Langileak

Category : Berriak

20220819_130350

Dbusek 246 markesina berrituko ditu datozen bi urteetan

Datozen bi urteetan (2022-2024), Dbusek bere historiako markesina berrikuntzarik handiena egingo du, 246 unitate berri jarriko baititu. Markesina berri horietako 136 Garraio, Mugikortasun eta Ingurumen Ministerioak (Next Generation funtsak) finantzatuko ditu, emisio txikiko eremuak ezartzeko eta hiri garraioaren eta mugikortasunaren eraldaketa digital eta jasangarria egiteko laguntzen bidez. Gainerako 110 markesina, berriz, markesinen eta hiriko altzarien beste elementu batzuen kudeaketa integraleko zerbitzuaren emakidaren barruan berrituko dira.

Markesinak berritzeko plana zehazteko, hainbat irizpide hartu dira kontuan, hala nola markesinen narriadura, irisgarritasuna, ordezko piezen hornidurarik eza, markesinak gehiago hedatzeko beharra, hiriko auzoen araberako eguneratze orekatua, zutoinen ordez markesinak jartzea, etab. Horrez gain, hiriko markesinen estetika homogeneizatu nahi da, modelo bakarra erabilita geraleku guztietarako eta soilik haien konfigurazioa egokituta, lekuaren orografiaren edo irisgarriak izateko oztopoen arabera.

Berritze fasea datozen asteetan hasiko dela aurreikusten da. Hasteko, lehenengo 30 markesinak jarriko dira, eta markesina horiek bi funtzionalitate berri izango dituzte:

  • Gidatze sistema: sistema honek ikusmen urritasuna duten pertsonei aukera ematen die ingurune ezezagunetan orientatzeko, seinaleztatutako elementuraino oso modu zehatzean iristeko eta testuinguruaren informazioa eskuratzeko, adibidez, autobusak iristeko denbora erreala eta helmuga, markesinaren kokapen estrategikoetan jarritako seinale digital irisgarri eta unibertsal baten bidez (urrutitik irakur daitezkeen QR kodeak) eta mugikorreko aplikazio berezi bat erabiliz. Sistema baliagarria da, halaber, beste dibertsitate funtzional sentsorial edo kognitibo motaren bat duten pertsonentzat, horiek ere orientatu eta informatu baitaitezke irudien eta seinale akustikoen bidez eskura daitezkeen edukiei esker.
  • Argiztapenerako sentsorea: argietara konexioa duten markesina berriek presentziaren sentsoreak izango dituzte, eta sentsore horiei esker kortesiazko argiak aktibatu ahal izango dira eta markesinaren barruko ikuspena nabarmen hobetuko da, barrutik nahiz kanpotik, puntu beltzak ezabatzeko eta ingurunearen segurtasuna hobetzeko. Kortesiazko argi horiek beren argia graduatuko dute markesinan pertsonen presentzia dagoen ala ez kontuan hartuta, eta, beraz, energia gastua aurrezteko aukera ematen da, beharrezkoa ez denean erabilera mugatuta.
Irakurri
IMG_0673

Dbusen tarifa sistema irailaren 1etik aurrera

Aurreikusita dago irailaren 1etik aurrera, osteguna, Dbusen tarifen aldaketa indarrean jartzea, Gipuzkoako Garraioaren Lurralde Agintaritzaren Batzar Nagusiak abuztuaren 4an onartu zuenaren arabera, ekainaren 25eko 11/2022 Errege Lege Dekretuari dagokionez. Errege Lege Dekretu horren bidez, %50eko deskontua aplikatzen da garraioko abonuetan (ordainketa Mugi, Bat eta Barik garraio txartelekin). Tarifen aldaketa aurtengo abenduaren 31ra arte indarrean egongo dela aurreikusten da.

Gainerako tarifei dagokienez, aldaketarik gabe mantentzen dira.

Beraz, hau da datorren irailaren 1etik aurrera indarrean egongo den Dbusen tarifa sistema berria:

 

Bidai txartela

2022ko irailaren 1a baino lehenagoko prezioa

2022ko irailaren 1etik aurrerako prezioa

Noizbehinkako bidai txartela

1,85 €

1,85 €

Gaueko bidai txartela

2,50 €

2,50 €

MUGI Txartela

 

 

1-20 bidaia

0,96 €

0,48 €

21-50 bidaia

0,78 €

0,39 €

51. bidaiatik aurrera

0,19 €

0,09 €

MUGI Txartel anonimoa

1,26 €

0,63 €

BAT eta BARIK txartelak

0,96 €

0,48 €

 

 

 

 

 

 

 

 

 

 

Irakurri
39 lineako mikrobusa - Urgull

Mikrobus zerbitzua Pasealeku Berria eta Urgull mendiaren artean iraileko asteburuetan

Irailean Dbusek Urgull Mendira 39-URGULL linearekin ematen duen mikrobus zerbitzua larunbatetan eta igandetan izango da. Zerbitzuak 30 minuturo izango dira goizeko 11:00etatik 13:30era, eta arratsaldeko 17:00etatik eta 20:00etara.

-Urgulleruntz irteerak SALAMANCA PASEALEKUTIK izango dira, ondorengo orduetan:

11:00 – 11:30 – 12:00 – 12:30 – 13:00 – 13:30

17:00 -17:30 – 18:00 – 18:30 – 19:00 – 19:30 – 20:00

 

-Urgulletik irteerak SANTIAGOKO BATERIATIK izango dira ondorengo orduetan:

11:15 – 11:45 – 12:15 – 12:45 -13:15 -13:45

17:15 – 17:45 – 18:15 – 18:45 – 19:15 – 19:45 – 20:15

 

Urgullerako zerbitzuaz gain, mikrobus honek Bretxa eta Pasealeku Berriko aparkalekuen arteko garraio publikoko konexioa dakar.

 

* Lineak ez du zerbitzurik izango:

– Irailaren  4an, igandea, eta irailaren 11n, igandea, egun guztian zehar, Estropadak direla eta.

– Irailaren 10ean, larunbata, goiz guztian zehar, Urgulleko Krossa dela eta. Arratsaldean ohiko zerbitzua eskainiko da.

Irakurri
FOTO 054_peq

614.492 bidaia Dbusen Aste Nagusian zehar

2022ko Aste Nagusian Dbusen erabilera masiboa izan da. Larunbatetik, hilak 13tik, larunbatera, hilak 20ra, 61.492 bidaia egin dira Dbusen autobusetan, 2019ko Aste Nagusiko 762.939 bidaiekin alderatuta %19 gutxiago hain zuzen (148.453 bidaia gutxiago). Kontuan izan behar da bi egun oso joan direla oso eguraldi txarrarekin, zeinak agendako jarduera ugari bertan-behera uztera behartu zuten, su artifizialak barne. Honek nabarmen eragin du aste osoko erabiltzaile kopuruan.

Covid-aren ondorioz sortutako pandemiaren ondoren erabiltzaileen berreskuratzea %85ean ezartzen da 2019 urtearekin alderatuz gero, eta Donostiako Aste Nagusiko erabiltzaile kopuruaren emaitzean ere eragin bera ikusi ahal izan da. Hala ere, behin-betiko datu hauek kontuan izanik, Dbusen autobusak berriro ere Donostiako jaietan gehien erabili diren garraio publikoa izan dira.

2022ko Aste Nagusian zehar erabilera gehien erregistratu diren egunak honakoak izan dira: abuztuaren 19a, ostirala, 90.888 bidaiarirekin, abuztuaren 16a, asteartea, 84.012 bidaiarirekin, eta abuztuaren 13a, larunbata, 80.611 bidaiarirekin.

Honakoa izan da bidaiarien banaketa egunez-egun:

  • Abuztuak 13, larunbata: 80.611 bidaia
  • Abuztuak 14, igandea: 559 bidaia
  • Abuztuak 15, astelehena: 487 bidaia
  • Abuztuak 16, asteartea: 012 bidaia
  • Abuztuak 17, asteazkena: 789 bidaia
  • Abuztuak 18, osteguna: 628 bidaia
  • Abuztuak 19, ostirala: 888 bidaia
  • Abuztuak 20, larunbata: 518 bidaia

Aste Nagusian zehar gehien erabili diren lineak Amarakoak izan dira (17, 21, 26 eta 28) 164.580 bidaiarekin, eta ondoren Antiguokoak (5, 25, 33, 40 eta 45 lineak) 124.504 bidaiarekin. Ondoren Altza (13 linea) 77.715 bidaiarekin, Egia-Intxaurrondo (8, 9, 29 eta 42 lineak) 65.053 bidaiarekin, Aiete (18, 19, 23, 31, 32 eta 46 lineak) 59.173 bidaiarekin, eta Bidebieta (14 linea) 26.712 bidaiarekin. Gainera mikrobus lineetan 19.986 bidaia erregistratu dira. Azpimarratu behar da Gautxorien lineetan 30.137 bidaia egin direla, 2019 urtearekin alderatuta %29ko jaitsiera izan dute.

Zifra hauek Dbus-en zerbitzuen indartzeari esker lortu dira, izan ere 23.000 zerbitzu baino gehiago eskaini baitira egun hauetarako. Zerbitzu hauek 268 gidariren eskutik eman dira, beste 42 pertsonaren laguntzarekin, batez ere inspektore, tailerretako langile, eta koordinazio lanetan eta autobus flotaren funtzionamendua zaindu duten ezinbesteko beste hainbat langileri esker.

Irakurri
20220819_124403

Dbusek autobus %100 elektrikoa probatuko du, MAN markakoa, 18 metrokoa

Datozen egunetan Dbusek MAN markako 18 metroko autobus %100 elektriko  eta zero emisioko bat probatuko du. Aurreikuspenen arabera, ibilgailua benetako zerbitzuan ibiliko da bidaiariekin Donostiako kaleetan abuztuaren 28ra arte, hasiera batean 17-Gros-Amara-Miramon linean zerbitzua emanez. Beste zenbait lineetan ere probatu ahalko da baldintza ezberdinetan bere emaitza ikusi ahal izateko.

MAN LION ‘S CITY E (18) modeloko ibilgailu %100 elektrikoa eta isila da, joan den martxoan Dbusen probetan ibili zena, eta orain udako baldintza zorrotzetan testatuko da, tenperaturak altuagoetan eta trafiko joan-etorri handiagoarekin. Autobusak duen motorizazioari esker, kontsumoa eta isurpen kutsatzaileak murriztu daitezke aurreko belaunaldiko ibilgailuekin alderatuta. Gainera, autobusa barruko zein kanpoko diseinuagatik nabarmentzen da. Barrualdean, erdiko plataforma eta gidariaren gunea zabalagoak dira, eta, ondorioz, bidaia askoz atseginagoa da, bidaiarientzat ez ezik, gidarientzat ere.

Ibilgailu %100 elektrikoekin lehenago egindako probetan bezala, proba hau Dbusen flota elektrifikatzeko prozesuaren aurreko fasean autobus elektrikoekin egiten ari diren probetako bat da. Izan ere, Next Generation funtsen bidez laguntzak eskatu zaizkio MITMAri (Garraio, Mugikortasun eta Hiri Agenda Ministerioa) 19 autobus %100 elektriko erosteko (4.160.000€-ko dirulaguntza jasoko da) eta Industria, Merkataritza eta Turismo Ministerioari ere beste autobus elektriko bat gehiago erosteko (550.000€-ko dirulaguntza jasoko da).

 

Irakurri
Marquesina_1

Dbus, aitzindaria emakumeentzako eskaripeko geldialdien sistema bat ezartzen

Dbusek 2019az geroztik eskaintzen du eskaripeko geldialdien sistema bat gautxori linea guztietan, emakumeentzat eta 18 urtetik beherakoentzat. Zerbitzua ostiral, larunbat eta jai bezperetan ematen da, bai eta gaueko zerbitzuak indartzea eskatzen duten ekitaldietan ere. Ibilbideko geltoki ofizialen artean jaistea eskatzeko aukera ematen du, baldin eta geldialdi horiek beharrezko baldintzak betetzen badituzte, segurtasuna hobetzeko asmoz.

Donostia izan zen zerbitzu hori ezarri zuen lehen hirietako bat, 2018an zerbitzua B8-Mirakontxa-Benta Berri-Seminarioa linean ezarrita, eta, hilabete batzuk geroago, gaueko gainerako lineetara zabaldu zuen. Uda honetan, hirian ekitaldiak eta jaiak berriro egiten hasiko direla eta, informazio material berriak argitaratu dira, Dbuseko autobusen erabiltzaileen artean zerbitzu horen erabilera bultzatzeko. Zerbitzua beste hiri batzuetan ere eskaintzen hasi da, eta emakumeen bidai esperientzia hobetzea bilatzen du, emakumeak baitira Donostian autobusetan gehien bidaiatzen duen kolektiboa.

Liburuxka ikusi (pdf)

Irakurri
helmugaUDA_jazz_eus

“ Helmuga: uda. Plan bakoitzerako autobus bat”

Beste urte batez, Dbusek zerbitzuen maiztasunak handituko ditu udan, hirian leku batetik bestera modu iraunkorrean ibiltzen laguntzeko. “Helmuga: uda. Plan bakoitzerako autobus bat” kanpainarekin asmoa da donostiarrak eta bisitariak Dbusen mugitzera animatzea, udan Donostiak eskaintzen dituen aukera guztiez ere goza dezaten. Helburu horrekin, udan, ekainaren 23tik abuztuaren 31ra, Dbusek neguko lanegunetan baino 10.000 km gehiago eskainiko ditu zerbitzuan egunean. 

 

 

 

 

 

 

 

 

Kanpaina hiriko sei irudi adierazgarrik osatuko dute, eta markesinetan, autobusetan, Dbusen webgunean eta sare sozialetan egongo da ikusgai datozen hilabeteetan.

Irakurri
DBUS 28-29.6.2022

Dbusek 12 hiri baino gehiagotako garraio operadoreak bildu ditu donostian

Ekainaren 28 eta 29an Dbusek harrera egin dio Espainiako garraio operadoreen elkarte nagusiaren (ATUC) Material Mugikorraren Batzordeari. Jardunaldi horietan hainbat hiritako 12 garraio operadorek parte hartu dute, hala nola Madril, Bartzelona, Valentzia, Sevilla, Gijon edo Tenerifekoek, bai eta garraio publikoarekin lotura duten enpresa teknologiko batzuek ere.

Jardunaldietan, Dbusen partaidatzea duten hiru proiektu berritzaile aurkeztu dira:

– MEDUSA proiektua, autobus elektrikoen birkarga adimenduna, trenbide sare elektrikoan integratzeko.

– HIA-BIA proiektua (hiriko autobusetarako birkarga sistema aurreratua): proiektu pilotu honen helburua da Dbusen hiru autobus elektrikoetarako birkarga sistema aurreratu bat baldintza errealetan ezartzea, energiaren kontsumo ezin hobea lortzen laguntzeko, Kotxetegietan dauden kargagailuen instalazioan jardunez eta funtzionalitate berriekin eguneratuz.

– Smart Ramp eta Smart Clima proiektuak: autobusen arrapalen funtzionamenduari aplikatutako analisi prediktibo adimenduneko smart proiektuak dira, hedapen automatikoa hobetzeko eta arazo teknikoak saihesteko, bai eta klimatizazio sistema monitorizatzeko, mantentze prediktiboa hobetzeko, alertak ezartzeko, zerbitzuan izandako gorabeherak argitzeko… ere.

Era berean, Batzordean parte hartu duten pertsonek Donostiako autobus flotan ezarritako beste sistema batzuk ezagutu ahal izan dituzte, hala nola jatorria-helmuga matrizea, zeina, autobusen ticketing datuetatik abiatuta, gai den erabiltzaileen desplazamendu ohiturak eraikitzeko algoritmo matematiko bat erabiliz; edo Donostiako flota osoan txertatuta dagoen gidatzen laguntzeko EKObus sistema. Eraginkortasunez gidatzen laguntzeko sistema batez eta anti-bunching sistema batez (autobusek bat ez egiteko sistema) osatuta dago.

Bestalde, bisita teknikoan, Donostiako flota elektrifikatzeko proiektuak ezagutu dituzte, Kotxetegietako azpiegitura elektrikoa berritzea eskatzen dutenak, bai eta Bus Elektriko Adimenduna (BEI) proiektua ere, zeinari esker, Dbusen 17-Gros-Amara-Miramon lineak autobus artikulatu %100 elektrikoekin funtzionatuko duen. 

Bide beretik, tokian bertan ezagutu ahal izan dute Baiona eta Miarritze lotzen dituen Côte Basque-Adourreko Aglomerazioko BRT sistema elektrikoa. Miarritzen eta Baionan egindako bisitan, Batzordeko kideek 2019tik martxan dauden 18 metroko autobus %100 elektrikoak probatu dituzte.

Irakurri
Cartel-Esclerodermia-2022_txikia

Dbusek bat egiten du Esklerodermiaren Munduko Egunarekin

Bihar, asteazkena, ekainak 29, Esklerodermiaren Munduko Eguna izango da. Dbusek bat egin nahi du Esklerodermiaren Espainiako Elkarteak gaixotasuna gehiago ezagutzeko antolatutako jarduerekin, eta egunero-egunero gaixotasun horren aurka borrokatzen duten pertsonei babesa erakutsi.

Horregatik, bihar Donostiako hiri autobus guztiek kanpainaren kartela eramango dute egun osoan.

Irakurri