Category : Berriak

Azken hamabi hilabetetan, hau da, 2010eko uztailaren 1etik 2011ko ekainaren 30era bitartean, DBUSeko bidaiari kopuruak errekorra hautsi du berriro ere 29.297.180 bidaiarirekin. Aurreko urtean, epealdi berean, izan ziren bidaiariekin alderatuta, 409.441 bidaiari gehiago egon dira, eta azken bi urtetako datuak aztertuta, bidaiarien igoera 1.072.776koa izan da.

DBUSeko zerbitzuetako autobus bidaiarien kopurua nabarmenki igo da 2011ko lehen seihilekoan, 14.459.244 bidaiari izan dira eta. Zifra horrek esan nahi du 282.173 bidaiari gehiago egon direla 2010eko lehen seihilekoarekin alderatuta, eta berretsi egiten du 2005eko lehen seihilekoan egon ziren 12.737.640 bidaiarirekin alderatuta egon den 1.721.604 bidaiariko igoera.

Datu horiekin, eta beste hiri batzuekin alderatuta, Donostiak jarraitzen du izaten autobus erabiltzaile gehien duena biztanleko.

Lineaz linea begiratuta, AMARA-OSPITALEAK 28. linea izan da erabiliena (2.385.211 bidaiari), eta, ondoren, 13. linea, ALTZAkoa (1.907.854 bidaiari) eta 5garrena, BENTABERRIkoa (1.519.470 bidaiari).

Martxoan eta maiatzean erabili da gehien autobusa; hain zuzen ere, martxoan 2.592.816 lagunek erabili dute, eta maiatzean 2.502.406 lagunek.

Erabiltzaileen batez bestekoak gora egiten jarraitu du, azken urteetan bezala, bai lanegunetan, bai larunbatetan bai jaiegunetan. Halere, eta logikoa denez, lanegunak dira autobusa gehiago erabiltzen diren egunak. Izan ere, lanegunetan 92.752 lagunek erabiltzen dute batez beste autobusa egunean, eta horrekin beste errekor bat hautsi da, orain arte bidaiari kopururik handiena urteko lehen hiruhilekoan 91.947 izan da eta.

Gaueko autobusaren erabilerak ere gora egin du, eta 2011ko lehen seihilekoan 92.561 lagunek erabili dute zerbitzu hori. Horrek esan nahi du aurreko urtean sasoi berean genituen datuekin alderatuta %2,5eko igoera egon dela.

2011ko lehen seihilekoko erabiltzaileen %88,96k bidaia txartelan deskontua egiten dieten garraio txartelak erabili dituzte. Bidaiarien %11,04k baino ez du erabili noizbehinkako txartela. Horrek esan nahi du urteko lehen seihilekoan 12.863.517 bidaia egin direla deskontuarekin eta 1.595.727 bidaia, berriz, ohiko prezioarekin. Hau da, deskontua duten txartelekin bidaiatzen duten bidaiariek gora egiten jarraitzen dute eta ohiko txartelarekin bidaiatzen dutenak, berriz, gutxitzen ari dira.

Azpimarratzekoa da, halaber, 1.387.479 bidaia hileko bonoekin egin direla, orain arteko kopururik handienera helduta, eta 1.500.000 bidaiatik gora Lurraldebus txartelarekin.

Ekainaren 15ean eta 16an, Europako 90 bat aditu elkartu dira Miramar jauregian garraio publikoetan erregai berriztagarriak edo elektromugikortasuna erabiltzeak etorkizunerako ekar ditzakeen onurez gogoeta egiteko eta aztertzeko neurri horiek zenbateraino hobetuko lituzketen eguratsaren kalitatea eta irisgarritasuna etorkizuneko hirietan.

INFORMAZIO GUZTIA IKUSI

AURKEZPENAK IKUSI

Dbusek MAN fabrikatik aterako den serieko lehen autobus hibridoa erosi du. Autobusa uztailean helduko da Donostiara, eta Europan egiten den autobus horren lehen entrega izango da. Autobus horren zain gaudela eta uztailaren bukaerara arte, aurreserieko antzeko autobus bat ibiliko da Donostiako kaleetatik.

Behin-behineko modelo horrek behin betikoaren ezaugarri tekniko berak izango ditu. Barruko banaketari begiratuta aurreserieko modelo hau eta DBUSeko autobusak desberdinak badira ere, kanpotik DBUSeko autobusen itxura eman zaio konpainiaren kolore korporatiboekin margotuta. Uztailean helduko den behin betiko autobusak DBUSeko autobusek duten banaketa bera izango du barrutik.

Aste honetan zehar, MANeko teknikariek lehenengo formazio saioak emango dituzte, ekainaren 8tik aurrera autobusa Dbuseko lineak egin ahal izateko moduan egon dadin.

Prestakuntzarako eta probak egiteko erabiliko diren ia bi hilabete hauetan oso informazio garrantzitsua eskuratuko da hainbat parametrori buruz: kontsumoak, konforta, prestazioak, erabiltzeko erraztasuna, etab.

Ibilgailu hau Dbusek 2009ko azaroan astebez probatu zuen lehen prototipoaren bilakaera da. Proba haietan emaitza positiboak lortu ziren, bai erabiltzeko erraztasunari eta gidatzeko gozotasunari dagokienez, bai zarata mailari, kontsumo murrizketari eta fidagarritasunari dagokienez. Autobusa CIVITAS Archimedes proiektuaren diru laguntzarekin erosi da.

Duela bi urtetik hona Dbus igorpenei dagokienez EEV maila duten autobus ekologikoak erosten ari da, Europatik etorriko diren eskakizunei aurreratuta. Autobus hibrido honek igorpenen oso maila txikia dauka eta kontsumoaren %30eko murriztea dakar gutxi gorabehera. Horrek esan nahi du urtean eguratsera 26,5 tona inguru CO2 igortzea saihesten dela.

DBUSek uste du hiriak eszenatoki aparta direla serieko motor hibridoetarako. Hiriko autobusak abiadura txikian doaz eta geldialdi ugari egiten dituzte. Autobus batek funtzionamenduan dagoen denboraren %25etik %49ra bitartean geltokietan eta semaforoetan geldi ematen du. Ohiko ibilgailu batek frenatzean sortzen den energia guztia galtzen du, baina MAN etxeko Lion,s City modeloaren serieko motor hibridoak energia hori berreskuratu eta trakzio energia bihurtzen du. Gainera, gelditzeko eta abian jartzeko sistema automatikoari esker erregaiaren kontsumoa eta CO2 igorpenak txikiagoak dira.

Kontsumo murrizketez gain, DBUSeko autobus berriak askoz isilagoa da, askotan, bereziki geltokietan eta semaforoetan, motor elektrikoarekin funtzionatuko baitu, zaratarik egin gabe.

DBUSek geltokietan daudenei autobusen iritsiera orduak jakinarazteko duen sistema hobetzen jarraitzen du.

Hasteko, INFOBLUE sistema (autobusen iritsiera orduak Bluetooth bidez jakinarazteko sistema), gaur egun panel elektronikorik ez duten 20 geltokitan instalatu da. Orain arte geltoki horien erabiltzaileek SMS bidez edo webgunearen bidez jakin zitzaketen autobusak geltokira iristeko orduak, eta, hemendik aurrera, telefono mugikorretako Bluetooth bidez ere egin ahal izango dute hori.

Funtzionamendua oso erraza da; nahikoa da geltokiaren inguruan egotea eta telefono mugikorraren Bluetootha aktibatuta eta ikusgai izatea. Handik gutxira mugikorrean mezu bat helduko zaie INFOBLUE gailutik, autobusen iritsieera orduen gaineko informazio eguneratuarekin. Aldian-aldian, geltokiaren inguruan mezuak jasotzen jarraituko dute eguneratutako informazioarekin.

Sistema Bluetooth aplikazioa duten terminal mugikor guztietan erabil daiteke.

Horrela, hemendik aurrera Donostia erabiltzaileei informazioa emateko sistema hau duten lehen hiri europarretako bat izango da.

Sistema berri horrek osatu egiten du autobusen iritsiera orduak jakinarazteko gaur egun dugun eta honako elementuez osatuta dagoen sistema:

– Autobus iritsiera orduak jakinarazteko hiriko 83 geltokitan dauden informazio panel elektronikoak.
– www.dbus.es web orriaren bitartez eskaintzen den informazioa. Aurretik aipatu den informazio bera da, baina modu errazagoan emanda.
– Doako WIFI konexioa 28.AMARA-OSPITALEAK linearen geltoki guztietan.
– Mugikorren bidezko SMS mezuen sistema, hiriko geltoki guztietan erabilgarri dagoena. Bide horretatik informazioa jasotzeko “DBUS_CódigoParada” bidali behar da 217377 zenbakira.

 Ekimen berri hori CIVITAS proiektuaren barruan bidaiariei informazioa emateko sistema hobetzeko hartu diren neurrietako bat da.

Sistema berria, bidaiarien garraioen sektoreko sistema teknologikoetan liderra den PROINTEC enpresak egindako garapen teknologikoari esker jarri ahal izan da abian.

Honakoak dira INFOBLUE sistema duten geltokiak:

– Garbera (366 kodea): 24-27-33 lineak
– Miramon (271 kodea): 28-31-35 lineak
– Zuatzu (49 kodea): 5. linea
– Zubieta 14 (506 kodea): 16-18 lineak
– Gregorio Ordoñez (525 kodea): 26-27-31 lineak
– Ategorrietako erlojua (107 kodea): 13-14-27 lineak
– Bianka (121 kodea): 13-24-31-38 lineak
– Antso Jakituna 11 (29 kodea): 21-26-28-32 lineak
– Renfe Intxaurrondo (64 kodea): 8-29 lineak
– Bartzelona 35 (399 kodea): 26-27-31 lineak
– Frantziskotarrak (100 kodea): 9-41 lineak
– Belartzako biribilgunea (360 kodea): 25. linea
– Toribio Alzaga (8 kodea): 24-26-31 lineak
– La Perla (36 kodea): 5-16-18-25 lineak
– Jesuitak (134 kodea): 13-24 lineak
– Pikabea Herrera 41 (127 kodea): 13-24 lineak
– Pío Baroja 4 (39 kodea): 16-18-24-35 lineak
– Nafarroa 34 (60 kodea): 8-17-40-41 lineak
– Antso Jakituna 12 (4 kodea): 17-21-26-28 lineak
– Medeurrena (195 kodea): 17-23-24-32 lineak

INFOBLUE sistema duten geltoki guztiak behar bezala identifikatuta daude, eta autobusen iritsiera orduak mugikorrean jasotzeko eman beharreko pausoak zehar meatz azaltzen dira.

Momentuz, sistema edozein terminal mugikorretatik erabil daiteke iPhoneetatik izan ezik, horien Bluetooth sistema ez baitago gainontzeko terminaletara “irekita”.

Edozein zalantza argitzeko edo edozein kontsulta edo iradokizun egiteko, jarri zaitez harremanetan DBUSekin 943-000200 telefono zenbakira deituta edo www.dbus.es webgunearen bitartez.

Beste urtebetez, Donostiako Udalak, udaltzaingoaren bitartez eta DBUSen lankidetzarekin, Bide Heziketako Kanpaina bat antolatu du hiriko ikastetxeetan garatzeko.

Maiatzean zehar, Donostiako ikastetxeetako 974 neska-mutikok parte hartu dute Bide Heziketako Eskola Kanpaina horretan. Haur askok DBUSeko autobusak erabili dituzte Groseko Okendo Kultur Etxera joateko, bertan egiten ari zen marrazki erakusketa ikusteko.

Informazio guztia ikusi

Maitzaren 24an, asteartez, Giza Baliabideen Gestiorik hoberenari ematen zaizkion Capital Humano sariak eta enpresen erantzukizun sozialari ematen zaion Jose Luis Perez saria banatu ziren Madrileko Comillas Unibertsitate Pontifizioko Areto Nagusian, Wolters Kluwer Empresas-ek eta Capital Humano aldizkariak antolatutako ekitaldi batean.

Jose Ramon Bustos Saiz Errektore Gorena izan zen ekitaldiaren buru, eta bertan Donostiako Tranbia Konpainiak (DBUS) “Jose Luis Perez” saria eskuratu zuen enpresak gizartearekin duen erantzukizunarengatik, hain zuzen ere Gizarte Erantzukizunarekin lotutako gaietan egin duen ibilbideagatik eta etengabe pertsona, bezero, hornitzaile, langile eta gizarte osoarekin izan duen ardurarengatik. Era berean, Konpainiak lortutako barruko ekitatea, enpresaren etika eta ingurumenaren zaintza bikaina aipatu zituzten, horiekin Donostiako hiritarren bizi kalitatea hobetzen nabarmenki lagundu delakoan.

Sariaren IX. edizioa izan da, eta sari hau, giza baliabideen eta enpresa gestioaren eremuan prestigio handia daukana, aurreko edizioetan beste enpresa ezagun batzuei eman zaie, besteak beste MRW, KUTXA edo NH HOTELAK enpresei.

Ekitaldi berean banatu ziren, halaber, Capital Humanok Giza Baliabideen Gestiorik hoberena saritzeko egiten duen lehiaketaren XV. edizioko sariak. KELLOGG, BANESTO ETA LEROY MERLIN izan ziren lehiaketako kategoria bakoitzean irabazleak.

Enpresak Erantzukizun Sozial Korporatiboari buruzko lehen memoria argitaratu berri du, 2010eko ekitaldiari dagokiona alegia. Erantzukizun Sozial Korporatiboari buruzko memoria dokumentu formala eta publiko bat da, non erakundeek gestio etikoarekin eta garapen iraunkorrarekin lotuta izan dituzten eraginak, egin dituzten jarduketak eta hartu dituzten konpromisoen berri ematen baitituzte, disziplina anitzeko ikuspegi batetik eginda eta alderdi ekonomiko, sozial eta ingurumenekoak aztertuta. Dokumentua Europar Batasunak definitutako Global Reporting Initiative (GRI) gidaren 3.0 bertsioaren arabera idatzita dago.

Donostiako Tranbia Konpainiaren (DBUS) ESKari buruzko Urteko Memoria Dbuseko web orrian (www.dbus.es) daukazue eskuratzeko moduan

DBUSerako bereziki pozgarria da sari hau jasotzea. Saria, jakina, Konpainiak kalitate, berdintasunaren aldeko politika, ingurumenarekiko konpromisoa eta gestioaren eraginkortasunaren alorrean egindakoagatik jaso berri dituen beste sari batzuei gehituko zaie.

AENEAS (Attaining Energy-Efficient Mobility in an Ageing Society) proiektu europar bat da Europarako Energia Adimendunaren programaren baitan (IEE) garatua, eta bere helburu nagusia da Energetikoki Efizientea den Mugikortasuna bultzatzea zahartzen ari den gizarte batean.

Informazio gehiago (pdf)

Joan den Apirilaren 6an, “Elektromugikortasunean aplikatutako Garraioaren Sistema Adimendun”en gaineko Foruma ospatu zen Bruselan ERTICO ITS Europa erakundeak antolatuta. Forum horretan Donostiak Elektromugikortasunaren gainean duen ikuspegia azalduko du.

Informazio gehiago (pdf)