio zerbitzu horri.

> Informazio osoa ikusi (pdf)

 

10.“Dbus gehiago, uda gehiago” udako kanpaina

Uda iritsi da eta Dbusek garraio publikoan mugitzera animatzen ditu berriz ere donostiarrak eta bisitariak, hiriak eskaintzen dituen plan guztiez gozatzeko, HANDIKIRO gozatzeko. “Dbus gehiago, uda gehiago” lelopean, ordutegi zabalagoak eskainiko ditugu ibilgailu pribatuaren alternatiba hobea izateko eta Donostia hiri erosoagoa, jasangarriagoa, bizigarriagoa eta kerik eta zaratarik gabekoa izan dadin.

Gure eguneko 32 lineek eta gaueko 9 lineek sare zabal bat osatzen dute eta merke eta kezkarik gabe mugitzeko eta hiriko trafikoa arintzeko modurik onena dira.

Mugikortasuneko ikasketak egiten ari diren frantziako ikasleen talde baten bisita hartu du Dbusek

Bordeletik gertu dagoen Artigues-près-Bordeau herriko ikastetxe batean Mugikortasuna eta Garraioak ikasketak egiten ari diren ikasleen talde baten bisita hartu du Dbusek bere instalazioetan. Ikasleek Kotxetegietako instalazioak ezagutu eta garraio publiko baten funtzionamendua ikusteko aukera izan dute, Javier Vallejo Dbuseko Zuzendari Ondokoaren eskutik.

Bisitak iraun duen denboran ikasleek Konpainiaren historia eta bilakaera ezagutu dute, baita enpresaren eguneroko funtzionamendua eta enpresako sailen antolaketa ere. Besteak beste, planifikazioko sistema adituak ikusi ahal izan dituzte. Horiei esker, eraginkortasunez kudeatu daitezke autobusak eta gidarien ordutegiak antolatzeko dauden giza baliabideak eta baliabide teknikoak. Horrela zerbitzua optimizatu egiten da, pertsona erabiltzaileei ordutegi zabalagoak eta maiztasun hobea eskainiz eta aldi berean flotako autobusak eta gidariei esleitutako ordutegi ezberdinak koordinatuz.

Era berean, Dbusek puntualtasunean eta abiadura komertzialean zifra altuak izatea eta Donostiako herritarrek Dbus asko erabiltzea ahalbidetzen duten beste sistema batzuk ezagutu dituzte, hala nola hiriko BRTa (Bus Rapid Transit), ticketing sistemak edo geralekuak sentsorizatzeko sistema. Halaber, flota baldintza onenetan egon dadin egunero autobusetan sor daitezkeen gorabehera guztiak konpontzeaz eta aldiro ibilgailuei mantentze lanak egiteaz arduratzen den zerbitzu teknikoaren lana ikusi ahal izan dute, eta Konpainia bete-betean sartuta dagoen eta flota deskarbonizatzea eta 0 emisioko flota bihurtzea ahalbidetuko duen elektrifikazio proiektu integrala ere bai.

Irakurri

Uztailaren 1etik aurrera 15 urtetik beherakoek doan bidaiatuko dute Dbusen

Uztailaren 1etik aurrera, asteartez, MUGI, BAT eta BARIK txartel pertsonalizatua duten 15 urtetik beherakoek doan bidaiatuko dute Dbuseko linea guztietan. Horrela, hiru urte luzatu da adingabeek doan bidaiatzeko duten adin tartea. 15 urte bete ondoren txartela ordaindu beharko dute.

Doan bidaiatu ahal izateko, 15 urtetik beherakoek MUGI, BAT edo BARIK txartel pertsonalizatua izan beharko dute. Jada txartel pertsonalizatua dutenek ez dute doakotasuna aktibatzeko ezer egin beharko. Horretarako, balidatzeko makinen softwarea eguneratu da, txartelak irakurtzean 6 eta 15 urte artekoei inolako zenbatekorik ez kargatzeko.

Aurten arte, 6 urtetik beherakoek bakarrik bidaiatzen zuten doan. Kolektibo horrek ez du garraio txartelik eta neurri berriak ez du beraientzat aldaketarik. Garraio txartelik gabe doan bidaiatzen jarraituko dute. Aurtengo otsailean, doako txartela 6 eta 11 urte bitartekoei ere zabaldu zitzaien, MUGI, BAT edo BARIK txartel pertsonalizatuarekin, eta uztailetik aurrera, 15 urtetik beherakoetara zabalduko da. Hau da, 12 eta 14 urte bitarteko pertsonena da kolektibo onuradun berria.

Dena den, MUGI, BAT edo BARIK txartel pertsonalizatua ez duten 6tik 14ra urtera arteko haurrek ezingo dute doan bidaiatu. Txartela eskatzeko MUGIk, BATek eta BARIKek herritarren arretarako dituzten bulegoetara joan beharko dute.

 

Tarifak eguneratzea

Era berean, datorren asteartetik aurrera, uztailak 1, Dbuseko tarifak aldatuko dira bidaia MUGI, BAT edo BARIK txartelekin ordaintzen duten erabiltzaileentzat, horiei aplikatu beharreko deskontuen eguneraketaren arabera (%50ekoak izan beharrean %40koak izango dira). Ezarritako deskontuek Garraio eta Mugikortasun Jasangarriko Ministerioaren finantzaketa dute. Era berean, 25 urte bete gabe dituzten pertsonek %50eko hobaria jasotzen jarraituko dute, MUGI Gazte txartel pertsonalizatuaren bidez.

Uztailaren 1etik aurrera, Dbusen tarifa sistema berria hau izango da:

 

Bidaia txartela 2022/7/1a baino lehenagoko prezioa 202/7/1etik aurrerako prezioa
Noizbehinkako bidaia txartela, egunekoa 1,85 € 1,85 €
Noizbehinkako bidaia txartela, gauekoa 2,50 € 2,50 €
MUGI Txartela
1-20 bidaia 0,49 € 0,59 €
21-50 bidaia 0,40 € 0,48 €
51. bidaiatik aurrera 0,10 € 0,12 €
MUGI GazteTxartela
1-20 bidaia 0,49 € 0,49 €
21-50 bidaia 0,40 € 0,40 €
51. bidaiatik aurrera 0 € 0 €
MUGI Txartel anonimoa 0,65 € 0,78 €
BAT eta BARIK Txartelak 0,49 € 0,59 €

Aurreikusita dago, halaber, laster Dbuseko noizbehinkako txartelen prezioak eguneratzea, bai eguneko txartelena, bai gaueko txartelena. Garraio titulu bien prezioak 2020tik izoztuta egon dira, eta 10 eta 15 zentimo igoko dira, hurrenez hurren. Erabiltzaile ez-errepikarientzako txartel digitalen prezioa ere eguneratuko da.

 

Irakurri

BEI autobus lineari zerbitzua emango dion aparkalekua elektrifikatzeko lanak lizitatu ditu Dbus-ek

Dbusek Kotxetegietako kanpoko aparkalekua elektrifikatzeko azpiegiturarekin lotutako lanak eraikitzeko eta abian jartzeko lizitazio plegua argitaratu du. Aparkalekua eraikin nagusiaren ondoan dago eta BEI (Bus Elektriko Adimenduna) autobus linea berriari zerbitzua emango dio.

17-Gros-Amara-Miramon linea zerbitzu %100 elektriko bihurtzeko, beharrezkoa da kotxetegietako aparkaleku berria, 2021ean inauguratu zena, beharrezko azpiegitura elektrikoz hornitzea, linearako aurreikusita dauden bederatzi ibilgailuak kargatzea ahalbidetuko duten karga estazioak izateko.

Azpiegituraren barruan instalazio elektriko osoa (hartunea, tentsio ertaina eta behe tentsioa), datuen sarearen azpiegitura, beharrezko egitura metalikoa, baterien karga eta suteen aurkako babesaren instalazioa sartzen dira. Eskualde Garapeneko Europako Funtsarekin (FEDER) kofinantzatuko da, FEDER 2021-2027 Euskadiko Programaren esparruan.

Hain zuzen ere, 2024aren amaieran amaitu ziren Kotxetegietako barneko eta goiko aparkalekuko azpiegitura elektrikoa elektrifikatzeko lanak, eta eraikineko 119 aparkalekuak (barrukoak eta kanpokoak) karga azpiegiturarekin hornituta geratu ziren. Era berean, 22 karga puntu instalatu ziren, eta 60 pantografo alderantzikaturi eusteko egitura metaliko bat ere bai.

Kotxetegietako aparkaleku berria elektrifikatuta, Kotxetegietako instalazio guztiak ibilgailu elektrikoak kargatzeko egokituta egongo dira, 2030erako flota %100 elektrikoa izateko Dbusek duen helburuarekin lerrokatuta.

 

Epeak eta egin beharreko lanak

Obra gauzatzeko gehieneko epea 200 egun baliodunekoa izango da guztira, eta baldintza izango da hirigintza planeamenduko tresnak onartzea eta ondoren dagozkion hirigintza lizentziak lortzea. Lizitazioaren oinarriko aurrekontua 4.931.623,59 eurokoa da (BEZa sartu gabe)

 

BEI sistema 17 linea osoan

Linea guztiak aztertu ondoren, 17-Gros-Amara-Miramon linea aukeratu zen BEI-Bus Elektriko Adimendunaren Sistema ezartzeko, linea estrategikoa baita; izan ere, Euskotrenen eta Dbusen arteko intermodalitatea ziurtatzea ahalbidetzen du, Topoaren linea Anoetako geralekutik pasatzeari esker. Gainera, 15 km inguruko ibilbidearekin, linea horrek Gros, autobus eta Renfe geltokiak, Amara, Donostiako ospitale gunea eta Miramongo parke teknologikoa lotzen ditu.

BEI emisiorik gabeko garraiobide elektrikoa izango da, eta hiri jasangarriago bat, kerik gabeko eta kutsadura maila baxuko hiri bat egiten lagunduko du. Gainera, oro har, hobekuntza ugari eskaintzen ditu, eta hobekuntza horiek lagunduko dute erabiltzaileek bidaia esperientzia oso ona izaten. Azpimarratzekoa da, adibidez, autobusera igotzeko eta bidaia egiteko denborak murriztuko direla, sartzeko ate gehiago gaituko direlako, ordaintzeko funtzionalitate batzuk autobusean sartu gabe egin ahal izango direlako, semaforoetan lehentasuna izateko sistemak egongo direlako, etab.

Autobusen barrualdea ere gidariengan zein erabiltzaileengan pentsatuta diseinatuko da, diseinu abangoardista eta erosoagoa izango dute-eta. Nabarmenduko dira zoruak, zura itxura izango dutenak, eta argiztapen puntu berriak, esaterako.

Aurreikusita dago, halaber, BEI autobusen markesinek diseinu berritzailea izatea eta funtzionalitate berriak eskaintzea, hala nola informazioa alde bietatik ematen duen pantaila digitala eta 17 linea identifikatzeko totema, LED argiekin eta minutuak adierazita. Zutoinak dituzten geltokiek ere totem identifikatzailea izango dute, baita pantaila digitala ere.

Linearen elektrifikazioarekin, egungo diesel autobusen ordez 18 metroko bederatzi autobus elektriko artikulatu jarriko dira, eta autobus berri horiekin edukiera hobetuko da eta erabiltzaileak erosoago joango dira. Era berean, BEI linea berria abian jarrita, urtean 239.528 litro gasolio kontsumitzea eta 645 Tn CO2 gutxiago isurtzea aurreikusten da.

 

Erakundeen arteko hitzarmena

2022ko otsailean Eusko Jaurlaritzak eta Donostiako Udalak hitzarmen bat sinatu zuten hirian autobus elektriko adimendunaren sistema ezartzeko, 25,7 milioi euroko aurrekontuarekin. Eusko Jaurlaritzak, FEDER 2021-2027 Euskal Autonomia Erkidegoko Programaren bidez, proiektuaren kostuaren %65 kofinantzatuko du. Donostiako Udalak, berriz, gainerako %35a jarriko du, hau da, 9 milioi euro.

Irakurri